義利燒臘飯店

Open Now

Now Closed

平時經過都見到有一兩個人排隊買，今日經過突然想買外賣做晚餐，嗌咗燒鵝燒腩仔雙拼飯外賣，點知燒鵝變燒鴨，而且燒腩仔好難食，中晒伏，完全唔值得$50呢個價，絕對唔會有下次！

中秋節當日買了半隻燒鵝返去 返到屋企打開發覺除了餓頭之外根本全部都係鴨，隻鴨重要整得好難食 好似擺咗好耐加埋完全冇理味道 當晚食咗一半 到第二日再返熱 都完全無味 十分難食 呢間嘢啲水準越嚟越差 仲要欺騙顧客 以後唔使去幫襯

適逢節日，家人經過此店見到推出了盤菜，訂了一個$680的4至6人盤菜，結果六分之一的價錢也完全不值：無論是味道還是用料，都令到我們非常失望當日我們到店自取，回到家中打開都要呆了：正常的盤菜是漲卜卜的，寓意著「盤滿缽滿」；但這個盆菜的食物卻是凹入去的，食物排得不整齊像是快快地擺在一齊就算的那樣子，不美觀得來材料也算少。媽媽看到形勢不到，只好在家裡找出一罐罐頭鮑魚，還有剛煲好的花膠湯料放在上面，叫做充斥一下場面。比較深色的鮑魚，還有最上那對花膠就是我們額外加入的私伙食材。先不論好食與否，這個價錢只是提供這些碎碎的、偏向便宜的食材，已經毫不討好了。味道是重要，但令我們更驚嚇的是除了配菜，原來整個盤菜的食材就單單只有眼看這一層，所有款式的食物件數亦是眼看到的這麼多了，而這一層下面的所有食物都單單只有一款配菜，就是整盤都是白蘿蔔！完全沒有誇張，可以見到最右邊那隻蝦隔離就是一件白蘿蔔，那些白蘿蔔太多，表面的食材太少蓋不住所以冒了出來。無論你是隨意夾起任何一款食材，你都可以看到下面滿滿的白蘿蔔跟你揮揮手一個4至6人份的盤菜盤可以預計得到會有一定的大細，但首先這個盤菜裝得不是滿而是跌下去的，然後實際上

🎈環境我們一行3人大概6點到，人慢慢多，感覺似是熟客和附近街坊。.🎈餐牌.🎈食物.選擇多，份量足。茶介 $6一位白飯 $12.👇黃金海中蝦 $98 ⭐️⭐️⭐️⭐️⭐️鹹蛋味足，全餐之冠🏆🥇，蝦殼入味，連殼都可以食埋。.👇椒鹽鮮魷拼豆腐 $88 ⭐️⭐️⭐️⭐️一般都是單椒鹽鮮魷，這個拼豆腐可以把膽固醇量稍為減輕😅，香脆可口。.👇上湯浸豆苗 $108⭐️⭐️⭐️💫這個上湯比較油膩，豆苗夠嫩。.👇脆皮燒腩仔例牌 $98⭐️⭐️⭐️💫朋友推介說這個燒腩仔好正，有期望就有失望，皮不太脆，甚至有點淋，肉不太爽口，感覺不太新鮮，這個例牌份量好大。.

之前買過燒鵝髀唔掂👎🏻估唔到叉鴨飯又OK wor👍🏻——叉燒：肉質爽滑，食叉燒叫肥叉是常識吧（咁平都唔好意思叫半肥瘦了😂）比左半肥瘦👍🏻❤️，調味都ok 燒鴨：唔會太咸，肉質唔難唔韌，皮仲漲卜卜脆脆地❤️👍🏻——-$2x冇乜要求啦！

本人在此店買一隻燒鴨，職員居然給我兩份半邊燒鴨當一隻燒鴨賣，好彩被我發現，即時退款，以後都不會再去此店買燒獵食物。此店的誠信非常有限，大家要留意，小心被欺騙。———

平日都會幫襯買燒味飯，試過d叉燒又瘦又乾。早兩日路過，見到掛在窗前的有半肥瘦，就諗住買一整條。向店員購買，佢竟然叫我買放在下面又瘦又乾的，我再他說要掛在上面的，佢更離普答我，由118元一斤的叉燒，話要賣$150一斤。現在的巿道真係離哂大普，這樣做生意。

剛剛買左一盒叉燒飯回家吃，其中一舊「叉燒內」插住一口釘。好彩係盒飯係俾小朋友食，所以叉燒都經處理過剪成細粒先俾小朋友食，否則，如果係我地大人食，一口就放進咀內，根本不會發覺，成口釘插住係叉燒入面，太離譜了！！！！打電話去問，佢淨係答唔知點解。

今日經過呢間燒臘店，見唔少人排隊，又見到d叉燒幾靚，就淰住買返份返屋企加餸。買嘅時候，同姐姐講要一份叉燒，多汁嘅。之後明明見到砍叉燒個阿叔，比左舊半肥瘦大大舊嘅叉燒去磅，跟住比左我望左一眼，就去左隔離砍啦。我就掛住比錢阿姐，佢收我40蚊。轉個頭好快盒叉燒就比到我啦，都奇怪，好似無點聽到砍叉燒嘅聲(好似得幾下)。返到屋企打開一睇，完全唔係果回事，請問邊間燒臘店砍叉燒會砍粒比客人嘅，同埋，半肥瘦去左邊，呢盒全部都係又瘦又乾，係淰住我買返屋企用黎炒飯？定係宜家所有叉燒都係砍粒，唔係砍件嘅？果幾下砍叉燒聲就可以極速砍成叉燒粒。難道個阿叔係無影手？定係砧板係無聲砧板，聲都無麼。宜家市道唔好，生意難做大家都知，但甘樣做生意，真係唔可取。希望餐廳可以改善下。

本來去咗第二間買早餐，突然好想食四寶雞扎，路過見一即時喺呢度補飛買盒雞扎外賣。平時成日喺呢度買點心外賣，次次都比漏架.....所以大家要點齊貨先好走呀！返到屋企唔通返轉頭俾阿姐串咩！今之只買一盒就當然冇漏啦！哈哈哈！ 依家唔係好多間點心雞扎係有豬肚嘅，呢間嘅雞扎大大份，有豬肚、火腿、仲有雞同魚到，其實都算好足料！不過略嫌佢啲雞太重味，用胡椒黑椒那過，雞肉比較淋，似乎係想用濃味蓋過佢嘅雪藏味。 要撞彩神.

義利 全日免加一 早茶 $6@ 地方唔大 要搭枱 好有懷舊氣氛 享受慢食嘆報紙早茶點心唔夠富臨平 都算抵食糯米雞~ $23大大隻 份量多 飯夠淋香 餡料有雞义燒肉碎咸旦王最吸引漏單…… 係咁等 忘記影相鳳爪排骨飯 & 燒賣 双併$33鳳爪唔會過多醬黐住 夠淋皮香排骨過淋冇乜肉味 飯靚但量少(正價$20 就唔算經濟)杞子燒賣皇~ $20 淨豬肉餡肉粒有肉香味 肉有咬口 但味太濃冇虾齋肉有啲寡……枱面放咗辣椒油 & 喼汁(唔係豉油)唔小心放咗落排骨飯 另有味道

幾年前幫襯過 舊地重遊店鋪內籠都冇變 舊啲 都算乾淨女侍應有招呼 街坊街里咁 親切全日免加一 茶錢@6 街坊價下午茶優惠$30 炒粉麵飯 抵食嘅1人份量 係正價嘅1/3材料揚州炒飯 $30材料齊 好味道 飯粒分明 軟熟豉椒排骨炒河 $30夠鑊氣豉椒香口 但排骨韌咬唔入計落午市正價$48 仲有例湯送維起都係差唔多 正價餐牌有更多選擇 仲有燒味 海鮮類 八珍 牛肉 豆腐…會再幫襯

新年周街冇位。去小餐館慶祝老人家生日食飯。預訂左隻乳豬，$488算平。而且好脆好好食。帶子炒西蘭花， 帶子大粒唔過火。好味義利小炒皇，乜都有啲，炒埋一碟咁啦。冇乜特別，不過不失啦！班球腩例牌兩吃！ 呢個蒸嘅ok唔錯。呢個皮勁正，好好食，皮又動L動L。好食。大蝦芝士伊面， 你唔好睇佢啲汁好濃咁...但其實冇味㗎！ 啲芝士唔知去左邊。麻麻地生炒骨。咁囉...ok嘅。每次都係為左食佢嚟嘅。 蠔餅！之前嚟食過回味無窮，炸到好香，鬆！酥！脆！正到不得了....今次就....退貨收場。炸到個底燶到苦！但個心未熟！啲粉厚到好似蒸水蛋咁厚！食落濕黏嗱嗱地，明顯係未熟！同佢反映，佢竟然....翻炸，炸得更黑！個心依然....算啦，簡直不知所謂，咁都夠膽攞出嚟！想點？最後經多次理論後，有個睇落高級少少嘅幫我取消！好可惜，以前真係好好食....唉Ps.是日星期三，賽馬日。 可能有影響⋯⋯失望

發掘美食既時間又到係香港人都會知 深水埗出名多餐廳， 但有冇人知道佢隔離既石硤尾， 有好多睇落去好普通既餐廳 但係臥虎藏龍既餐廳呢。琴日夜晚同表姐去左義利到食。 地方唔算大， 老餐廳為於街市隔離， d夥計都係係老友記啦。 夜晚中式， 港式大排擋既菜式都有， 餐廳最出名係燒味， 所以緊係唔小得啦， 燒鴨， 半肥半瘦， 配飯好好味另一重點， 水煮魚比起出面川菜館既都要入味，魚好滑魷魚and 炸豆腐， 上面灑左脆脆既椒鹽同蒜粒， 幾好味， 係有小小鹽， 但點左喼汁都好好味！，因為太好味食到一半先記得影相。 😓😅😅最後， 腰豆炒韮菜同魷魚，一個字， 正👍埋單， 四個人，3 碗香飯， 加埋糖水400 蚊， 價錢係大排擋算平！ 重要係食得飽😸😸

下午茶$5/茶位, 深水埗可能有平一點但這又並不是過份的茶錢,這天要了六個點心, 埋單是百壹!翡翠鮮蝦腸粉(特)$20 蝦肉一般吧,腸粉皮是達標了,做出了半透明狀,帶少少烟靱口感,香芋鴨腳扎(大)$19 鴨腳前處理工序做得ok剛好咬口, 跟住的只要材料沒出錯就不會出現大問題了原籠馬拉糕(小)$15 賣相好標準, 味道較清怡可口但要襯熱吃, 放涼了的話就稍遜一籌了鮮竹牛肉(小)$16 三粒牛肉球呈淺白色, 味道當然唔係真牛肉味但週圍都係做呢種變異種牛肉球,薑粒雞飽仔(小)$15 無論是質量, 價錢都會是最出色的雞飽仔之一香煎蝦米腸粉(小)$15 又是達標了服務就街坊版本, 沒太體貼但也ok