山本屋 (圍方)

Open Now

Now Closed

平日晚上6時多已經排長龍，排了45分鐘，落單後也要再等20分鐘才有得吃，叫了吉列豬扒味噌味烏冬，個人不太喜歡手打烏冬的質感，不夠滑，湯底不算太咸，味道一般。加一後約$110。不值得排長龍去試，試過便算了。

首先我同老公2個人去，佢叫左個吉列豬（味噌湯底），我就叫左個牛肉（咖喱湯底）,之後加左3個小食，（唔太記得餐牌入面個名）一個係炸豆腐,一個係雞皮餃子，一個係芝麻雞翼。。。小食其實都還可以雞翼都好多汁，豆腐都好滑。。食完小食烏冬就到，個咖哩湯不得了（淡而無味）又稀又唔掛汁，因為我本人覺得食烏冬係食滑同彈牙，我覺得佢偏向麵粉既（鞋口），但係佢都有一定既煙韌到（太煙韌直頭硬）....到老公果個味噌湯一飲落去第一啖係有酸味。。。之後就開始覺得咸，點解佢間鋪主打既烏冬可以咁難食，反而佢果湯個稀稠度係可以既，個豬扒都鬆軟既（唔錯）...最後我唔會再去食。。伏一次就夠！！！結賬成為$422..

難食，失望，唔會有第二次。哩間舖長期排長龍，夜晚難得見到條隊唔算長，就入去一試。叫咗安格斯牛肉烏冬（鰹魚湯）同埋吉列豬扒烏冬（味增湯），另加三品菇、天婦羅拼盤、冷豆腐。烏冬—比「有咬口」仲要硬啲味增湯底—鹹但係冇味增味鰹魚湯底—非常一般，冇鮮味吉列豬扒—偏乾，肉質一般，炸衣一般安格斯牛肉—一般，冇驚喜天婦羅拼盤—味道偏淡，一般三品菇類盛—雞髀菇難咬、鴻禧菇一大舊攞去炸好奇怪、冬菇不過不失整體而言性價比極低，唔會有第二次。

上次路過山本屋，門外有長長的人龍。今日午飯時間再到山本屋碰碰運氣，結果等了30分鐘。店舖外有玻璃窗展示日本師傅即場製造烏冬的過程，不過師傅很高大，經常要彎著腰，看似有點辛苦。2 人午餐，除卻烏冬外也點了一些小食。三品菇為冬菇、本菇及雞髀菇。炸漿很薄，三種菇也十分新鮮，簡單烹制便可以，是不錯的小食。雞翼是炸而不是燒的，賣相一般，然而雞皮很薄咬開即嚐到鮮嫩多汁的雞肉，調味恰好。豆腐也是即點即炸，口感嫩滑，只是芡汁的味道不及其顏色，可以稍作改善。門外排隊時，店員便派點菜單給客人選擇，因此入座之時，已然點好所有食品。然而入座後才發覺枱面上有清楚說明老店傳統味噌湯底是重口味之選，而黃金鰹魚湯底反而是經典之選，登時有點愕然。如果早知味噌湯較適合重口味食客，應該不會點選，實際味噌湯也極為濃稠，不是大路選擇。麫鍋上枱之時仍然滾燙，烏冬麵身有點硬，像是未煮透，但只要稍等片刻，熱力便會令烏冬變軟，接近平常熟悉的口感。黃金鰹魚湯底是經典之選，湯底味道不錯，不會太濃。兩款烏冬均附有雞蛋、大蔥、腐皮等配料，而且份量不錯，不需要額外附費再加。

之前一直都好想試呢間過江龍手打烏冬店，所以今日下晝6:30專登搭車黎食。排隊等左一個鐘入場、都預左要等。整體感覺都還ok，但由於等既過程太無聊（要人肉排隊）所以係度睇人地OpenRice 評論、見到勁多負評都驚驚地、但最終都係試一次伏既心態去試下佢入座前有店員會同你複單，同問你要唔要走蔥等要求、然後就入座啦。店面係比較迫，出入都要比較小心。店員事前講左烏冬要等15分鐘，所以預左入黎之後仲要坐多陣先有得食先上既係雞翼，食得出係即整既雞翼、熱辣辣，好味道就好似其他人咁講、個雞翼係好味。到戲肉既烏冬上場啦，的確係大家講既一樣、個味噌係偏咸既、不過我想幫佢平反一樣野係、佢本身都寫左味噌係重口味、如果平時唔係食開重口味既朋友我覺得係唔應該食佢味噌個湯底既 而佢個鰹魚湯底都係偏濃味既，好似濃縮鰹魚湯底咁，食到底個時都係會略為覺得咸。我只可以話、佢可能係local 名古屋既口味既話、有可能唔適合廣大香港人既口味都唔出奇但有樣野比較失望既係佢個烏冬冇我想像中咁煙靭！佢主打手打烏冬，但出黎既效果同我食既普通烏冬差唔多。我有懷疑過可能之前太多投訴話佢唔熟所以佢切幼左dd黎煮？今次兩碗都冇唔熟呀、但冇左煙靱

我唔知係手打麵特色定係點？好多都係黐埋一夠有啲又好似未煮熟，中間仲係好硬反正個面真係唔推介係紫菜包雞柳，好食少少仲有杯茶幾好飲我都真係搵唔到其他嘢讚一句到尾就係名氣大於實

烏冬愛好者可一試嘅新名古屋過江龍烏冬店🍜佢係大圍新開商場園方入面🌎，平時都好多人排隊慕名而來。而到週末，條隊係會越來越長。星期日夜晚6點去排隊，都要至少等90-120分鐘先入到去。到8點30分左右，烏冬已經會賣曬，所以如果想食一定要早的去排隊😮‍💨！價錢正常合理水平，唯獨小食價錢偏貴。主食招牌烏冬嘅質感係好彈牙、有咬口，而且基本上每個烏冬如果唔加配料都可以有生雞蛋一隻、腐皮、蔥。口味鍾意濃的嘅朋友可以試咖喱湯底或者味噌，如果鍾意清的就極力推薦鰹魚湯底。整體黎講烏冬係真係不錯👍🏻。如果食曬烏冬仲未飽係仲可以免費加飯架！！！小食比起烏冬就相對比較遜色：用雞皮包嘅炸餃子、紫菜配炸雞柳正常發揮。

•親子煮烏冬(+年糕) Oyako Nikomi udon(+rice cake)我叫咗味噌湯底，個人覺得沒網上所聲稱鹹到”腎虧”。但烏冬份量真係偏小，大部分烏冬都煮到碎濕濕好難夾，腐皮都多過>烏冬🤦🏻‍♀️。我另外加咗防間好小見嘅年糕，無諗過$15得2小粒，真係食一啖就無lol🥹，但佢好吸湯同軟軟糯糯。Anyway，呢間真係無下次🙇🏻‍♀️I opted for the miso broth, personally didn’t reckon that it was that salty. However, the portion of udon was pretty small, most udon was “fragments” and quite difficult to eat. The portion of bean curd was more than > udon🤦🏻‍♀️. I added rice cake that was rarely found outside, but I was so disappointed that the 2 tiny pi

到訪最近熱門食店，位於大圍新開商場😊門口好多人排隊🥹為左試下我哋排左一個鐘😅上菜時職員細心講解，手切烏冬口感同平時烏冬不同，煱中生雞蛋靈魂所在加分不少🤩希望下次再食不用排隊🤣🤣

圍方商場山本屋，昨天和朋友去了山本屋試－試手打烏冬，因為見到好多人排隊，我和朋友都有時間，所以去試一試，大概排咗45分鐘。雖然餐廳好細間，但係環境都幾好，裝修都好有日本文化。烏冬口感好彈牙，加隻蛋好好食.個湯底都接受，如果味道濃啲就更加好。

路過圍方商場5樓，見到排隊好長龍，於是同老婆去排隊食烏冬，結果排咗一個鐘頭，入到去裝修感覺好有日式風情，不過舖仔細細真係好迫，兩個人坐埋一個角位，冷氣就比較凍，柯打一個手打烏冬，等咗差唔多15分鐘，烏冬就上嚟，味噌烏冬，顏色非常深，上邊有一隻生雞蛋，食落味道都幾濃郁，口味依家嘢就見仁見智啦，本人覺得味道還可以接受，有員工教我哋叫一個日本白飯，將啲汁撈埋一齊食，食完真係飽晒，並非好咸，重口味之人，必食之選，名古屋雞翼幾好味😋，招呼就中規中矩，下次可以繼續嚟試吓。

一直見非常多人排隊，傍晚時分即管一試。6點半到達，人龍已經很多，排了差不多兩小時，終於入座。入座後還要等25分鐘才有得吃。首先，點了個沙律，配合芝麻醬，味道是可以的。烏冬來了，放在熱碗裡，很熱，但份量很少，牛肉大概4-5片。不知道是什麼關係，有些烏冬更粘在一團，感覺不好。 湯底選了味噌湯底，非常的咸，感覺已不像湯底，不太接受。價錢大約$100，中等價錢尚可接受，但要加上排隊2小時的成本，就完全不值了。

某一個平日的晚上，於圍方排上一個多小時，吃了於日本名古屋具有百年歷史的「山本屋」。 釀造了三年的特製味噌、每日鮮製的手打烏冬、用上日本砂鍋即叫即煮，的確有其獨特的風味。 私心推介老店味噌湯底，與平日常吃到的「味噌湯」不同，濃厚且帶有鮮味，色澤濃郁但又不會太鹹，是真材實料的味道。不規則的手製麵條煙韌有硬度，舌齒間散發淡淡的麥香。由於烏冬粗且厚實，掛汁能力相當出色，所以必配上濃厚的味噌湯底。鰹魚清湯相對較清淡欠驚喜，似乎有點浪費了烏冬吸收湯汁的能力。由於使用砂鍋盛載的緣故，不但表現岀色的滾燙及保溫能力，且使烏冬越浸越軟淋，個人喜歡此較軟懦的質感。 排上一個多小時，如果是為了一嚐日本過江龍的名氣，當然不值得，但值得吃的是餐廳第五代傳人對家傳食物的專注及認真態度的一種尊敬。無論是食材或器皿，乃至師傅的手藝及餐廳的氛圍，都堅持要還原日本的風貌，將這份代代傳承的獨立美味原封不動地帶到香港。 吉列豬扒烏冬（老店傳統味噌）＄108美國安格斯牛肉煮烏冬（黃金鰹魚湯）＄108 山本屋Yamamotoya大圍車公廟路18號圓方5樓527號鋪＋852 2297 2070

前言：星期一和2位朋友大約18:30到達，等候了一小時約在19:30入座。參考了各方的總結後，我們決定都決定為了避免中伏，只試味噌湯底烏冬。我們的烏冬分別配了炸天婦羅蝦，吉列豬扒及雞肉和雞蛋，單點了1客炸雞翼和雞皮餃埋單差不多500蚊。主食：這店的味噌湯味噌味很濃但唔算咸，烏冬口感坦白說是有點像freshly made pasta，少少彈牙但中心是有點結實的，算是特別的口感但本人更傾向全彈牙的烏冬。3種配餸最好是吉列豬扒，因是分開上，做到入口酥脆口感也與湯搭配，炸天婦羅蝦基本上是腍哂上，雞肉加蛋算正常冇特別，雞肉唔算靱。小食：炸雞翼不脆，但味道腌得非常好和很juicy。炸雞皮餃則普通，未有特別之處。總結：算是很不錯的烏冬店，湯和烏冬值得一嘗但考慮到價錢等候時間，末必會再嘗。

上網見過江龍好似好厲害咁 所以Chow都走左去排隊食(⁎⁍̴̛ᴗ⁍̴̛⁎)本身睇人openrice話好生 都驚驚地 最後決定試伏(｡ì _ í｡)等得耐就預左㗎喇🤧重點擺係食物度先啦😬咖哩湯底+豬排 咖喱湯夠濃 好掛麵烏冬開頭有幾條生生地 一陣麵粉味 硬硬地咁 之後幾條就彈牙 掛曬湯幾好味(⁎⁍̴̛ᴗ⁍̴̛⁎)後尾一路食都無再食到生既♪( ´▽｀)睇openrice話全部都好生(｡ ́︿ ̀｡)算好彩？🤔本身已經有豆皮係入面 但係唔太掛湯🤣蔥唔係好老(˶‾᷄ ⁻̫ ‾᷅˵)Btw烏冬開頭好癡底😶‍🌫️同埋chow建議蛋可以唔洗搞開佢🤣烏冬點蛋汁會更好味(⁎⁍̴̛ᴗ⁍̴̛⁎)chow蠢了吉列豬排好大陣麵粉味😇要加啲咖喱湯先食得落😂偏薄同乾不過唔肥👍🏻黃金鯛魚湯+天婦羅蝦湯清清地幾好不過！！！烏冬第一條同中間都係偏生既硬硬地麵粉味咁🥲（Chow食左兩條）Anyway天婦羅蝦最好食(*¯︶¯*)粉薄 夠熱夠脆總括黎講，今次見咁多人話好好食Chow覺得唔太啱自己喇 有少少名過其實🥲可能係期望太高了🥲所以無回頭了. （5為滿分） 甜度：🐜🐜🐜 價錢： $108/set 咖喱湯+$10 額外加一回頭：💀💀💀直昇機：🚁🚁 #chow圍