一樂燒鵝

Open Now

Now Closed

今日終於嚟到一樂，第一次幫襯。講真，真係有的驚喜。完全值得推介。見到餐牌有撈麵，本來好想食。但係今日個肚有啲頂，所以叫咗一碗鵝髀米。一上檯，冇叫佢鵝髀分開上。所以鵝髀浸住喺碗湯米粉度咁樣出嚟。個人感覺唔係太鍾意。因為一般嚟講，浸住，梗係驚冇咁好食。不過，一試之下真係有驚喜！鵝肉非常有鵝味。肉質鬆軟，柔嫩。層燒鵝皮厚度適中，唔會太薄，又唔會太口厚。最重要係食落脆口！完全值得一讚！個湯底先係一絕！嚟到呢度，淨係飲碗湯都正！所以食碗湯米，非常滿意。值得一提嘅係，由於嚟親個個都係嗌鵝髀，所以我留意到，隔一陣，事頭婆就會嗌鵝脾暫停。呢個真係可以理解嘅！所以大家嚟食鵝脾，真係要靠運氣。食完一碗燒鵝髀米，真係太好味，好味道唔夠喉，想即時再嗌一碗。

今日🍄🍄經過中環辦點事，記起之前有朋友推介過這間燒鵝瀬，所以都想會一會，而且仲係拎過好多年的米之蓮推選👩🏻‍🍳係門面望一望價錢，確實有點貴🤷🏻‍♀️不過而家成日同自己講，今日唔知聽日事，有乜野想食想玩想試，就去做啦，反正暫時自己都負擔得到。一拎上枱，🍄🍄『嘩』左一聲，好靚仔喎，燒鵝肶好長，🍄🍄未見過咁長果柄🤔，好鐘意❤️，果湯底都好飲！要甜酸醬就出聲，唔會一齊上既！不過只有單叫, 唔包飲品，承惠$118😌如果唔要燒鵝肶會平好多，燒鵝飯$62，飲品另加$10燒鵝皮都脆既、燒鵝唔會好肥，岩岩好！份量應該一個女生會食得到既、男生就可能唔夠飽🤤

專登嚟呢度食燒鵝，點知好失望。點左燒鵝胸飯，燒鵝嘅皮一啲都唔脆，肉質普通，唔係又乾又硬，但亦唔見得特別嫩滑及多汁。燒鵝飯有一啲類似豉油汁，但係食過出邊其他更有名嘅燒鵝飯，係會加燒鵝香油，令到飯底更香，但係呢間舖頭就冇。另外舖頭基本上裝修和普通茶記一樣，但地下非常之油及跌腳，如果老人家或者女士着高踭鞋，真的要超級小心。如果用$65 在中環在普通茶記食一個燒鵝飯，就覺得不過不失，但如果用米芝蓮一星角度來講，直情係超級失望。

打咗電話留燒鵝下莊，特登渣車去。去到門口話有，比埋錢。然後隔離黎個貌似熟客 唔知買咩順便買埋燒鵝下莊。 過1分鐘，話賣曬比唔到我地。有咩誠信可言。 Poor reputation for customers， in advance phone asking for Goose lower part，drive there for 30 mins. Already paid and took my order for two Fired goose lower quarters. Suddenly said there are no more lower quarters, therefore would you mind to change another order and return the money for you to think of that. Since there were two ladies behind take a same order of mine, seems they are usual customers. Omg...

我本身好鍾意食燒鵝，最近留意到呢間小店有米芝蓮加持，所以就去開中環嘅時候，去買咗隻下庄燒鵝返屋企嘆喇。打開個盒係先係見到隻髀同盒汁，之後夾開面頭d髀就睇到成盒燒鵝嘅份量啦，感覺上都係足料既。面頭睇落唔肥，冇乜肥膏，鵝皮既面頭泛著油光，好靚😍個髀食落去果然真係冇乜肥油，只得鵝油香。兩個人食好快就ko曬個髀，剩下下層嘅鵝肉。下層嘅肉就多返d肥膏，同埋d汁匯聚曬喺低，所以特別鹹，不過整體黎講係正既，米芝蓮喺實至名歸的。

香港燒鵝九成都係一樣，剩返一成係心機，呢句野係天鴻燒鵝老闆講，大家可以上視頻睇返。今日去一樂食館，位於中環。都係嗰句，小弟住天水圍，好近啫一入去坐低即刻叫左鵝髀瀨，免斬，扣底第一，原隻鵝髀佢冇俾張吸油紙我，攞住隻髀食，欠細心第二，鵝髀暖，合格，再熱啲更好，鵝肉嫩滑，鵝味重第三，碗瀨粉我唔評喇，重點一定係鵝髀，個湯鹹鹹地，實係師傅湯黎好老實，我鍾意天鴻多啲，起碼佢食髀有張吸油紙俾我，同埋天鴻個格局似燒味店多啲但天鴻叫鵝髀瀨係貴高一樂我加罐可樂，$10

最近才知道这家小型烧腊店连续几年拿了米芝莲，朋友介绍他们的烧鹅不比镛记差。假期日他们有开门营业，午饭时间不用排队，一进去就马上有座位安排。餐牌上都是烧腊的东西, 普通的烧腊饭是50多60元，跟太兴的差不多，在中环这个地段也算是合理。丰富一点要了一份烧鹅脾汤濑，上桌时看到鹅脾也比较大隻，只是浸在汤内令烧鹅皮变软，吃不到它的香脆，有点可惜。但烧鹅肉真心的好吃，入口能感受到鹅肉的香味，是近期吃到最好吃的烧鹅。 至于配角的濑粉，粉余有点碎，口感不怎样。他们拿奖是有根据的，下次再吃濑粉时会叫他们分开上。

以前會走來買全隻未切嘅燒鵝番屋企一家用手食，好暢快。琴日1点行過已經見到好多燒鵝頸同只剩返半隻燒鵝+ 豉油雞白切雞各一掛係度，心諗：咩咁早賣晒？ 埋去話買半隻燒鵝，價值三百幾蚊（只有半隻！）点知到屋企開來食，除咗4-5舊胸外，全部係骨，個肶瘦到好埃塞俄比亞咁，啲肉又硬又薄，其實諗諗吓都唔知嗰啲鵝頸係咪道具，其實而家已經冇生意，點會lunch time 1点入面得一枱有人，但係又賣咗咁多隻？（註：鵝頸掛係度即當日己經賣出的燒鵝數目）又冇人係門口買外賣？！ 😡🥺 其實而家市度咁差，生意難做，但做外賣既都還可以，点解唔好好地做，要咁樣又貴又呃人，做人客嘅咁多選擇，更加唔會幫襯你，咁就真係等執。出面其實而家好多燒鵝都好靚，又唔洗呢個價錢，以後真係唔會再幫襯。

有排超中意食燒鵝瀨首先試左波記，本身已經覺得好好味但果然眼光係要不停放遠，有另一間好味D，叫一樂真係好味過爛酒樓成隻燒鵝嫁！不過去兩次兩次都冇脾 唯有叫雞脾，滑到入味到你要從新考慮以前究竟有冇食過好味的雞脾

尋日中午去開中環，經過一樂，見冇人排隊，買左盒燒鵝飯，竟然一加就10皮，要成60蚊，諗住問吓燒鵝脾要加幾錢，佢話要11X元，都癡癡地，百幾蚊鋸扒都得，駛食你飯盒。燒鵝非常普通，反而啲飯有驚喜，食完想再添飯。咁不如下次用10蚊買碗白飯好過了。

過往沖着米芝蓮星來試試這家燒鵝瀨，兩次都覺得嚴重中伏，如其他食評所說，肉少得可憐，主要是幾塊皮包骨。今天心血來潮想吃燒鵝，本想試試好評如潮的日日香，但那邊好像只有飯，沒有燒鵝的唯一絕配—瀨粉。只能再戰一樂。這一次決定試鎮店名菜燒鵝脾。果然！偏細的瀨粉襯托着美味的鵝脾，皮脆肉厚汁香濃！油菜上可能用上了鵝油？（亦有機會是自己終於吃到像樣的午餐而神智不清）。反正通菜也不錯。這個故事的教訓就是：有時候，金錢是可以買得到品質的。但錯誤選擇（比較）便宜的option的話，就會用了金錢換來懊惱。

$50個燒鵝飯，得一舊手指公咁大舊嘅肉，個師傅竟然可以抽出一隻燒鵝最無肉嘅地方，放晒落我個一碟飯上面。難得！我同姐姐反映，（我語氣平和，同姐姐講，「姐姐點解我碟飯得一夠舊肉」）佢望都唔望，就同我講，咪有肉囉，下次叫燒鵝髀，或者燒鵝胸飯咪多啲肉囉。咁你叫得燒鵝飯，我梗係以為都會有肉㗎啦，最後我食咗唯一一舊肉，爬咗一啖飯，好唔憤氣擺低$50就走咗。其實講真，我唔期望俾$50 ，會有隻燒鵝髀俾我，只不過得一舊肉，嗰個感覺真係好差。我亦都唔係要佢返俾返舊肉我，不過希望，希望想食燒鵝肉嘅朋友，可以諗真啲先幫襯。除非你鍾意食燒鵝皮，肥膏和骨頭。

打電話去一樂叫外賣自取，男職員說不接受電話下單，我說我電話下單，我立即到舖自取可以好嗎？我公司好近！他將電話交俾老闆娘聽，還聽到男職員說好煩，八婆！我呢一世都唔會再幫襯！！！

Of the highest hallways of culinary perfection, Yat Lok sits on a golden goosed throne. Sumptuous, caramel-like skin concealing the moistest goose your lips ever met, immediately forcing the biggest smile on your face that you can ever remember. Eyes shut, take a moment to meditate on the flavours rolling around on your tongue. Forget the crowded room, the bustle of conversation, the screams in the kitchen, forget it all and just savour that salty, sweet, delicious bite of roasted goose.A culina

今日嚟到呢間米芝蓮一星嘅小店其實之前朋友已經帶過嚟食，我記得佢嘅份量好少，但係燒鵝嘅質素真係好好食，同你平時喺酒樓食嘅真係完全唔一樣啦，今次我嚟到又係食返燒鵝瀨，最基本嘅，因為我覺得燒鵝髀瀨一百幾蚊真係有少少貴不過之後有啲後悔，早知叫個燒鵝髀既然一場黎到燒鵝嘅質素無變，仍然都係好好食，個皮好脆啲肉好夠味，選下啲骨都好甜。奶粉嘅份量依然都係好少，我見隔離枱有另外叫一個淨瀨。 下次可以次下。服務態度又冇其他人講到咁差，阿姐都好好態度。