有魚

Open Now

Now Closed

豉椒炒蜆 $98好味指數：7.5/10份量幾多幾大碟，雖然有啲蜆肉都係離殼，但係呢個係大排檔嘅定律，豉椒味重好惹味，仲有好多紅椒🌶️青椒🫑洋蔥🧅絲，不過略嫌可以再炒熱🔥多少少，咁就更加有鑊氣。魚香茄子煲$88好味指數：7.5/10上枱時候好大煲，呢個用嚟撈飯🍚係一流，飯都可以食多幾碗，除咗有好多茄子🍆之外，舖頭仲用咗🐖瘦肉絲代替肉碎，食落更加有咬口，冬天最鍾意食🍲煲仔菜，熱辣辣真係一流。時果生炒骨$88好味指數：7/10用咗新鮮🍍菠蘿片去炒，生炒骨每嚿都好大嚿，甜酸味適中，肉質結實💪🏽唔鞋口，不過我自己口味就鍾意食梅頭肉做嘅多啲，因為啖啖肉🤭。如果鍾意食大排檔，荃灣真係一個👍🏽好地方，因為而家疫情放緩咗之後好多舖頭都可以開夜啲，所以👯‍♀️坐晒出門口，三五知己搵個地方吹水食飯其實真係好適合，食吓小炒飲下🍺啤酒，最緊要有大排檔熱鬧嘅氣氛。而依間小店性價比🥢好高，價錢合理，碟碟都大大碟，今次我哋兩個人都食唔晒啲餸😆。

其實幾鍾情二坡坊呢種本地充滿本地情懷既老區食肆不過呢間有魚就認真麻麻首先個雞煲係死咸, 雞走完油直出，炸雞撈雞煲醬。豬手柴皮本乾，基本上都係咬唔到入。金銀蛋時菜係比較出色，不過都救唔番呢餐飯。重點係，有位夥記係咁倒冰桶水，咁岩今日蟹叔著對拖鞋出黎，對腳KEEP 住涼浸浸，投訴兩次, 都無人理, 都係早D番歸...

🐟【有魚】🐟荃灣二陂坊一向聚集唔少風味菜館，最近新開一間叫「有魚」，立即約閨蜜來試😍酸菜魚係店內招牌菜式之一，可以選擇原條上，肥美石斑啖啖肉，配料豐富入味，必食👍🏻👍🏻🔥必食酸菜魚（大辣）$268一上桌，估唔到咁豐盛，石斑煎香過，色澤金黃，特別香脆！酸菜調味亦剛剛好，選了大辣，辣得過癮🌶配料方面，有萵筍、豆卜、蔬菜、薯粉等等，非常飽肚！專登嗌咗兩碗白飯嚟送汁，食到好飽好飽！離開嘅時候，店外十分熱鬧，已經坐滿晒人，好旺場！

位於荃灣神祕的二坡坊，有很多出色的中菜館，聽朋友介紹下今晚試試 有魚， 親切的名字， 親民的裝修加上家常小菜的菜單，很有家的感覺和家人叫了三個餸， 全部都很大碟先來一碟霸王雞 半隻用上近似蒸魚的鼓油底加上葱花，雞肥美嫩滑，差點以為是點了全隻份量蠔餅 又是大大碟，煎得金黃色，非常吸晴，蠔仔份量一點也不吝嗇，洗得也非常乾淨，沒有一點沙， 蛋的分量和蠔仔的比例也剛好， 每一口都能吃到蛋的滑溜又食到蠔仔的鮮味。金銀蛋白菜大碟之三，清清地簡單的白菜，白菜仔一定要浸洗得乾淨 ,食到底時湯底一點沙也沒有呢！讚

今日接老公收工💕決定做無飯主婦。行到二陂坊位置發現有間新開中菜餐廳叫「有魚」🍴，比佢門面吸引左去試😍主打大排檔小炒，煲仔菜等等，仲可以拎海鮮🦞加工，附近又有楊屋道街市，買埋拎去，十分方便。店舖吾算大，大約容納八張檯左右，不過麻雀雖小，五臟俱全，包埋乾淨嘅洗手間🚻。望望設計精美嘅餐牌，有多款精美小炒、煲仔菜、下酒菜、蝦🦐、牛、豬、雞整成吾同款式嘅小菜，價錢中規中矩，平均六十八至一百多不等，十分相宜。蜆蚧鯪魚球：外皮炸至黃金色，粒粒飽滿脹卜卜，老闆細心提示等過左度熱氣先可享用，以免燙傷💕鯪魚肉十分彈牙，蘸上香味濃烈嘅蜆蚧，味道更上一層。滷水雞腳：當然要叫下酒菜🍻啤一啤，雞腳份量多，滷得非常入味，偏焾身，連軟骨都食到。麻辣豬耳：食得出自家製，麻辣味好出，麻而不辣，嗜辣者必試，豬耳好有咬口，喜歡其煙煙韌韌口感，豬脂肪比例剛好，先一層彈牙豬皮，之後其有咬口根勁，食上癮。福建炒飯：無飯落肚吾自在，決定叫福建炒飯，材料豐富，包括有雞蛋、雞肉、蝦仁、草菇、菜心及瑤柱，瑤柱既咸香，米飯🍚吾會太焾身，反而粒粒分明，吾會比汁浸到焾曬，水準婢美酒店級，好夠鑊氣。總結：價錢相宜 食物質素好有入屋大排檔風味

早幾日陪媽咪去楊屋道買餸，周圍行睇下有咩水果買，點知比我地見到有間新開的餐廳叫有魚，我咁八卦緊係行去裝下有咩食啦！原來係食小菜的又有雞煲呀！買海鮮加工又得，我見新店就同媽咪講，不如今晚唔好煮，我地幾食呢間啦！ 哈哈媽咪聽到唔洗煮緊開心，即叫好!睇完餐牌覺得都好多選擇咩都有d 唔錯， 最後我就叫了以下幾款：黃金蝦 ~ 先炸蝦再用咸旦王煮超咸香，我忍唔住連殼食。西芹腰果炒雞丁 ~ 我最愛的小菜去到邊都要點，因越簡單越好食，大愛腰果 。荔枝肉 ~ 每一舊都好淋，個汁酸酸甜甜小朋友最愛。瑤柱蛋白炒飯 ~ 太大碟了， 飯炒到粒粒分明好香，我地爭住食呀！本來仲想叫多兩碟小菜的，但見佢每碟都咁大碟唔想浪費，所以叫左咁多就停，另外叫左兩枝啤酒，一枝王老吉，一罐可樂，大家都食得好飽咁回家。我走時見到隔離枱食酸菜魚超吸引，我下次一定要找朋友陪我來食先得。

放工無所事事，即興約咗哥哥食飯，諗唔到食咩嘅我哋喺荃灣行咗一陣，最後揀咗二坡坊嘅呢間小菜館。店面唔算大，大概有八張枱左右，但枱同枱之間空間夠，感覺唔會好逼夾。除咗小炒同湯粉麵飯之外，仲有烤魚、酸菜魚、羊腩煲、雞煲同火鍋，選擇都幾多，我哋掙扎咗好耐，唔知食小菜好抑或食酸菜魚好，最後揀咗酸菜魚。等候食物期間，老闆好友善咁送上剛炒好嘅花生，又香又脆，仲帶住微溫。落單後老闆問我哋想用火爐上定好似一般酸菜魚咁，煮好用大盆上菜，我哋揀咗前者，酸菜魚一上枱非常有震撼性，除咗份量非常大之外，我哋冇諗過係原條魚上，而且仲要係原條石斑，湯汁帶有濃濃嘅酸菜味，味道微辣，非常開胃，同一般食到嘅酸菜魚好唔同，但的確係另有一番滋味。石斑經過半煎炸，表層酥香，內裡軟滑，咬落肉質結實，配上酸辣湯汁更添鮮味。除咗石斑之外仲有唔少配料，娃娃菜夠鮮嫩，而且吸收哂湯汁嘅味道，非常惹味。雲耳大大件，口感清爽，配上酸菜湯汁亦係唔錯。魚嘅底部仲有粗薯粉，佢嘅薯粉口感同一般食到嘅唔同，傳統薯粉口感偏向軟糯煙韌，呢度嘅薯粉口感清爽，而且煮得耐都能夠保持口感。本來想叫多少少嘢食，但見到酸菜魚嘅份量之後即刻卻步，配搭白飯同汽水已經好足夠。