友利冰室x勿當奴 (Closed)

《友利坊》新蒲崗《友利坊》＆《友利冰室 x 勿當奴》今日有一個小小活動🐷💥叉燒大比拼 自己叉燒自己揀💥所以今日去支持一下👐招牌义燒飯🍚🇺🇸 美國榖飼梅頭 🐷我就比較喜歡今日用既美國梅頭，比較冧身，肉質好軟綿綿💛，另外我終於記得叫少飯，因為佢飯量實在太多，每次都浪費3分1😪友利坊既水吧叔叔真係好好，冰檸茶🥤每次都真係做足少甜，永遠都岩岩好❤臨走比我見到最難遇上既乳豬🐷，可惜我仲有其他地方要去，咁熱既天氣唔可以買完周圍去，唯有同佢say個hi👋say埋bye 👋

今次黎到位於新蒲崗嘅友利坊，原因有兩個，第一係本人係一個熱愛燒味飯嘅人，第二就係一個住左喺新蒲崗多年嘅朋友推介😋再加上聽講呢到有燻蹄食，我當然要黎試試😎今次我嗌左燻蹄燒肉飯，燒肉嘅皮整得十分脆，入口肥瘦適中，唔會死咸，個人比較喜歡肥肉嘅部份，好香🤤燻蹄方面都整得好好食，食落好有口感，個皮好爽口，點埋佢地嘅醋得變得十分開胃，用黎送飯冇得輸呀！！評分：6.5/10，野食方面係唔錯，不過服務真係好令我失望，個日去到已經唔多客人，店面亦不大，但店員好似都冇理過我咁，連嗌個黃芥末都嗌左三次先有，好似冇在乎個客人咁🤒

【#肥波茶記系列】🎈無錯！又係新蒲崗！問你怕未😂 尋日食完打尖出左呢個post先！因為真係好好味！👍🏻🎈營養師話過，如果你lunch諗唔到食咩，其實可以去食瘦叉飯🍚所以我地去左友利坊食叉燒！！！！（肥成話其實佢係想要半肥瘦😂😂）🍚我地叫左兩碟飯🍚1️⃣ 叉燒飯（少飯）💵 $462️⃣ 叉燒燻蹄飯 💵 $48(雙拼加$2)🎈一上檯已經超吸引，雖然係瘦叉但絕對唔乾柴，唔會咬唔開；燻蹄肥瘦適中，點埋個酸maymay嘅汁好正，個汁令到成件事加左分👍🏻正常飯份量肥成都有食淨；叉燒飯最緊要就係有豉油汁撈飯，佢個汁唔咸，我鍾意！💛💛💛💛💛下次我要食滑蛋叉燒飯😆

點咗個叉燒煎蛋飯。 煎蛋食落就一般水平，不過不失，反而叉燒有驚喜，估唔到表面燒到少少蕉，食落有一啲脆脆地既口感。同埋叉燒既肥大約只係20%，我自己唔鐘意太肥。岩晒！

🔊係～好～好～味～既～叉～燒～啊～香港愈黎愈少咁高質素既叉燒。好多餐廳既燒味都係叫貨返黎，質素非常參差。但依間餐廳係自家出品。不論你愛 燶邊 還是 肥叉，依度完成可以滿足到你💛侍應有求必應，我叫左肥叉，佢完全滿足到我既要求😍（看圖）而且仲有燉湯，味道清甜但略嫌唔夠多料🙈，比起媽媽既老火湯有點淡，係咪等於無味精😅Lunch hour時間不論係堂食還是外賣都好多人。因為新蒲崗算係工廠區，建議晚餐時間黎食，仲有2人餐好抵食添。下次經過都要買返盒外賣回家加料先。

放工要食個快飯就入嚟食個叉燒煎蛋飯啦！煎蛋有驚喜，竟然係太陽雙蛋，撈飯啱哂！叉燒就啱我，係瘦叉，食落都唔會好乾，不過有多少少就好啦，因為最後唔夠撈飯。雖然係茶記格局，但係呢度枱面上面都會有一包紙巾俾食客用。

星期日在次子家點新蒲崗友利坊的2人外賣套餐 ($195)叉燒拼燒肉+菠蘿咕嚕肉+郊外油菜+2盒絲苗白飯叉燒肉質冧身，肥瘦適中，但外賣唔知點解餐廳加左鼓油，好咸。燒肉：可能外賣關係，皮唔脆口，同時因為餐廳加左鼓油，好咸。建議餐廳下次外賣另上鼓油菠蘿咕嚕肉 唔知點解佢明明加左菠蘿，都沒有酸甜味 食完呢個好失望，明明上網好多好評話好食，食咕嚕肉汁完全無開胃感覺。只是好一般咕嚕肉。郊外油菜 正正常常，無咩特別由於今次外賣，食物質素一家無餐廳食咁好，等我下次再去餐廳試下，睇下點~ 不過叫呢間外賣，可以做個參考~

新蒲崗對於我嚟講都幾陌生，不過近排要嚟依頭上堂，所以每星期總會嚟一次，當然唔可以浪費咗啲車錢，把握依個機會試盡佢👅👅👅蜜椒骨 $138 (二人餐)>有6舊 每舊都幾多肉 幾大舊>即叫即整 勁新鮮 好熱>外脆 肉嫩 甜度適中 好惹味==================推介指數 🌕🌕🌕🌕🌑燒味雙拼 $138 (二人餐)>專登等小菜上咗先連飯 油菜一齊起 好細心>叉燒ok 不柴 略嫌唔夠蜜味>燒鵝算唔肥 幾好==================推介指數 🌕🌕🌕🌘🌑佢個二人餐收$138嚟講幾抵食，有兩餸加油菜加飲品，如加多大約$30蚊叫個啲小炒皇等小菜仲要勁大碟，個樣亦好靚仔，我地見好多人都叫了🤭 而好好彩地我地一去到就有位，走個時出面已有條人龍，厲害🤩

看着爆炸頭老細，大抵能看到這一代年輕人的影子。一腔熱血，一口氣，矗立在陡峭的崖邊，在中華人民共和國九百多萬平方公里的領土上，就這一小撮的他們站了出來。「二零一九走向香港街頭的年輕人並不天真，他們知道自己面對的，是怎樣一堵銅牆鐵壁，而自己是一枚多麼細小的雞蛋。」龍應台這麼說。他們不是不知道後果，而是知道後果仍然要做。一直踩着鋼線，而鋼線下的風景清晰無比，但他們就是義無反顧地踩了上去，這是一種骨子裡的勇氣。人類在不畏懼死亡的世界裡，就不會試圖擊退恐懼尋找希望了吧。只要活着便能前進，和必須擊退恐懼才能前進是天壤之別，因此，人類將那樣的前進取了特別的名字 – 勇氣。和爆炸頭老細一談，就是一個多小時。「我比他們幸運，以前做裝修包保養，賺上了幾個臭銅錢後，有位親戚不幸過身，他生前開的餐廳一大班老師傅做了四十多年，有個樓面姐姐由十幾歲做到五十幾歲，他們頓時失業，就把心一橫，開了這家舖好讓他們老來能安心續業。有能力，就當幫人，何樂而不為呢？」爆炸頭老細姍姍道出這家店的由來。友利坊這家店靜靜坐落在康強街的一角，和地鐵站並不算非常近，十來分鐘的來程做的都是街坊生意，我總覺得一家性價比高的好店，永遠和地鐵站

第一次嚟呢間餐廳叫咗兩樣嘢試吓佢叫咗個燒腩仔同埋叉燒每樣嘅最低消費分別係$50同$60燒腩仔啲皮好脆， 肉質鬆軟另外叉燒啲色水好靚肉質鮮嫩，半肥瘦㗎唔會乾柴咁👍👍👍呢間如果下次有機會會試埋佢其他燒味😋

話算今日來開新蒲崗考試，早左完仲趕得切附近食個tea，見到呢間友利坊咁黃就一於入來試試佢（唔知佢同D2間友利冰室係咪都有關係）🤪佢就冇下午茶餐，都係當平時lunch咁嗌法，但價錢我都覺得好合理，叫左個燒鵝併叉燒加凍飲都係55蚊😎份量作為下午茶來講就fit哂，我覺得料仲多過瀨粉，燒鵝有少少肥但肉質唔會鞋口，塊皮絕對係精華索哂d肉汁，拍得住深井水準😇但叉燒就比較失色d，偏瘦而且唔太入味，下次會想試下併其他配料以下午茶既standard來講非常滿意，下次見到會再幫襯

五一懲罰祭 (day 2) ~今天已幫襯了兩間「黃店」, 但作為 HongKonger, 就是要盡力支持 "黃色經濟圈" , 盡力 "撐黃店" , 撐手足 .... 大家加油！盡力做吧 ~我們老老遠遠來到這不熟悉的區域 新蒲崗-康強街 , 尋找並幫襯這家 💛 "友利坊" , 為的就是外賣一盒 "白切雞" 回家開飯 ~白切雞 (一隻) : 皮香肉嫩 , 鮮香入味 , 味道是偏向似貴妃鷄 , 雞肉是熟透 , 滑嫩且有雞味 , 沾上薑蓉和䓤油來吃 , yummy ~絕對值得遠道前來幫襯 ~本篇完 ~

來新蒲崗，多數都去友利坊食飯。大約 11點半，可能時間尚早，不算很多客人，完全不用排隊等，選擇了近門口卡座。有量體溫機，門口後生仔叫我有 app 就自己 “嘟”啦！ 不好意思，無哦 ！我選擇填寫聯絡資料 2 張。點了一個 2 人套餐 + 燉湯，$138 + $35。有燒味雙拼，燒肉+叉燒、燉湯、油菜、蝦仁炒蛋，飯（只要了一個飯，以免浪費）燒肉脆皮好食，叉燒有點硬；可能時間尚早，燉湯明顯不夠火侯，但足料的；可惜油菜是凍的，可能放了一段時間；蝦仁炒蛋不錯。大半個鐘頭食完，哈哈！街坊價錢 $173, 好扺食 ！

叉燒瀨 $46油雞瀨 $46難得既黃到金燒味店推薦 油雞肉質淋滑入味叉燒黎之前好多正評 但少少失望叫左兩碟 一碟半肥瘦一碟極瘦味道係好既 唔算偏甜叉燒冇過度醃製 半肥瘦果碟肉質好恰當但瘦果碟太硬咬唔到 最終勉強食曬瀨粉加條油菜正常表現提提大家餐牌係無寫粉麵選擇得好飽肚既碟頭飯 （差啲走左）開口問下啲靚仔靚女就有環境管理確實有好大既改善空間污糟碗碟擺出廳面地下油淋淋雖然係平民金黃燒味檔但堂食感覺比較差 必須要改善本人表示唔介意再叫外賣

作為新蒲崗老街坊知道了有間黃店燒味店而又風評不錯一直都很想找機會去試試試，適逢朋友生日訂了一隻乳豬試試水準不錯價錢公道，之後當我想食燒味在新蒲崗我都首選友利坊，但可惜我兩次堂食兩次外賣自取表明要肥叉都給了我很瘦的叉燒，雖然燒得還好不至於柴口，但總是留有遺憾，希望下次可以食到真係肥叉啦