一芳台灣水果茶 (港晶中心)

Open Now

Now Closed

第一次喺依間分店買，仲要等咗10分鐘即叫即整，點知整出黎好似比啲垃圾我。因為lunch time出嚟買外賣冇望真拎完就走，返到公司見到咁嘅樣，心諗如果唔想賣，不如連張紙話售罄，只買飲品算啦！我喺其他分店買都未試過整到咁核突，你整好見到咁樣都可以俾客嘅，都唔知你係咩心態好明顯唔想有回頭客返嚟再幫襯你哋啦！越做越衰，遲早執粒真係十分唔開心，仲諗住見到買回去比個女食，因為佢都鍾意食，但咁樣衰叫我點帶到返去比個女食。

話說經過尖沙咀見到好耐都冇飲過嘅一芳，心思思又想飲吓。以前一直飲開佢嘅水果茶，覺得好大杯足料又好清涼。今次諗住轉下其他飲品，就揀咗杯烏龍鮮奶嚟飲。揀咗微微糖同微冰，諗住罪惡感少啲🤣🤣🤣一見到個店員拎杯飲品俾我嘅時候，已經覺得凶多吉少。。。個色水完全唔啱，感覺上就好似日本嗰啲奶茶咁一飲落去，果然真係飲緊奶水，極難飲公道啲講，唔知係唔係因為我揀咗微糖，但係一飲落去真心一啲茶味都冇。。。茶味同微糖應該唔關事啩？年紀大啦，冇咩quota。。飲咗幾啖之後，真係忍唔住dum咗佢唔好浪費我啲quota

總於到我請客啦！成日都要人請,自己都要付出下,最近都好忙，身心疲累，所以要獎勵吓自己😆以日式木製為主清新的檸檬香與白色的寒天交織在一起，帶來令人愉悅的視覺和嗅覺享受。每一口都能感受到檸檬的酸甜滋味，搭配寒天Q彈有嚼勁，每一啖都美味清新，讓人感受到清涼舒爽的口感.清新的檸檬香氣與甘蔗的甜美交織在一起，帶來令人愉悅的口感享受。每一口都能感受到檸檬的酸甜滋味，搭配甘蔗的獨特甜蜜風味，讓人感受到清涼舒爽的口感。每一口都充满了豐富的口感，让人感受到细膩的質地和豐富的層次。結合了濃郁的鮮奶與香甜的黑糖粉圓，帶來一種絕妙的口感。每一口都充滿了濃郁的奶香和獨特的黑糖風味，粉圓Q彈有嚼勁，與鮮奶的搭配更是絕配，讓人愛不釋手。黑糖的香甜與鮮奶的滑順相互融合，帶來一種甜中帶苦的美妙滋味。

好耐冇飲過一芳喇！因為口渴之餘有少少肚餓，之但係未夠鐘high tea，於是買咗杯《黑糖粉圓烏龍鮮奶茶》醫醫肚。冰度同甜度都係固定～好彩又唔係好甜～但茶味唔算突出～

大家都識呢間台式茶飲店🧋不過呢小編係好耐之前第二日開張就飲過一次😂我嗰時真係覺得好難飲🥲🥲🙏🏻我係好似飲佢個珍珠奶茶（但係對唔住我已經唔記得咗杯嘢飲個名）我淨係記得佢啲珍珠係細粒到好似西米咁細粒嗰隻😂我嗰時飲咗一半都冇我已經想倒鬼咗佢🥲🥲跟住上年好似聖誕節左右我記得我買過一杯芋頭鮮奶🥲我只能夠話 我飲過好味嘅芋頭鮮奶 就已經接受唔到佢嘅口感同味道 因為真係唔係好好飲…不過我有一日喺學校附近食完飯想買杯嘢飲下唔怕死嘅我就走咗去再試多一次😂今次終於係啲正常嘅野飲🥲.益力多百香果 👅7.5/10 $34大杯其實飲咩野好 我都係求其揀😂見到佢大大張poster門口咁咪揀佢囉🤭又幾好飲喎🥳🥳🥳不過如果你係唔鍾意飲太甜….😅咁就唔好揀任何益力多飲品😉😈眾所周知益力多係好鬼死甜🥳唔係個個都頂得順🤪而且甜度好難少甜俾你😅我諗就算揀少租都仲係好甜😉😌😌😌.個人認為百香果嘅味道充足咬落去亦都唔會覺得好反感（有啲百香果唔知點解好難食😂）同益力多個平衡算係都夾得唔錯😌味道👅： 7.5/10賣相👀：-/10扺食💰：7/10

一芳平時飲佢嘅鮮果茶就多今次唔想飲果茶 所以想飲珍奶黑糖珍珠奶茶🧋珍珠唔硬 有彈性食落好QQ 甜度適中 同埋珍珠大小啱啱好黑糖味香濃 有奶味#尖沙咀美食 #西餐#意大利#聚會 #多國菜#打卡#新餐廳#朱古力#咖啡#沙冰#薄餅#意粉#据扒#cafe#pizza#fusion#hkfood#hkfoodie #hkfoodblogger#igfoodie#igfood#igfoodporn #igfoodshare #美食推薦 #美食日記 #美食攝影 #大埔推介#相機先食

一芳除咗出名水果茶 間唔時出嘅季節限定真心唔錯 即使我唔係佢頭號粉絲 但都對佢7月限定嘅愛文芒果系列念念不忘🤣。。。🦔👉愛文芒果西米露 $36呢款宜家應該消失了😂但真心worth trying 拍得上愛文芒果嘅質素🤩芒果味好fresh 一啲都唔假 口感非常濃稠 幾乎啖啖果肉 唔會話淨飲西米咁「簌」一聲就飲完 叫咗微甜的我又覺得佢甜度恰好 飲完呢杯令我對佢好感大增🥰

以前每次幫襯一芳都會叫大甲芋頭鮮奶，因為覺得佢嘅大甲芋頭特別香同埋綿，但係自從有咗溪口甘蔗系列之後，我就改變左，不過印象中好似唔係成日會有呢一個系列，可能同季節有關卦。咁啱今日經過尖沙咀港晶中心呢間一芳，見到個餐牌有甘蔗系列，正！二話不說立即叫番杯先，我比較鍾意飲溪口甘蔗鮮奶，因為本身甜嘅奶類飲品，我一向都好鍾意飲（利申本人係甜品愛好者）有時候飲熱鮮奶我都鍾意加糖飲，甜甜哋正啊！但係溪口甘蔗鮮奶，佢嘅甜係清甜，甘蔗嘅清甜，我覺得仲好飲！（bu the way 呢間舖頭好有禮貌）

早排天氣涼咗排，以為會繼續涼，點知今日熱到癲咗🥲🥲我仲係尖沙咀行到尖東，真係身水身汗。行到尖東橋低最經常幫襯一定係一芳😂😂覺得佢間鋪好靚🤓 外賣都覺得開心啲今次叫咗九如檸檬綠茶 大杯 $28飲落去好清新，因為叫咗微糖，所以店員都提醒會比較酸，問我接唔接受到，值得一讚👍🏼 我減緊肥所以都係微糖，個種酸度其實係接受到，同埋因為真係太熱，唔會想飲甜到癲嘅野飲😂😂 不過如果冬天就可能會飲返多珍珠奶茶🤣🤣

武漢肺炎爆到咁上下，但係口罩都要繼續戴，所以響街飲嘢都好唔方便。 我通常會買上車先偷雞飲，坐響度可以抹手，方便d. 不過d垃圾記得自己帶走，唔好留響車， 要有手尾呀！！我地行去搭車經過一芳， 俾佢嘅益力多系列吸引住， 就買杯嚟飲， 我地要咗益力多冰茶同益力多鳳梨， 另一個friend就試佢嘅無酒精啤酒，甘蔗檸檬mocktail, 佢話都幾好飲， 佢好快就飲晒， 因為要戴返口罩.我嗰杯益力多鳳梨真係好好味， 益力多好飲就唔駛講啦，叫咗微糖啱啱好， 又有鳳梨香味， 仲有d鳳梨果肉添~ 有得飲又有得食， 正呀！！

同幾個朋友食完日式定食見仲有d時間 就即興去一芳買野飲其實我地幾個人都冇飲開手搖飲料於是睇住佢個推廣嗌野飲分別嗌左 1. 黑糖粉圓麥精豆奶2. 宜蘭金桔綠 同埋 3. 布丁鮮奶茶大概等左5分鐘 所有茶都到手了即刻影返張集合相我兩個朋友對黑糖豆奶同布丁奶茶都有唔錯嘅評價甜度適中 又有d野咬下係我果杯金桔綠出晒事果茶嘅金桔味 同 甜度都唔錯但係超級無敵酸就算係凍飲 佢果種桔酸味真係好突出飲一小啖 停一停 散左d酸味 先下啖但真係太酸 飲左一半就頂唔住 揼左去垃圾桶

在上年 6月最後的一個星期，我租住尖沙咀九龍富豪酒店一星期的 Long Staycation，兩位好姊妹趁星期六，一起走來尖沙咀陪我！好讓我有一個愉快週末！當我住在酒店的第 6天，好姊妹參觀後不捨得走，決定留宿一宵！她想留在我的酒店房休息，我想落街 <一芳> 買飲品！她想食 <林昌記 藍哥> 的魚蛋！發現酒店附近有分店，於是，我便順路買魚蛋請她食！當日星期六，是我住在尖東酒店一星期最好天的一日！加上是週末，就算跟兩位好姊妹飯聚後，下午尚有空餘時間，我自己走到尖東的 <一芳> 買台式飲品解渴！店子細小，還可以站在這裡打卡！柚子檸檬綠茶 $33 (中杯裝、少糖、少冰)內有西柚、青檸及檸檬，入口清爽清酸，透心涼！

尖東唯一一間手搖店，門面木製feel幾有質感😄一芳出名嘅係水果茶，而非一般大路嘅珍珠奶茶，感覺懶係健康啲咁囉😎。埔里百香綠(少甜)($27)/綠茶味好濃😍夏天整杯冰凍飲品真係透心涼！甜度就下次嗌半糖就夠了，始終所謂百香果味都係從糖水嚟。底部有好多百香果籽，多重口感唔錯喎！

返工喺尖東，放假都嚟尖東😅，剪完頭髮想買少少野飲，雖然好近公司，不過開咗好耐都未飲過，其實呢條街之前係好多台式飲品店，不過間間都做唔住，一芳最叻👍要咗杯烏龍茶半糖，茶味清新，真係半糖，唔太甜，收錢個女仔好有禮貌，幾好笑容🥰, 香港少有嘅好客之道。

最近市道唔好，附近嘅台式飲品店執左好多間，好彩呢間一芳仲係度，中午就黎買杯野飲解下癮。本來想照舊飲下水果茶，或者飲朋友推薦嘅柳橙水果茶，點知見到夏天限定嘅益力多冰茶（$27，無糖、去冰），又忍唔住想點下。自己唔好甜，本身益力多都算甜，就叫左無糖，飲落少少酸，而茶香味比較重，見介紹就話係用左台灣松柏嶺青茶。相對其他台式飲品，呢款冰茶算係比較淡口清爽，不過杯茶放耐左就會分成兩層，所以最好盡快飲完。唯一美中不足嘅係，個杯比較軟身，一用力少少揸個杯，野飲就會沿飲管湧上黎，有少少狼狽。