穴 (新城市廣場一期)

Open Now

Now Closed

6/7星期四去沙田新城市穴居酒屋食Lunch，叫左個牛肉烏冬算Ok ，壽司好新鮮👍串燒牛肋骨太燶好乾好韌👎黑豚露笋卷同翠玉瓜好咸😡下次如果再幫襯都唔會再叫串燒食，樓面員工服務態度差

今日夜晚呢就返咗沙田食飯，我同老公諗住去沙田新城市廣場7樓食日本菜，點知去到地下就見到集團式嘅穴，因為之前我哋都喺尖沙咀食過呢一間都幾好食，所以就諗住入去試吓，入到去我哋就叫咗個壽司拼盤，跟住再嗌咗一個Toro，然後再嗌咗一個海膽飯，都水準依然咁好，魚生都仲係好新鮮。熄咗個大金槍魚刺身真係好好食好肥美，而且好新鮮個海膽真係有兩個唔同嘅味道，我老公問佢係咪日本海膽佢哋入咗去睇廚房之後出嚟先答我哋，即係都有真係去問清楚，而唔係求其敷衍你搭咗佢，所以我覺得個服務都幾好呀。

每次跟長輩吃飯都盡量吃中菜（因長輩只吃熟食），今次看過Menu後大膽一點想挑戰一下日本菜。選菜盡量選一些香港本地也有的食材，會比較容易令他們開始嘗試第一口。醬油牛蒡漬 - ok，但不夠冧🤪西京燒銀鱈魚 - 無牙都可以入口即溶，配沙律醬對長輩來說是新嘗試🥹黑豚肉泡菜石鍋飯 - 這是長輩自己選的，很喜歡石鍋熱辣辣👍💪雜錦天婦羅 - 有沙槌魚、蝦、其他蔬菜。當菜吃平衡一點而已😅和風茄子 - 🤭長輩必點，缺點也是在他而言未夠冧其他是自己的選擇松葉蟹鉗配海膽 - 還可以，有點小海膽天婦羅 - 多數吃新鮮海膽，第一次挑戰將紫菜包着海膽炸，外熱內軟，可嘗試。但當然新鮮海膽還是最好味🥰和牛牛肉粒 - 過熟其他串燒以上意見純以帶長輩食日本菜為題並非以穴最推介的食物如壽司刺身作評價，但希望也能給你一些提議。

一點四十分外買兩個單點食物，員工說要半小時但如果有早會打電話通知。結果半個鐘頭過去，再問一下說入單時間是1:49! 我怎麼知道你什麼時候入單，誰會估計買外賣要超過40分鐘！我就不會再試了

係沙田新城市廣場日本菜首選日本菜首先，係新城市食飯等位真係幾麻煩，但穴就可以用商場app或者係openrice app 拎定位或者訂座先，去到就直接入座。喺新城市廣場嘅餐廳，穴既價錢算係中等啦，午餐或者晚餐都係一個好坐好食既選擇。菜單好豐富，有各式各樣嘅冷熱菜、丼飯、串燒同壽司等等，應有盡有。我午餐就鍾意叫set，可以揀主食一個丼飯加兩串串燒，或者兩個丼飯，前菜有個細沙律配蕎麥麵或者烏冬，丼飯嘅魚生肉質新鮮，味道豐富，份量都幾足夠，lunch啱啱好飽！而佢哋嘅燒烤壽司同串燒，都做得唔錯。屋企人就叫左個鯖魚set，都燒得唔錯，唔會覺得乾，但性價比黎講我就覺得我個丼飯set高d。穴嘅環境岩食飯傾下野，服務就一般般啦

平時經過呢間舖頭已經好想食今次同朋友過咗嚟一齊食每個人都叫咗一個set 叫咗個壽司set, 同埋刺身set刺身set可以另外加蕎麥麵添🥰🥰壽司上面啲刺身好新鮮!!! 🎉🎉有個魷魚海膽超級好食‼️‼️‼️壽司飯好好食醋味好夠!!! 粒粒分明啲飯唔會係暖嘅 好怕食到啲暖嘅飯😂😂平時淨係食三文魚嘅我竟然覺得其他魚都好好食!!😍😍一啲都唔腥 油脂分布10分好另外仲叫咗個蟹蓋😋😋賣相一百分 超級足料 😍😍😍

呢次想食日本嘢所以揀咗呢一間，因為性價比高啲沙田嘅餐廳可能貴租都唔係特別平因為想佢哋官方網站有得睇餐單，所以我今次就冇特別影啦～午餐鰻魚飯好靚仔，上枱熱辣辣，忍唔住夾咗朋友一舊覺得好正，不過唔好意思再拎🙈🤣🤣散叫咗啲食物，呢個海鮮沙律$108都幾抵食！因為勁多魚生同埋好非常大碟新鮮質素，有油甘魚，三文魚，同埋少量嘅魚腩為最後我哋食唔晒！因為我本身嗰個午餐嘅刺身已經好多好厚今次啲份量好似好慷慨海膽OK請銷售三十幾至四十幾一寸，非常細小唔抵食同埋應該有落油去燒俾佢呃咗添雞腎爽口彈牙，不過超級超級攝牙罅份量我記得係$38一串好鍾意佢嘅飯後甜品，一個淡淡嘅缺餅皮， 加甜甜地我最鍾意嘅紅豆蓉🫘完美。！大杯咖啡就係用機沖，普普通通啦用餐限時90分鐘，啱啱好夠時間，下次會再encore

🍣幾時又有長假放……🫠食好少少等自己開心下先🥹🦑 海膽魷魚卷一片片厚切魷魚包住啲海膽🤤晶瑩剔透有咬口又鮮甜海膽一樣鮮甜唔腥唔臭 一齊食好夾🍤 雜錦天婦羅包括：蝦、魚、南瓜、番薯、茄子薄身炸粉 香口脆卜卜 蝦魚都好新鮮唔霉 南瓜番薯粉粉甜甜的 茄子吸油但好食 🥟 雞皮餃子小小一口餃子 雞皮薄肉厚juice唔太油膩 仲有檸檬隨意添加本人認為💁🏻‍♀️ 落少少檸檬汁味道更佳🍢 燒豬頸肉厚切 / 燒雞皮 / 雞軟骨簡單炭燒少少鹽吊下味 夠原汁原味👍🏻豬頸肉又厚又大舊 唔太肥啖啖肉雞皮好~脆似薯片咁 如果大舊啲就好雞軟骨食燒野都叫 骨外帶點肉有嚼口🍣 辣吞拿魚腩卷本人最愛嘅呑拿魚🤤❤️🤤❤️滿滿鮮甜魚蓉入口即溶微微嘅辣令魚味更突出本人表示💁🏻‍♀️ 唔好點豉油 perfect🤌🏻🍣 牛油果軟殼蟹卷間間日本菜都有 點解2者咁夾🥑🦀又多又脹卜卜一啖咬唔呬配上飯面沙律醬多哂 唔洗點豉油🍚 黑豚肉泡菜石鍋飯上枱仲滋滋聲 趁熱撈埋隻流心蛋同飯肥瘦剛好豚肉配埋少少辣泡菜 正🥰食到尾仲有飯焦 唔好爭！我嘅✌🏻(以上食評 只屬個人意見)———————————

我家老闆竟然帶我去日本餐廳午膳，實在又驚喜又意外。在走進了「穴。居酒屋」後，我突然可以再次拿起日本菜餐牌，久違得我有點不知所措，要定過神來才能夠揀選自己喜愛食品。在角切魚生飯與鰻魚飯當中，我選擇了鰻魚飯彌補我上一回的心靈創傷，至少這間餐廳沒有犯上商品說明條例吧。這餐廳的鰻魚飯份量十足，賣相不俗味道也好，但吃著吃著…. 我才知道我是在懷念日本柳川那個人生裡最貴的鰻魚飯。我家老闆因為不嗜未經煮熟食身，於是他點了悶蛋才吃的滑蛋吉列黑豚豬扒飯，這個飯份量也不賴，大大件的豬扒下有舖滿整個飯面的滑蛋，滑蛋調味有點濃烈，這正合我老闆的口味，豬扒的炸粉很均勻適中，火喉亦控制得好能夠保留點點肉汁，肉質沒有過熟的情況出現。而永遠想多吃一點點的老闆，今次額外多要了一客炸廣島蠔，蠔的炸粉比豬扒的還多，可幸蠔的鮮味未有被掩蓋，而它亦能夠符合我的最基本要求，味道比在日本超市的氣炸食材好。整體來說這餐廳的食品質素尚算可口，可惜餐廳的座位很迫夾，也沒有提供地方讓食客放置衣物或手袋，這點有違日本餐廳服務至上的作風。

提供食物質素不合乎期價錢，服務更差！永不再光顧，奇怪仍有咁多人幫襯！門口西裝友永遠吹水，問一句野就黑面！全程唔幫手倒水，為什麼要收+1服務費？食物食物沒有熱度，份量少，味道怪，食物不新鮮！食放題食物水準都比它高!我其實食過這個餐飲集團另外兩間，一間西餐及日式餐廳，總括而言，貴而唔值！所有餐廳的位置很好，但食物質素非常一般

簡單講，無禮貌，無services , 返得依份工，唔係淨係代表公司亦都代表自己！未試過食餐飯有一種狗眼看人低既感覺！入得黎食唔會比唔起錢去食，只係咁既服務質素！唔會再想黎受多次氣！野食我覺得都ok,但態度同服務，可以話重衰過的茶記姐姐！如果大家想要服務質素真係零分完。。。。

今日👭🏻孖妹一家去新城市Apple Store 買iPhone，原來呢個商場地下個層都開左好多唔同食店都未試過，趁未到晚飯黃金時間就揀左呢間居酒屋試下🥢黑松露甘蝦卷✨ 一共有6️⃣件，珍珠米包住玉子、青瓜、蟹籽做內卷，配埋外面嘅甘蝦，黑松露醬做點綴✨珍珠米幾煙韌玉子🥚青瓜🥒正常發輝啦，甘蝦算新鮮🍤黑松露醬既香味提升左卷物鮮甜味，絕對稱得上畫龍點精🥰👭🏻孖妹評分：🌕🌕🌕🌗🌑🥢櫻花蝦蟹肉沙律卷✨ 同甘蝦卷一樣有6️⃣件，內卷配料有青瓜絲同蟹柳，外面同樣有蟹肉同櫻花蝦✨蟹肉食到一絲絲幾驚喜，同內卷形成強烈對比，外爽內軟，櫻花蝦本物係炸過，含豐富鈣質，一齊食口感更好，👷🏻‍♀️細孖比較like 呢款卷物👭🏻孖妹評分：🌕🌕🌕🌕🌑🥢和牛炒飯 ✨呢碟大家搶食‼️餐廳用碎和牛、蔥、蛋絲炒成，超有鑊氣，食到最後一啖飯仲冒緊煙♨️✨飯炒得夠乾身，粒粒分明😍每啖飯都食到牛脂既香味😜好似去左高級鐵板燒食咁😎👭🏻孖妹評分：🌕🌕🌕🌕🌑🥢黑豚烏冬✨餐廳將豚肉片放喺面，加入烏冬底同高湯✨豚肉片幾滑，豬味重，有5-6片，份量對得住個價錢😜✨烏冬幾chewy, 飲埋湯底好快KO哂👭🏻孖妹評分：🌕🌕🌕🌕🌗🥢迷你餃子薄餅✨比較*的息*，餃

💰總消費: $1,485/4人(有加一)・　日本黑毛和牛刺身🥩 ($298)咁大個女都唔敢食和牛刺身，喺友人嘅極力推薦下，小嘗了一口，果然入口即溶😳和牛刺身嘅脂肪分布平均，每一塊都好靚，有雪花紋絡❄️刺身亦有配蔥花豉油，食刺身之前點一點，可以提高牛嘅鮮味😍・　松葉蟹蓋海膽石鍋飯🦀($178)呢個石鍋飯無論外觀味道都一級番！💯💯海膽好新鮮😍松葉蟹肉好甜😳配上熱辣辣嘅石鍋飯，食過返尋味😍😍喺蟹蓋入邊仲有蟹味噌，用嚟撈飯好惹味🤤🤤🤤呢個飯$200都唔使真係好抵💯💯・　牛油果軟殼蟹卷🥑 ($88)軟殼蟹炸得啱啱好，脆卜卜💕牛油果嘅清新解咗炸軟殼蟹嘅膩😳😳😳佢面頭仲有勁多蟹子✨好足料😳😳💕✨佢總共有6舊，一班人share啱啱好😂🤤🤤・　壽司拼盤🍣 ($248)拼盤有10款唔同壽司🍣雖然有10款，但數數下有12舊😍因為有3舊反卷💯呢啲壽司都好 common，出面都食過！但勝在佢夠新鮮😳😳✨✨✨配上wasabi同豉豆，好好食😍😍😍・　黑毛和牛粒石鍋飯🐮 ($368)望落好普通，但係估唔到咁好食🤤🤤🤤和牛上面澆有自製嘅醬汁，甜甜地🥰再將溫泉蛋撈勻，味道好夾💕石鍋又可以整到飯焦，脆脆地😳為成個飯添加左風味

路過咗好多次都無試，咁啱嗰日放工，又好想食日本嘢，就衝咗入去啦😆刺身拼盤(8款) $338所有刺身都好鮮甜，食得返條魚本身自有嘅味道，當中以金目鯛，甜蝦，帶子最為出色，另外我哋再叫多咗客三文魚(4件$52)，夠晒厚切🤩海老天婦羅蝦卷 $82賣相精緻，外層鋪滿蟹籽，口感豐富，蝦味幾出，就算比飯包住，炸皮依然保持到脆卜卜😍蝦天婦羅 $138呢個真係要一上枱就食，熱辣辣，香脆可口，粉漿唔算厚，佢唔係食落好爽嗰種蝦，但整體都唔錯😚牛脷鹽燒 $78略嫌太多黑椒，有少少搶咗牛舌嘅味😗 佢哋另外俾咗三種調味料比我哋點天婦羅或者串燒食，有海鹽、抹茶粉、咖喱粉，但我哋就覺得點唔點都無乜分別啦🫣總括嚟講，價錢合理，質素亦唔錯，以後嚟沙田又多個選擇啦🥰5粒為滿分味道 ⭐️⭐️⭐️⭐️性價比 ⭐️⭐️⭐️餐廳地點 ⭐️⭐️⭐️⭐️餐廳舒適度 ⭐️⭐️⭐️⭐️翻喫指數⭐️⭐️⭐️⭐️

很失望非常失望，又有minimum charge, and this is the worst Japanese restaurant I have tried before in Hong Kong. I will not recommend anyone to comeThe sashimi platter is not good, the sashimi is big and definitely not worth the price. The seats are so uncomfortable, and the waiters just constantly putting the food on the table and distracting us. With the price I m paying i don’t think this the service I should receive