姚姚酸菜魚 (港威商場)

Open Now

Now Closed

留港消費食咩好？餐廳位於港威商場，除咗主打酸菜魚之外更有多款正宗川菜供應。店內環境唔大，簡約設計，以灰藍色為主調，QR code落單，整體食物份量唔算好多，一家大細都啱食。最近新出菌香雞煲，採用新鮮雞腿肉，肉質嫩滑多汁，肥瘦適中，啖啖肉，配上菇菌、三色椒、雲兒、洋蔥等新鮮食材，令到整體味道更加香濃，呢款好適合配白飯食🤣唔食得辣嘅可以叫番茄魚，番茄微酸偏甜，番茄蓉好多，濃稠度適中，味道濃厚，魚肉唔算好大塊，偏軟身，入口滑溜，食落都幾鮮甜。下面有少量粉絲，吸滿湯汁，真係好正！番茄牛肉麵都值得一試，呢款嘅湯底就真係水狀態，因為太好味唔覺唔覺唔小心將成碗當湯飲曬哈哈哈，牛肉厚身但唔算好嚡，而麵條就煮得偏𣺉咗少少，未必人人鍾意食呢種質感。

-姚姚酸菜魚-📍尖沙咀.最後天氣開始熱返，想食啲比較開胃嘅中菜，選擇咗去港威嘅姚姚酸菜魚。餐廳每張枱嘅空間都好足夠，坐得非常舒服。.除咗酸菜魚之外，仲有好多乾鍋或者香鍋嘅選擇。.一坐低侍應會提供一壺茶，茶帶有桂花香，個人覺得配酸菜魚或者香辣鍋都非常適合。.姚姚酸菜魚 (2人份) ($338)無論辣度及酸度都可以自由選擇，我哋揀咗小辣減酸，仲可以選擇少油少鹽，食得更健康。.湯底用咗大量酸菜、花椒同芝麻等調味，清得嚟帶點酸味和麻香，味道好豐富。.姚姚酸菜魚用的係新鮮鱸魚，份量都好多，魚肉好大片，而且肉質好嫩滑，仲要完全冇骨，就連唔係好識食魚嘅男朋友都可以好好享受魚片鮮味。.另外加配了嫩牛肉(+50)，份量唔算好多，但係肉質細滑，而且非常香牛味。.上湯菜心 ($58)菜心煮到好淋，連莖嘅部份都好軟身，而且菜心本身好新鮮。而且上湯用咗黃金皮蛋同蒜粒，非常清甜。.特級米飯 ($18)估唔到呢度嘅白飯係用上珍珠米，飯粒軟糯甘香，配埋酸菜魚嘅湯底或者菜心嘅上湯，都非常好食。.鮮奶紅茶凍 ($38)晚餐時間唔想飲奶茶，怕瞓唔着，點咗呢杯鮮奶紅茶凍。紅茶凍非常香，唔會太甜，加埋鮮奶同市面嘅手搖飲品一樣

想食酸菜魚，又想食北京烤鴨，但歡樂卡過咗期，唯有留港消費，搵到間知名內地品牌「姚姚酸菜魚」，套餐有齊酸菜魚和北京烤鴨，唔使北上，一次過已滿足晒我兩個願望，正呀餐廳裝潢跟返內地以Tiffany Blue作為主要色調，用餐環境都坐得舒適，用QR CODE 落單夠方便✨滋味共享套餐 $438▪️北京烤鴨（半隻）烤鴨嘅外皮夠香脆，充滿鴨油香味，肥瘦均勻，好有水準▪️川味鴨架一鴨兩吃，鴨肉肉質嫩滑唔柴口，配以川味麻辣更有食慾▪️姚姚酸菜魚（2-3人份）可依個人喜好選擇辣度，這裡選用由政府所認證嘅新鮮爐魚，每條魚都有身份證明，吃得放心酸菜魚份量都幾多，全部魚肉都無骨，口感非常鮮嫩，搭配嘅酸菜選用正宗水東芥菜，食落口感比較清爽無渣，好好味呀，如果可以配埋白米飯就very good▪️是日涼菜酸辣土豆絲酸辣比例啱啱好，食落好脆口，加咗芝麻食起來更香口▪️手打檸檬茶▪️茉莉香橙飲品甜度更可自行選擇，吃完辣飲返杯冰涼飲品解解辣爽爆

鍾意食酸菜魚嘅一定認識係内地同香港都擁有多間分店嘅姚姚酸菜魚。終於搵到機會去試下。姚姚酸菜魚全店採用藍色設計，座位十分寬敞，環境乾淨👍🏻。招牌酸菜魚（免辣）🐟因爲唔太食得辣，所以嗌左免辣。大大盤酸菜魚，鋪滿大量芝麻，色香味俱全。魚片無骨，大大塊，非常嫩滑，份量都多👍🏻。仲配有大量嘅酸菜，充滿濃郁嘅酸香味，特別開胃。最後我地連魚頭都唔放過食埋🤤。麻醬雞絲粉皮🐓涼拌小菜雞絲粉皮淋上香濃嘅芝麻醬同芝麻，爽滑嘅粉皮配搭爽脆嘅青瓜🥒同嫩滑嘅雞絲🐓，連埋芝麻醬一齊，唔會膩，口感相當豐富😋。藤椒無骨鳳爪藤椒無骨鳳爪已經去骨，食起上黎更加方便，口感爽脆充滿咬口，十分惹味，連唔食得辣嘅我都忍唔住不停食😍。紅糖糯米糍粑糍粑撒上黃豆粉及淋上紅糖，糯米糍大大條，外脆內軟，十分煙韌，作爲甜品一流。

好耐無去尖沙咀行街，這次特意選擇了有米芝蓮認證的酸菜魚專門店「姚姚酸菜魚」🐟。這裡的環境舒適，服務熱情，讓人感受到一種輕鬆愉快的氛圍。⭐姚姚酸菜魚(2人份)⭐酸菜魚魚肉鮮嫩，搭配著酸菜的爽口和微微的辣味。湯底香濃，帶著酸爽的味道，讓人忍不住一口接一口。⭐酸辣土豆絲⭐口感爽脆，酸辣的調味恰到好處，增添了一份開胃的感覺。⭐麻醬雞絲粉皮⭐麻醬雞絲粉皮的味道也相當有驚喜。粉皮滑嫩，搭配上麻醬的濃郁，雞絲的鮮香，青瓜的清新，讓整道菜既有嚼勁又不會過於油膩。非常適合炎熱天氣的清爽菜品。📍姚姚酸菜魚尖沙咀廣東道3-27號海港城港威商場二樓2307 號舖

【尖沙咀•姚姚酸菜魚】@ππππππππππππππππππππππππππππππ出色姚姚酸菜魚香港分店鮮奶紅茶凍多多桃膠椰奶北京烤鴨（半隻)孜然椒鹽鴨架姚姚酸菜魚（2-3人份）紅豆龍冰粉鮮奶紅茶凍口感非常滑嫩，紅茶的香氣與鮮奶的醇厚完美融合。每一口都能感受到紅茶的香味在嘴中縈繞，搭配淡淡的奶香，讓人感到十分舒心。多多桃膠椰奶桃膠的Q彈口感與椰奶的醇厚形成了絕佳的搭配。桃膠的自然甜味與椰奶的香濃相輔相成，讓人感受到一種熱帶的風情。北京烤鴨（半隻）外皮金黃酥脆，肉質鮮嫩多汁，搭配薄餅、蔥段和甜麵醬，風味更佳。每一口都能感受到鴨肉的香氣與脆皮的對比，讓人忍不住想要一口接一口。孜然椒鹽鴨架香氣撲鼻，孜然與椒鹽的搭配讓鴨架更加美味。鴨架經過精心烹製，肉質鮮嫩，骨頭的部分也很入味，特別適合搭配啤酒享用。姚姚酸菜魚（2-3人份）湯底鮮香，酸菜的酸味與魚肉的鮮甜形成絕妙的平衡。魚片鮮嫩，煮得恰到好處，讓人一口接一口。紅豆龍冰粉特色在於清爽的冰粉與紅豆的結合，口感上既有Q彈感，又有紅豆的細膩。冰粉的滑順與紅豆的甜蜜相得益彰，讓人在享用的同時感受到清涼的滋味。餐廳環境：🔥🔥🔥🔥🔥服務質素：⛄⛄⛄⛄⛄食

哩度除左酸菜魚之外，都勁中意佢既麻辣香鍋，做得又香又惹味，仲可以揀少油版本添!可以揀既餸都好多，我地揀左嫩牛肉，花菜，土豆，蓮藕片。大大盤份量十足，配料沾左麻辣香，啖啖都好好味。最中意嫩牛肉厚厚地口感好，仲有蓮藕片夠爽脆。哩個一定要叫白飯送😋另外叫多個小食麻辣豬手，哩個除左有乾鍋既惹味，仲有辣油既香，豬手多肉又有膠原感👍🏻食完咁多辣野最岩叫埋個彩虹烏龍冰粉做甜品，有黑芝麻，提子乾，紅豆，花生碎等，多層口感，撈埋冰粉涼浸浸😋

尖沙咀海港城嘅姚姚酸菜魚環境時尚簡約，以湖水藍色為主調，望上去非常斯文又好適合打卡，寬敞舒適的座位配合明亮的燈光，非常適合一家大小或朋友聚會。麻辣香鍋,可以更改麻嘅程度，至少要揀5款餸，另外配上白飯，麻辣開胃，我哋揀咗嫩牛肉、蓮藕片、炸豆皮、萵筍片、魔芋結，大大一盆呈上非常過癮！牛肉嫩口，肉質軟冧，蓮藕脆口爽滑，炸豆皮充滿豆香，萵筍清脆爽口，魔芋結健康美味充滿飽足感，Q彈有嚼勁。椒麻皮蛋賣相好正，橙紅色十分糖心，入口即化。彩虹烏龍冰粉 - 清涼又爽口，回甘不膩。用黎解辣一流，冇加椰奶都非常好味，烏龍茶味更突出，冰粉Q彈滑嫩，配上芋圓、紅豆、提子乾、黑芝麻等配料，色彩繽紛，口感豐富多變。

陪朋友去尖沙咀買包包，買咗心頭好佢立即話請我食嘢，咁就一齊去咗食姚姚酸菜魚，餐廳是內地著名酸菜魚品牌，環境舒適，主打大部分食物辣度都有得揀，由不辣至大辣，方便客人選擇自己的口味。姚姚酸菜魚二人份：酸菜魚選用國家認證刺少肉多的新鮮鱸魚起肉做成魚片，肉質鮮嫩甜美啖啖肉，秘製湯底用咗5-6個小時精心熬制，啖啖鮮香濃郁；選用經過90天醃製的水東新酸菜，味道道集麻、辣、香、酸於一身，酸爽又開胃！黃金脆炸小酥肉：小酥肉新鮮即炸，入口香酥又嫩滑十分香口。傳統擔擔伴麵：幼滑麵條在惹味小辣湯料中，伴著豬肉碎和蔥花，每吃一口，都能挑起味蕾。雪碧

落雨天最好行商場，平日揸車出海港城泊車優惠多，今日約咗朋友出去尖沙咀行街，順便食個lunch，見到有間米芝蓮酸菜魚，唔系周圍都有，所以想試吓。🐟 姚姚酸菜魚（2人份） $288可以揀辣度、酸度、油度～ 榮獲米芝蓮殊榮嘅酸菜魚，嚴選國家認證刺少肉多嘅新鮮鱸魚，選用經過90日醃制嘅水東新酸菜，秘制湯底耗時五至六個鐘熬制，加入川椒、指天椒、鮮青花椒調味，入口集「麻、辣、香、酸」於一身！ + $38寬薯粉條 ~ Q彈好吃，煙煙韌韌。 + $35 萵筍片🍹 手打檸檬茶 $38~ 新鮮檸檬手工慢磨榨汁，再加入新鮮現泡茶，滿口酸甜滋味。🍹 新鮮水果烏龍茶 $48~ 百香果、菠蘿、西瓜，再加上檸檬嘅烏龍茶，味道酸甜開胃。

位於海港城港威商場嘅🌟姚姚酸菜魚🌟，粉藍色做主調嘅裝修，都幾時尚美觀✨！🐟姚姚酸菜魚（2人份）$288餐廳主打嘅菜式，二人份已經好大盤！跟埋底座keep住個溫度，抵讚！採用有身份認證嘅鱸魚，鮮美肉嫩！湯底以雞隻同豬骨熬煮6小時而成，加埋海量嘅水東新酸菜，做出風味獨特嘅酸菜魚！餐廳建議加購泰國絲苗白飯同吃，自製酸菜魚湯飯！亦可自由加購配料，例如金菇、豆腐、萵筍、寬粉等，連鱸魚片、肥牛、午餐肉都可以加！🧡椒麻皮蛋 $68流心嘅黃金皮辣，醬汁麻辣美味！🥜麻醬雞絲粉皮 $68滿滿嘅花生醬香，mix少少椒麻皮蛋嘅汁仲正！🍺藍妹啤酒 $28姚姚酸菜魚嘅酒水價錢公道，另有生啤可供選擇，仲有買2送1優惠！

本人是酸菜魚愛好者，在內地和香港都有光顧了姚姚酸菜魚好幾次了，味道算是不過不失，也沒有特別驚艷到我，也可能是我先入為主，個人還是更喜歡太二酸菜魚多一點😂😂不過…..這一次我要強推的反而是它的午市套餐“麻麻辣辣口水雞”有小吃有配菜有肉有飲料$108 算是超超超值套餐了，而且它好吃的程度一度讓我一星期裏面吃了三次，真的毫不誇張。它家的雞肉很嫩滑，雞皮也很爽口，調料入味也夠麻夠辣，所以說真的非常好下飯。有一次餐廳職員都認出我了，怕我不夠飽，還免費為我添飯，姐姐們也真的夠熱情的 非常感謝🙏又一次讓我感悟，一家餐廳不能每次只吃它的主打菜，要多嘗試餐廳上的其他菜品，也許會發現不一樣的美味，因為工作原因，一個人午餐也叫不了太多，但下次我要約上朋友試試它家的麻辣乾鍋，聽說也不錯。

好耐無食辣，lunch行過海港城，見到暫時未有人排隊，就去咗姚姚酸菜魚試試，除咗主打酸菜魚之外，其他麻辣菜式都好高質，真係要分享吓，原來佢哋酸菜魚仲係🐟米芝蓮認證！👍🏻環境:⭐️⭐️⭐️⭐️一般川菜餐廳都係一般中式裝修風格，第一次嚟到呢度真係眼前一亮，整個裝修好清新，全是 #TiffanyBlue ，仲有好多熊仔同埋魚魚裝飾，好適合打卡，而且有種清新悠閑的感覺。除咗QR code 落單之外，亦都有大大本Menu，方便唔同人士，值得一讚！座位好闊落，大部份都係四人座位，繁忙時間坐滿人都唔會覺得逼夾，另外佢哋有熱茶供應，沒有茶位收費，抵讚👍🏻！食辣嘢實要飲好多水，有杯茶飲吓好緊要！🌟未食過麻辣香鍋嘅朋友，好推薦大家試一試👍🏻！就如炒出來的火鍋，將不同的食材與秘製香料炒制一鍋，麻辣而不燥，鮮而不膩，香氣撲鼻，吃完會上癮。食物: ⭐️⭐️⭐️⭐️🥘麻辣香鍋 （鍋底$48） - 需自選5款以上配料蓮藕片 $38脆皮肥腸 $40鮮蝦 $55牛柏葉 $40寬薯粉條 $40配料有好多選擇！一上枱已經聞到味道非常濃郁，加上秘製香料炒得乾身，香氣撲鼻，雖然望落全是辣椒，但配料份量亦好多，足夠四個人食，仲會撈到兩碗飯🍚！正

這間餐廳係兩年榮獲「中國酸菜魚十大品牌」過江龍嘅香港分店，除此之外，佢更加是米芝蓮認證酸菜魚專門店！而今日介紹嘅唔係佢地嘅招牌菜 - 酸菜魚！原因就是今次餐廳同“美極”crossover咗一款全新菜式，而我就去試下，到底好唔好食？環境方面：跟其他香港及內地分店一樣，清一色以Tiffany Blue色調作為品牌顏色的姚姚酸菜魚，店內裝修全部統一採用小清新Tiffany Blue風格，加上主打「酸、辣、麻、酸」兼備，令人垂延三尺的菜式，讓其在內地酸菜魚佔了一個較高地位，就算來到香港，也可以保持一定水準食物方面：“美極”相信這個品牌大家一定不會陌生，今次聯成餐廳，出了這款麻辣香鍋美極®️鮮辣汁麻辣香鍋(麻辣鍋底$48 ，配菜 $38起）（牛百葉/豬腩肉/土豆/千葉豆腐/黑木耳）麻辣香鍋選用了美極®️鮮辣汁，辣味不會嗆口，令辣不只是乾辣，層次更豐富！而整個香鍋可以自由搭配，豐儉由人！可以選擇嘅配料多達30多款，有肉，有葷菜亦有素菜！而香鍋的精髓，就在於菜品新鮮多變，麻辣油鮮香麻辣。人多還可以叫多幾款配料，很適合喜歡吃辣的朋友們！酸菜雞蛋炒飯 $88炒飯乾身粒粒分明，加上酸菜，酸爽可口紅糖糯米茲粑

聽同事講姚姚酸菜魚有一個好抵食嘅lunch set，睇到之後發現之前嗰個set已經冇咗。唯有食呢個類似麻辣燙，自己揀咗四樣菜。好大一盤，我揀咗藤椒湯底，湯底都幾唔錯，但係唔抵食。味道就普通啦。