XOXO Café Lab (Closed)

見裝修幾靚就入去睇下個menu啲野都幾吸引點知啲薯條係返炸 又軟又難食珍珠奶茶啲珍珠未煮熟透 仲硬既而且當時得3-4枱客 啲服務員都係十問九唔應真係可一不可再。。。。。。。。。。。。。。。。。。。。。。。。。。。。。。

少黎將軍澳，依頭好似無乜好野食咁。揾揾下。見到賣相都唔錯就入去試。食左個午餐。青醬蜆肉意粉。本來都無乜特別期望。依家地區。普普通通食個晏就算。加左個茶湯同蒜多士。個羅宋湯都可以。偏濃。有啲打碎左既番茄溶。飲落有啲口感。個多士就凍左啲。好彩都夠脆。個意粉都唔錯喎。煮得都有心。意粉軟硬適中，味道都調得幾好。蜆就唔知點解好似縮左水咁。黐實哂個殻。好難拎得開黎食。味道就可以，不過太難拎黎食。$70蚊。都算幾好。好過啲淋汁意粉。起碼都算新鮮整出黎。

中午趕住帶前世情人去見太嫲，所以想揀一間不用等太久的餐廳，於是再次光臨XOXO。第二次試它的午市套餐，滿懷期待的。⭐️黑蒜濃湯鹽酥雞扒拉麵 $45名是很吸引，味道當然跟X木有段距離，但實際大家可看到雞少得可憐，而且醃冬菇仍然有點過甜。湯是有那丁點黑蒜醬在面，但其實濃湯有點像味精湯⋯⭐️日式牛肉便當豪華版 $88豪華在於有「送」H牌的雪糕，大家都知道其實加入價錢中。食物剛到的時候，我差點以為是豬，因為顏色一點都不像牛⋯

約同事食飯因大家都住將軍澳就大家近近地我地來左呢間環餐廳食充滿少女風同田園氣息入面環境好靚好舒服黑蒜濃雞湯鹽酥雞扒拉麵 $45個麵都幾大碗麵質幾滑下唔錯炸雞好香好脆海鮮泡菜蛋餅 $48一來到就聞到好香d料好飽滿好豐富食落幾惹味但唔會好辣三文魚海鮮抱泡 $88抱泡系列有三款（鰻魚/三文魚/雞肉）我地叫左三文魚面頭d蛋白外型好似疏乎厘好特別d飯調味過加埋三文魚好好食定食優惠發現呢度有唔少優惠新口味雪糕好吸引啊下次要試下個lunch

這兒地方佈置很美有心思！地方算大，可享受慢慢食慢慢講話的朋友們，食物取材算新鮮，味道也可，2個人埋單加1$120 呢個價錢出門口我覺得算係咁了，坐耐些又無人答你抬，又可盡情享受食環境一樂也，午餐如果想飲湯又可升級都係加$5連蒜蓉包，我就比較大食就更係加湯連蒜蓉包啦！個餐就完美了地方算大佈置美 有心思是日餐湯及蒜蓉包 湯味濃郁五蚊超值好味鮮南瓜忌廉煙肉意大利麵麵很爽滑 味道濃郁 煙肉多些就更好牛柳粒牛乳蛋包飯牛柳粒比較硬算是多粒有埋雜菜沙律兩杯咖啡多奶最啱我

最初俾這家餐廳的外觀吸引進去，裝修是走英式田園風。Tiffany blue, 加上田園綠和白色主調，整體環境令人舒適。而且餐廳有人造'' 戶外'' 位置，有人造街燈、窗戶及盆栽，營造到好似置身於歐洲小鎮講完佢嘅外表就講下佢內涵喇：餐廳行fusion路線，有西式，台式，韓式，日式食物，一次滿足唔同人要求奶酪士林炸雞：雞外皮唔會好厚粉，上枱時是非常熱辣辣，即叫即炸。雞肉既肉汁被外層脆皮鎖住，外脆內軟，配上黑蜜糖食，減低咗炸野太熱氣嘅感覺再叫咗個海鮮泡菜蛋餅，外層煎得較熟，但內裡是剛剛好的軟熟。蛋皮入面包裹住泡菜、韭菜、蔥、 魷魚，蝦粒，材料豐富。多重口感，爽脆 煙韌 軟滑都齊晒主食叫左 白汁青口意粉餐，跟餐包一碗蟹柳沙律＆雜菜。意粉上碟擺碟頗用心，外面圍了8，9隻藍青口，一d都唔孤寒意粉幾al dents, 我最鐘意呢鐘口感，最怕太淋既意粉。白汁幾香滑入味，texture 唔會太厚，加入左秀珍菇令到意粉唔會太單一。隨餐仲附送Häagen-Dazs 扭紋雪糕，為全餐畫上完美句號值得一提係性價比高，食咁多野加2杯野飲都只係180蚊

在門口等位時就已聽見一位看似是管理階層人士用不太好的語氣叫員工看緊一點門口帶入座的位置，但眼見員工都是在忙著的！入座及點餐後，飲品先來，但凍檸茶完全冇冰，因為溶曬，所以就叫另上一些冰給我們，等了很久，其中兩樣食物到了，都未有冰，後來發現那人走了出露台吸煙。唯有再追啦！到最後，都是沒有再取冰過來！另外我問其中一個侍應，想要黑椒，他很努力，很努力的找，隔了好久，我以為他忘記了，當他經過我檯時，我望著他，他回應我他是記得的，正在尋找中！這間餐廳難道只有一樽黑椒粉？到最後，他只取來椒鹽！還有！餐牌上其中一款名為蛋包飯，但飯來到後，覺得只能叫蛋蓋飯而已。而另一款食物，白菌青醬鮮蜆意大利麵，只有5只蜆，蜆肉只有尾指指甲的大小，感覺只是白汁撈意粉！可惜我沒有影相！整體上，感覺不太好，希望能夠改善吧！但我應該不會再來了！

今晚老婆大人跟小情人不再家，獨自一人到坑口閒逛+覓食。最後，打算再次試試上一次的XoXo cafe lab。因為是平日晚上的關係，很快便有位子。看到上次的日式套餐的餐牌，決定選這日式和牛套餐。套餐包括一杯飲品/麵豉湯/飯/一碟主菜，跟上次一樣，飯的份量是不夠我食的！哈哈😄麵豉湯的湯料只有簡單的幾片昆布，湯比較水水的，顏色也偏淡，一般般啦。薯菜方面，不知道下了什麼調味料，帶甜的。但主菜「牛肉」，則剛剛好，不愧是我最期待的部分！

自從商場裝修, 少有光臨這厚德商場。厚德商場位於港鐵坑口站旁, 可輕毗鄰商場直達。裝修後加入了不少新派食肆, 所以特意前來一試。第一間－XOXO Cafe Lab。鮮蚵仔泡菜蛋餅 $48醬汁與泡菜味濃郁, 輕微帶點蛋味。蜂蜜冰綠茶 $24鐵板芝士燒牛肋骨 $88芝士份量多, 每一啖均能嚐到芝味。牛肋骨肉質較嫩, 但輕微黏骨。隨食附有脆餅, 可沾上芝士同食。鐵板芝士海鮮拉麵 $68同樣地, 芝士份量相當多, 足夠覆蓋整個拉麵。麵質較像韓式某牌子辣麵, 彈牙有嚼勁。芝士味濃郁帶少少辣。不能輸的配搭。冰珍珠奶茶 $22

今日OT，全個人都疲倦不堪，仲點會想返屋企慢慢煮，當然在附近食埋先回家，唔駛煩，爭取時間休息。餐廳以湖水藍色為主調，是我最喜歡的顏色，就吸引了。裝滿簡樸，四處的擺設有些屋企feel，感覺舒適。地方不算很大，有一排四人卡座，一排靠窗的二至四人枱，另一邊還有數張圓枱。每枱均放有三份餐牌，分別有日式豪華定食、鐵板扒餐和一本散點餐簿，包括有抱泡鍋飯、鐵鍋烤肉、鐵板芝士燒、手拉麵、比薩、沙律、炸雞、蛋餅、自由風和飲品。******************************見餐牌這款抱泡飯賣相好特別，一於試試。有三款醬汁選擇，而每款醬汁亦有三種食材選擇，我揀了一客海鮮抱泡飯配三文魚（$88），剛好一人份量。頂層的泡泡是經輕燒的蛋白，口感輕盈。撥開泡泡，內藏粒粒圓潤的米飯，緊緊沾上海鮮汁，味道甜甜地，伴着鹹香的蛋白泡泡 同吃，味道就剛好，加上伴入一些爽口的秀真菇 和洋蔥絲，豐富一點。三文魚粒 都幾多，但肉質略為紮實，幸兒味道都算鮮香。******************************蛋餅睇落都不錯，在三款口味中選了一客台式鹵肉泡菜蛋餅 （$45）。一以個小鐵Pan盛載上枱，還配上一個

適逢星期二睇戲有特價，約好媽媽食完晚飯再直落睇戲😬行過一間裝修滿可愛的小店，整間以白色海綠色為主色，店內有不少花束作裝飾，座椅寬闊，整潔舒服。我地點左個韓式芝士豚肉面，有泡菜辣味，有日左菇同豚肉，份量都算大。鹽酥豆腐同鹽酥雞粒質地外脆內軟，而且上碟時熱辣辣，不錯～燒魷魚肉感厚實，伴有清新沙律，令人好開胃蚵仔泡菜蛋餅都係辣鮮滾熱辣上菜，芒果鳳梨水果茶，大大杯夠兩個人飲，顏色好深，建議甜度可調輕少少。另外原來滿$150會送青口😃整體來說，環境很舒服、服務不錯，價錢算平，適合三五知己幾個人點好幾個菜share,慢慢聊一整晚。

上完大陸，在東港城下車，又未食晚飯，肚又餓，馬上打電話回家，看家里有沒有開飯，幸好，家里正準備出外食飯，那就順便在家附近的商場，看有什麼好食。新裝修後的街市商場，的確是明亮及舒適的感覺，樓上樓下都有不少的餐廳。舒適中帶點田園的裝飾，份外吸引。除了多左扒餐及午餐的選擇，還賞甜筒做甜品，好吸引！美式雜扒，熱辣辣，有雞扒、香腸、煙肉、豬扒，豬扒肉質嫩滑，多汁，加上醬汁，更香濃。煙火腿蕃茄比薩，薄薄的餅底、好香脆、煙火腿鹹香又香濃、蕃茄清甜鮮味、香濃的芝士一口入口，即有拉絲，即溶化。士林炸雞+奶酪薯片，炸雞炸得脆卜卜，特製的調味料，使雞肉更香濃，薯片有奶油的香味，加上薯片上的微甜，美味可口。

第一次來坑口,地鐵商場形形色色同其他商場沒有什麼分別。一個出口可以連接3個商場,我去左較遠的TKO Gateway見xoxo這字令我想起hug and kiss, 而 lab令我想起laboratory門口仲有隻好得意公仔,好奇下就選它來試試吧!餐廳的環境很舒服,有可愛的日系風,侍應態度友善。上菜的次序是順序的。 這款沙律夾有韓式辣醬, 配辣醬已經有一種意想不到的驚喜,通常都是配沙律醋或沙律醬, 個配搭好特別,唯獨覺得他的紫菜不夠脆,整體不錯。 蚵仔煎材料很足,上面的醬料加重了蚵仔煎的香味。這款是餐廳的招牌菜,單看餐牌已經覺得好吸引。我選了豚肉泡菜抱泡窩飯。 本以為抱泡是甜的,因賣相似疏乎厘甜品,原來它是鹹的,裏面有很多豚肉和泡菜,豚肉加抱泡混在一起,很香蛋和泡菜味。用上新鮮的水果沖茶, 粒粒奇亞籽添了咬口感,水果不會太爛,清甜,好健康清新。看起來小小的一碟,材料好足,份量好夠,很滿足呢!

這間Cafe很特別，有很多不同的fusion菜式吃。有日式、台式、韓式，包羅萬有。這次試了晚市套餐，以日式套餐為主，附送Dryers雪糕。椒鹽豬扒好味，炸得很鬆軟。懷疑麵煮得比較耐，所以過淋，冬菇也偏甜。飯的份量剛剛好適合女士，但男士可能未必夠。照燒雞肉好好味，但粟米雜菜便一般。Dryers的比利時巧克力很好吃，很香濃。但綠茶味很一般，香草的味道蓋過了綠茶的香味，吃不出是綠茶。整體上ok，味道可以做得更好

餐廳裝修好重要，遠一遠就見到歐陸式既設計，吸引左入去。實在太多選擇，望住menu成十分鐘都未揀到食乜。餐廳主打多國菜，西韓日台都有。就老公口味，叫左牛扒，已經叫最細分量（6安士），睇落都好大。今次真係喜出望外，牛扒質素好之餘，生熟度剛好，火力控制得宜。食開牛扒既人，基本上一切開已經分到高下。食第一啖，肉汁仍然keep住，好嫩，一啖食完又一啖，好快KO左。真心力推👍🏻屬小食之一「紫菜汁燒年糕」，最愛年糕喇！其實年糕唔難整，軟硬度適中已經好滿足，配上紫菜汁，夠曬創新。另一款小食炸雞配甜蜜蜜薯片，係啖啖肉既炸雞件，好似去左台灣夜市食一樣，夠曬風味。飲品種類都非常多，今次係珠珠系列，有珍珠又有爆珠，good choice!仲有一道主菜，係極有特式既「三文魚海鮮抱泡」，用蛋白整出泡泡，包住入面d飯，勁有體頭。食滿$150仲有藍青口送，今次真係大滿足。