Video
4-min walk from Exit F1, Causeway Bay MTR Station
continue reading
Telephone
28987707
Opening Hours
Today
12:00 - 15:00
18:00 - 22:15
Mon - Sun
12:00 - 15:00
18:00 - 22:15
Above information is for reference only. Please check details with the restaurant.
上次有朋友極力介紹呢間烤肉店 話呢到性價比好高 很高質 今次要同朋友慶祝生日 所以就去呢到試一試Book位個陣預訂左$198「大得驚人牛小排」點菜時要通知店員一聲已預訂 因為呢款牛先到先得 賣哂就要等下次喇 個人覺得一定要試下呢塊牛 因為佢有齊牛的四個不同部位 每一口都有不同肉質同口感 如果鍾意試牛的不同部位 呢個係必點之選❤️🐃一本壺漬牛胸膜肉-一大片的牛胸膜 有一定的厚度 肉質好煙靭 今次叫店員先釀上特調的醬汁再燒 醬汁跟牛膜膜的味道超級夾 而且燒得剛剛好 真係味道一流❤️🐃特上和牛魔鬼牛肋肉-口感係A5和牛的質素 入口即溶既口感真係食一口就溶化左個心咁😍非常好味❤️當日仲叫左豚肉同扇貝 個人覺得發揮正常 對得住價錢的質素😊餐廳位於靠近邊寧頓街 係京華中心個邊既渣甸街行過去 直行到尾就會到喇 係利園二期既後街 大家去既時候要留意返😊～P.S 餐廳唔收切餅費的❤️
continue reading
係特登嚟嘅，因為心愛的大阪燒肉呀。幾乎每個人枱面上都有一碟扒，但係要預早booking先有, 的確係超大塊，色澤都鮮紅，見到都想食。食咗下面嗰三碟就五舊㗎啦🤐相信喺日本一定食到豐富Menu度睇，揀一啲部位自己想食牛舌芯- 有牛舌嘅口感味道一般一般一般較為正常的相片都睇到，啲肉一絲絲🫣。。。不是完整整塊，搞到夾攞去燒都唔係好掂。。咁樣俾客人都得嘅🫣最後就好似心太軟咁，一冷一熱有杯乳酪同茶呢個幾有驚喜
continue reading
【#🦊🐰30秒食皮：Teleport咗🐰🦊去肉肉世界嘅燒肉店😋 CP值爆分嘅燒肉店‼️🥩食到超級飽但人均$500有找😋慶生一流（唔收切餅費🫶🏻）係每日都食想食到嘅頂級味道🤤】 #foodtalkpia講夜晚食what好🍚 #foodtalkpia講慶祝食what🎂 ✨一年容易又到🦊生日🎂 🐰決定帶呢隻肉食系🦊再去發掘高質燒肉店🤭 🐰已經喺一年前bookmark定㗎啦😎扑錘揀佢嘅原因係：1️⃣定價合理！唔係嗰啲$298一碟但得4-5片嘅燒肉店🥺 牛肉價錢range大多落喺 $148-158 左右🐰👍🏻 2️⃣唔收切餅費👍🏻🎂 3️⃣好想試佢個大得人驚牛小排😍🥇🌟本日MVP：大得人驚牛小排 $198呢個要預約嘅單品真係無。令。我。哋。失。望！！😭 上檯後要 20mins 解凍所以🦊🐰望住佢真係流晒口水～等到佢解完動之後，店員就會自動自覺行埋嚟同我哋講叫我哋一陣燒嘅時候要一齊大嗌「Yo-i-sho~」😂跟住成間舖嘅店員都會一齊拍手好有氣氛🤣好玩！而且佢個名真係冇改錯！真係好味到得人驚！！！！佢係A5 鹿兒島和牛～佢有加少少醬料去醃，所以係甜嘅、一放入口啲油脂勁香🤧 而且超級柔軟，口感好似食緊嚿雲咁🤤同埋份量真係好夠，我哋本身未飽食完即刻飽咗😂Keyword: 油花爆發、香甜、柔軟🌟厚切牛柳扒 $198呢道係第一道菜！店員都好好人會主動埋嚟幫我哋燒😛佢極厚身，四邊都燒完之後店員會剪成六嚿，放返上碟俾我哋品嚐～咬落去第一啖感覺到嘅係焦香嘅味道，跟住係肉汁爆發嘅感覺！！🌪️因為佢係厚切嘅關係，好有口感嚼勁但又一啲都唔會韌✨重點：🐰🦊都覺得加咗個汁係成件事昇華咗！🪄個汁會同埋啲肉一齊放上個爐度燒熱，係洋蔥、橄欖油、蒜蓉撈埋燒肉汁，甜甜地，但係帶出咗成件事嘅香味，超級正！！大推😭Keyword: 厚切肉感、焦香、肉汁爆發🌟天使牛肋肉 $158店員話佢同魔鬼牛肋肉嘅分別就係佢嘅油脂冇魔鬼咁多，但佢只係貴魔鬼$10又係🦊生日梗係食好啲啦🤭數量限定嘅稀有部位！一咬係即溶即刻解體，啲油脂係一咬落去就爆曬出嚟！！完全唔難咬好柔軟，我哋好鍾意🤤👍🏻Keyword: 油花爆發、柔軟🌟蔥花肉眼芯 $168一入口又係驚艷到我哋！！呢款，並唔係佢肉嘅口感令我哋好鍾意，係佢嘅味道！記得要加埋啲香蔥一齊食！！一入口就俾鹽、同埋胡椒+香蔥嗰種清新感衝擊咗味蕾，好難揀佢同天使邊個好食啲😭我哋覺得肉眼芯嘅味道＞天使牛肋肉；而天使牛肋肉嘅肉質＞肉眼芯Keyword: 濃味、味覺衝擊🌟海膽黑松露玉子飯 $98每一粒飯都沾滿咗蛋漿，入口軟綿濕潤，撈埋海膽同埋黑松露個味真係好香！！🤧推薦大家叫呢個澱粉質🤤⭐️鹽燒黑豚腩肉 $58豚肉冇臊味，燒起上嚟都好脆口！只不過同其他牛肉相比，其他牛肉實在太出色🤣所以印象唔太深刻🤣⭐️一口冷麵 $38真係一口😂份量有啲細！不過佢個麵係非常煙靭好好食！味道都OK，少少酸辣，如果推出大嘅版本就好啦🥹💬 要留意嘅係，只有晚餐時段可以預約！預約時段分為兩段，一係1800-2000/2000-2200！📍Futago HK大阪燒肉 (銅鑼灣)銅鑼灣恩平道28號利園二期地下LG01號舖
continue reading
朋友食過唔錯跟住推介我地黎 真係冇介紹錯👍🏻👍🏻✨大得驚人牛小排 $198好大塊 😍 望落油脂分布都均勻😍側邊嗰啲就脂肪比例多啲 食落真係入口即融😋😋😋超香油脂味 好正👍🏻👍🏻 佢有配左啲wasabi 醬 點左嘅話食落就冇咁油膩👍🏻 開頭仲會有職員幫手燒 唔怕自己燒得唔好🙈燒前一齊叫口號 好搞笑🤣😆如果要食呢個記得預先book 定呀😉✨極上Futago 盛 $238有厚切牛舌 厚切牛胸腹肉 厚切牛肋肉 厚切牛柳 🤩🤩🤩 啲肉睇落都好靚 食落牛味香濃 又有油脂感 真係有喺日本食嘅感覺咁呀🥰🥰 ✨蒜蓉牛油雜菇 $48啲菇索晒啲蒜蓉同牛油味 超級惹味 好食👍🏻👍🏻✨Futago 紫菜飯 $48略嫌乾左少少 我要自己加啲佢比嘅調味料落去先好啲🙈✨香蔥玉子飯 $48呢個飯多汁啲 因為佢有個玉子 再加上佢好似有加左啲麻油👍🏻 我哋覺得個味好似有少少似出前一丁啲調味料咁 🍺荔枝汽酒 $48幾好飲 有淡淡嘅荔枝味 唔會好甜 又唔會好重酒味🍺檸檬威士忌梳打 $48酸酸地幾清爽 酒味都唔算勁總括食物好有質素👍🏻👍🏻 服務都唔錯 會幫手燒 🥰 坐位舒服 最後仲有杯乳酪送 好飲👍🏻味道❤️❤️❤️❤️❤️抵食❤️❤️❤️❤️服務❤️❤️❤️❤️環境❤️❤️❤️❤️💰晚餐人均～$420（包括+1）
continue reading
位於銅鑼灣鬧中取靜既燒肉店，每次去食都要預先網上訂位，星期五既晚市坐無虛席！餐廳供應牛豬雞同海鮮，迎合唔同人既口味同需要。🐄牛舌盛呢份分別有厚切牛舌，上等牛舌，香葱牛舌同鑽石牛舌，四款口感都相當出色🫶🏻全部都食得出牛味，職員會幫手燒烤，控制火喉同生熟度。厚切牛舌好彈牙又多汁，肉質煙韌，個人比較鍾意鑽石牛舌，係肉表面𠝹花紋，再燒至五成熟，中間呈嫩粉紅色，加少少檸檬汁，再將肉品昇華至另一個層次！🐄香蔥和牛肉眼芯肉眼芯表現就比較平庸～雖則話係和牛，牛肉既紋理唔突出，淨係食得出肉質軟，肉味同油脂味都得明顯。燒完後配上餐廳特製既香蔥，為單調既牛肉增添左少少風味，一般般啦🫣🐄厚切特上牛胸腹肉胸腹肉肉質偏軟腍，厚身但又唔會過韌，配上蒜片🧅同山葵，好惹味香口。加左山葵微辣既口感，更加刺激味蕾，消去油脂既膩口！🐄上等牛肋肉好深刻記得呢碟索價唔過百，無論質素，份量同價錢都拋贏牛角好多條街！肉質以定價黎講好高水準，油脂同肉味分佈得好好，微微既厚度令口感提升唔少。🥢海膽牛肉呢款都會有職員幫手處理，先輕輕炙燒肉片，再依次序係碟上放紫菜，紫蘇葉，海膽同牛肉，入口好有驚喜，冰火雙重奏係口腔跳舞咁🥰鮮甜既海膽，清爽既紫蘇葉中和返肉既脂香，配合得好完美！🐥芝士雞肉食得太多牛想食返其他肉類平衡下，就嗌左芝士雞肉。將芝士燒至半融，達至拉絲既效果，再用雞脾肉沾滿芝士，味道就不過不失～🥢名物！一口冷麵冷麵一人一碗就最適合不過😍麵條好有嚼勁，再配上酸酸甜甜既泡菜同醃青瓜，清涼既組合幫助中和食左太多肉既油膩感。🥢海膽黑松露玉子飯碗面鋪上海膽同一少撮黑松露醬，米飯被蛋漿同魚籽包裹住，飯粒好濕潤同好creamy，再加入少許麻油，建議多啲人分享呢個飯，感覺食食下就會好滯😹🍨燒甜芋雪糕📍Futago HK大阪燒肉銅鑼灣恩平道28號利園二期地下LG01號舖
continue reading