圓鐵板燒 (Closed)

久唔久小編就會encore 呢間抵食鐵板燒食lunch ，佢既lunch set非常抵食，其實食過佢$98牛肩肉套餐，但小編都係鍾情於最平$68果個套餐，香口又抵食！簡直係妹仔肚🤣🤣🤣又有得睇廚師哥哥煮下野無咁悶😆【 黑椒牛肉片/豬肉片套餐 】$68 set 跟麵豉湯，炒菜，汽水，蝦仁炒蛋，白飯呢個價錢包晒以上又食得好味滿足，正！分數：（10分滿分💛）味道：7.5價錢：8環境服務：8（以上評分只是本人個人口味而已）

這家鐵板燒又是自家食堂系列，因為真的超便宜又超級好吃，應該吃了十幾次了，前幾天正巧和朋友經過又吃了一次，才想起來從來沒有分享過這家店。午市套餐超級便宜，一份青菜，一份蝦仁蛋，一份主食，一份白飯，一碗湯，加一杯飲品，才人均 80左右，太划算了。本來中午吃的不多的我，一來到就吃的無法停下來，連青菜都特別好吃。海鮮有的時候是蝦仁炒蛋，有的時候是元貝。主菜我比較愛龍利魚和牛肉。隆重推荐，真的划算又好吃，。。。。

呢間鐵板燒位於 中旺角MOKO食代館入面，星期六日多人都要排隊，有多款鐵板燒套餐，我哋叫左個美國安格斯肉眼牛扒海鮮二人套餐和雞扒套餐，套餐包括左時菜，餐湯，前菜，師傅係你面前即叫即整，午市套餐最平60幾蚊，真係幾抵食🥬蒜蓉炒油麥菜：炒菜有鑊氣，炒完都係好翠綠，味道清甜，蒜香味濃，口感爽脆😆🦐香蔥元貝炒蝦仁用蒜蓉，辣椒同香蔥炒好惹味，蝦仁同元貝都好鮮味，爽口彈牙，送飯食一流😍🐟香蒜龍脷魚扒：用咗香蔥同蒜蓉香煎帶出龍脷魚扒嘅鮮味，香而不膩👍🏻🐮安格斯肉眼牛扒：我叫左五成熟，牛味香濃，肉質嫩滑，油脂分布平均，切到細細粒方便食，配上黑椒同鹽調味，簡單就是美味😋，不過唔係好明點解擺碟要用咁大隻碟，中間留空咗😅🐥塔香雞扒：洋蔥，黑椒，塔香炒雞扒好惹味，送飯食一流。整體食物質素不錯，怪唔得咁多人幫襯，價錢合理，值得推薦。

😀2個餐湯（蛋花，昆布）🍽️2個飯（黑白芝麻，飯偏硬身）😆2個油麥菜（有一碟燶👎🏼）🍴牛牛（5成熟👍🏻）🥄魚（夠滑）👀蝦加 帶子（汁係黑椒但一入口味似咖哩味😂餘韻係黑椒味，紅羅白有甜味，總體過咸，要配飯食）🌝甜品（cream夠厚又夠凍😀👍🏻）

喺moko嘅food court見到呢間鐵板燒，都好多人排隊好似好吸引，就同朋友入去試吓。即使入到去叫咗嘢食，都要等師傅燒所以都等好耐。叫咗個安格斯配海鮮嘅二人餐。有個日式嘅昆布湯，飲落去清清地。之後上再一份用蒜蓉做搭配嘅油麥菜，蒜頭味道未算好突出，但係火喉唔錯煎得幾香。牛嘅味道都唔錯，叫五成熟，不過都覺得師傅煮熟咗少少。但係整體都唔錯，肉都仍然juicy。呢個香煎龍脷柳煮得好香，少少微焦微脆，令個香氣同口感都加分。上面有啲生蒜，魚配埋個辛辣感都好好。但係呢個黑椒汁帶子同蝦就唔係咁好食了。佢個汁好厚，味道都一般。整體嚟講呢餐飯算值。

( ͡° ͜ʖ ͡°) 𝑋𝑃𝑅𝐸𝑆𝑆 𝑇𝐴𝑃𝑃𝐴𝑁𝑌𝐴𝐾𝐼 - 鐵 板 燒❝/ 太子輕鬆抵食𝚏𝚘𝚘𝚍 𝚌𝚘𝚞𝚛𝚝鐵扒燒/ 龍蝦和牛二人盛🦞❞▪️ 龍蝦和牛二人盛 $488▫️原隻龍蝦尾新鮮爽口彈牙加上蒜蓉蔥炒好惹味▫️澳洲和牛好有驚喜 肉味濃 肉質嫩口唔韌切粒上好好味 食完一舊又一舊▫️蜜桃雞扒普通雞扒 不過不失▫️黑椒牛油煎龍脷柳煎得岩岩好 魚肉嫩滑 好味道▫️炒時菜 油麥菜加蒜蓉炒得好好味 清哂▫️白飯同湯推介指數：🌟🌟🌟🌟/ 5

今日假期去旺角MOKO行街，咁啱肚餓行過就試吓呢間鐵板燒，佢喺食代館入面，星期六日都有套餐，我哋叫左個牛肩扒拼雞扒2人套餐，套餐包括左時菜，餐湯，飲品，前菜和兩個主菜，另外我哋加咗個鐵板銀芽，師傅係你面前即叫即整，埋單$200都幾抵食蒜蓉炒油麥菜：好有鑊氣，炒完都仲係好爽脆翠綠前菜：甜酸元貝拼蝦仁呢個海鮮用甜酸醬，蒜蓉，辣椒同香蔥炒好惹味，蝦仁爽口彈牙，元貝都好鮮味，連啲汁都唔放過撈埋啲飯食鐵板銀芽：芽菜嘅火候都啱啱好，炒完出嚟爽口清甜塔香雞扒：洋蔥，黑椒，塔香炒雞扒都好惹味，不過以主菜來講份量少咗啲，得半塊雞扒鐵板牛肩扒：我叫咗五成熟，啱啱好熟之餘都鎖起左肉汁，簡單用黑椒同鹽調味就已經可以帶出牛肉嘅味道，肉質都幾嫩滑

11:10與太太行過見門口餐牌寫明11:00開始提供午市套餐，價錢及食物吸引，剛好肚餓二無話說，即行動，乖乖企門口等職員帶位，但企了一陣都無人理睬我倆，只見兩個類似廚工職員係到忙，見到我們都無理繼續自己工作！唔阻他們便諗住自己入座，行入去，其中一個廚工就冷冷地開聲：我地未開門喎！…..就同佢講聲午市餐牌寫住11:00開始提供？佢地都無視，原來係唔想做生意！no service, bad attitude,fake information !

有一日睇完戲，忽發其想好想食鐵板燒，然後就同friend喺度研究，到底有冇平過$100嘅鐵板燒呢？點知就俾我哋搵到呢一間真係平過$100嘅鐵板燒，仲要人哋幫你燒埋添！位於旺角東新世紀嘅food court，竟然有一間平過$100嘅鐵板燒食！我同我個friend就一人嗌咗一個餐試吓佢好唔好食！香煎龍脷魚扒套餐 $78一個套餐有一碗飯加一碟菜，同埋主菜。有冇人同我一樣覺得食冇骨嘅魚真係好正🤣條魚的確剪得好香脆，見到係真係金黃色，同埋見着佢慢慢先嘅樣，真係好特別！調味啱啱好，但係其實啲材料係好平🤣相比起條魚，我覺得碟菜先至係最好食！😂估唔到用平平OK嘅鐵板燒，都可以吵到咁有鑊氣同埋甘香蒜頭味！真係好好食。鐵板牛柳套餐 $98呢個就真係唔抵食啦，啲牛柳基本上就係將啲好cheap嘅牛切到一嚿嚿，啲牛真係有啲韌，並且牛味一啲都唔出。總之就係一疊超平平無奇嘅炒牛柳，但賣到$98😅，但以有得睇住佢炒嘅體驗來講，又真係唔錯嘅。總括而言，呢間野係食環境（？）可以望住個廚師抄嘅過程，食物質素方面就不過不失，但以鐵板燒來講係真係幾平！

想平平地食個鐵板燒，係呢個商場入面嘅美食廣場有一間台式，今晚坐得同廚師有點距離，睇唔到佢嘅手勢 多款套餐選擇，今晚食呢個美國安格斯肉眼牛扒海鮮二人套餐 ($288) 最先出場係麵豉湯，一坐底就放低左，以"湯"代水?! 味道一般，都無影相啦! 跟住就係炒油麥菜及白飯，個菜以蒜蓉炒，每條菜都掛起少少油，即炒嘅菜，味道實有個譜!之後開始到主角出場: 美國安格斯肉眼牛扒，唔係好見到"在生"時嘅樣，送到你面前已經係呢個切成細口嘅肉 伴以蒜片及黑椒鹽，七成熟，份量足夠二人食，入口都幾柔軟，夾埋蒜片多一分甜味! 之後到海鮮類 : 龍脷魚扒，成條煎，灑上少少黑椒鹽，增加味道! 入口有陣梳打粉味，認真麻麻地，無辦法食晒成條! 而呢個西芹炒蝦仁，個醬汁頗濃味，有點似曾相識嘅感覺...............係啦，就係街邊車仔檔烚腸仔魷魚，然後"隊"落去盤汁果種醬汁味道! 蝦仁都係雪藏貨式，得個"爽"字，無蝦味，反而個西芹仲好食D! 上菜速度快，基本上都快食完，符合身處美食廣場嘅風格...............哈..哈..!

2/5如果你好肚餓，突然又好想食鐵板燒，止一止心癮先好食。加錢的鮑魚和鵝肝可以。豬扒同魷魚好乾，煎蛋太老。羊肉嫩，但完全無肉味。所有調味都差不多，醬汁毫無誠意。(Google translate)If you are so hungry and suddenly want to eat teppanyaki, eat well before stopping your addiction. Abalone and foie gras can be added. The pork chop is so dry with the squid, the omelette is too old. The lamb is tender, but completely, all seasonings are the same, and the sauce is not sincere.#queenbeoly_middine #foodblogger #foodporn #food #foodie #foodphotography #instafood #foodstagram #foodlo

酒店價位，但家庭式級數，唔係，可能你煮得好過佢，好多味林同煮好較好晒嘅調味料。叫左個牛肉粒同龍利魚套餐，一點質素都無對鐵板燒餐好失望⋯⋯牛肉好鞋口。啲魚要用酒去蓋住啲味....好差。呢個價錢唔多接受

難得可以外出午膳，當然要揾番D好野嚟食吓。點知去到旺角落大雨，唯有走入商場逛逛順便揾食啦！最後，竟然去咗MOKO新世纪廣場嘅食代館，其實我好少幫襯food court，不過見到呢間鐵板燒咁多人排隊，咪跟風排隊試吓啦！店舖的裝修簡潔，以L字bar枱圍住鐵板坐，很有台灣士林夜市鐵板燒的風味。最欣賞它的抽油煙設備非常完善，食飽離開也不會周身油煙味。雖然筆者極愛吃燒肉、鐵板燒……等美食，但卻很厭惡吃後周身油煙味的感覺，令人尷尬。所以呢點值得一讚！當我睇到廚師推介的午市套餐時，我终於明白為何此店會經常座無虛席，而且閒閒哋要等廿分鐘才可以入席。一份午市套餐包主菜、甜酸元貝拼蝦仁、時菜、白飯、餐湯及汽水。（選擇特飲加$10-$12不等）價錢才是$68起，認真超值。值得一提，呢間分店會包埋甜酸元貝拼蝦仁在套餐内，其他的分店則將它列為其中一款主菜 。所以呢度就更加抵食嘞！今次我哋二人同行，所以揀咗牛肩扒拼雞扒套餐，一次過試哂兩款肉食，反正價錢相當大眾化，又可以大快朵頤了！第一道出嘅係清炒時菜，師傅簡單地用蒜蓉炒油麥菜，簡直色、香、味俱全，菜蔬鲜嫩，食落爽口，不會有股苦澀味，令人胃口大開，比起任何的前菜更

這是我50多年中經驗鐵板燒最差的一次，不但全冇服務，$488蚊的龍蝦海鮮二人餐，不但食物過度烹調，全沒海鮮味道，比一般茶餐廳還不足。這間餐廳我一定不會再去，也不會介紹其他人去！

本人一直有惠顧此店，一向覺得價錢及味道也不過不失！由於疫情關係，已相隔2個月再惠顧，疫情下的假期，當然人流仍很少，晚上6時都只有3枱客！我慣例點了安格斯牛扒套餐及單點龍利柳，下單時已表明全部食物走蔥！女侍應遞上熱湯後，我就發現枱上有一小昆蟲在爬行，我也自行用紙巾弄掉走牠算了，沒有出半點聲！師傅炒了菜後，便開始煎魚及牛扒，煎龍利柳時師傅忘記走蔥，我便禮貌地提醒師傅我的食物是走蔥，他似是有點不耐煩的，沒有說一句話就將魚上的蔥及蒜大力撥走，同時也弄得魚的表面已破爛，我只是走蔥，沒有說過走蒜吧？另外，這樣大力撥走蔥蒜，會弄毀龍利柳的😡大家也知道龍利柳好容易弄碎吧！然後煎完牛扒，便將蒜粒與牛扒，及龍利柳隨意放在同一隻碟上遞給我！以往牛扒是放在一隻碟，碟上撒上胡椒粉及鹽，放好蒜粒，再放上牛扒，現在隨意放在一隻碟上，是否太「求其」？ 疫情下生意大減，還不進取一些？還擺出這樣的姿態做生意？