謝謝儂 (淘大商場) (Closed)

買咗一個外賣晚市優惠套餐，有餸有飯有湯，餸我揀咗糖醋魚塊，盛惠$70大元。起初見到好多人對佢有負評，我都唔係抱好大希望㗎啦，純粹想食個飯就算，食飯前我都費事影相📸️。不過食嘅時候真係有意外驚喜，個個都話佢份量好少，但我覺得佢糖醋魚真係有好多塊，仲要每一舊都好厚身嘅肉，唔係淨係得個粉皮，啲魚起碼有8至10塊，仲要全部都好大舊，超級抵食。佢個糖醋將都煮得好好夠味，又唔會話好厚嘅油喺上面（某間連鎖餐廳大X樂啲糖醋魚真係又油又細舊中要得個幾舊仔），佢會將啲三色椒切到好細粒，菠蘿都會切到好細粒，撈埋落嗰醬到真係好好味，最驚喜嘅係我發現裏面有椰果粒，令到嗰醬汁唔單只係醬汁咁簡單，仲好有咬口。雖然九龍灣呢間好似話做到八月就結業，但一定會係佢結業之前再嚟食多幾次！😋😋😋

因為之前食過一次，覺得價錢可接受，食物都算不錯，起碼比起以前原址間集團乜乜婆婆好食得多，所以就充滿期待再來。好可惜由入去個一刻開始，我們真的入錯了店。原先以為佢剛開門，所以唔夠冷氣。已經揀入面位坐，搏涼啲。點知坐極都冇咩冷氣。室內空調不足，空氣不流通係疫情下大忌。禮貌地跟個位男店員講，麻煩開大點冷氣，換來係晦氣回應：開咗啦！係咁大喇！根本唔只得我地一檯覺得熱，其他檯都有人在搖扇。你唔係小店二三十蚊一碟菜，呢餐我埋單3個人都差不多500蚊，收咁價錢就唔好咁小氣。看來，要等到天涼了才可以考慮再唔再去呢間孤寒店。講回食物，都係食一般上海菜，冇咩大驚喜，食來食去都係咁，但已經可以滿足我們的味蕾。😅😁

本身見到門口餐牌，睇落幾吸引，於是入去試吓。入到去成間餐廳都幾大，坐落都算寬敞。叫咗個二人餐，分別有酸辣湯，爆汁煎小飽、春卷、牛肉包，擔擔麵，牛肉麵同酒釀丸子。整體食物麻麻，酸辣湯真係名符其實，酸到極點。啲拉麵好重粉味，湯底又完全無味，牛肉亦好硬同淡，爆汁煎小飽入面乾到一滴汁都無，牛肉包入面啲牛肉超硬同乾，係個春卷算正常少少。成餐飯大部份食物都算係難食，。重點係間餐廳好似無冷氣咁，彷如置身沙漠，唔會再幫襯。

超級劣食！！！🤮🤮🤮一上菜就知出事，酸菜魚好細碗($17x)，一陣死酸味内有少少薯粉似白完加落去。紅油沙手一上菜全部黑色嘅, 好明顯豉油多過紅油啦。一食落口個味似豉油皮加牛肉球， 你冇睇錯係極似牛肉球味。佢個料包嘅竟然係牛肉， 而且個皮極厚， 冇紅油味得豉油味， 超級難食！！！ 排骨擔擔麵啲麵一啲都唔彈，湯又淡，一啲花生味都冇，排骨薄到好似紙咁又乾又硬又冇味。 請大家睇下啲圖真係好差， 俾錢$400, 俾錢買難受大家唔好食。 呢個價錢食平嘅放題都抵過佢🤮之後肚疴咗2日😭,好辛苦P.S 圖一係酸菜魚同其他餸，圖二係紅油抄手 圖三係排骨擔擔麵

叫了兩set下午茶第一set酸辣湯麵、肴肉、小龍包第二set 黃金炒飯各配一杯豆漿Total $100埋單食物質素及衛生情況非常之差尤其是衛生情況每一碟菜，上菜姐姐都用隻手指插入啲食物裏面見狀於是提醒上菜姐姐，但她們完全不覺得有問題，繼續用手指插入食物裏面上菜至於食物方面.............酸辣湯麵完全冇味肴肉有一陣豬臭味黃金炒飯正常小龍包皮好厚非常之差嘅體驗...................

我進店想問一問水煮牛肉有無套餐（餐牌只有水煮魚片），收銀個店員話有，我就問幾錢，點知就俾佢串我：出面有寫個窩，你唔知咩！我聽到成個愕然，心諗唔通我睇漏左，就算係咁，你話聲俾個客知好難咩？話口未完，繼續串我：你入黎淨係問價噶？定係想落單噶？你第一次落單啊？然後我真係黑面，佢先即刻話：講下笑啫。好好笑？？？笑點係邊度？我以後都唔會再幫襯！

九龍灣上班的時候我特別喜歡呢間上海餐廳的， 因為上海美食十分正宗的，下午茶可選手工雲吞麵、上海膽膽麵、小龍包、上海手工餅 和豆漿， 一個餐大概$46 份量多， 太吸引了！

此上海店環境係ok既，坐得舒服，但係手工菜肉雲吞湯面不是用上湯煮，d所謂嘅湯淡而無味。菜肉雲吞嘅味道平平，即使一些地區小店質素亦比此佳，食完碗面嘅感覺係無下次機會再幫趁。

直入重點京蔥牛肉包（跟餐）超爆難食  首先包唔夠熱  皮一啲咬口都冇  好似搵水浸過咁  牛肉餡太鹹  重點既京蔥去左邊？？？？？消失左   擔擔麵勁難食  麵淋到好似一夾就斷  成pat野好似食過再嘔番出黎咁   成晚也唔知食緊乜  湯底你可以想像成公仔麵湯底加啲辣油  眯埋眼食你會以為個面係啲（水味）湯到浸左三日  蔥油撈麵（唔記得係咪咁）又係超難食  唔知佢啲麵係咪全部都煮左三日  全部都一pat野咁    你見張相就知  味道簡直係我食過最難食既野   成個麵都變左黑色但係唔知點解神奇地一啲鹹味都冇  隔離一粒粒係冬菇  唔知點解有陣魚腥味  仲有啲發臭蝦米  成碟野好似隔離有個尋晚食完魚既人嘔係你隔離咁  以為主食整得差  甜品應該點都冇死  點知又係另一個巨伏  成碗野淡茂茂  唔夠甜唔夠酒糟味  成碗野充斥住啲丸子既糯米味  極度懷疑佢地將兩樣野一齊煮  好似飲緊一碗糯米粉沖開既水  好難食  食左3啖已經食唔落  要過附近甜品舖洗口-係佢既食物面前 服務態度奇差都已經唔算一個缺點 waiter全部反應慢 甜品唔識後上 -價錢唔講啦 因為幾平都唔會叫你去 ～

之前喺坑口見到 之前lunch行過又見過依間 所以試下 好似係上海婆婆改名？🤔Lunch set hk$63麵餐+包點✨蔥油拌麵嗰麵唔夠乾身同偏腍 好似煮完未隔乾水 就放啲醬油撈蔥油味少少香 但又唔夠味...我加咗豆瓣醬食...✨小籠包同普遍酒樓食嗰啲有得比 錫紙底蒸嗰啲厚皮又冇湯汁...完全唔好食🙈

今日正日父親節 繁忙時間餐廳都冇乜人都有晒心理準備係伏㗎啦因為屋企有老人家攰 所以都費時等其他餐廳有位就立即入去坐費時老人家辛苦一入到餐廳，冷氣唔夠，好熱突然見到隻飛曱甴係張枱上面都算喇，可能天氣熱。一入座，待應就比左一壺茶我哋，茶芥每位$4壺茶無色無味，厲害。我哋叫左個四川擔擔麵、葱油麵、炸醬麵、煎餃子3個麵都好難食，麵係質感似浸左成晚嘅公仔麵，湯底係又一包味粉，開左10 公升水，冇味。 食食下仲有一隻不知名嘅生物 。煎餃子：好油、生。都知道煎餃子本身都係油㗎喇但佢真係好油好油一咬落去啲皮仲係生嘅。成世人都未食過啲咁難食嘅餐廳謝謝儂！真係犀利你係第一間

同朋友剛做完運動，天口又熱又濕唔想食飯，嚟到淘大花園就睇中這間上海店“謝謝儂”，休閒地坐下，服務周到，冷氣充足。點了一個套餐，謝謝儂擔擔麵+謝謝儂小籠包(4隻)+凍豆漿，$66。先上咗個小籠包，味道100分，跟上海南翔小籠包的味道一樣，個皮好juicy，餡料食到新鮮豬肉有汁。凍豆漿香滑有豆味。最後上黎擔擔麵，一口就是花生味，伴有擔擔麵的風味和辣味，不會太鹹，剛剛好。個麵也不會太硬或太淋，食落去爽口彈牙。有機會會再幫襯。

在淘大商場搵食真係好多選擇。揀咗唯一的上海舖：謝謝儂好奇怪依間上海舖一時336，一時謝謝儂，我又唔覺得有乜嘢分別處。朋友喜歡食蘿蔔，所以叫咗醬蘿蔔，初袁幾條覺得好好味，每一條蘿蔔都好入味，不過，待了一會兒，就覺得太濃味，不想再多吃。美味豬手粒，也是差不多味道，不過，配豬手味道剛好，豬手亦好爽脆！👍🏻干貝塞螃蟹的蛋煮得略為過火，不夠滑溜感。至於主角：炒鱔糊就做得好好，味道恰到好處，九黃頗多之餘，鱔糊亦不少。點了蒸饅頭來一齊食，非常之配合。😋最後，幾努力都係食唔哂，打包回家😂

今晚黎到淘大食上海菜謝謝儂小籠包，一嚟到當然要即刻叫咗個小籠包先啦！蟹粉小籠包($78)，蟹味出色，湯汁都充滿蟹膏油香，十分鮮味，皮也夠薄，熱辣辣的湯汁豐盈滿瀉，清甜而不油膩，有機會一定會再食！跟住叫咗個黃金四季豆蛋黃味炒得入味，四季豆新鮮甜美，多汁香甜上菜幾快，菜色份量幾大！完全唔需要等再叫多咗個蘿蔔從小吃到大的酸甜醬醃酸蘿ト！味道爆炸好吃！我從小最愛的醃菜一是小黃瓜，二就是蘿蔔。醬醃白蘿蔔酸甜脆爽，超級下飯！

淘大商場一向食肆林立, 今次同朋友就決定試下上海菜-謝謝儂！鋪頭相當大,卡座好多,而且座位間有足夠間隔,空間感十足鎮江小排骨（冷盤）-酸甜適中,豬肉軟埝,是一道好適合的開胃前菜乾煸四季豆-鑊氣十足,賣相好好,四季豆鮮甜入味,用來配雲吞麵一流椒鹽小黃魚-外脆內嫩,非常香口,一D都5覺得油膩,非常值得一試！手工菜肉雲吞麵-面夠煙韌,有咬口;雲吞足料,啖啖肉,不過湯底略嫌清淡, 最好配其他配菜一起吃.香煎韭菜雲吞-濃郁的韭菜味,非常香口,口感十足.總結:價錢適中,值得一試.