逸逸居 (灝景灣商場) (Closed)

逸逸居是一家值得推薦的茶樓。這裡的菜品都非常精緻，味道也非常好，絕對能夠滿足各種口味。其中，龍蝦伊麵是這家餐廳的一道招牌菜。伊麵口感彈牙，龍蝦肉鮮美，湯汁濃郁，是一道非常豐富的料理。生炸咕嚕肉也是這家餐廳的一道招牌菜，口感酥脆，咕嚕肉鮮嫩，味道非常好。帶子西蘭花的味道清新，西蘭花熟度適中，非常有嚼勁。清蒸龍躉的烹調技巧非常高超，龍躉肉質鮮嫩，口感爽滑，非常健康。什菇小棠菜的味道濃郁，菜品新鮮，非常開胃。最後，豉油皇炒麵也非常好吃，麵條煮得恰到好處，豉油的味道非常濃郁。總的來說，逸逸居是一家非常優秀的餐廳，菜品品質高，價格合理，服務態度也很好。如果你想品嚐美味的中華料理，那麼逸逸居絕對值得去一試。

千祈唔好幫襯！！俾百幾蚊叫個外賣燒味飯, 點知黎到每樣得個5舊仔, 咁樣做生意過意得去嗎？去高級中餐食人地個d細細份都多過呢到, 味到又唔係特別好味出色過人, 一定唔會再幫襯呢間垃圾！

當日晚上7:30, 由於沒訂枱食飯, 青衣城間間都沒枱, 上到呢間酒樓, 係完全唔使等, 立即俾張枱你, 因為全場加埋都不超過15枱客, 大把位因為係食團年飯, 一行6人, 便叫了個團年6人餐, 等上菜時間正常, 開始講下菜式:1. 個名叫金豬  - 碟餸變左燒味併盤 (燒肉, 燒鴨, 雲耳)2. 西芹鮮魷龍躉片抄珊瑚蚌 - 不過不失3. 炸蝦球- 炸得香, 但真心的咸, 唔係普通咸4. 清蒸沙巴龍躉 - 呢個比較喜出望外, 條魚好似去飲咁大條5. 上湯浸菜苖 - D菜心唔淋..6. 蠔豉脷豆苖 - 豆苖唔係豆杯, 有條長柄嗰隻, 脷都可以, 最差係蠔豉, 一食入口, 又有锈味又梅又腥, 我一食入口就即吐..完全唔得, 生平就算街市買的乾貨都唔會咁差..7. 翅 -  入口好似生粉水, 沒乜味..8. 吊燒雞 - 正常9. 生炒糯米飯 - 因本人唔食糯米, 不評價 10. 糖水 - 紅豆沙 (正常)服務就一般.. 個餐$1888(唔包茶介及加一), 以上的食後感係唔值呢個價既...  唔怪得咁少人

雖然只係隔咗一條馬路，但公眾假期青衣城酒樓排長龍，逸逸居就半滿，座位任揀。其實佢嘅環境裝修都不錯，服務都可以，搵職員到有問必答，唔會比面色你睇。飲茶點心幾便宜， 20幾蚊就有一個點心，蝦餃燒賣$12有兩粒，假期加兩蚊，抵食。味道方面，比較推薦魚腩粥，粥底幾綿，魚腩又多料。蝦餃燒賣味道正常，乳鴿入味但炸得黑咗啲。唯一唔推薦嘅係叉燒腸粉，腸粉勁厚皮，叉燒好少，食落去全口都係粉。三個人公眾假期飲茶，埋單唔使$300 ，可以一戰。

夜晚7:30入座叫咗五個餸，一個生炒牛肉飯清蒸魚，扇貝，雞都好快想到，唯獨是柱候牛腩和羊腩煲等到九點先有得食仲要係唔催冇人理我哋🤔🤔🤔🤦🏻‍♀️叫經理過嚟處理係咁敷衍話整緊整緊，餸菜阿姐將個羊腩煲擺喺隔離枱冇通知經理樓面擺咗喺度接近三個字都冇人理我哋，叫左勁耐個經理過嚟先至幫我哋上個羊腩煲🤦🏻‍♀️🤦🏻‍♀️🤦🏻‍♀️個牛腩煲仲要係少得可憐半煲都冇😥😥😥😥個生炒牛肉飯成9:30先上到嚟，餓都餓死啦樓面解釋因為今日有幾圍酒，但其實如果你人手不足就唔應該做埋外賣同埋現場嘅生意啦，廚房又唔夠人樓面又唔夠人。隔籬枱打邊爐等湯底都等咗九個字🥹🥹🥹🥹🥹咁嘅上餐速度，份量食樓下茶記都冇咁嬲

回娘家就約爸爸飲茶，一行6人來到逸逸居職員唔夠，門口未見有知客，咁就自己去揾位，吉枱好多，完全唔需要等，坐落要等開茶，人手不足，但職員態度算好好。點心拼盤 ~ 干蒸牛肉燒賣、蝦餃、燒賣、粉果、叉燒包、黑糖糕各兩件蝦餃 ~ 皮薄餡靚，蝦夠爽口燒賣 ~ 燒賣彈牙有濃郁豬肉香鳳爪 ~ 醬汁惹味叉燒包 ~ 叉燒餡料足叉燒腸 ~ 嫩滑腸粉咸水角 ~ 好夠熱，餡料足夠芋頭酥 ~ 熱辣辣，好香好酥脆乳鴿 ~ 香脆熱辣皮脆肉JUICY櫻花蝦炒飯價錢實惠，埋單4百有找!

以我所知，呢幾年呢一個位都轉左好多手，開頭呢一間開嘅時候好多人去幫襯，佢仲可以吸埋長發啲客，但係唔知點解啱啱第五波疫情之後，佢真係少咗好多好多好多生意，幾時上去都完全唔使等位😅 嗰日我屋企人想去，見到冇乜客都走咗食第二間🫣 希望佢做多啲推廣吸引番啲客返嚟😔因為好多人都慢慢對佢冇信心🫣

母親節當晚，人流已經唔多，仲有好多吉枱，啲服務好唔掂，我哋已經係食套餐，都唔係散叫，都仲可以漏單，等足個幾兩個鐘，都未出得哂啲食物。唔止我哋一檯喺噤等，隔離嗰檯都係度「小小」聲。食物方面：啲食物都還可以，嗰套餐都算係大件夾抵食。環境方面：人流唔多，自然枱與枱之間都寬，起碼唔使同人迫，但啲碗筷望落都唔算好乾浄。服務方面：好明顯唔夠待應，啲阿姐做到黑口黑面。總結：知係屋邨酒樓，唔應該有期望，但唔會再幫襯！

我哋共9個屋企人，去咗姑仔樓下食冬至飯，叫滿成枱餸，蒸左條魚，蒸得都滑，唔會蒸老左，叫佢魚香茄子煲，真係熱辣辣上枱，食嘅時候要吹吹😄，佢嘅咕嚕肉，配料係用新鮮菠蘿(平時酒樓多數會係用罐頭菠蘿)抵讚，龍蝦伊麵嘅龍蝦肉都好多又好味，蒜蓉炒豆苗，豆苗唔會老唔太多油，炸子雞好香翠好好味，粉葛赤小豆章魚老火湯，好快飲晒，另外有叫芥蘭炒臘肉，燒腩仔都要食。

因為某平台堂食有優惠，所以一試。門口知客不知道此優惠，經一輪詢問，知客帶我們開枱，場內吉枱甚多，但知客帶我們去搭枱，問知客能否不搭枱，才說你們沒有問。但我見其他食客都沒有問是否搭枱，就安排不用搭枱。還看見知客和其他職員對我們評頭品足。食物推薦煎釀茄子，魚肉和茄子的體積都很大，值得一試。燒肉飯，飯質很硬，完全沒有醬油，都可以算是少鹽食肆鳳爪，中規中矩，沒有甚麼特別，還有花生殿底。燒鴨飯，這碗就有醬油，普普通通

前手亦是酒樓，逸逸居頂手後第一次幫襯，本來都有點猶疑，也未食過同集團其他分店，但也本著試下無壞的心態嘗試了。格局跟前手差不多，所以感覺偏舊了些，疫症期間枱與枱之間唔逼，這個做得不錯。不知道是否因為平日，而且落雨，人不多。1點半已開始有下午茶，除了大中小點按小點計外，另有一張下午茶特價紙，當中的點心價錢跟午市特價紙一樣。$10.8特價點心的有燒賣2粒、蝦餃2粒、灌湯餃。個人認為燒賣比蝦餃好，蝦餃比灌湯餃好。茶都唔錯，前後食左10個點心，埋單只是$238，下次得閒應該會再幫襯。

呢間『逸逸居』的前身係『富臨酒家』,不知幾時已改名最有感覺係踏入酒樓即刻感覺好舒適，枱和枱之間有足够距離，朋友笑著話:點止 1.5米距離，直情有2米添。早茶有特價，假期都有，茶錢亦唔貴，唔超過10蚊，青衣區來講都算少有吖。2人叫咗5樣嘢食，買單120蚊左近『是日靚粥』好大碗，都幾軟绵。『家鄉煎薄罉』啱啱煎起，口感唔錯幾好味;芝麻煎堆仔好耐冇食，圓碌碌有空氣感，餡料似係蕃薯，甜甜哋我鍾意; 『南乳燒腩卷』係我朋友嘅菜，佢話满意