燒肉801

Open Now

Now Closed

今日叫咗一個叫”豐盛”嘅燒肉套餐，包括三款高質牛肉：黑毛和牛里肩小排、美國牛肩胛肉同埋美國牛肋骨條肉。呢三款肉類都有濃厚嘅牛味，而且油脂分佈好均勻，入口即溶，口感極佳！！我哋可以自行調節爐火嘅溫度，燒至外脆內軟，肉汁充滿整個口腔，真係太美味啦。除咗主菜，我哋仲另外點咗894生菜套餐，有新鮮嘅生菜同泡菜，為整個用餐體驗增添咗清新嘅口感。我哋仲追加咗鹽味牛舌、腹前牛小排同埋牛板腱肉，價錢好親民，只係$48-$58，份量亦都幾足夠。另外，我哋仲點咗黑毛和牛上肩肉，肉質鮮嫩多汁，經過我哋嘅燒烤後，表面焦香內軟，真係太讚啦。最後！！！我一定要特別推薦鹽燒102極尚厚切牛胸腹柳！！！！油脂分佈好均勻，入口即化，油香味瀰漫整個味蕾，令人齒頰留香😍😍😍😍😍

經過一間日式燒肉餐廳，點解會簡呢間餐廳，因為見到我醉愛既和牛😍二話不說就走左入去，入面好有日式餐廳feel😁【杏仁豆腐】杏仁豆腐有意外驚喜，淡淡杏仁香，簡單而有趣，唔會太甜，適合減肥人士😂【厚切黑毛和牛肉眼扒】厚切黑毛和牛肉眼扒脂肪分布均勻，燒得恰到好處，表面有微微的焦香，肥而不膩，值得比個Like👍【特濃檸檬燒酎梳打】燒酎平常比較少見，一般係日本餐廳先見到，與檸檬配搭起來，確實有點醒神😉好味指數：9/10 性價比指數：8/10餐廳名稱：燒肉801 餐廳地址：尖沙咀加連威老道14號

如果下次經過尖沙咀想食日式燒肉，建議你可以試下呢間「燒肉801」。呢間日式燒肉好近尖沙咀地標 the one。更加準確嚟講就係響加連威老道同加拿芬道交界嘅十字路口，紅色招牌非常之易認易搵。入到去地方都算闊落，唔會係迫迫夾夾果種。今次食咗個「801套餐」同「806套餐」「801套餐」有「大判燒！黑毛和牛肩胛肉」、「腹前牛小排」同埋「蔥鹽味雞腿肉」。而「806套餐」就係一個牛舌套餐，入面分別有「鹽味牛舌」同埋「醬油牛舌」。兩個套餐之外仲要咗一份「牛小腸」。首先講嗰個牛小腸，非常重油脂，所以好甘香再講講雞腿肉，味道唔會太重，肉質比較彈牙。牛舌方面，我最怕啲牛舌太過薄身，但係呢度嘅牛舌都有一定嘅厚度。牛小排肉味香濃，油脂夠哂香噴噴。最後嗰塊黑毛和牛肩胛肉，肉質非常嫩滑、富有油香，係超級好味道。講多樣嘢俾你知，而家午餐仲會送湯同埋白飯添，詳情可以喺入座嘅時候先詢問店員。整體嚟講，我對呢一間餐廳嘅評價都好好，睇下幾時再有機會幫襯下先。

▫️201黑毛和牛小排 (汁燒）($128)👉🏻 牛小排質感超級柔軟，牛味濃郁，仲好Juicy🤗⭐️⭐️⭐️⭐️⭐️.▫️101大判燒！黑毛和牛肩胛肉（$128@)👉🏻大判燒超級大塊，油脂分佈平均，肉質鮮嫩入口即融，配埋蛋漿更加滑😜⭐️⭐️⭐️⭐️.▫️ 203鹽味上牛舌👅（$128)👉🏻牛舌口感軟嫩，質感爽脆有咬口⭐️⭐️⭐️⭐️⭐️.▫️207牛小腸($58)👉🏻牛腸好嫩滑，最鍾意燒到徵徵燶，咬落外皮焦脆，仲好煙韌⭐️⭐️⭐️⭐️.▫️ 日本米飯（大）🍚（$25)——————環境：裝修以紅色為主，牆身有滿滿日文字，仲有日式燈籠，日式門簾。令人有一種置身喺日本街頭小店嘅感覺☺️值得一提係抽煙系統做得幾好，唔會感覺好煙好唔舒服.評分：8/10.平圴消費：～$300

餐廳環境舒適，座位闊落。朋友聚餐都適合。服務態度好好。食物選擇多，質素高👍🏻1- 志盛（2人前）配日本米飯set2-生菜志盛（2人前）配有鹽味牛舌，黑毛和牛霜降小排，黑毛和牛上肩肉，極上厚切牛胸腹柳，蔥鹽味雞腿肉，黑毛豚無骨小排。份量充足。整體肉質好鮮嫩入味😌。肥瘦適中，入口溶化，高質超抵食👍🏻。推介👍🏻。我哋食法用生菜包住啲燒肉同埋飯再加少少醬汁，呢個食法好推介，因為咁樣就唔會覺得好油膩。餐廳提供嘅生菜亦都好新鮮大塊😀而日本米飯set，配嘅白飯大大碗。足夠份量而且服務員服務很細心。不時會按需要協助我哋調教火力及抽氣系統。店內抽油煙系統做得好好。食得好安心舒服。唔會食完出嚟一陣燒烤味。整體上我都覺得好滿意👍🏻絕對唔伏。食完大滿足💁🏻‍♀️。好推介。

Weekday Dinner Omakase $428套餐有前菜、沙律、薯蓉、韓國炒年糕及五款不同部位的牛肉。前菜方面有爽脆醃青瓜、開胃醃蘿蔔及泡菜、淋上酸甜醬汁的新鮮沙律及三個香滑的薯蓉，配燒肉一起吃更開胃。而且套餐會附上生菜及韓式辣椒醬，可以燒肉一同享用。套餐提供的韓國年糕，煙煙韌韌，加上韓國的甜辣醬汁，同樣不錯。五款汁燒牛肉部位由餐廳發辦，有爽口鹽味牛舌、油花適中的美國牛肋骨條肉、油花均勻的美國牛肩胛肉、肉味濃郁的牛板腱肉、油花豐裕的上級牛肋眼卷肉，各有特色，份量令人很滿足。大判燒！黑毛和牛肩胛肉 $128油花分佈均勻，肉質鮮嫩多汁，搭配溫泉蛋味道更滋味。白飯 $18/碗餐廳環境闊落舒服，肉類質素不錯，服務又殷勤，是燒肉的不錯選擇。

行完The One就過對面801食晚飯了。💮焰盛 Double 黑毛豚無骨小排黑毛和牛晚市套餐係最抵食。份量多，兩個人一定夠食。黑毛和牛腹柳小排有十塊🙀和牛雪花勁靚，未燒都知正。燒果陣瘦少少搶火，證明油花豐富，入口滿口牛香。💮極上厚切牛胸腹柳 厚身靚牛😍兩面燒到焦焦地再剪開燒多陣，呢塊係瘦肉但完全唔韌嘅。💮紫菜飯 大碗又超級多紫菜，撈勻溫泉蛋食真係好正。💮泡菜牛肉湯估唔到有好多牛肉而且好軟滑有牛味！抵飲～

2個人嚟燒肉801咁多選擇，如果唔想動腦筋，又想食晒呢度精選嘅嘢，推薦點份量剛剛好嘅「志盛（2人前）」👏極上厚切牛胸腹柳厚切好處係燒熱之後仲非常腍身，胸腹柳有油脂香，最為juicy！黒毛和牛霜降牛小排牛小排油花分佈均勻，肉質較有嚼勁，店員有提供鉸剪，剪開小片更易熟。黒毛和牛上肩上肩較為薄切，火喉控制得好，可以有少少脆邊。鹽味牛舌以鹽入味嘅牛舌可搭配蔥花進食，多一層口感。蔥鹽味雞腿肉雞腿肉都係醃製過，不加調味醬已經夠味。黑毛豚無骨小排黑毛豚較油膩，可加配又爽又脆嘅生菜，混入韓式醬料進食，清新解膩。三得利 HOROYOI 乳酸味氣泡酒乳酸味酒，甜味多過酒味，易入口！🛎️必試指數：8/10🔆

晚上6點幾來到，都等咗大半個鐘先入得，座位唔算太闊。餐牌選擇唔算太多，不過就牛、豬、雞、海鮮或者內臟都有。啲醬汁好濃味，雖然醬汁好味，但唔加仲好，等燒完自己點，因為肉本身都濃肉味，加醬汁反而遮咗。肉好軟熟，燒完都不硬不會太鞋。肉味濃，也有油香。薄切牛舌唔會有咬唔開問題，爽口。肉味最濃的一款，也是有很多醬汁、黑椒、鹽。睇落比較碎，賣相一般，但味道ok。比較淋和粉，唔算彈牙。價錢還好，味道都還好，不過如果要等位就一般。

今晚食乜好？如果你哋有follow我就知我係牛魔王😈 今晚朋友介紹食呢餐牛宴，好味所以記錄一下黑毛和牛裹腹小排(汁燒)黑毛和牛裹腹小排厚實多汁的牛肉搭配著微微焦香的外皮,在嚼勁與柔嫩之間找到了絕佳平衡。醬汁濃郁而不膩,可以完美地襯托出牛肉的鮮甜滋味。每一口都是對味蕾的誘惑,讓人忍不住沉浸其中,一口接著一口。這道菜實在是完美的肉食饗宴。黑毛和牛上肩肉(汁燒)牛肉質地緊實,卻不會過於乾澀,在口腔中散發著令人垂涎的肉香。汁燒的烹調方式讓肉質飽含汁水,一咬下去,肉汁就會立刻噴發,瞬間滋潤味蕾。搭配特製醬料,更是讓人難以忘懷。這道菜恰到好處地突出了黑毛和牛的最佳風味。大判燒!黑毛和牛肩胛肉這間餐廳的另一特色菜是大判燒!黑毛和牛肩胛肉。肉質外層帶有一絲焦脆,內裡卻依然柔嫩多汁。每一次咬下,都能感受到肉汁在口腔中瀰漫開來,配合著微微焦糊的香氣,堪稱是一絕。這道菜無疑是餐廳的重頭戲,值得一嘗。帆立貝除了三道主菜之外,餐廳的帆立貝也是一大亮點。貝肉鮮甜彈牙,吃起來十分爽口,讓人忍不住一口接一口。辣牛肉麵最後,我必須提到餐廳的另一大特點-辣牛肉麵。麵條彈牙爽滑,牛肉軟嫩多汁,與濃郁的湯頭完美融合。令人驚喜

鍾意食日式燒肉，午市燒肉套餐都幾多選擇，最緊要價錢唔貴，肉有一定嘅質素。牛舌盛り $148，有兩款牛舌：鹽味牛舌同醬油牛舌。鹽味牛舌肉質鮮嫩，鹽味恰到好處，燒製後香氣四溢，口感爽口。醬油牛舌經過特製醬油醃製，味道更加豐富。801盛り $198，呢個綜合燒肉拼盤包括大判燒黑毛和牛肩胛肉、腹前牛小排同蔥鹽味雞腱肉。大判燒黑毛和牛肩胛肉肉質嫩，脂肪分布均勻。燒製後油花溶化，肉質鮮嫩多汁，帶有濃郁嘅牛肉香味，入口即化。腹前牛小排肉質細嫩，帶有適量嘅脂肪，燒製後外脆內嫩。蔥鹽味雞腱肉、雞腱肉經過蔥鹽醃製，肉嫩帶蔥鹽香。另加配了和牛小排+$48，非常值得一試。和牛小排肉質細嫩，燒製後油花溶化，yummy。午市配米飯Set，有白飯、麵豉湯。餐飲包可口可樂同雪碧。

難得今晚食燒肉，見到呢間都幾經濟。環境唔錯由其是抽油煙都做得幾好，唔會成間餐廳都係油煙味。黑毛和牛裹腹小排（汁燒）$158餐廳預設汁燒，不過想食原味所以走左汁。油花分佈好靚，油花多嘅肉片我通常都鍾意燒到焦香另一面燒一燒就食。油香好嫩滑好好食，牛味都好出。其餘肉片都唔差，唔會太薄切。由其是塊牛胸腹柳都真係大塊，燒得咁上下要剪開先得另外大嘅白飯份量比較大碗，兩個人share一齊食我覺得都可以⭑⭒⭑⭒⭑⭒⭑⭒⭑⭒⭑⭒⭑⭒⭑⭒⭑⭒⭑黑毛和牛裹腹小排（汁燒）$158極上厚切牛胸腹柳 $138腹前牛小排（汁燒）$88鹽味牛舌 $88美國牛肋骨條肉（汁燒）$68日本米飯（大）$25

燒肉801 (尖沙咀)尖沙咀加連威老道14號地舖尖沙咀加連威老道14號地舖，miramall 隔離，出邊仲有富豪雪糕車，都好多旅客，旅遊嘅感受，lunch同dinner Menu差不多，lunch time有免費飯同湯，12點到5點燒任何肉都有得免費送，lunch $88就有牛可以燒 set 包埋嘢飲可以慢慢燒，餐廳非常乾淨，紅色枱卡位闊落，坐得舒服又可以傾偈。座位非常寬敞，旁邊有茶壺，唔使嗌嘢飲都得，一坐低已經準備咗個燒肉汁，另外旁邊仲有檸檬汁。一上菜職員好細心，介紹燒肉既食法。九州雞肉盛$98䓤鹽味雞腿肉、九州雞脛柳、九州雞心雞肉放係度就咁由佢燒，燒到少少焦既坑，但又唔會怕濃，厲害，雞件份量好多，性價比一流。升級紫菜飯(包括味噌湯），紫菜飯入邊仲有溫泉蛋，燒完雞肉，自制雞肉丼，非常滿足。涼伴三點盛食返健康啲建議可以嗌個前菜，有菠菜芽菜同菇，中和一下肉嘅油份。杏仁豆腐滿足嘅一餐點可以冇甜品，杏仁味濃，滑溜好食。尖沙咀一人或一大班人超級滿足，性價比高之燒肉801，地點仲要非常方便，不可以錯過。

今日媽咪生日，佢話想食燒肉於是我就帶佢嚟呢一間專食日本靚牛嘅燒肉店晚夜晚時間嚟到有好多晚市定食因為媽咪未食過大判燒，於是我就嗌咗店舖招牌嘅和牛大判燒，仲會配埋溫泉蛋肉超大塊，完全係可以兩個人share食，媽咪超鍾意！配埋溫泉蛋食一流仲有牛空腹等等肉類全部都好高質好靚，油脂分布平均入口則用，牛肉味重完全唔會膻我配咗生菜同韓式泡菜set ，用生菜包住泡菜再加埋肉類食，超級match！完全減去油膩嘅感覺最後仲有鹽燒牛舌都係一定要叫，牛舌會再跟埋啲生洋蔥一齊燒，食落口辛辣感超級吊味整體價錢一啲都唔貴，食咗咁多嘢先係$600埋單，下次有機會要再嚟試吓個午餐

尖沙咀超方便地理位置，就在The one對面，好多食店，食過隔離幾間，今次試下食燒肉。自從上次去日本食完黑毛和牛，一直念念不忘，見到呢間一個2人set都係 $498，可以一戰！2人set份量都唔少，有6塊鹽味牛舌、4塊黑毛和牛小排、4塊黑毛和牛上肩肉、一大塊極上厚切牛胸腹柳、5件蔥鹽味雞腿肉同4塊黑毛豚無骨小排。😍每樣都滿意，估唔到蔥鹽味雞腿肉同黑毛豚無骨小排都有驚喜，肥瘦均勻，肉質嫩滑，用生菜包住食好正！😋但要數最最滿意的是黑毛和牛小排，一睇就知紋理好靚，好多雪花，食落油脂好香濃，另外極上厚切牛胸腹柳好有驚喜，見佢咁厚切，好怕會好韌，我地燒到七成熟左右，食落一d都唔會韌，仲好厚肉，好有牛味，好好食！🤤另外，一定加個紫菜飯，個飯入面仲有隻生蛋，用黑毛和牛配食，一流！而冷麵就酸酸甜甜，好清爽又開胃，個胃有位的話，建議一食！👑