港澳義順牛奶公司 (Closed)

義順牛奶公司 個名成日聽最出名梗係食燉奶所以一入去即叫咗個凍馳名雙皮燉奶 ($36)一叫即上因為已經整好曬一碗滿 都幾大 一個人食啱啱好面層直係會見到層皮質感超滑❤️食落勁香鮮奶味🥛又唔會太甜 食到奶味先再食到甜味雖然都會出水 但唔影響味道同口感另外層皮先係最好味為成個燉奶添層次又好濃牛奶味👍🏻難怪佢咁出名

今天經過開佐敦呢邊，搵下附近有咩好食。呢間野平時只會行過見到就算。咁呢日決定入去試下啦。可能呢日係平日，唔洗點等位。好快就坐低叫野食。侍應服務態度有禮貌，上餐時間合理。今次我叫左個火腿通，味道ok!塊火腿軟硬程度岩岩好👍🏻野飲方面我叫左杯熱央，味道正常。野餐廳整體都好乾淨👍🏻

今晚好早食完晚飯 8點幾又餓餓地行過彌敦道見到義順 見到門口放左一碗碗燉蛋、雙皮奶 岩曬啦！馳名雙皮燉奶（$36）同 冰花燉鮮奶（$28）都好想食 一於叫各一 兩個都有得試燉蛋顏色好靚 一睇就覺得佢落左好多蛋黃但食落覺得落得多既係冰糖 味道偏甜 不過都香蛋味既如果可以叫少甜就好啦燉奶動L動L 夠曬熱上枱仲出緊煙好滑呀真係感覺仲好養顏 哈哈呢個甜度適中d 奶味好出 果然係牛奶舖頭招牌菜食完兩碗 兩個都大嗌勁飽勁滿足下次行過一定會再嚟食

如果有在佐敦附近食飯，飯後一定會到港澳義順牛奶公司食一碗馳名雙皮燉奶作為飯後甜品，燉奶奶味濃郁，入口滑溜，好味道。不過價錢略貴，而且遊客多於本地客，已成為遊客地方。

This is the shop that I like the most 澳洲牛奶公司The environment though was not very big, you could feel the typical HK from it.The food was yummy, especially the 双皮奶。 But rmb, since all the staffs there are very fast paced, they maynot allow you to sit long there after finishing your meal. Rmb to eat slowly and be prepared to have someone share the table with you in the middle of your meal. Go and have a try if you want to have a taste of typical HK restaurant.

好耐無食雙皮奶啦 一經過就拉左男朋友入黎食一見全部滿座既內地人（全旅客）哈哈 已經變左景點啦價錢加左好多 味道同一般出面食差不多 不過不失啦但無雙皮奶既特色 姐係面層執皮（精華所在）變左燉奶

今日喺佐敦附近食完面之後打算食個甜品，見到難得義順沒有人，就入去點左個熱雙皮奶同冰花燉雞蛋食。點完嚟到我先發覺原來冇咗雙皮奶，得返普通嘅燉奶，冇咗雙皮奶最重要嘅雙皮，已經覺得唔妥，因為點嗰陣時冇講明話冇雙皮奶，求其嚟咗好普通燉奶搏大霧，我一向食開點會唔知雙皮奶係點，叫個人來，就解釋話雙皮奶冇貨，食住先啦，😠咁咪即係呃我囉！我費事掃興就就咁食，不過味道同雙皮奶真係唔同。買單嗰陣時佢都收咗我$36雙皮奶嘅價錢，問佢點解冇雙皮收咗雙皮奶價錢，點知收銀個阿姐話”我哋不嬲都係咁樣收個喎‘ 咁我話呢你咪即係呃錢囉，之後佢就冇答我啦，淨係講話’$68啦！‘成個態度即係話我係呃你呀咁又點呀。之前去過銅鑼灣鋪頭，試過一坐低就講到明今日雙皮奶賣晒，會唔會食其他，老老實實，明買明賣。今日呢一間義順擺明係呃你唔識分乜嘢係雙皮奶，我見到有好多遊客去食，應該有唔少遊客被呃-食咗唔係雙皮奶嘅雙皮奶，大家下次去呢間食嗰陣時記得要望清楚，唔好比人得過且過左。

太子無左牛奶公司，每次糖水的選擇都難上加難。不想去許留山這個地方。因為有時候也會想選擇一些中式糖水。中式糖水的選擇我們通常可能會要咩金銀花或者枸杞，或者紅棗。但誰人或者忽略牛奶公司其實令到童年回憶的是一碗雙皮奶？

2018年嘅最後一個晚上，我同女朋友食完飯，經過佐敦順路食埋糖水先去西九龍總站倒數迎接2019😊因為我同佢成日食西式甜品🍮，難得經過佐敦舊區就一定要試一試義順雙皮奶燉奶😌入到鋪頭已經座無虛席，好難得有一張吉枱🤨我哋分別點左「巧手薑汁燉鮮奶」以及「紅豆雙皮奶」🥰✅巧手薑汁燉鮮奶：薑味好濃郁！如果係熱食嘅話食完一定成個人爽晒！鮮奶燉完出嚟都好有層次，放入口個感覺好滑溜🆗紅豆雙皮奶：紅豆再加雙皮奶😂本來以為係紅豆味嘅雙皮奶🤩但原來只係雙皮奶上面加上紅豆🤡不過雙皮奶好滑，奶味亦都好香，有想食多碗嘅感覺食完野當然要交枱啦，而我哋都要趕去西九龍站搵個靚位倒數🤩 最後為大家送上，踏入2019年嘅煙花🎆——————————食物質素：7.5/10環境衛生：7/10舒適度：6.5/10服務：6/10 性價比：7.5/10總評分：6.9/10

喺佐敦食完飯想再有下場可惜松記實在等唔到😂🙈八個女仔一齊殺過去義順食返啲暖笠笠嘅甜品其實好想食薑汁撞奶但係最後叫咗一個燉蛋燉蛋其實平好多😛😛😛唔使等好耐即刻有得食燉奶好似要再耐啲🤘🙃燉蛋真係超級滑😍蛋味好濃郁😭好似食緊甜嘅水蛋食完即刻暖和好多🥰🥰🥰試咗朋友嘅薑汁撞奶燉奶好重薑味😍但係又唔會蓋過奶味的確係比燉蛋再滑啲個人嚟講鍾意燉蛋多啲😝食完覺得好有實感環境一般啦始終都係老舖食完都係拿拿林走😂費時阻人做生意說好的下場就係食完甜品傾多四個字就完😂

My all time favorite. No one does it quite like Yee Shun. Perfectly smooth and silky texture with a nice balance of sweet and milky flavor. Simple yet delicious. In my opinion, there’s no place that does a better and more flawless milk dessert.

馳名甜品店的義順牛奶公司！第一次試就已經覺得味道非同凡響！試左一碗薑汁燉鮮奶（$37），甜而不膩，面頭好Q彈，內裡又好嫩滑，啖啖薑汁，薑汁不會太嗆，但又唔會太淡，入口醇厚，軟嫩滑口，只不過奶香稍嫌不夠，只係食到好淡既奶味，但不是水味。雖然好好味，但配上$37的價錢，依然未免有些令人覺得不值。另外試左一份架央（$16），麵包脆口，不會太甜，值得一試！如果閒時過黎食個飯後甜品，也是不錯，因為離地鐵站好近，非常方便！

同朋友去食🤤我哋嗌左一個薑汁燉奶同一個雙皮燉奶兩碗都係熱嘅一拎到嚟就聞到好香嘅薑汁味試左一啖薑汁燉奶 我覺得都幾辣下 自己唔太接受到講番雙皮奶 真係好香奶味同埋係滑嘅我個人覺得有少少偏甜 但係好食嘅不過就真係感覺同普通燉奶無太大嘅分別 唔係太特出價錢嘅話同平時係出面食次糖水差唔多整體感覺係ok嘅

平日早放工嘅下午茶，今日試吓義順牛奶，他們有常餐都好抵食，但今次想食一個通心粉及熱嘅燉鮮奶，所以拆開左單叫，看見隔離太太食緊火腿通心粉套餐，所以特別叫了套餐沒有的牛肉通心粉，牛肉彈牙鮮甜，通心粉亦是傳統光身的，所以很有懷舊風味，侍應會給一杯熱茶，吃完甜品飲杯熱茶都不錯，由於人太多所以吃完就走，成個下午茶只需15分鐘便完成。

經常都聽到別人說義順牛奶公司都幾可以代表到香港，今天終於有機會親身走去試一試它很出名的義順牛奶雙皮燉奶，另外再叫了一個牛油O架吷多。首先講一下牛奶公司內的環境，我在晚上8點鐘的時候進入的，可能是晚飯時間，空座位也有很多。本身座位也是頗舒服的，感覺上環境也很衞生。之後就是食物了，第一次食它的雙皮燉奶，奶味其實不是太夠，口感有點像平時的蒸水蛋一樣，其實也幾滑的。但味道方面就可能唔太突出，可能跟我個人口味有關。之後就是那個O架吷多，其實只是一塊有一些O架吷醬在面的多士，沒有特別之處。整體感覺算是不過不失，但價錢有點貴，性價比不高。