一芳台灣水果茶 (港晶中心)

Open Now

Now Closed

最近市道唔好，附近嘅台式飲品店執左好多間，好彩呢間一芳仲係度，中午就黎買杯野飲解下癮。本來想照舊飲下水果茶，或者飲朋友推薦嘅柳橙水果茶，點知見到夏天限定嘅益力多冰茶（$27，無糖、去冰），又忍唔住想點下。自己唔好甜，本身益力多都算甜，就叫左無糖，飲落少少酸，而茶香味比較重，見介紹就話係用左台灣松柏嶺青茶。相對其他台式飲品，呢款冰茶算係比較淡口清爽，不過杯茶放耐左就會分成兩層，所以最好盡快飲完。唯一美中不足嘅係，個杯比較軟身，一用力少少揸個杯，野飲就會沿飲管湧上黎，有少少狼狽。