Video
Above information is for reference only. Please check details with the restaurant.
嗰日經過有記粉麵，見到都有好多人排隊， 於是乎又八卦咁走去睇吓有乜嘢可以買返屋企食~\(≧▽≦)/~結果，跟住人哋嘅推介，買咗:魚肉腐皮春卷，頂級蝦子麵 ♪(´ε｀ )啱啱煮咗佢哋嘅蝦子麵，覺得有少少不外如是。為咗唔好比其他味道搶去佢嘅蝦子味，我已經冇落蠔油。眼見麵上面好似有好多蝦子，但係食落去係完全感覺唔到，而且覺得佢哋麵質唔夠爽口。對比其他粉麵廠，我覺得佢哋嘅麵係偏淋，做撈麵感覺冇咁優勝。但係佢哋嘅魚肉腐皮春卷，都算幾好食嘅。啲腐皮春卷比其他店舖嘅較為粗身亦都冇魚腥味，香口。我會再俾多次機會佢，等我再煮多一次，如果感覺有好大嘅變化，我會再留個言 ╮(╯▽╰)╭
continue reading
從新界西跑到港島南，之前有聽聞香港仔有間好出名的蝦子麵， 今次遠道而來，係冇得食佢碗麵，只可買走佢個麵餅，加配魚肉春卷。《頂級蝦子麵》是小店最出名，選了幼麵因比粗麵更爽口，未煮已經見到麵餅上佈滿了蝦子。企檔哥哥仔介紹，說很出名又新鮮。鄰近香港仔碼頭架上，很多知名魚蛋品牌如四海、昌記…等廠房都是設於香港仔，有地利。應該是有水利才真。😉自備菜遠， 清水大滾淥麵餅，「罩呢」打散麵餅後離水面與下水中空氣交配過空氣冷河增加彈性，麵完全散開，夠身後便可即起只需數十秒，不要過火更不須要過水冷河。 另外一個煲（可惜冇大地魚粉），只須加些薑片調一調味，先放春卷後加些油把三條菜遠放埋落煲，都係夠身水滾，同步做把湯加上剛淥好的麵湯麵內。最後加上蔥花紅椒粒點綴。煮起已經聞到好香蝦子味，其實雖然淥完水亦沒有把 蝦子沖走， 麵質口感爽口，走鹼做得唔錯冇乜鹼水味，咬起上來雖然不覺有蝦子，但蝦子味亦很香與麵算平衡， 唔似有些店舖會加些蝦子粉上面。《魚肉腐皮春卷》魚肉與粉配搭合適，比正常粗身一點點，正常口感，味道很好不會有魚腥味， 因為冇再炸過只是淥起有魚蛋的感覺。價錢可能貴了少許，但你不可以用即食麵相比，以前的平民食品，今時今日想尋回舊味道，就變得高尚得多了。
continue reading
這是家不起眼的小店，但每早都有不少人在排隊，輪候她的粉、麵、雲吞。小店叫有記，在香港仔區幾乎無人不曉。我趁個少人空檔買了一袋河粉（＄12），回家弄了個蝦球窩河。其實，有記的麵是較為出名、好味的，但我剛剛吃完幾頓蝦子麵，很想換個新口味。發現-河粉質地滑溜，用筷子挾着不爛不斷，入口嫰滑輕軟，色味俱佳，的確是'正'！怪不得其門若市，賣個粉麵賣出名堂。其實小店的雲吞也挺好，有機會大家試試，但要記住避開繁忙時段。
continue reading