人和荳品廠 (Moved) New Location

「人和荳品廠」呢個名聽就聽得多 但係從來未食過聽人講平時好多人等位好多人食 好彩個日 星期六12點10分左右去到唔洗等位就有得入 但係舖內都係多人嘅見每枱都有一碟炒麵 明明係食豆腐但係竟然食炒麵?! 🤔所以我地就order左4樣野食 當然都包埋炒麵啦😚order 左野食唔夠30秒 一碟又一碟熱辣辣嘅食物就到lu豉油皇炒麵 $16份量好多 個碟都就瀉咁濟 首先炒麵唔會太鹹 入面又有豆卜條 中和一下炒麵食得耐嘅小鹹味麵條煮得唔硬唔林 好食柴魚花生粥 $20比起炒麵呢碗粥就相對做得比較遜色可能係我麻麻地柴魚 所以就唔係太喜歡相信喜歡柴魚嘅人應該會鐘意嘅同埋d 米都煮得算綿魚肉煎豆腐 $16呢個又係每台都叫咁濟 豆腐煎得好香脆但係裡面仲係好軟好滑反而舊魚肉就無咩太大驚喜鹵水豆腐 $16鹵水略為太淡 唔咩鹹味只有淡淡鹵水香味 同濃郁豆腐味豆腐好滑 但當然同煎豆腐比就差dd 啦整體而言豆腐真係好好食食過都明白點解炒麵咁多人食

之前去了一間唔好食嘅甜品店，為了填補為食嘅空虛😅，再轉場去食哩間豆腐花店。儘管是分店，店舖人流尤如貨如輪轉。証明都多人幫襯。嚟一碗豆花，自己都感受到。真的嚐到一碗嫩滑豆花價錢喺港島區算係便宜，12蚊碗，喺邊樹搵到。聽朋友講，佢親戚嚟親哩樹都要幫襯兩碗豆腐花。下次經過真係要試吓其他食物。友人與我都終於填滿肚子的空虛，感到滿足，豆花嫩滑😋😋😋，順便填補多啲蛋白質。。。聽日又要做返多啲腹部運動。係時候返屋企。

係銅鑼灣搵間餐廳食午飯真是有啲難度，不過今日唔太肚餓可以快食，入到人和已經好香既煎豆腐味。魚肉煎豆腐，豆腐嫩滑煎得香脆。鹵水豆卜，一碟都有好多件又入味正。豉油皇炒麵，炒得幾乾身。柴魚花生粥，粥底綿同足料。

好耐無去過人和食豆腐花喇，超懷念今日路經就入去食啦！這間裝修同舊式樣貌有所不同因為從前我去開都是傳統裝修，但銅鑼灣哩間比較新穎如果唔望店舖名字真的不知道是人和呀！好喇入座後點了熱薑汁豆腐花，凍豆腐花同煎魚肉豆腐！豆腐花好滑好軟好香甜好有豆味，另外薑汁豆腐花超薑好夠味道熱辣辣一流同出面其他地方食的差好遠，而煎豆腐香口豆腐唔會煎到硬仲好嫩正呀！其他仲有豆漿炒麵我都想試下呀！因為已經吃過晚飯所以吃不下去了，留待下次再試。

The staff here is very nove. Very famous tofu restaurant yet cheap in Hong Kong, this is very traditional and unique restaurant in causeway bay and all the food are with tofu, especially the tofu with the fish meat and the tofu dessert, it is a must try when you want a side dish after lunch or you are not very hungry.i would recommend the tofu soup and tofu with beef here.

下午茶時間，少少肚餓但又唔想食太飽，醒起銅鑼灣有間人和豆品，即刻行過去食。下午5:30冇乜人，有卡位坐，坐底一陣，keep 住有客人入來，生意好好。豆腐花種類好多，而且價錢唔貴。叫咗個魚肉煎豆腐，剛剛煎出熱辣辣，豆腐味香濃，皮脆豆腐滑，唔落醬都好好味，魚肉咸咸地配豆腐係絕配。另外叫咗個原味凍豆腐花，用嘅係金屬匙羹，畢起來好似喺一桶豆腐花畢出咁，唔會整爛晒d豆花，豆花好滑，一入口就係幸福嘅味道，個碗都唔細架，而且價錢只係$12，真係超高性價比。好想試埋其他豆腐花同豆卜。👍🏼

夏天行街熱辣辣☀️想坐底解暑🌬小編會選擇去食碗冰涼豆腐花💦-🔸豆腐花 $12此豆腐花非彼豆腐花😎🤟🏻坊間的豆腐花口感有點粗糙而這間非常滑😘😘😘而且十分冰涼 透心涼的感覺❄️甜度適中 岩曬怕甜的朋友-🔸豆漿 $7超冰的豆漿甜度可以向店員調節飲完一解身上的熱氣🔥-📍人和荳品專門店銅鑼灣渣甸街55號

每星期都好想食豆腐花，已有一段時間無去銅鑼灣渣甸街間人和，於是今次就同朋友二人入去，叫咗兩碗熱豆腐花$12×2=24，加一碟炒麵$16。熱豆腐花真係好滑好好味，如果豆腐花可以由自己加糖水，而唔係佢哋加咗攞嚟，就更加好啦。至於個炒麵依然係好好食，唔會好重豉油味，亦唔會覺得油，仲有好多野菜，可惜只得一舊豆卜，配菜分佈得唔夠平均，成碟炒麵嘅份量亦比以前少咗啲。總結：食物質素及味道亦然保持得好好，價錢亦算抵食，店內環境乾淨，難怪每日亦然咁多人光顧。

今朝起身突然想食返個中式早餐🥣，諗來諗去最後決定去人和荳品專門店食。典型的中式早餐當然少不了粥+炒麵，再配埋佢地好出名的魚肉煎豆腐，完全係一個美好的早上。平時食咁多重口味的食物，食返個粥可以清下腸胃。平時食炒麵最怕遇到油淋淋炒麵，但係呢個炒麵完全無油膩感，而且好夠味。豆腐當然係招牌，外面係煎香左既口感，咬落去之後就會食到非常香滑的豆腐，而且豆香味好濃，同平時食到一般的豆腐真係有分別。有時係呢d傳統店鋪就會食到傳統的味道。🙂

依家啲嘢食越嚟越貴，之前都食過呢間好多次，但係呢一間嘅價錢真係好有人情味。加價幅度好少，到而家都仲係好平。所以話呢區平價之選即刻諗到呢度！1. 魚肉煎豆腐呢個次次黎都必食！豆腐煎得幾香，不過而家嘅魚腐越來越少2. 芝麻糊豆腐花以前通常都係普通豆腐花，今日想食啲甜品，就試左芝麻糊豆腐花(熱)。以家嘅豆腐花好食左喎！超滑身同好有豆味！(可能熱嘅好食啲) 但係芝麻糊就普普通通，芝麻味唔夠重。不過一齊食嘅話又幾夾喎！3. 熱豆漿最後仲嗌左杯熱豆漿，唔錯，好有豆味，唔係好甜。總括來講，呢個價錢呢個質素都算唔錯，係環境麻麻地，坐得唔太舒服。但係當飯後宵夜都唔錯！

接近夜晚時間十點半，喺銅鑼灣地區仲有啲乜嘢平平地嘅宵夜可以食呀?最後就嚟咗人和荳品，佢哋收十一點，但係都冇趕住收工咁唔畀你入座，態度仲好好添。我同朋友叫咗好多嘢食呀，有 魚肉煎豆腐、豆腐花、豆漿、柴魚花生粥同豉油王炒麵，埋單都係71蚊，食到好飽飽一定要落佢嘅辣醬，超好味炒麵裡有豆腐卜，好入味又足料平時夜晚好快已經賣哂，相信呢碗係水尾，因為好多料啊，有豬骨，淡菜同柴魚花生豆腐花食原味，落勁多黃糖，超正又抵又正嘅宵夜

夜媽媽收工想食甜嘢，就嚟咗呢間人和荳品廠，諗住食碗豆腐花就返屋企啦，點知同朋友一坐低，見到個老師傅喺度煎緊豆腐，又忍唔住嗌咗一碟魚肉釀豆腐，食緊途中見到幾多 國內同胞幫襯，價錢嚟講~喺銅鑼灣區算係好抵食，座位方面不過不失啦，硬櫈為主。好就好在~伙計唔會趕你走，畀你慢慢坐。朋友見剩係豆腐花好似平凡咗啲，就叫了芝麻糊豆腐花，我試咗一啖味道都唔錯，不過我都係比較喜歡最純正嘅豆腐花，仲要落勁多黃糖， 超好食。一邊食一邊睇住老師傅煎豆腐，確實別有一番風味

I ordered  a cold tofu dessert here. The tofu was already pre-scooped in a bowl and being chilled the entire time. It was silky smooth with the perfect amount of sugar and so refreshing on a hot day. It was cheap and good.Yummy Yummy

一間老字號嘅豆品店，質素每況愈下，唔好話上進心，Keep到都好啦，炒麵真係好似水靸咁，什麼叫豉油王炒麵我諗佢哋真係未食過，雖然價錢係平，但係我覺得不如去茶餐廳食個齋面好過，不過可能啲客人都習慣咗，滷水豆腐加豆腐卜，唔識講，不過最主要就係豆漿，豆品店主打嘅係豆漿，除咗用白色糖水形容之外，一啲豆味都冇，其實佢哋自己有冇試過味呢？另外員工多個客，成個場最嘈係佢哋，自己party

同友人去食晚餐，食完之後好口渴想搵珍珠奶茶飲，晚上9點多，一係網上search到已經關門，一係網上寫未收，但去到已經關左……好無奈，又話香港夜晚多采多姿，但原來只係甜品店開得夜，台飲店唔係……友人醒起有間豆花店未關，唔緊要，食豆花都止到渴既有好多款選擇我就揀左芝麻糊豆腐花  $16芝麻糊比較水，唔夠濃味，而豆腐花本身頗滑身，但加上芝麻糊頓時遜色左好多，我諗齋豆花會好食好多，或者下次試招牌魚肉煎豆腐凍豆漿  $7冇嗌冇糖，正常糖底下甜度合適整體一般，唔知係因為芝麻糊溝豆腐花冇咁好食定咩原因，但可以下次再試原味/ 煎豆腐