Video
4-min walk from Exit C, Wan Chai MTR Station
continue reading
Introduction
Xperience是一家西式酒吧，提供午餐及歡樂時段，而且食物水準不俗。
continue reading
Opening Hours
Mon - Sun
11:00 - 23:00
Above information is for reference only. Please check details with the restaurant.
Signature Dishes
831 views
小肥喺灣仔工作，因健康理由，午餐大多帶飯，但有時都會出去試區內o既不同食肆。上星期四，碰巧honey喺金鐘附近做完野，經過一間酒吧，見其易拉架廣告正在推廣越式午市套餐，覺得幾得意，所以就玩即興，拉我一齊去試，結果我地兩人各有各驚喜 ！夜間為酒吧o既Xperience位於名酒家「美利堅」對面，離金鐘地鐡站不遠，附近有多間酒店，每晚更以不同舞蹈作主題吸引各式舞王舞后，閒日夜晚路過都留意到酒吧不乏蒲客，只係從來都冇諗到酒吧日間會提供越南餸菜，聽到時真係嚇咗一跳 ！Xperience係地舖，有一半座位設於室外，有大樹遮蔭，天氣如果唔係好熱應該都幾涼爽，當然亦係煙民最受歡迎o既位置啦！吧枱前有六、七張散座，由於分隔得都幾開，所以雖然中門大開，冷氣唔係好夠勁（環境分被扣之主要原因！ ），感覺上都算通爽闊落；吧枱後面，即近廚房門，仲有幾枱隱蔽o既梳化位，食客可以一邊玩飛標，一邊食野，唔怪得知夜晚咁爆場啦，原來有咁多玩意。酒吧餐廳o既服務生大多以英語溝通，不過當中都有人識講廣東話，不過最搞鬼就係經理哥哥，不但吹得兩嘴，佢啲廣東話更逗得我honey哈哈大笑，成功贏取美人芳心及「靚仔經理」之封號 ！靚仔經理不但落力，毫無架子，而且衛生意識高，就算傳菜換碟等功夫亦親力親為，極為難得。閒談中得知靚仔經理來自越南，酒吧都係兩個幾月前先開始提供越式午餐，食物菜式全以其家鄉之秘方所烹調而成 ，可以話係正中過正中！佢地而家所推出緊o既越式午巿套餐尚在試驗階段，想先睇吓顧客o既反應及熱烈程度，然後再因應需求進行調整。 Royal Spring Roll越式春卷：靚仔經理非常細心，呈上越式春卷時千叮萬囑我地要以生菜包住黎食，同小心睇熱 ！春卷內之肉餡幼嫩，生菜鮮綠爽脆，包住熱辣辣o既春卷食，口感非常鬆化，點上酸酸甜甜o既橙色秘汁更覺清新醒神 ！ Saigon Green Papaya Salad 乾牛肉絲青木瓜沙律：Honey最愛食菜，頭盤唔洗諗一定叫沙律：「切成幼絲o既青木瓜同青瓜又爽又脆，味道帶少少辣，估計係由煙煙韌韌o既牛肉絲散發出黎，好醒胃。如果要同方間o既越南菜館比，個人覺得有過之而無不及呀 ！」 Grilled Lemongrass Pork with Vietnamese Cold Vermicelli香芧豬柳撈檬：雖然碗面舖滿鮮菜，但原來個碗好深，菜底有多件香芧豬柳，檬粉o既份量仲多到有少少驚人添 。靚仔經理話食檬一定要撈勻，千奇唔好手軟，要加多啲秘汁先會好味 ！以秘汁撈製o既檬粉軟身彈牙、毫不油膩，細細條o既香芧豬柳燒得好夠脆皮香口，而且一啲都唔乾，整體清脆利落。 Vietnamese Raw Beef Rice Noodle Soup生牛肉湯河：據靚仔經理所講，湯底以牛骨長時間淆製，保證味道濃郁，事實亦非常香濃美味。此外，湯中o既河粉好夠軟滑，洋葱更加係鮮甜清爽！最值得讚許o既係酒吧絕不吝嗇，湯河中之主角牛肉薄片全為美國牛 ，軟熟得黎好有牛肉味，我地二人都like爆 ！Iced Coffee涷咖啡：小肥飲咖啡味道一定要夠濃，Xperience杯涷咖啡滑就夠香滑，亦好夠涷，不過個人覺得咖啡濃度如果可以double就更加好 。Xperience地方開揚，設有室外座位，喺度用膳感覺都幾輕鬆他條，唯獨個人覺得空調不足，希望酒吧可以稍作調節，或關閉落地玻璃門窗，免得冷氣外流出街。夜間為酒吧o既Xperience，現正推廣週日越式午巿套餐，真係好有驚喜！廚房選用o既食材高質、份量足，湯底淆得夠火候，越菜中不可缺少o既秘汁又香甜野味，不但奉送飲品，而且無加一服務費，埋單每人一百蚊有找，仲要飽到攬住個肚，絕對超值 ！最感動就係有位靚仔經理坐鎮，除咗勤奮落力、體貼好客，佢亦非常幽默友善，服務真係好到加零一 ！香港人食飯都鍾意人多，可以試多幾道菜式，食越南菜都一樣，就算兩個人去食都會情願叫幾款小食，最後先叫碗河粉黎分。雖然酒吧並無強迫每位食客要叫一客套餐，不過如果想試多幾味，就要叫多幾set，即食多幾客澱粉質主菜，所以在此，小弟想建議Xperience加推單點餐牌（À la carte menu）以供食客選擇。
continue reading
Xperience是在灣仔云云酒吧餐廳之一，分室外室內用餐區，餐桌放置稀疏，裝潢一般。因有室外用餐區，有個別食客吸煙，氣味影響用餐氣氛。$79一份兩道菜午餐，連咖啡茶一杯，不用加一，是價差不多。頭盤選了芒果雞肉沙律，芒果只有兩小片，雞肉份量亦不多。較為特別的是醬汁用上甜酸辣汁，挺開胃。主菜點了肉醬意粉，肉醬帶點羶味，質感稀薄了少許。伴碟蒜蓉包一小塊，香氣尚可，但口感就唔得喇！另一主菜芒果雞肉牛油果薄餅，芒果雞肉等餡料味道不夠給力，但芝士上層口感味道不俗，餅底夠薄夠脆，整體都OK。
continue reading
過左年, 終於有一日係公司悠閒少少. 心血柩潮, 同同事一齊到灣仔找食. 本想坐車去遠少少但後來改左黎食Pub Lunch. 體驗一下本港西人酒吧既平日Pub Lunch係點既先.地方是開放式, 中門大開, 係呢d有春意或是有秋色的時候, 坐下用餐最佳. 奈何呢, 店旁雖是公園, 但店正門是車水馬龍的馬路. 就有點失色了, 不過, 換著是外國, 西人挻喜歡這些open air 既pub 既. 我們兩個都叫了是日的Lunch Special, 一個叫了煙鴨胸意粉, 一個叫雞肉腸配薯菜. 而頭盤我們兩個都選擇了吞拿魚沙律. 我們只叫2set, $69 不加一, 如果加埋甜品3個set就要$89, 唔加甜品個價錢呢, 就尚算合理. 先說沙律, 吞拿魚肉不少的, 100%西式的沙律, 充滿橄欖油同意大利黑醋. 清爽清甜的沙律菜, 黑醋的少少酸味. 這是西式沙律既最好效果.食完沙律, 上主菜了, 一看, portion好似細左少少. 如果我們是兩個西人大漢, 相信呢個lunch未必夠食. 意大利粉只一小注, 鴨胸就幾夠味既, 只可惜是外來貸才有料. 我叫的腸仔也一樣, 份量不多, 而且, 只是那兩條腸叫做好食, 薯蓉呢, 就只是薯仔味, 而且仲要係唔香個隻, 甚似用薯蓉粉溝出稷個d. Lunch Set 功架未算好. 難怪, 中午1pm - 2pm, 只有不足10檯客, 而且亦是某些公司高層, 大說是非, 公司政治之勝地........因為冇人麻.
continue reading
看看食評﹐竟然是一年半以前的了。更令我詫異的是﹐下面食評的描述﹐跟我今天下午的竟然有一半似。餐廳地點是灣仔頭﹐最近金鐘的位置﹐旁邊已經是個公園了。餐廳佈置採取開放式﹐正前門全打開﹐旁邊公園路邊的那一端倘門﹐亦開了一大邊 。跟朋友討論算不算室內地方﹐是否可以吸煙﹐當然我們是不吸煙﹐只是最近一宗新聞引發的奇想。裡面的桌椅之間有許多空間﹐暗暗的燈光﹐加上舒服的情歌﹐午飯氣氛算是不俗。食物﹐我點了Wanchai Bangers﹐有三條中型德國腸﹐配合德國啤酒節﹐smashed potato 是冷了一點﹐還有一大“pat“ rasberry 醬。朋友的Greek Salad全部掃清。反而印象深刻的是磨菰湯和微熱的蒜蓉包﹐我一個人吃了四件。餐廳的午餐set是$69二道菜﹐$89三道菜﹐只是今日的set不太對口味﹐所以才散叫。這頓午飯是看完醫生後的energy 補充﹐其實除了補充energy 外﹐最重要是補充自己的失落感。只是覺得﹐凡是不是所有都能夠在掌握之內﹐這也是預料之中﹐只是有時跟自己所想的相差太遠﹐未免有一種悵然若失的感覺。
continue reading
Located at Lockhart road, this is the last restaurant on the road or first depending on your perspective.Anyway the restaurant was not particularly full today.Ordered a set-lunch and a Main dish.The set-lunch ordered was the two-course lunch with pizza, there is a pizza selection that can be selected from the main menu. So ordered the Italian ham and tomato.Also ordered a non-set dish: Wanchai bangers (English pork sausage, mash and cranberry sauce).After waiting for 20 minutes, the salad came, a very basic medley of vegetables and vinaigrette dressing. Then came the drinks.Then after 10 minutes, the food finally came, the pizza was huge, enough for two people, and personally I think it would be boring to eat for one person.The Wanchai bangers was impressive, three pork sausages and some veg served on a bed of mashed potato. The best mash I have had so far, it contained mustard seeds in it. The cranberry sauce complimented the rest well too.As for the pizza, it was a nice thin base, topped with thinly sliced Italian ham and tomato.We were too full to order the ice cream, which would have made it 3-course, however we saw another table having the ice cream, a big glass with scoops of ice cream, presented nicely too.
continue reading