Futago HK大阪燒肉

Open Now

Now Closed

勁重油煙味 佢個抽氣扇完全係唔work嘅嘢食麻麻哋好食 咁呢個價錢都冇乜投訴啦但係真係環境又癡粒粒 啲爐具又核突人哋隔離漢和個爐都仲令仔啲買單好似每人$300但係好似食咗一陣風咁海膽肥牛呢係整好之後上打唔到卡啲海膽超級唔新鮮一望就知如果要呢個價錢嘅話我寧願去食放題

再次嚟到大阪燒肉FUTAGO，好鍾意嚟呢度，因為每一次嚟，就好似去咗日本旅行咁😂 仲記得第一次嚟係食晚市，當時有個必須早一日預訂嘅「超大份牛扒」，廚師會唱歌載舞來到你張枱，並表演燒呢塊超大嘅牛扒！今次嚟就係食午市，疫情之下6pm後無堂食，午市另外會再有小小折扣👍🏼👍🏼 二人/三人set都好抵！今次同一名男友人食🤣 叫咗三人餐兩個人食🤣🤣 超滿足！FUTATO 我覺得最好食嘅，始終都係牛肉，無論係牛肩肉、牛脷、和牛，或其他牛部位，都係燒肉店來講，擁有數一數二嘅質素👍🏼 豬扒同埋其他豬肉，我就覺得一般，可能豬肉嘅醃料比較甜，冇咁適合我嘅口味但有一樣野要注意，尖沙咀分店，我坐呢個位既燒爐，係一邊大火，一邊細火，而且情況係好明顯。員工話每個爐係差唔多(?) 我成頭問號🤣 覺得有可能係其中一個爐老化咗整體來講，呢間係一間好好嘅餐廳，有特色裝修，好大張枱，而且好細心咁有圍裙俾你，食物質素亦不錯。

睇YouTube有人介紹依間無差評嘅燒肉情人節去食無加價反而做緊9折～(除1人餐外)兩個人嗌左牛豚豐盛二人前 $458每款有6件，仲有兩碗飯，沙律同湯～• 牛舌兩面燒一燒就食得，夠爽口，唔會un👌🏻• 另外兩款牛食好好食，燒完入口未去到和牛即溶，但都好軟熟，牛味都好夠！• 圖中最右一條狀嘅牛就正常水準一共有6件除左頭兩件好軟熟之外另外四件都有筋，所以好un不過味道都係好食嘅！______________________________而豬肉就正常水準，無特別感覺，可能因為套餐包嘅肉脂肪唔夠，食落都unun地，同食牛個感覺差好遠另外見人介紹厚切牛胸腹肉係同wasabi一齊食，我哋都嗌咗嚟試～• 厚切牛胸腹肉$148四件，燒兩面，之後放wasabi同炸蒜片，燒好淋上醬汁食嗰matching幾得意～如果食完未夠飽試吓都唔錯______________________________整體嚟講，套餐嘅牛都好好味，豬肉就正常～但以依嗰價錢黎講，好抵食啊夠飽，平過又好食過放題！員工態度都好好有一樣我覺得需要改變嘅係佢哋提供嘅即棄筷子，係長方體嗰種，好刮手，同好多木刺乾燥天氣使用要小心啲，好容易刮到

第二次嚟呢間大阪燒肉店，今次同好兄弟嚟食好嘢。餐牌都算多選擇，仲有期間限定嘅牛肉拼盤，口味，花多眼亂。首先要咗燒肉部最受歡迎嘅頭三位，牛小排(要打電話預訂)👍🏻，牛肋條👍🏻，厚切牛舌👍🏻。三款都非常好食，店員會問需唔需要幫手燒，非常貼心。跟住叫咗一個海膽牛肉👍🏻，好特別嘅一個口味，感覺係將全部最高級嘅嘢一次過擺落口，冇得彈。內臟方面叫做牛心定👍🏻，牛小腸👍🏻，牛心定爽口，牛小腸肉味濃郁。今日嘅主打係牛柳配黑松露醬汁👍🏻👍🏻👍🏻，牛柳非常軟熟，配埋黑松露汁，高度推介。最後叫咗一碗蔥花雞蛋飯👍🏻，食咗咁多油膩嘅嘢，食返一碗飯平衡下口味，完美嘅一餐。******************************👍🏻好食 | 👌🏻可以 | 😔 難食評分 : 9/10簡評 : 非常滿足，又好食嘅燒肉店

先澄清一下，庶民燒肉並非真的指價錢非常便宜。日式燒肉，即使在日本，從來不是廉價之選，何況香港？雖然日本也有真正庶民燒肉，又便宜又抵食；但其實並非燒「肉」，而是燒牛內臟為主。言歸正傳，已經不是第一次光顧「Futago HK」，但今次去了尖沙咀分店，而且食午市套餐，所以小編罕有地對同一間餐廳記下第二篇簡評。雖然只是午餐時段，尖沙咀分店依然滿座。裝修簡約，空間略見擠迫，但用餐環境仍算舒適。採用迷你長方體氣體爐，節省檯面空間，亦更有平民燒肉風味。弊端卻是每次最多只可烤3至4片肉，如果幾個朋友用餐，一定要燒完一款才有位置燒另一款，食得唔夠暢快；但就會「被迫」即刻品嚐每片皆是剛剛烤好、熱辣辣的燒肉 ⋯⋯ 其實更美味，也是日式燒肉的原意。小公主非常愛吃燒肉，要了三份午餐。只有一款香蔥芝麻醬汁。差不多每一款午市御膳的肉類已用醬汁醃制，味道已經相當濃郁，不蘸汁也可以。牛胸腹肉御膳（$138）顏色較深，紋理較粗；勝在肉味香濃，肉質鬆軟有咬口。上等牛肋肉御膳（$138）有較多脂肪，肉味也帶有更濃的油脂香氣；咬落更柔軟，但就稍為缺少了牛肉嚼勁。不愧和牛，和牛牛肋肉 + 牛舌御膳（$158）的牛肋肉油脂雪花含量

今日中午經過尖沙咀，又走咗去食日式燒肉，點咗一個燒肉卸膳午餐 ($98)、一份厚切牛舌 ($148)、一份牛大腸 ($45)，同埋跟餐加$5可以有杯冰凍烏龍茶😋因為今日一心想食厚切牛舌同牛大腸，所以就叫咗個平少少嘅燒肉卸膳午餐。但都相當豐富，有🐮🐷🐔，味道唔錯😊「厚切牛舌」喺我燒肉排行榜肯定係頭兩三名，雖然係貴少少，但一分錢一分貨嘛，牛舌係要厚切先好食，唔好刻薄自己啦⋯⋯🤣牛大腸同牛肝係我去日本🇯🇵食燒肉必點嘅食物，但依家冇得飛✈️ 唯有喺香港食住先啦⋯⋯ 呢度冇牛肝供應，咁只好叫住個牛大腸先啦⋯⋯ 嘩🤪 燒完放入口嗰陣油甘香味，加上夠曬趙頭，配白飯一齊食真係冇得頂😝店內近窗位置好光猛，坐得好舒服😌 幾位年青店員好好禮貌，抵讚👍🏼

星期五食好啲 之 大阪燒肉大阪燒肉就位於食市林立嘅尖沙咀棉登徑第一個舖位極易搵是日午餐牛胸腹肉御饍 - 肉質好軟，咬落有肉汁，送飯一流👍🏻👍🏻———————和牛牛肋肉御膳 - 雖然簿簿地，油脂豐富入口就溶晒，好食👍🏻👍🏻———————加點 上等牛肋肉🍖 ： 牛肉味濃，有咬口👍🏻芝麻鹽醬椰菜 ：爽脆椰菜同芝麻醬好夾薯仔沙律 ： 有粒粒薯仔 同薯蓉夾埋一齊，好味午餐包 日本米飯🍚， 蔬菜沙律🥗，漬物，蛋，湯

疫情下已經兩年無機會去日本, 燒肉店本來並不是時時食。但長時間饑渴下難免會想食一餐半餐。本身係在三月份銅鑼灣工作時發現呢間燒肉店。在那店食過一次午餐嘅套餐$118 (上等牛肋肉&牛筋肉), 肉係預先醃漬咗嘅。一定夠濃味。份量亦都俾足嘅。另一次係7月中嘅晚飯, 大部分的燒肉都質高味濃。其中店員推介嘅和牛係一大片嘅5mm.左右厚嘅"大得驚人牛小排$198"由店員幫忙燒俾客人食。 算係店嘅賣點亦係當晚最好食嘅肉類之一。 另外兩個好食嘅係海膽牛肉& 厚切特上牛舌都是$48雖然有點貴但值這個價。冷麵, 啤酒瓶裝 & 汽酒都是均一價$38, 生啤稍貴$48因為佢個生啤杯細所以感覺上較為貴。服務態度OK 

不想選擇食牛角, 但想吃比較經濟實惠的日式燒肉, Futago是另一個選擇. 它在香港歷史不短, 尖沙咀那家店已有五年歷史, 和牛角的快速擴張不同, 這些年來Futago只有尖沙咀和銅鑼灣兩家店. 它主打的除了是大阪的熱情招待風格外, 也有其在居酒屋常見到的方形細烤肉爐, 當然還有大塊得可以覆蓋整隻碟子的”大得驚人牛扒”, 但因為要事先預訂, 所以今次就沒吃到.要稱讚Futago的先從硬件入手, 它的爐雖然細小但火力強勁, 單邊橫向火力預留較多空間給油安全滴落收集區, 較少機會搶火; 另外員工動作快, 換爐架次數夠密, 另一道名物原條牛肋條負責烤的同事火候掌握得相當不錯, 外脆脂香內腍, 而且醬汁不會令牛肋肉烤得過焦, 同時揮發到其醬香.要批評的主要是有些肉的肉質比較參差, 特別是牛舌的韌不是減少烤的時間就能改變, 牛肉肉質偏肥, 肉質夠腍但肉香有改善的空間, 而雞肉皮下脂肪也偏多, 沒有修齊, 這些也要改善呢!

有識食既朋友帶路緊係搵到好食又岩懶既牛魔王既燒肉食😆同朋友第一次黎想試walk in 6點但失敗左之後即場預約一星期後同一日時段所以提提大家最好黎之前留定位同一定一定要記得預約定大得驚人牛排（只限預約）因為想試多d唔同款既野所以就叫左秋季特選季節盛試一試佢地當季之選然後其他就按心水散叫啦個餐一黎我地都好意外，兩個女仔食絕對好足夠淨係西冷已經好大塊而牛胸牛肋肉都唔輸蝕份量好充足我同朋友都好滿意呢個套餐因為我地偏好赤身而呢3款牛既部位都係油脂比例岩岩好唔會太高最滿意都係所有既肉都係由店員幫手燒平時手忙腳亂掛著傾計掌握唔到火喉既事完全唔會係到發生同埋每一種肉一開始既調味到後上既醬汁都好出色相中充滿蔥花同生蛋既調味就係被跟餐既豚肉生薑燒係平日唔太喜歡豚肉既我都好欣賞既一款食完個餐休息十分鐘我地又可以開始重新戰鬥啦牛扒牛舌牛脊肉同大判燒平時必點系列我地全部都要一份燒牛柳扒時店員會將調味料同牛油既小鐵碗一齊放係上面燒感覺幾可愛之後淋上去食好幸福甜甜既味部加上超濃既肉味牛舌口感唔錯下次會試埋厚切牛舌最後到重點出場啦大得驚人牛小排真係大得幾誇張店員建議最後先好食呢款只要當呢款出場既時候所有店員都會一齊

認識這家店是因為在深圳排隊吃過，當時在羅湖是頗有人氣的店鋪，後來發現香港也有分店，當然要來試一試。 香港分店裝潢及空間都勝過深圳，唯一比較不同的是氣氛，在深圳分店員工經常會叫口號。 食物方面： 肉類依舊保持高水準，非常喜歡特上厚切牛舌和特上牛肉他他三文魚子飯。 海鮮類都是急凍式海鮮，收費並不便宜，倒不如多點一兩款肉類。 清酒是自帶的，開瓶費好像是$100。

冇得去旅行，成日都好掛住日本既燒肉唯有搵一間每次經過都見人流幾多既燒肉店止住渴先衣間燒肉店比較難book位，最好預早1-2星期訂定位我地一行3人，因為有訂檯所以好快安排左入座我地叫左一個2人set (有前菜兩款、冷伴麵、4款燒肉、雪糕x2同飲品x2）再另外加左一碟厚切牛舌同一杯啤酒但掛住食冇咩點影到所有食物相食物：前菜 - 一碟有3款涼菜，幾開胃；另一碟係兩款唔同製法既牛油果配紫菜俾你包住食冷伴麵 - 都係幾開胃，當你食到覺得好漏既時候，食下前菜同冷拌麵可減少油膩感所有牛同牛舌 - 油脂分布肥嘅比較多，所以食到好漏，好快就會感到飽肚感豬 - 反而冇牛咁漏，仲好爽好香口環境：以木同黑色風格裝修為主同隔離枱座位分隔比較近但勝在抽氣系統強，食完唔會成身一陣味服務：店員會協助幫手燒肉，並會教你咩肉用咩醬汁去配合食，態度親切總結：可能係套餐關係，所以肉類質素冇咁好，下次會再試下逐碟order，揀岩自己口味既部位，睇吓質素有冇分別再同大家分享😉

一個月前book位要食，一直都好期待，可憎惜無預約到大大塊牛扒，但menu上其他食物都非常吸引😍呢段時間無得去日本就好想搵返個味道，先叫左兩份海膽牛肉，海膽同牛肉加埋一齊，連帶住紫蘇葉既香味，真係想不停encoreA5和牛牛扒職員會主動幫手燒，見到啲紋路燒出黎都知道入口即溶啦😍燒蟹膏好食到暈，份量又多，仲會比紫菜你夾住食壺漬牛肋肉冇諗過咁簡單嘅牛肋肉都都可以咁好食最尾其實仲有食到內臟拼盤，呢一個火爐迫曬所有肥出黎一啲都唔油膩🎉

燒肉質素幾唔錯Staff 會幫手燒肉very 骨，因為我自己燒一定無咁好食美中不足係食燒肉有限時食得好趕，想飲下燒酎食下肉吹下水係無可能如果二個人叫套餐抵中散叫好多

呢間燒肉店間唔中都會過嚟食，因為真係好好食😂當日book咗6:00，餐廳已經坐咗一半人。先講環境入到燒肉店最驚就係好大陣燒肉味，同埋枱櫈都會油淋淋。但我覺得呢間算做得幾好，可能抽風做得唔錯，衛生又做得唔錯。所以冇我嘅顧慮。服務方面職員好多都好親切，有一些會寫住實習生名牌，而且佢哋都好有禮貌。食物方面前菜方面，我十分推介薯仔沙律，真係好好食。自己食晒一個。哈哈。冷麵都唔錯，口感爽爽地，幾開胃。嗌咗一點牛舌，但唔知係唔係燒得面，有少少韌。仲有一定要推介大得驚人牛小排雖然佢呢塊嘢都差唔多200，但真係好大塊，可以分幾轉食。而且職員會幫你燒既時候，全場會拍晒手掌好有氣氛。