幸福堂 (Closed)

期待已久，終於約咗朋友喺銅鑼灣食飯，特登約咗四點幾周圍行吓同埋去排隊飲幸福堂，好好彩排隊嘅時候搭五個人，好快到就到我地啦！當然係飲黑糖珍珠鮮奶茶啦！由於就嚟食飯就同朋友share飲一杯。睇住個職員即刻到啲黑糖珍珠落去再遞俾後面同事加鮮奶，咁就即刻拎得。未飲之前唔係影張相先啦，一飲落去就真係知咩叫幸福啦！真係好好飲啊！只係略嫌甜左少少自從飲完之後就成日心思思想去飲啦

而家台式飲品越開越多，間間都有各自出名嘢飲，但我個人偏好黑糖珍珠，之前見佢開咗都好想試吓，今日終於有機會啦！同隔離間虎虎相比，不相伯仲，人龍唔算太多人，叫咗杯黑糖珍珠鮮奶，真係見佢人手將d黑糖落咗落珍珠到炒呀炒，聞到有淡淡既黑糖香味，將現炒成既黑糖珍珠掛杯，加埋鮮奶，好香鮮奶味，黑糖既甜味同鮮奶max埋剛剛好，珍珠唔會煮到好淋，煙煙un un好有口感，可能我本人好鍾意黑糖，所以唔覺得好甜，同埋佢本身甜度冇得少甜，飲完一杯真係滿滿的幸福呀😍

近排對於幸福堂既評價好似都幾極端🤣所以都係要親身試一試！同朋友食完晚飯順路行過去，遠處已經見到一堆人群。舖頭裝修都幾搶眼，大大個金漆招牌，門口仲有個大籤筒，隨手抽一支籤，再係收銀前既櫃桶仔揾返你個號碼，就有解讀籤文，我個支係下籤，傷心野唔好提😭 竟然唔洗排好耐，排隊買到拎野飲，全程半個鐘都唔洗👍🏻收銀旁邊有個人即場係度炒緊啲珍珠，炒呀炒⋯⋯再將珍珠再放入啲杯度。等左一陣就有得拎啦😃杯野一拎上手，好熱，畢竟珍珠係即炒再即加奶，啲虎紋好靚😍😍奶味適中，珍珠淋得黎煙韌有咬口，黑糖味幾濃，飲到尾都唔會冇哂味，唔錯👍🏻👍🏻至少比起我上次飲🐯來得好，哈哈

每次經過門口都係堆滿哂人，分唔到d人係排緊隊買幸福堂定買老虎堂。走左去counter度問店員排邊啦，個店員好有禮貌答而家唔洗排隊。買完，大約等十個號碼。諗住去隔離買少少野食再返黎攞，點知返到黎過哂號碼，好唔好意思同店員講我過黎攞返...我以為我嗰兩杯放左係一邊keep住啦，點知店員沖過一杯俾我，真係值得一讚。平時我飲開其他珍珠奶茶要少少甜，依杯甜度剛剛好，黑糖味都幾夠，d珍珠真係同平時嗰d有分別，咬落好新鮮，好煙韌。直得再飲！

銅鑼灣區新開了不少台式茶飲專賣店，比起總有一間在附近的便利店/街頭小食店還要多，真的花多眼亂，選擇困難。這天下午5點左右，經過渣甸街，見幸福堂不用排隊，就二話不說要去買來試試看。當時，店的黑糖珍珠正在準備中，所以店外擠滿了等待飲品的人。炒珍珠既是賣點，又是失敗之處。炒一盤黑糖珍珠需要近5分鐘時間，目測可製作近40-50杯珍珠奶茶。由於製作時間遠比買茶時間長，而且店舖必須使用即場炒熱的珍珠來公開製作飲品，不能在內堂/廚房製作預先炒好的來做飲料，以致等待的人多不耐煩。相比旁邊另一家茶飲店，客人的平均等候時間較長。從生意角度或者消費者角度看，即場炒珍珠這賣點，值得商榷！為怕鮮奶太膩，點了「黑糖珍珠奶茶」！這奶茶一樣有雲石紋效果，賣相吸引！雖然不可以指定「少甜/少少甜」，但飲品甜味適中，奶茶味濃，黑塘味淡淡的，珍珠彈牙有咬口。整體滿意，👍🏻！

眼見禁多人排隊就好想試下係咪真係禁好飲果日叫左杯招牌（好似無人叫招牌以外既野飲）可能時間尚早排隊5分鐘等左5分鐘到就有野飲黑糖好香但真心講咪就係珍珠奶茶唔係特登唱反調只係可能坊間反應禁大以為會有啲咩禁出色

你覺得幸福嗎？💕這家黑糖珍珠店一直都想試試，奈何每次經過也是人潮滿滿的，幸好這天經過，居然不算太多人🤤正好沖去買一杯來試試。從對面拍照過來仍然是那麼多人，好在從排隊到拿取飲品大約等了20分鐘而已，算是很快了排隊期間還可以抽籤，第五十六首不知道是什麼意思呢？它們的籤文都派光了？！他們家的珍珠是新鮮煮的⋯終於到手了！一口飲落，好香黑糖味混合著鮮奶的味道，又香又滑，又不會太甜，大愛而一拎上手時仲feel到珍珠的溫度，不過咬落仲有小小硬，但可以接受，而且又唔會太甜！值得一試

銅鑼灣而家愈開愈多手炒黑糖珍珠奶茶花多眼亂，一於逐間試一試幸福堂係老虎🐯堂隔離大家一樣有個堂字，我地決定睇邊條隊比較少人最後揀左幸福堂幸福堂門面好多decoration, 見到個求簽筒，近收銀處有個大鍋，職員👨‍💼仲係我地等緊之製即刻炒珍珠。黑塘就好大桶、先炒熱同溶加珍珠、仲有小小心機等左15分鐘終於到我地拎喇隔離情侶係幾幸福既今次叫左：黑糖珍珠鮮奶珍珠煙un,黑糖味濃郁, 配上鮮奶好順口好幸福冇得揀甜度，記住攪混飲，因為珍珠甜而奶係無甜味的。勁足珍珠，成肚都係

同姐姐喺銅鑼灣做節食過晚飯後,雖然已經好飽,但係女人嘛...要塞甜嘢入個肚度,係會有第二個胃嘅嚟到呢區,近期最hit嘅台式飲品店都好似俾我試得七七八八,就係爭呢間幸福堂未飲過,around九點左右行到過嚟,竟然冇人龍喎哈!香港人變心真係變得何其快呀......咁就順理成章造就咗我喇,排隊俾錢買單,我都只係排第五個,仲要係俾完錢就九秒九即刻沖好有得飲,內心都有啲興奮嘅感覺。喺我後面排隊嘅人俾完錢就自動走開咗,要啲職員叫停啲人話：「唔好走呀!沖好喇!有得拎喇!唔洗等呀!」場面搞笑大家都好似已經陷入咗一個病態...就係買台飲要慢慢等,機械人咁 速度快,服務好,自然就對呢杯嘢有唔小期望,我買呢杯係佢標明招牌焰遇幸福嘅黑糖珍珠鮮奶,見到杯入面深啡色佔咗好大比例,都感覺到幸福堂對黑糖方面落手一啲都唔吝嗇,仲有就係佔咗杯嘅三份之一位置嘅珍珠,一樣都係賣$30蚊,同隔離舖並肩而行。 認真攪拌試咗幾啖之後,好欣賞杯嘢嘅面頭有一層類似奶泡嘅口感,仲有就係Q彈嘅珍珠,鮮奶味濃郁加上被打至滑溜,但係缺點就係黑糖太旺盛喇,令到成杯飲品都過甜了

過江龍的幸福堂最近在香港開了分店，最出名當然是黑糖珍珠奶茶，在台灣飲過，台灣的味道是很甜的，但竟然過到來香港並不甜，而且帶有黑糖味！珍珠也很有咬口，不會太硬，更很彈牙，有口感之餘還不會令珍珠失色！珍珠更是店員每天親手製造的，在店門外也可看見！至於奶茶方面，奶和茶十分平衡，牛奶更帶岀了茶香味， 很有台灣的特色！

星期六既中午，唸住去食lunch先飲下呢排開到周圍都係既黑糖珍珠鮮奶。之前試左隔離老X堂，今次就黎試下幸福堂。由於lunch時間，反而唔洗排好耐，10分鐘內就拎到。黑糖珍珠鮮奶 $30外表黑糖紋理靚仔，搞一搞之後飲，黑糖味道都幾濃，但又唔會過甜，溝埋牛奶之後好似溶左既雪糕，都幾好飲。珍珠軟硬適中，唔會過軟，黑糖味就唔係好食得出喇！不過食得出甜味。雖然鋪頭有抽籤個d，不過由於太忙既關係已經變左做擺設咁，總括黎講我鍾意呢間多過隔離！

就在老虎堂隔壁，幸而不用排队太久，点了一杯招牌珍珠黑糖，上面有点奶泡，盖子不是密封，只能用管子搅拌，里边应该不只是牛奶和黑糖？味道偏甜了点～不像老虎堂的清甜；珍珠也挺软糯，总的就是甜了点

可能時間尚早，今日竟然比較少人排隊，所以把握時機去購買試一試，見店鋪門口有一大個鍋在人手炒黑糖珍珠，更加期待，於是買​​了優質點評杯黑糖珍珠鮮奶，一飲之下感到冰火交融杯底下的黑糖珍珠是熱，上面鮮奶是凍，兩者加在一起口感非常棒，這店的珍珠黑糖味比另一間更為出色，黑糖焦香味非常突出，味道更為天然

真係開完再開又再開，有晚行過元朗又新街，比距個門面吸引着，望一望，原來係台灣珍珠始祖幸福堂，仲有個人喺度吵緊黑糖， 大大隻鑊，非常有特色， 於是就決定買杯黎試吓，🤤🤤好正呀，距d黑糖好足料，d珍珠比起其他品牌既細細粒，又好有口感，彈彈個人覺得濃味過良辰吉時，因為良辰吉時好淡，飲左四次，有三次都淨係飲到奶味，所以呢杯幸福堂真係好岩我心意，係等距整緊杯黑糖時仲可以玩埋距個抽籤，我都幾好彩，抽到上籤，仲拎埋支籤紙反去解一解。👍🏻👍🏻👍🏻元朗個間未正式開張，聽聞銅鑼灣嗰間要排好耐隊😱😱，元朗真好，咩都有

經過幸福堂見到唔太多人排隊，就買左一杯水母勇闖大海洋同埋黑糖珍珠鮮奶，水母勇闖大海洋$28，顏色就好靚，味道就係汽水，呢個味道偏貴左少少，裏面仲有兩粒好似啫喱既球型物體，但完全無味，唔知係咩，可以不試，黑糖珍珠鮮奶，唔特別，隔離老虎堂係比較好飲，呢間下次可以唔駛特登排隊買。