やき肉 (元州街)

Open Now

Now Closed

兩個人叫咗一人一個牛板腱餐, 有湯有沙律, 唔要沙律可以揀泡菜再散叫加咗厚切薄切牛舌各一, 今次厚切好食啲, 薄切反而唔係好得, 有啲韌不過用嚟過下燒肉癮都幾好嘅, 一人餐都算係咁啦, 咁嘅價錢有交易仲想點, 想食好啲可以考慮牛小排set~

今日經過長沙灣元州街呢間燒肉店， 餐廳主打一人燒肉，每張枱都有燒肉爐，我和朋友一起面對面坐，但因為燒肉爐只係適合一人燒。我燒的時候，朋友就要等一等。爐肉爐為網面爐不易痴底。我點了五花牛肉，可以選套餐，有泡菜、紫菜湯及白飯，餐廳富有檸檬水冰凍解渴任飲，整體味道不錯，性價比高！

之前都同爹哋食過好多次呢間日式自助燒肉，一人一爐自己燒，由於價錢算親民，新開張時次次都要排隊😏但而家唔知係唔係因為開返關，個個都去旅行，就少咗人去食啦。咁啱同爹哋喺長沙灣做完嘢，就順路去食啦。一坐低服務侍應就埋嚟介紹有新產品推出，就係相片嘅九牛，爹哋同我都覺得可以叫一個嚟試吓。九牛 故名思意就係有9種牛唔同部位嘅肉，每種兩片，可以當二中餐食😝佢其中有牛脷、封門柳、肉眼、西冷、牛胸腹、牛板腱⋯總之總有一個部位啱你食，我自己就最鍾意封門柳，爹哋都話我識食😛呢個九牛餐 佢話係期間限定，而且每日亦限出10份，價錢就$148，ok啦～

Dinner @ Yakiniku やき肉 ~平靚正的日式燒烤 , 哪處尋？有！"Yakiniku やき肉" 就位於深水埗元州街 ~Yakiniku やき肉 , 是日式單人燒烤 , 主打牛肉 , 並以肉類的重量計算， 吃多吃少由你話事，豐儉由人 ~我點的是牛板腱 & 牛舌 套餐：除了牛板腱和牛舌之外，還附上 味噌湯、泡菜、白飯 ~肉質來說 , 大家應該知道 , 這個價錢不會是高級貨 , 但勝在性價比高，貨真教實，牛肉的品質也是過得去的，平平地又想食日式燒烤過下癔，肯定係來這間 ~本篇完 ~

【深水埗區】【やき肉】我之前食過呢間喺西環嘅分店，覺得幾好食，一直都想同女同事去，只可惜根本唔會有呢個機會，就帶住半點哀愁，自己一個走咗入去。用 ipad 先叫咗個 $138 嘅「牛舌+牛脖子肉+牛五花SET(300g)」，應該係抵食夾大份嘅。個餐啲肉應該係一早切好擺喺度等人叫，不過揀咗「鹽燒」味道都可以。而呢三款肉正正常常，個餐裡面仲有一碟仔枝豆、白飯同湯，性價比係 okay 嘅，細食啲可能咁就可以。但係大家都明，我喎，我就梗係仲會叫嘢食。兩款五花係 $19 嘅「牛腹五花(100g)」同 $27 嘅「豬五花(100g)」，後者揀咗鹽燒，質素都係可以嘅。跟住到 $27 嘅「雞腿肉(100g)」，用汁燒，我都幾期待嘅一款，結果冇令我失望，食落都幾嫩滑，係咪因為我燒得好？跟住到 $49 嘅汁燒「牛蔥蔥(100g)」，上次食好好食原來係因為浣紗娘捲得好，今次自己整到一塌糊塗，都好食嘅。加咗 $6 要隻「生雞蛋(日本蛋)」撈飯同 $10 要罐「烏龍茶」飲，夾埋總共 $276，咁多嘢食嚟講係幾抵嘅。。。（地址：深水埗元州街146號地舖）#1amfoodie #foodie #hkfoodie #

間吾時都會同朋友或者自己一個黎食 性價比實在太高 可以因自己既食量去選擇夜晚8半去食吾洗排隊 自己今次total叫左3樣100g吾同既肉（牛五花 豬五花 牛腱板）配埋飯 再加杯細既啤酒 平平地食真係好抵食

Intro: 深水埗同長沙灣交界真係有唔少平得黎又好食嘅餐廳，而呢次食下晝就見到有一間食一人燒肉，價錢仲好平民，最平100g可以50蚊內交易，建議大家試下150g肉，都只係貴少少；而呢次就揀左豬同雞嘅混合肉～ ___________________🍽 豬五花+雞腿肉💰 58（150g）⭐️ 8/10✍🏻 150g同100g嘅價錢都係差4蚊，緊係叫多50g；✍🏻 爐嘅火力都好夠，建議用中火燒，好快就燒熟有得食；✍🏻 雖然雞腿肉需要燒熟嘅時間比較耐，但剪得較細粒比較容易熟，肉質幾滑唔鞋口；✍🏻 豬五花肉偏厚但好快就燒得熟，瘦肉同肥肉嘅比例為六四；✍🏻 定食包飯、湯、泡菜，而有幾種嘅燒肉汁做沾燒肉嘅選擇；___________________🏠 Yakiniku やき肉📍 深水埗元州街146號地舖⭐️ 8/10___________________

今日叫了個牛蔥花，但係餐牌既相同實物差好遠，肥牛似兩塊剪開4份甘，超薄。湯係公仔面既味精粉充出嚟，泡菜係觀頭泡菜。唔好食。飯又硬屈屈，失望。最後係食到泡菜撈飯。

今晚係長沙灣做完野朋友帶我來呢間燒肉店食，見到有條排隊龍，就諗係咪好好食呢？好彩都唔算排得太耐，就安排入座有鈎掛袋，自己點餐，都幾方便我叫了一個豬五花100g 再額外加一個優惠價既牛腹五花19蚊上菜都幾快，餐已包一碗飯，泡菜同湯之後就開始燒，有多種醬料揀。個人覺得牛腹五花完全無味，唔知係咪我燒得太熟，但一熟我已拎起，但都幾難咬朋友分享了他的牛腱俾我，都係一樣無牛味同好Q豬五花算好少少，有豬既味道可能見多人排隊，期待較高，但嚴格來説，一般般

呢間個人獨立燒肉店又真係幾過癮，一人一爐，唔使怕孤獨。因為Lunch唔想食咁貴，所以叫咗個燒肉Set A要了100g的豬五花，$46，個Set仲包一碗飯、一碗紫菜湯同埋一小碗辣泡菜，另外再追加一份特價$19的牛腹五花。燒到有格仔網紋都米話唔過癮。整體味道都OK，我就覺得豬五花好味過牛腹五花，雖然兩個都多肥肉。另外想講佢有好多款醬料比你點d肉，包括蒜蓉、醬油、檸檬、味噌及韓國辣醬，另外仲有鹽，我試咗檸檬同蒜蓉，與其話佢係醬不如話佢係汁更加貼切，佢個檸檬汁同d燒肉都幾夾。

今日天氣得返13度，作為毒撚嘅我今日去黃金圍爐取暖，行到咁上下餓餓哋，突然想食肉肉🍖一個人去食牛角好柒，個個成雙成對，我又得返一條毒撚過聖誕，點頂呀經過呢間一人燒肉店，就膽粗粗去試吓，須知日本有好多比毒撚一個人食飯嘅餐廳，但香港就好小餐廳裡面幾乾淨，有張面壁長枱，獨立地間開咗一個個爐，好方便，我就即刻坐低咗裡面用iPad 落單，我叫咗個400g 雞腿餐，唔洗5分鐘已經送到💫個餐除咗比你揀肉嘅份量，仲可以揀燒汁/鹽燒，小食可以揀泡菜/枝豆，好滿足枱面亦有哂唔同嘅醬汁，啱哂食得重口味嘅朋友個爐啲火唔夠平均，雖然教到🔥🔥🔥，啲雞腿個芯都有啲難熟但肉質鮮嫩，$94真係無得輸性價比高，可以翻啄🌞整體: 9/10

呢間燒肉店真係我食過最平嘅一間，雖然平，但係質素一啲都唔差，叫一個餐都係$46起。如果想再平啲，可以叫一盤$19嘅牛腹五花再加一碗飯，都淨係要$27！再加一盤都只係$46，真係超抵！

やき肉深水埗高質日式燒肉店_______________________今次小編宵夜黎到深水埗日式燒肉店～叫了牛Set (牛舌，牛脖，牛五花) $138，重量級豪華肉Set (牛五花，豬五花，雞腿肉) $128，牛葱葱 $69。肉質鮮美。環境相對上比較迫，但亦都冇阻外烤肉嘅樂趣🥰🥰感覺好有日本烤肉店的氣氛。

之前都幫襯過其他連鎖式一人燒肉店，不過一般都要排長龍。假日6點左右咁岩路過又發現一間，難得唔洗排隊，一於入去試下。今次叫左2個餐。既然有幫襯同類食店既經驗，就難免一路食一路會有比較。😂肉可以按自己食量分配，不過飯就係定量。跟餐泡菜/枝豆如果分量可以多啲就更好。款式都比較多。不過跟餐既肉切等比較厚，有點難燒。再追加19蚊既牛腹五花反而係薄切，好食!未夠7點食完埋單，出面而經出現一條小人龍，所以店員已經好有禮貌咁，準備所以野幫你埋單😎尚算親民既價錢，店員態度都唔錯，有機會都會再試

$138 有三種肉，又有飯湯泡菜都幾抵，不過五花腩唔係太啱我，牛舌就勁正，下次單點要多份先👍服務方面店員都幾細心，有教你點落單，主動拎紙比你放口罩，同埋話你知下面有位放隨身物品