Video
Introduction
It is a popular yakiniku brand from Saga. It mainly serves A5 kuroge wagyu from Kyushu. The rare parts of this wagyu are very juicy. The seats are roomy and comfortable. It is suitable for family and friends gathering.
continue reading
Opening Hours
Today
12:00 - 22:00
Mon - Thu
12:00 - 22:00
Fri - Sun
12:00 - 22:30
Public Holiday
12:00 - 22:30
Public Holiday Eve
12:00 - 22:30
Above information is for reference only. Please check details with the restaurant.
About Reward Scheme
餐廳：YAKINIKU KAKURA地點：紅磡黃埔天地聚寶坊菜式：來自佐賀既日式燒肉，賣點係由日本直運九州產既A5黑毛和牛。餐牌：午市有燒肉定食，可以選唔同肉類組合12選1，配白飯，沙律，餐湯，小食，甜品，餐飲。另外都有8款午餐定食。落單掃QR code。黑毛和牛大判燒拼US牛板腱肉 $258 另加一招牌黑毛和牛大判燒係一大塊薄切黑毛和牛西冷，全塊燒好快食得，同溫泉蛋一齊食可降溫同有壽喜燒風味。和牛西冷算嫩口，個燒肉汁真係好好味。US牛板腱肉一客4片，夠厚身又嫩口，口感唔錯啖啖肉。伴有四片南瓜。牛舌盛合 $148 另加一牛舌盛合有鹽味牛舌5片同蔥鹽味牛舌5片，牛舌夠厚身又彈牙，鹹香十足。蔥鹽味牛舌就加左蔥花，另上京蔥條同檸檬，味道唔會太鹹，已經好夠味。 每個餐可以追加一款燒肉，價錢唔貴。US牛腹柳小排 加$58 另加一腹柳小排一客四片，唔會太肥，但係都好易咬開，口感好好，呢個價錢超抵食。餐配白飯，沙律，餐湯，小食，甜品，好豐富。沙律係沙律雜菜加車厘茄，加上少少酸汁調味。小食係辣青瓜條。白飯分量唔會太多，好有米香又有口感，送燒肉一流。餐湯係昆布湯，加有蔥花同白芝麻粒，味道都唔錯，唔會太鹹。甜品（跟餐）甜品係好滑溜既杞子杏仁豆腐同雲呢拿雪糕糯米糍，兩樣放係個精緻盒入面，杞子杏仁豆腐份量少少，超滑而杏仁味香濃，外圍口感好彈牙。雲呢拿甜品雪糕糯米糍都唔錯，令人超滿足。Coke Zero （跟餐）餐飲可選檸檬茶，檸檬水，咖啡，汽水，可加錢升級至綠茶，烏龍茶或者乳酸梳打。凍冰冰汽水配有獨立包裝飲管。若鷄雞腿 $78 另加一另外喺主餐牌點多份肉，若鷄雞腿一客5件連皮伴有檸檬一件，我叫左走鹽走黑椒。 醬汁枱上面有三款醬汁，左至右分別係燒汁，辣汁，酸汁，不過燒肉本身都夠味，唔洗點都得。餐廳環境舒適，食完唔會成身油烟味。呢餐食得好開心，呢度燒肉質素永無失望，而午餐價錢抵食。
continue reading
4月18日，復活節假期的第一天，我和老婆特意來到黃埔食晚飯。由於到達時間尚早( 6點還未到)，餐廳內人不多，能夠悠閒地享受一下寧靜。這家店我們之前已經光顧過，依然維持一貫的水準，在日式燒肉的價格與品質之間算是取得了平衡，令人滿意。- **KAKURA沙律** 沙律的亮點在於加入了吞拿魚與泡菜，這種組合讓味覺上帶來驚喜。泡菜偏酸而不辣，再配合其他dressing，絕對是讓人胃口大開的開胃菜。- **泡菜** 與沙律的泡菜風味一致，酸度較明顯但不辛辣，與傳統泡菜風格有所不同，作為頭盤相當合適，個人覺得挺合口味。- **華味鳥胸腹肉** 雖然味道算不上有驚喜，但經過醃製，整體來說仍然合格以上，屬於中規中矩的一道。- **海鮮拼盤** 包含三隻蝦、魷魚片及牛油帶子。牛油帶子本身就是一道十分安全的美食，不論怎麼料理都很出色。蝦的品質尚可，而魷魚則帶來意外驚喜，口感與風味都令人滿意。- **黑毛和牛上嫩肩里肉** 雖然只提供五塊，但表現不俗。輕輕燒烤兩面，入口柔軟且味道濃郁，下次一定會加點一客，配飯食更佳。- **冷麵（小）含辣配菜** 為了增加飽足感而加點這道冷麵。如果辣度能再提升一些，相信會更過癮。日本無酒精啤酒與甜品方面不作詳述，但總體來說，整頓晚餐相當愉快，食物品質與價格匹配，令人滿意。### 💰 消費細項：| 華味鳥胸腹肉 | 88.00 || 黑毛和牛上嫩肩里肉 | 198.00 || 海鮮拼盤 | 178.00 || KAKURA沙律 | 78.00 || 泡菜 | 38.00 || 日本無酒精啤酒（350ml罐装） | 38.00 || 冷麵（小）含辣配菜 | 38.00 || 甜品 | 免費 |**總消費：HKD 722（兩人）** 整體而言，這次用餐體驗令人滿意，值得再訪！🍽️🔥
continue reading
回頭指數：⭐️⭐️⭐️⭐️食物質素：🌮🌮🌮🌮服務質素：☺️☺️☺️☺️消費指數：💰💰💰（TTL $1094，人均消費$547）環境質素：☘️☘️☘️同朋友一齊去咗黃埔既燒肉KAKURA，肉質同味道都好有保證，今次仲食左幾款招牌菜必食推介。大判燒!黑毛和牛西冷 ($178)
一上枱就見到一大片黑毛和牛，油花分佈好靚，店員仲會幫手燒，火候控制得啱啱好，入口即溶，嫩滑到不得了🥹大推！
。黑毛和牛內橫膈膜 ($188)
肉質比較有咬口，燒到半熟最好，肉汁鎖得好，牛味濃，推薦俾鍾意有嚼勁既朋友
。黑毛和牛腹柳小排 ($148)
腹柳小排油花好靚，肉質嫩滑，牛香味十足。壺漬KAKURA牛胸腹肉 ($138)
建議剪成小件再燒，肉質軟腍，肉汁好豐富，雖然油脂少咗少少，但牛味濃郁，食落好滿足。牛腸 ($58)
燒到外皮香脆、油脂香氣好出，口感彈牙，調味簡單但好夠味
。牛板腱肉 ($98)
肉切得薄身，燒到微脆，肉質唔會太韌，帶少少嚼勁
。蔥鹽味牛舌 ($98)
牛舌真係必試！切得薄薄，燒到半熟，口感超嫩，配上蔥鹽醬，鹹香味好出，牛舌既鮮味完全保留，牛舌控一定會滿意👍🏻。石燒肉泡菜鍋飯（免治雞肉） ($88)
熱辣辣既石鍋飯好香，泡菜同免治雞肉既味道好夾，開胃又豐富，份量都夠兩個人share
餐廳環境好舒適，走日式風格，木系裝潢加暖色燈光，氣氛好溫馨，座位寬敞，而且通風系統都做得好，食完唔會成身燒肉味同類餐廳 #cocofood_日本菜同區餐廳 #cocofood_黃埔如果你鐘意我既分享，按右上角🔔，就可以睇到我所有既 update
continue reading
去開黃埔食燒肉，一定會諗起Yakiniku Kakura！呢間我真係食過好多次，次次都咁高質，啲牛肉油花靚到冇得彈，從來冇失望過！🔥🍖 牛肉類 – 和牛控必試！「大判燒！黑毛和牛西冷」🥩💯薄切西冷油花超靚，烤兩烤就食得，建議五成熟，再點溫泉蛋🥚，入口即溶！濃郁牛油香加蛋香，真係無得輸！黑毛和牛裹腹牛柳 (120g) 🏆超大塊厚切，燒到外脆內嫩，剪開厚厚一啖咬落去，肉汁爆出嚟，超滿足！黑毛和牛特上嫩肩里肉 ✨油脂更豐富，入口即化，上面嘅鹽同胡椒帶出鹹香，食完仲想encore！黑毛和牛內橫膈膜 (走汁版) 🧂肉質超腍，牛味濃郁，簡單調味已經好正！🥗 配菜 – 解膩必點！Kakura沙律 🥬新鮮沙律菜+吞拿魚+泡菜，口感豐富，食完燒肉清一清個口好舒服～冷麵 🍜彈牙冷麵配芽菜、泡菜，辣辣地好開胃，食完燒肉食返碗超爽！
continue reading
Yakiniku Kakura之前已經食過好多次，都覺得好高質，今日就嚟試吓佢哋好抵食嘅午市套餐，一個set又唔同嘅肉，仲包埋沙律、湯、飯、甜品同埋飲品，真係好高CP值🙂↕️•大判燒！黑毛和牛西冷🐮大判燒黑毛和牛西冷每次嚟到都係必嗌，大片薄身，油脂分布平均，燒完之後就可以點埋蛋漿一齊食，肉質嫩滑🥰•黑毛和牛腹柳小排呢款黑毛和牛食落油脂感比較重同好香，肉質軟腍入口即溶•黑毛豚脛肉🐷豬頸肉油脂豐富，燒到脆脆地好香•鹽燒若雞雞腿🐥雞腿肉嫩滑多汁，燒耐啲都唔怕•US牛板腱肉食落比較瘦，牛味濃郁，油脂感冇和牛咁重但係都係好腍今日嘅甜品係泡芙同杏仁露布甸，食埋甜品真係好滿足☺️
continue reading