西塔老太太烤肉拌飯 (新都城中心二期)

Open Now

Now Closed

見新開，就試下職員問有無訂位？我地無訂，walk in見到職員睇訂位張紙，都有十幾個訂位，好彩裡面都夠大，平日來，都仲有位，入到去，好多枱客，一心諗住應該唔差舊餐廳中間係用來送食物，依家無用，變左放假草裝飾下點左個二人餐，先再散叫食物都來得好快枱面嘅生菜和配料係跟餐有一份，想添就額外加錢，職員話可掃枱面QR CODE睇到價錢（唔算貴）二人餐送來，食材質素一般，未至於食完想翻尋味個種，套餐包括：老太太特色肥牛香甕鳳梨牛扒烤磨菇烤墨魚腸海帶湯仲有一個亦係唯一款嘅甜品：冰糖草苺職員仲送左個芝麻醬用來點牛肉枱上原本放左調味料（1碟3隻味，我地其中一碟放到乾身左，唔知放左幾耐無人用醬汁都可以乾埋）呢啲調味料唔夾牛肉，好彩職員俾芝磨醬（第一次來食，職員如果唔記得俾，我地就慘，直頭覺得唔好味，芝麻醬好似靈魂咁）驚唔飽，再叫左泡菜餅，好乾身，有啲辣，粉左啲，所以唔太好食仲有唔記得影相嘅辣白菜，幾好味好大碟一個石鍋伴飯，如果唔食辣唔撈辣醬齋食，都幾乾身，撈埋個醬食，先啱味職員最後問我地食完未？因為有個甜品跟餐俾我地，要解凍咁我地就等上呢款唯一嘅甜品啲凍溶左變水，係甜甜地嘅，不過匙羹係膠，完全唔知點食好，

平日lunch time嚟到有唔同嘅燒肉午餐選擇B套餐 有三款肉雪花三筋肉 有三塊 上邊有啲香蔥都好香雪花肋條 都幾有口感 肥瘦適厚切猪五花就夠晒滋味 燒幾燒啲油脂出晒嚟夠晒有口感 C套餐鳳梨牛排 真係有塊鳳梨喺下低墊住 燒埋塊菠蘿有幾正喎牛扒啲花紋幾靚 極品雪花肉 啲文都係好靚 見到紅色同白色嘅分布好平均澆汁横膈膜 就比較濃味厚切牛舌有兩大嚿 真係厚 燒得，啱啱好就好爽口另外仲配有檸茶檸水同埋呢度嘅配料都好足夠有生菜 又唔同嘅調味料 仲有大蒜頭仲有雪糕糯米糍做甜品

新開張的西塔老太太，聽講在大陸很出名，所以在新都城中心新開張，就慕名而來。新張期間，韓式燒烤有二人套餐和四人套餐優惠。除了燒烤，他也有其他散叫的韓式飯。可能係因為二人枱，所以雖然出邊有其他人等緊，好快就可以安排我哋入座，只是等了幾分鐘。一場嚟到，當然要試吓佢最出名的韓式燒烤，所以貴少少$400都叫一個二人餐試吓。食物好快就送到嚟，亦都係失望的開始。前菜未去到座位已經擺好左，我開始擔心會唔會唔新鮮，但係食落都唔錯喎，溫度仲係凍不過就好似酒樓啲小食花生咁樣，你一定要叫佢套餐先至不需要另外收費，如果散叫的話就要收20幾蚊墨魚腸黑色肉腸，食唔出有啲乜嘢特別，反而壞處係睇唔出是否已經燒熟，就算燒燶咗都唔知道老太太特色肥牛份量少，味道還可以，但係就冇乜牛味，咁肥牛無牛味都正常菠蘿西冷牛扒醃製太厲害，牛扒的質地已經消失，太淋，無牛味，一百多元得兩塊，反而菠蘿幾好食海帶湯正常水準，賣點係好熱豬頸肉正常水準蘑菇普通街市買的蘑菇士多啤梨冰基本上就係將士多啤梨同埋冰溝埋一齊店舖環境總括來講，去過一次就算

西塔老太太烤肉係內地烤肉店嘅排隊王💖登陸香港喇➰點可以唔試😍喺將軍澳新都城開咗新分店午餐時段試咗佢嘅二人餐➰$358 套餐豐富價錢親民➰性價比高❣️每一道菜都有驚喜▪️老太太特色肥牛▪️自家製醃料，薄薄嘅肥牛食落去油脂好多好Juicy😍 點埋秘製麻將真係夠晒特別！🔹秘製豬頸肉🔹生菜包住豬頸肉啊，加埋辣醬同蒜頭一齊食感覺冇咁油膩🤤 超鍾意呢個配搭🔸香翁鳳梨牛排🔸牛排嘅擺盤夠晒特色🥰牛排係放喺菠蘿入面牛肉味非常香濃有咬口✔️可以連埋烤菠蘿一齊食😉🔺烤墨魚腸🔺喺出面好少會食到呢款菜式🤓 墨魚味十足▫️烤口蘑▫️未食之前覺一直諗會唔會燒到蘑菇會好乾？🤔呢個烤口蘑真係夠晒驚喜🤗燒出嚟蘑菇味香濃，而且非常多汁！🍲海帶湯海帶超級多😃 絕不馬虎➰湯亦非常清甜🍓冰糖草莓不得不讚呢個冰糖草莓🤩每一粒士多啤梨都非常冰凍同甜💖 係食緊士多啤梨加沙冰嘅感覺❣️✔️仲附送前菜，沙律🥗醬料，生菜🥬每一道菜式都真係有驚喜☺️另外想讚一下餐廳抽風系統非常好❣️因為一點油煙味都沒有👏🏻今次喺午餐時段嚟食唔使等位🤭我哋食緊期間已經見到陸續好多人呢排隊🤓 聽講夜晚平時都排晒長龍‼️食物質素高✅價錢親民✅環境舒適✅值得推薦🤗 下次要試埋其他款式先🤤

新店開張，安排入坐上有啲亂，坐低咗之後話轉頭再幫忙落單，但等咗15mins 都係要自己嗌落單。午餐嗌咗個鰻魚拌飯同一人燒肉餐，鰻魚拌飯就真係差到半價都唔會再食，個飯就係一舊平嘅急凍鰻魚鋪喺個飯上面，又無汁，成個飯乜味都無，要自己加豉油，而燒肉餐就$168 幾塊肉咁樣，啲肉都係好普通嘅肉，無乜特別。最慘係連杯凍檸茶都唔好飲，又唔凍又冇茶味，以呢個價錢嚟講嚟講就可一不可再。情願俾多少少錢食好啲都唔會再嚟。

沒想到香港既西塔 同深圳既西塔 可以差咁遠深圳西塔會令你想再一次去光顧而香港西塔 服務態度超差 前台好似大爺太后咁 黑口黑面又只限訂位 完全冇得拎票等位？ 咁巴閉好啦 預早一個禮拜訂4位 ，入到去依到又吾座得個到又吾座得 總之會令你一吐氣 入到去要自己燒都算 吾似深圳會有專人處理燒肉個爐頭網盤垃圾到爆炸 燒吾夠 30幾秒 網盤變哂黑色 又易著火 已經用最低火都係極速變炭咁 好快又要再換一個 感覺用好差既質地網盤..D 職員叫完 十問九吾應 態度惡劣…真係想問下有冇培訓過先開工？ 食個晚餐 食到一吐氣 ！ 如果你地員工一直keep 用依種態度去做野 好快準備 巴比Q 。 完

去左2次，第1次岩岩開張果日，門口個叔叔問幾多位，問左起碼10次，但又無mark低幾位貴姓，又無排位，亂到7彩，不過最後都食到就算！第2次真係嬲，當時5點幾，又係門口個叔叔問有冇book位，話無book唔入得，full booking,當時成個場得1-2台客，乜你地唔洗做walk in?個個客由6點食到收鋪？咪玩啦，你起碼都俾張飛我話排第幾個呀？咁樣真係唔洗做生意，執得！幾好食都無用！佢揸住張爛紙，一眼望晒得10個booking左右，張卡片個電話又打唔到，個叔叔個樣仲要賴巴閉，好似睇你唔起咁，請問你咩事？你一間餐廳仔，憑咩用高高在上既態度去對待客人？你以為你係老闆咩？老闆都要有禮貌啦，無客幫襯，你地可以拜拜，如果繼續係咁好快玩完。嬲！未完善好個制度就唔好開張員工未接受好培訓就train下先，做衰個名！

之前去深圳食唔到西塔老太太😭原來屋企附近開咗間！lunch time都有唔少人排隊，不過個人覺得星期日入座安排得幾快！✨鰻魚拌飯 $68性價比超高之選！超多雞蛋絲、紫菜、芝麻、鰻魚同埋紫薑😮鰻魚汁好香濃，而且份量好多，係平日lunch set之選✨一人燒肉套餐 $168比較fancy嘅套餐😋😋😋包括四款牛肉同埋燒肉必備嘅生菜🥬、蒜頭、前菜、飯等配料🤙🏻採用珍珠米，粒粒分明👀牛肉嘅雪花分布得好平均，牛味香濃用生菜包住食真係絕配❤️‍🔥另外亦都有指示牌教大家唔同部位同埋類型嘅牛用邊種醬料🆗👍🏻另外亦包咗set drink✨澆汁橫膈膜膈✨香甕鳳梨牛扒🥩👀✨MVP✨👀一咬落去肉汁飽滿肉質鮮嫩🆗✨厚切牛舌厚身嘅牛舌已經𠝹開咗😋方便燒👍🏻✨極品雪花牛雪花牛都好出色！咬落非常juicy而且帶有香濃牛肉味👀無論係lunch set定燒肉都好抵食！以實惠價錢食到份意十足而且質素唔錯嘅食物🥘平日食lunch之選💯

午餐時段，在門口企了6，7分鐘都沒有員工安排坐位，沒有接待員在場，欠缺一套排隊等位嘅機制，沒有員工能夠協助你，最後不能用餐，希望做好管理先好開張，尖沙咀嗰間分店就做得比較好。

一入到去有個講普通話嘅人，叫我同個姨姨一齊搭枱，但係望去後邊係勁多位置，其他人都可以自己一個人坐，我以為係佢公司安排，我照坐。同場搭枱嘅姨姨落單聽唔明個侍應講普通話，所以建議餐廳請返多啲識廣東話嘅人。之後我見到好多人自己都一個人可以坐，我就同另一個侍應講拒絕搭枱，另一個侍應聽到我哋搭枱嘅時候覺得好愕然，然後我就調到去較後嘅位置。較後嘅位置會比較易，因為近廚房。買單嘅時候都聽到後邊嘅人埋怨出餐外等等。希望餐廳可以處理好客人座位嘅安排，出餐時間，食物質素等等