Futago HK大阪燒肉

Open Now

Now Closed

唸緊同阿囡去邊度慶祝生日🎂，咁啱同事食完哩間日本烤肉話唔錯，咁就訂咗位同阿囡慶祝生日。環境都唔錯，服務態度好，食物有水準，我哋一家三口叫咗個二人餐，另外再加咗個海膽飯，同埋訂位時預訂嘅和牛牛小排(一定要訂位時預訂先有)已經好滿足，仲可以幫你手烤肉，唔鍾意自己烤嘅朋友可以考慮吓👍🏻

今日中午經開尖東，心郁郁又想去食日式燒肉，自自然然就行咗入去呢度。午餐其實都幾抵食，一個人叫咗個「燒肉御膳大盛」，個餐有牛肋肉、豬頸肉、雞肉、黑豚腩肉同牛舌 ($128)個餐本身就有跟白飯、湯、沙律、紫菜、泡菜、芽菜同蘿蔔！其實都好夠飽、不過又好想食牛胸腹肉，所以就加咗一份單點。最後加埋杯冰凍烏龍茶，滿足程度爆燈😋埋單連加一服務費盛惠$207，食物質素、環境同服務都好好👍🏼大滿足😘自製燒豚肉雞肉丼🤣

高質日式燒肉店🥩🥰⁡網上搵到呢間餐廳 好評唔算多不過試完覺得佢值得更多👅👅高質食材💁🏻‍♀️ 環境服務一流💁🏻 ⁡KOPO 推薦必食之選👇🏼特製薯仔沙律 $38 🔖4.4/5分🥉大得驚人牛小排 $188 🔖4.5/5分🥈 一本壺漬牛肋條 $148 🔖4.7/5分🥇⁡- 好多肉類選擇既日式燒肉店🥩- 主打食牛肉 有幾十款種類可以揀- 有唔少套餐同肉類拼盤可以點- 大得驚人牛小排需要提早預訂⚠️ 一塊牛小排有四個部位🥰 值得一試- 我們最鐘意食壺漬牛肋條💙💙 口感一流 肉質嫩滑😋 加上秘制的蔥醬 味道更惹味濃郁💞- 薯仔沙律都不錯🥗 有驚喜 酸酸的 夠開胃👍🏼- 侍應可以幫客人燒肉🧑🏻‍🍳 不過客人多的時候可能要等長時間- 整體每碟的份量不算多 價錢略貴💸💸 但勝在品質高 服務好 👍🏼👍🏼- 餐前送上圍巾 透明手機袋 餐後送上乳酸 茶去油膩🍵⁡📍 Futago HK大阪燒肉 (尖沙咀)尖沙咀棉登徑8號地下14-16號舖

呢間係其中一間喺香港我最鍾意亦都係最經常光顧嘅日式燒肉店，位置方便，環境唔錯，中午去好光猛，影相打卡一流！呢度嘅食物質素好好，晚餐我哋4個人叫咗6款肉，3款沙律、2個甲羅燒、1款湯、4個玉子飯、3杯果汁汽水...... 食飽飽總共都係$1,800埋單。我自己最鍾意厚切特上牛舌同埋厚切特上牛胸腹肉，濃香嘅牛肉味真係好正👍🏼服務方面，店員都好有禮貌，好多時會主動問你使唔使幫手。另外，如果想食得經濟啲，建議可以中午去試吓佢哋嘅午市套餐，質素都好好㗎😊

🌼第一次嚟呢度食燒肉，佢比出邊嘅鍋都細，如果拍拖嚟呢度就最啱，大家都可以close d呀嘛😂叫咗佢哋最貴嘅和牛拼盤，肉質都尚可，脂肪比例都可以，佢哋嘅鍋比較細，可能一次淨係可以整小小食，配埋佢哋自己嘅汁，突出到和牛嘅鮮味，另外我哋都叫咗牛舌食，千祈唔好煮泰萊會比較難咬😂Total買單千幾蚊，算係比較貴，搵唔到食都可以考慮吓呢一間，佢嘅服務質素都還可以，叫咗佢好多次個服務員，都唔嫌我地煩😂讚呀

最近很著迷這種日式燒烤，看到有人推薦，就趁著週末過來嘗試，有套餐很划算，不過很多我不吃的，於是單點，價格也ok，豬肉都很好吃，肉的質量也都不錯，飲料也好喝，不過服務有點差強人意，到三點準時來催我們，催了兩次，而且其實早就買單了！

早兩星期行街路經呢度，見有不少人排隊，本身都想試，但太肚餓最後去咗另一間。今天初三碰著情人節，就同男朋友來碰吓運氣睇吓無訂座入不入到。我們大約12:30PM來到，門外有十幾人排緊，傾住計等咗九個字，大概是首輪入座的客人開始食完，當前面人龍開始郁，好快就到我們啦！感恩~入座後，店員俾咗圍裙和濕紙巾我們，就作簡單介紹。不得不讚套餐牌配圖清晰(實物跟相片合乎)，我們二話不說決定試吓《新春二人前》套餐($548)。除了燒肉，套餐仲包括配菜(泡菜-偏甜不辣、薯仔沙律-軟綿綿中帶少許薯片碎)、兩碗白飯和兩杯凍飲。和牛盛(和牛肩胛肉、特上和牛) (8/10)：油脂平均，一放牛肉去燒板上，滋滋聲好治癒！上等牛肋肉 (8/10)：燒到剛剛好，外脆內軟有咬口。牛舌 (9/10)：這個不得了，必食之選！黑豚腩肉 (7/10)：簿片得來夠香，不錯！和牛肉眼 (6/10)：大大塊望幾吸引，原本男朋友最期待食呢個，可惜肉質較實，和牛味不出，相比其他稍為遜色。環境設施 (8/10)：設計簡約，乾淨企理，尚算舒適。抽氣系統小而有力，明顯見到油煙被抽走，Like!服務質素 (8/10)：店員態度有禮，另收加一服務費。回

來自日本大阪嘅ふたご燒肉喺香港已經有兩間分店了，我到最近先至有機會試。第一次嚟冇得食，因為我哋冇訂位呢～想食嘅話我提議要預先訂枱，好似我咁摸門釘就唔好啦。▫️野菜盛合 (HKD65)- 拼盤有鮮冬菇，洋葱,雞脾菇，蘆筍。我覺得食燒肉點都要食吓蔬菜先得。▫️上等鹽燒牛舌 (HKD78) - 呢個牛舌連平時唔係幾好嘅我都覺得正！鹽燒好惹味，完全滲入晒啲牛舌到！▫️三點盛 (HKD148) - 黑豚腩肉，豬頸肉，雞腿肉 - 諗住呢個拼盤乜肉都有啲，除咗牛肉都想試吓其他肉。其實嗰晚嘅主角係👇🏻▫️大得驚人牛小排(HKD188)呢塊鹿兒島和牛扒係店內人氣No. 1食品。Size 都幾大塊但就唔算厚。上枱時店員會幫你燒呢塊牛扒嘅，應該係怕呢塊牛扒太大塊啲食客唔識整掛。開始前會和其他店員一齊叫口號，真係好有喺日本食燒肉嘅氣氛㗎。燒到咁上下就會幫我哋剪開件牛扒，然後簡單地咁講解下牛扒唔同嘅部分。牛扒邊肥膏比較多，店員推介我哋包住塊生菜一齊食，我哋試完後覺得油膩感真係冇咁重喎。牛扒其他部位都好正，肉質好嫩滑又冇筋，入口仲要即溶呢！呢個我覺得係必點嘅！要預訂㗎，訂枱時記得訂埋塊牛扒！我哋幫襯嗰晚咁啱有枱日本人坐喺

見到話要提前成個禮拜訂檯，朋友早三日到打去都話無位，好彩地早一日再打去搏下，應該有人唔去話六點有吉檯😎去到有圍裙同埋膠袋比客人裝手機，跟住餐牌點頭五，某啲燒肉可以揀鹽燒或者汁燒，可以請店員俾意見同埋幫手燒，燒完之後仲會送上酸奶同埋紅茶解膩😚▪️ 大得驚人牛小排（7/10）💲188訂檯既時候店員會問埋要唔要預留鹿兒島和牛，上檯當下會全店既員工一齊呼喊句日文口號好有氣氛，出到黎真係幾大塊，不過燒完偏向多肥膏，肉位比較少，都有油香入口即溶既感覺，但牛味薄弱一點🤭最有驚喜既係個磨左既芥末醬，加埋落去簡直畫龍點睛😱▪️ 一本壺漬牛肋條（8/10）💲148一大條厚肉既牛肋條，店員會剪開一舊舊，肉質唔會硬身，入口依然軟腍，本身有醃製既醬油味，最後加上醃醬內既大蔥同埋蔥花提味，但係肉味都香濃又唔會完全被遮蓋😛▪️ 厚切特上牛舌（8.5/10）💲148每次燒肉都幾乎走唔甩既牛舌，呢個都真係幾厚身，質感依然滑身爽口，但係又唔會韌😍連埋個檸檬汁一齊都幾匹配🍋▪️ 厚切特上胸腹肉（7.5/10）💲148肉質同樣軟身，但個人覺得牛味未有牛肋條咁重，落埋個炸蒜同埋芥末配搭都唔錯，其實幾欣賞店家會係唔同肉類配上唔同調味品😌

另收加一服務費，環境尚算舒適，乾淨企理，服務質素唔錯。提供手機📱袋、圍裙和濕紙巾～一開始有專人幫你燒～ 而且燒得好好☺️他每燒一次都換一塊板@@態度也很好。 （後半段可能滿座太忙）全部牛肉都薄切，除了內臟和注名厚切#海膽牛肉 $48一件燒牛再放在海膽刺身和紫菜上～ 但中間有塊香草搶曬的味道#和牛火炙壽喜燒 $138 配生蛋、白飯團🍙和黑松露～ 混在一起吃。生蛋令所有野滑溜溜的，幾特別。另外吃不到黑松露味😂#牛舌盛 $168 有數款牛舌～ 好吃😋鹽味偏咸.. （鹽太重手）厚切要燒耐少少🤏太生會很難咬#特上天使牛肋肉 $158 每日數量有限，好好吃😋濃郁牛味，肥美的薄切牛#黑毛和牛特上牛肋肉 $158 脂肪分佈均勻，非常肥膩嫩滑～入口即溶感覺#上特和牛肉眼芯 $148 肉質較粗糙#甘薯雲尼拿雪糕 $48 暖暖的焗甜蕃薯🍠配凍凍的雲尼拿雪糕🍦面層再有朱古力醬～幾特別，好吃服務質素：9/10環境舒適度：7/10ᶘ ᵒᴥᵒᶅ個人口味評分：8.5/10

話說女友同朋友食完，覺得呢間好食要帶我嚟食一次， 不過都幾full， 可能都要提早啲book， 同埋有啲餸係需要預留 ， 例如和牛嗰啲食物 非常大件， 手掌咁大塊牛小排， 肉質非常鮮嫩， 加上用燒嘅方式會令佢更加惹味， 重點係有人會專誠幫你燒， 同埋教你用咩醬汁， 所以成個配搭都係預設咗， 唔使自己煩， 食物方面質素很高， 食得出都係用靚既肉， 唔會係 平時放題燒肉店既質素。環境： 會有簡約嘅日本風， 坐落唔會特別豪華感， 但係舒服嘅， 值得一讚係服務員， 每一款菜式佢哋都會專誠幫你燒同教您 用咩醬汁配搭總結如果鍾意食高質燒肉嘅值得一來

只係隨機係街上面行下睇下有乜食，事後先知去左book極都book唔到既一間燒肉店。由於之前已經係內地食過，所以對佢充滿期待，結果都冇令我失望。牛肉真係冇得頂，嗌既唔係最頂級，未去到入口即溶，但牛既香味充斥整個口腔，肥瘦比例一絕。豬五花就正常發揮，調味可以，因為都係自己燒，火喉控制恰當就可以。又點左我最中意既甲羅燒，料係充足既，但就冇乜特別，唔算去到”嘩”一聲，如果同肉類比較，依個唔係必食之選。牛腸同牛肚，如果唔係好食得牛味既朋友唔推介，特別係牛腸，基本係食肥膏入面既牛油香，所以因人而異，我就覺得十分ok，唔好燒太耐就唔會韌到食唔到喇有用醬料醃左既野好容易燒焦，依度就有好貼心既服務，店員會幫你燒，唔怕燒焦晒食唔到，雖然唔似我係內地食咁會有店員全方位幫你燒晒所有野，不過係香港做到緊要關頭出手幫忙都好好嫁喇！依個肉都醃得好好食，醃料味唔會太重蓋過晒肉味，而且牛肉都嫩滑，唔會太多筋位。黎到戲肉喇！！！上次我一個人食左3碗，依個香蔥雞蛋伴飯依然冇令我失望，生雞蛋伴飯本身已經冇得輸，佢架埋生蔥同麻油既香味，少少既醬油，成個飯香到，係咁係咁食都得呀！必食推介！！！另一個令我對佢評價提升既地方，就係佢

約咗兩個姊妹去尖沙咀食燒肉，咁呢一間燒肉呢係我姊妹介紹嘅咁佢之前就話食完好友我哋之前去日本旅行食嗰種感覺🤣聽完佢講之後真係要去試吓啦，咁其實菜色嘅名呢我就唔係好記得！因為佢通常都係啲牛肋條啊配燒汁或者配鹽燒😆但令我最期待嘅就係姊妹book位嘅時候呢特別係預留左呢一塊和牛 有專人過嚟幫我哋燒呢塊和牛咁佢需要嘅時候呢就會話要叫一個口號不過我都唔記得咗係咩口號啦但係就比我嘅感覺呢間餐廳好團結，因為佢嗌呢個口號嘅時候呢其他職員都會跟住一齊叫嘅其餘我哋都叫咗唔同嘅沙律有椰菜啦亦都有泡菜

平時沒有訂位是很難吃到，今天1830經過好像有位walk-in即訂2030居然有😊那就做完嘢回頭食！唔講大家可能唔知，大阪燒肉是在東京市非常有人氣之平民化嘅烤肉店，但大阪是沒有😅。深圳有間老番我都有去過，這間是日本正版，不用擔心。日本人食飯前，正常先飲杯冰凍啤酒，再飲其他自己喜好，今次我們就沒有，直接叫了梅酒梳打和梅酒加冰，味淡不知是梅酒濃度低，還是加冰溝梳打太多，完全好像沒有酒精一樣，梅香味亦很淡👎🏼相反主題服務員推介，我們全叫。《厚切特上牛舌》 預先醬油醃製，配上檸檬角，雖然只得四片size不算太細。🐮🐮🐮🐮🐮有需要服務員事會幫你代燒。五成熟牛舌又滑又爽口，肉味香並帶汁。 《特上魔鬼牛肋肉(熊本產）》 食番啲正宗日本和牛， 用海鹽等調味料輕灑上配上新鮮 wasabi ，油脂感非常好，入口溶化，和牛肉香味普通牛扒冇得比， 真係魔鬼般嘅誘惑。🐮🐮🐮🐮🐮大火輕烤兩面，外香脆內 juice。《特上天使牛肋肉(數量限定)》 天使和魔鬼的分別就是肉質比較冧且嫩滑， 油脂感沒有魔鬼咁誇張，但 wasabi 有料理過，相對新鮮的比較辣，伴碟還有類似話梅條，彌補牛肉嘅鹹味，食落直情好似去咗日本一樣。

今日既午餐食呢間1點就去到 唔算多人叫左和牛牛肋肉 同埋 特上和牛牛肋餐加5蚊有餐飲 都幾多選擇特上和牛牛肋油脂好重送飯食一流 唔會太漏和牛牛肋呢個肉質淋身d肉汁不錯食完再追加左牛胸腹肉同上等牛肋肉最後5百幾蚊埋單下次會再食