牛魔一人燒肉

Open Now

Now Closed

有朋友推薦我終於去左呢間牛魔，以一人燒肉為主，話說我未曾喺香港嘅一人燒肉店，佢話個情人節套餐好平之餘，仲有NMN送，話呢個牛魔YAKINIKU MOREx伊胞CYTOLOGICS雙情人祭二人燒肉Set，有朋友超推介呢個餐，隻日本出嘅NMN好唔好我未知，但我純粹覺得個餐都幾吸引，於是第二日走咗去食。有日本和牛西冷，海鮮，黑毛豬五花位，雞肉，仲有飯有湯有沙律，如果二人胃口不大，分分鐘食唔哂，$398，其實都幾超值。加錢可以要特別野，叫左個蟹黃飯，仲有海膽飯，全部唔止睇落好食，味道都好唔錯。另外試多個牛魔三重盛宴，牛舌，牛五花，牛板腱嘅套餐。牛舌好食到要再加。當日見樣樣好食再加串燒，牛肉他他等等，全部合格有餘。怪不得呢類一人燒肉餐咁流行，觀乎平日的下午有勁多中學生，可見想食好燒肉而又唔太貴，牛魔YAKINIKU MORE係一個幾好選擇。驚過左情人節無呢個set？唔驚呀，而家promotion 做到下個月白色情人節，白色情人節就送另一款適合男士嘅NMN，平時簡單食下好野又唔貴，去下啦。

餐廳：牛魔一人燒肉地點：旺角豉油街菜式：日式燒肉餐牌：一人燒肉套餐一共有15款，分100/150/200g，價錢唔同，包御飯或者迷你烏冬，牛骨湯同沙律。御飯或者迷你烏冬都可以升級，可以加錢追加燒肉/小食/飲品等。落單用QR code。M9和牛肉眼牛肩肉套餐(和牛自慢系列) 200g $188M9和牛肉眼兩大片，切得夠厚身，帶少少肥膏，燒一陣就食得。食落好有牛味，而口感嫩口，正！牛肩肉有六件，好厚切，脂肪唔多，食落啖啖肉。跟有檸檬角比你自己調味。牛舌，牛五花，牛板腱套餐 250g $168牛舌牛五花各六片。牛舌好有咬口；牛五花就嫩口唔太肥。牛板腱就有四大片，好薄身。好欣賞呢度醬汁好flexible，可以從9款醬汁當中自選3款，好貼心。呢度肉類本身冇加醬汁，所以自選醬汁好重要。蘋果燒汁，焙煎胡麻汁，黑松露燒汁我揀左呢三款就真係唔錯。黑松露燒汁真係帶微微黑松露味道。焙煎胡麻汁好厚身。而蘋果燒汁比平常燒汁淡少少。同行友人就揀左蘋果燒汁，柚子燒汁，檸檬鹽。跟餐沙律係簡單雜菜加粟米粒沙律，醬汁係黑胡麻醬。跟餐牛骨湯有昆布，豆腐粒同蔥花，唔會太鹹。迷你烏冬大概有一碗份量，湯底呈奶白色，加有葱花。手拆

呢間新開的燒肉店環境舒適，讓你可以在輕鬆的氛圍中享受美味的燒肉。每個座位都配備了獨立的燒烤爐，令你可以隨心所欲地掌控火候，體驗自己動手燒烤的樂趣🤩店內的裝潢現代而簡約，營造出一種放鬆的用餐環境，無論是工作後的放鬆時光，還是獨自享受美食的時刻，都是非常適合😍牛舌、牛五花、牛板腱套餐這款套餐包含了牛舌、牛五花和牛板腱，三種不同部位的牛肉各具特色。牛舌肉質滑嫩，燒烤後散發出濃郁的香氣，口感獨特；牛五花則肥瘦相間，燒烤後外焦內嫩，油脂融化後的香味令人垂涎；而牛板腱則肉質緊實，適合喜歡嚼勁的食客。這三種牛肉的搭配，讓你在一餐中體驗到不同的風味與口感，無論是選擇小份還是大份，都能滿足你的味蕾😋😋M9和牛肉眼、牛肩肉套餐M9和牛肉眼是這間燒肉店的招牌之一，肉質極為細膩，油花分布均勻，燒烤後的肉片色澤誘人，入口即化😋😋呢種高級和牛的獨特風味，讓每一口都充滿了濃郁的肉香，令人陶醉。無論是搭配簡單的鹽或是特製的醬汁，都能讓這道菜的美味更上一層樓🤤🤤牛肩肉肉質結實，富有嚼勁，燒烤後的香氣四溢，讓人忍不住想要一口接一口。這款套餐同樣提供大小尺寸的選擇，無論是小份的輕食還是大份的滿足，都能讓你享受到獨特風味🤩🤩

平日夜晚9點半去食，得嗰幾枱，係都再迫你搭枱，周圍仲大把空位，啲梳化又污糟，有油，用濕紙巾抹完成張紙巾黑晒。周圍大把位，佢無端端帶兩位坐隔離，張枱我哋已經放咗一半食物，我哋同個侍應講，周圍咁多枱，可唔可以唔好坐得咁迫，加上張枱又冇隔板，如果搭枱，真係手踭撞手踭咁食，之後個男員工好唔滿意咁走開咗。之後有個金髮四眼男侍應同長髮女侍應講，坐得唔舒服咪食囉，仲發脾氣大力掟嘢。隔咗一陣，個男侍應報復，又特登帶第二枱兩位坐我哋隔離，其實成個場有好多兩位都係坐4人枱，佢偏要帶我哋嗰張，我就知佢想報復。我同佢講，你個場爆棚搭枱真係冇問題，但周圍都係空位，點解要啲客坐得咁迫，之後嗰兩個客都走咗去第二張枱坐，仲要係打橫坐，我哋都係打對面坐。金髮四眼男侍應唔份氣，係咁捉住長髮女侍應係度話我哋，仲要大大聲話呢度唔俾搭枱架咩，咁嘅態度真係想博俾人打，當然我哋會容忍，無謂同呢啲小朋友嘈。當晚未夠10點鐘，個金髮四眼男侍應已經不停喺門口講截咗單啦！唔做架啦！我心諗你哋收11點，10點未夠就趕客唔做生意，希望佢老闆會睇到呢篇食評，認真考慮吓請啲乜嘢質素嘅員工，而唔係請啲倒米嘅員工。

之前朋友 farewell me 食過一次，感覺價錢和Quality 都恰到好處，今晚再食多次～ 預祝情人節豬頸肉 texture都彈牙，爽口。但我一開始燒嘅時候發現豬頸肉燒極都係白色，當然啦、豬係白肉嚟㗎嘛～ 所以要顏色好睇，要燒的時候搽埋燒肉汁先得。除咗套餐嘅特色醬汁之外，張枱其實就擺咗連埋有掃掃🧹的醬汁瓶～ 可以幫豬肉加上顏色。我自己就鍾意食M9和牛肉眼多過和牛西冷，當然就各有千秋。肉眼肉味就比較濃一啲，脂肪無相對上就冇咁多；和牛西冷一聽「和牛」二字你都明白啦😉我無估到係牛魔一人燒連甲羅燒都玩埋、蟹殼和鵪鶉蛋、蟹膏連蟹殼上枱。下次或者我自己帶埋梳打餅配埋一齊食😂

香港人一向鍾意食燒肉，市面上越來越多主打一人燒肉嘅餐廳，啱晒想獨自享受燒肉樂趣嘅朋友，或者趕時間嘅上班族！🔥🥩🥢😍每份套餐包沙律、味噌湯、飯或烏冬，仲有9款醬汁任選3款，每份燒肉套餐都好豐富飽肚。😋👍🏻✨ 牛舌・牛五花・牛板腱套餐 ($168)，呢個套餐絕對係牛魔王的肉肉組合之選，三款肉的重量約250g。牛舌口感薄薄柔軟，牛五花油脂豐富，牛板腱肉質嫩滑，牛味最濃。三款牛肉的味道、肥瘦各有不同，燒完後點上自選醬汁（黑松露燒汁、蘋果燒汁、柚子燒汁），味道酸甜更加開胃。周邊配料加購了蘭王蛋（+$10）撈烏冬，蛋汁令烏冬食起上嚟更加香濃順滑。🥗🍲🐮🥩✨ M9和牛肉眼・西班牙黑毛豬頸肉套餐 ($188)，約200g的重量。如果想食得豪啲，可以試吓呢個M9和牛肉眼套餐。和牛肉眼幾有質感，油脂更重、肉質更細嫩。西班牙黑毛豬頸肉肉質鬆軟彈牙，帶有微微嘅焦香，兩款肉都有相當的質素。🐷🐮🥩🔥「一人獨享燒肉」套餐選擇多樣化，價錢合理，最興奮的時刻莫過於燒肉燒至脂肪的位置時嗆起火來，自己燒自己食，同樣也是一種樂趣。😎🥩🥢🔥

農曆新年前，同朋友係旺角買衫，血拼到一半肚餓，想嚟過快食但係又唔想食快餐，係富達大廈嗰度見到間一人燒肉，套餐選擇都幾多，價錢由$48 至$248。 我哋見臨近新年，所以叫咗2個日本A4和牛set $128 ,套餐包括沙律，味增湯，醬料都有唔少選擇，可以自選三款醬汁。🌟日本A4和牛西冷拼牛小排套餐 & 日本A4和牛西冷拼牛板腱套餐🌟A4 和牛西冷超級好食，大大塊嘅日本和牛油脂非常豐富，油香豐富多汁，入口即溶。牛小排油花交織，分布均勻，煎完之後軟嫩、有嚼勁🤤🤤牛板腱相對沒有牛小排那麼油膩，但不減牛肉嘅香濃，唔鍾意食太肥膩嘅我就啱晒😆🌟+$18 追加咗櫻花蝦粟米餃子2隻🌟餃子嘅皮香脆，加咗櫻花蝦同埋粟米，又幾特別，增加口感。🌟+$30原隻燒蠔（2pcs）🌟蠔肉飽滿，味道甘香，口感滑溜，炭燒特別口味食燒牛肉點少得溫泉蛋同埋紫菜拌飯😆😆😆我同朋友都好快就爬完成碗飯

估唔到1人燒肉都咁高質😳嚟到旺角「牛魔」諗住簡單食個快飯，點知俾佢個M9和牛肉眼吸引咗！仲可以加配甲羅燒，咁啱有2人枱立即入去試吓😋M9和牛肉眼&西班牙黑毛豬頸肉套餐 ⭐️⭐️⭐️⭐️⭐️呢個餐要加肉先夠喉，M9和牛燒2燒就食得剛剛好，肉味濃入口會化開，配少少鹽已經好好食😋黑毛豬頸肉夠晒爽口啖啖肉，唔好牛嘅可以食豬頸肉一樣咁正👍🏻牛舌牛五花牛板腱套餐 ⭐️⭐️⭐️⭐️⭐️一次過滿足3個願望嘅set，如果三心兩意可以叫呢個餐呀～朋友話一場嚟到所以都叫咗加大，肉片加至250g勁豐富😍牛魔蘭王紫菜月見拌飯 ⭐️⭐️⭐️⭐️⭐️基本上蘭王蛋拌飯就無得輸啦，配埋紫菜就更出色❤️加少少錢就有更好嘅享受認真值得呀！蟹粉蟹黃蘭王拌烏冬 ⭐️⭐️⭐️⭐️蟹粉蟹黃另外上，我問店員攞多隻碗仔，鍾意拌幾多落烏冬都可以！蟹粉蟹黃鮮甜好正，不過感覺同烏冬未算最夾，下次試埋拌大光麵先得！日本原隻甲羅燒 ⭐️⭐️⭐️⭐️⭐️見到有得加配甲羅燒，唔諗啦即刻加！蟹膏好甜好鮮味🦀用來配少少飯食一流呀！牛魔黑松露和牛他他 ⭐️⭐️⭐️⭐️⭐️估唔到一人燒肉都有高級燒肉店先食到嘅和牛他他🐮生和牛粒拌上酸酸甜甜嘅蘋果，加埋黑松露好惹味，配埋和牛嘅油脂真心推介！串燒：雞腎及雞軟骨 ⭐️⭐️⭐️⭐️

我和我朋友都係牛肉控，所以嚟左《牛魔》食晚餐，今次食左：✨️牛魔三重盛宴包括有牛舌、牛板腱、牛五花。牛舌爽口彈牙，牛板腱肉味香濃，牛五花肉質嫩滑。呢個餐可以每人選三醬汁，而我故鐘意係黑松露汁，黑松露味很濃郁。✨️純蟹粉蟹黃蘭王拌大光冬牛魔除了有好正嘅牛肉食之外，呢个烏冬都真係非常好味。調配好嘅蟹粉醬黃，加上附上滑溜烏一齊食，味道十分夾。✨️梳打特飲4選1，選左巨峰堤子梳打。味道酸甜，杯内有椰果粒。✨️Asahi 辛口，冰凍順滑，送一口炙熱牛塊完美啊！😋📍旺角 鼓油街5O号富達大厦地下

同老公喺旺角行完街，見到間1人燒肉店試下先。 呢度有十幾個餐，豬、牛、雞任你選擇，每款餐都有100g或者200g可以揀，價錢最平$48就有交易啦。每款餐都包咗御飯或迷你烏冬，牛骨湯同埋沙律。 牛魔三重盛宴：牛舌、牛五花、牛板腱，另外仲有多款醬汁比你選擇，可以揀3款。牛肉嘅質素都唔錯，牛味尚算濃郁，以呢個價錢食到呢個質素，性價比相當高。 M9 和牛肉眼、西班牙黑毛豬頸肉套餐：除咗可以品嚐牛之外，亦可以試埋個豬，豬頸肉好爽口，和牛肉眼亦好稔滑。 另外追加咗個牛魔蘭王鵝肝炒飯，蘭王蛋黃呈橙紅色，賣相非常吸引，炒飯粒粒分明，鵝肝表層帶脆口感，香味濃郁，食落去有入口即溶幼滑嘅質感。鵝肝嘅油脂香味，非常滋味。 加咗個雞腿肉，肉質好滑，咬落好有彈性。

最近好多一人燒肉店，間間價錢都好平，不過朋友介紹呢間話係最平最抵食，咁就一於嚟試吓啦。估唔到呢度最平嘅set只係$50都唔使，而且已經跟埋湯沙律同埋飯，真係好抵食。我就叫咗個牛魔王套餐，我認為佢嘅牛舌最出色，雖然唔係好厚身，但係好有牛味，而且食落唔會硬，感覺食材好新鮮。除咗飯之外，佢仲可以揀烏冬，古古古古烏冬咁好食。雖然份量比較少，咁就可以食多啲肉啦，但係佢嘅湯底感覺係用魚湯熬出嚟，比專食烏冬嘅店更加好食。而且好多燒肉店都未拎酒牌，所以成日冇酒飲，不過呢間就可以揀好多唔同款嘅啤酒，食燒肉梗係要飲啤酒啦，所以呢間真係一人燒肉店嘅冠軍呀。呢間燒肉店因為太抵食，所以長期都好多人，如果想食既記住早啲嚟排隊啦。

{🍽️ 香港搵食 🍽️｝ 牛魔呢間新開既一人燒肉店，坐位闊落唔會迫，每個座位都配備獨立既燒烤爐，火既大細都可以自己調教，氛圍感滿滿😍😍 M9和牛肉眼&牛肩肉套餐配手拆純蟹黃蘭王拌烏冬呢個M9和牛肉眼係鋪頭既招牌之一，肉🥩既油花分布平均，燒烤後入口即溶化，色澤誘人，食每一啖都充滿肉香 😎😎 牛肩肉有6件，肉質比較厚身，脂肪唔多，口感一流，配有獨特既醬汁一齊食，更能帶出肉既鮮味 😍 今次仲upgrade配埋純蟹黃蘭王拌烏冬，一大碗純蟹黃同烏冬係分開上既，每食烏冬前都點落蟹黃度，令每條烏冬都掛有蟹黃，好惹味，推薦 🤤M9和牛肉眼&西班牙黑毛豬頸肉套餐配牛魔蘭王紫菜月見拌飯呢個set叫左200g, 有兩大塊M9和牛肉眼，黑毛豬頸肉都好好食，配有獨特既醬汁一齊食，正！！鳯梨特飲 & 乳酪特飲食燒肉必須飲凍飲😂😂 鳯梨特飲入面會有粒粒椰果，好有口感；乳酪特飲好解渴📍旺角鼓油街50號富達大廈地下5號鋪

和老公拍拖仔去食燒肉，未食前飲杯珠奶行陣街消耗體力🤣一進餐廳十分明亮，座位又寬躺，原來有兒童餐，下次可以帶埋呀仔黎試試。🫶🏻人均：$219.牛魔三重盛宴-牛舌、牛五花、牛板腱套餐叫了250g，加多$58升級手折純蟹粉蟹黃蘭王拌飯😋店員推介，確實值得叫，好好食！牛舌爽脆，都要老公燒得好，牛五花，肥肉位要燒得微微焦香。🤤🤤.和牛自慢系列-M9和牛肉眼、西班牙黑毛豬頸肉套餐200g 毋庸置疑，和牛有兩塊大大的，特別點黑松露醬汁好正，另外黑椒鹽醬、蘋果燒汁、韓國辣汁都推介，點肉好夾。.飲品-可樂、支裝綠茶值得一提飲管不是紙，是鐵飲管👍🏻

試過心血來潮想食燒肉，自己去咗呢間牛魔一人燒肉食一人set燒肉。上排襯聖誕想食豐富啲，就再去獨享燒肉，郁但今次我食豐盛啲嘅《 牛魔燒肉組合七款盛 $298/350g 》！有齊牛、豬、雞7款肉：和牛牛肩肉（3枚）薄切和牛舌（5枚） 澳洲和牛牛臀上蓋肉（2枚）全天然豚五花薄切（2枚）全天然豚五花厚切（2枚）黑毛豚頸肉（4枚）醬油鳥肶肉（2枚）牛肉富牛味，牛舌完全唔機，豚肉爽口，醃左嘅雞肉仲好入味～啲肉燒完蘸埋醬油好惹味。食完呢個set真係大滿足！所以食燒肉唔一定要人陪嘅！

呢排好興日式一人燒肉，一個人食都唔尷尬，大部份時候都食xx like ，經過見旺角開咗呢一間牛魔，$48起就食到套餐，環境乾淨企理夠光猛。A9 牛舌牛小排牛板腱(牛魔三重奏) A13 日本和牛西冷牛板腱餐油脂味濃，薄薄地好快熟，記住燒和牛西冷之前，叫佢換網先！煮食除咗飯仲可以揀烏冬 (不過我冇叫到)，呢排見佢推出咗蘭王蛋紫菜飯就加錢叫咗呢個嚟試，果然好香，撈飯一流，份量都比一般白飯大。每個套餐都會有沙律同麵豉湯，如果唔夠仲可以加小食，例如泡菜，餃子，大蝦，墨魚仔，食完都都好夠飽，飲品一般加$10都有，location 方便，會再訪🥰