益民茶樓

Open Now

Now Closed

2021年7月3日 晴今日同男朋友同朋友黎個鴨洲吉澳一日遊。星期六日先有一班船所以一早就起身趕船。早餐都冇食去到吉澳已經超肚餓🥺 一落船就衝左去餐廳食個lunch 先由於今日超級熱, 一入餐廳冷氣吹來簡直係甘泉 好舒服啊🤤餐牌上面有套餐同碟頭飯。我地叫左個3人餐， 每人$90 可以揀2款小菜同包一碟油菜。白飯就任裝, 仲有粥揀益民墨魚丸, 大大粒, 入口食到粒粒墨魚, 加左陳皮令我覺得有d 似鯪魚球咁ge 味客家炆豬肉, 豬肉好淋好入味, 豆卜吸曬d 汁, 送白飯一流。油菜係菜心, 食到一半先醒起要影相, 正正常常。見到人地食扇貝又想食, 蒜蓉粉絲蒸扇貝 $60, 好鮮味, 男朋友話有d un, 但我又唔覺。粉絲加埋d 汁好好食, 不過扇貝細細粒， 整體我覺得都唔錯仲叫左支涼茶 $15, 埋單$345, 食飽飯有力氣繼續玩

喺吉澳食嘢,唔多,只得兩間選擇唔洗諗即刻答益民啦緊係✌🏻要晨咁早又咁遠水路泥,唔係唔食多啲去補下啊嘛實在太大堆頭,不能一一描述重點講幾樣啦欣賞Number one,足料see see雞上的薑蔥!Not trying to crack a joke 真心唔是說笑How澎湃想一口雞兩pat薑蔥又得 兩口雞十pat薑蔥都得唔洗就住就住掂晒欣賞Number two,粉絲蒸扇貝雖然細細隻,是鮮甜的加分位係有自家製嘅辣椒醬粉絲bb發揮吸濕大象象嘅power,索哂啲sauce開。心欣賞Number three,自家製墨yin未食過墨魚丸係有牛龜咁大粒墨魚彈口得嚟又滑身味道泥講有啲鯪魚球feel香香的自己買了兩斤生的墨丸膠回家將佢變做魚滑咁樣打邊爐同埋煎香佢都係十分好食完全係將興奮由吉澳帶番屋企!off topic少少,勁欣賞佢哋個自家製餐牌,design簡潔得泥好中point,有張景深嘅招牌墨魚丸+碼頭,靚! 味道：10/10 益民酒家 📍吉澳

疫情期間，吉澳鴨洲自由行。鴨洲🈚食店，連居民都唔多覺啦 午餐只有@吉澳。有2間，今次㨂去益民，因為天氣冷，有室內嘛！ 環境今次甩轆沒有攝啊🤦🏻 唯有文字形容下：全部圓枱4-6人(大枱面應該收起了) 因限聚令，2人一桌，我們3人行佔二桌😝😝 冇計啦，店家沒有分隔板嘛.... 🚻厠所細但都算乾淨。餐牌(影左個面沒影餡🤣請參其他食評)有小菜及碟飯餐(@$60+罐裝飲品)。套餐人頭計$90/人。2人起計：但係2人和3人餐一樣 eg 2個餸+時蔬+白飯任裝,冇湯冇飲，價錢 2人$210, 3人$270噃 我們3人行，點個2人套 + 碟飯餐，都係每人$90，多個餸+罐飲，著數呀2人套餐點了 普通鷄+招牌墨魚丸+菜 #蒸鷄 都有成半隻，薑油多，肉嫩，好必食呀#青菜 新鮮又多, 成斤咁滯，感覺剛剛從田摘咁#招牌墨魚 ... 量係夠 有8大粒，但唔熱已經扣分，冇左彈牙感，把鬼👻（見亞靚仔少東話招牌咋，否則點左條蒸魚啦...貪小鮮肉🤣🤣）碟頭點 #客家扣肉飯 +$2 要樽落神花茶(400ml)嘩！巧大碟喎(特登握攞隻碗仔做對比)，扣肉好多，夠個戶外勞動工作者食飽重點係個汁好好味，少飯的我忍不住都添左

吉澳這個旅遊景點我還是第一次來，發現島上的餐廳商舖不多，主要是賣各款茶粿小食。而可以坐得比較舒適寬敝的感覺只有這家，原本以為主要是做旅客生意，團體餐應該味道一般，結果發現原來甚有驚喜。首先店員推薦三款必吃菜式，分別為吉澳名物墨魚丸，客家炆豬肉和蒸魷桶銀魚仔。我們一行四人還點了油菜、白切雞和豉汁蒸排骨。建議如果愛吃海鮮的可以點白灼蝦或蒸魚。而白飯、白粥和茶水是自助的，可以隨意加添。名物真的是名不虛傳，走在餐廳附近都聞到很香很新鮮的墨魚丸味道，味道爽口彈牙，非常鮮甜美味，喜歡的話還可以買走作手信。客家炆豬肉是一道邪惡的菜式，卻就是越邪惡越吸引。豬腩肉望見很肥膩，但吃落口不算太油而且非常重南乳味，甘香可口的豬油足夠送一碗白飯。豆卜吸盡了醬汁，惹味至極。蒸魷桶銀魚仔同樣鮮味十足，咸香的口感非常下飯，我們覺得送白粥更加能吃到其原味道，很簡單的配搭，但味道卻是非凡的出色。白切雞新鮮肥美，薑蔥令菜式增添香氣，雞肉亦很嫩滑且富有雞味。豉汁排骨的豆豉味很足夠，新鮮蒸出來，熱辣辣很吸引，而且非常入味，不過由於其他菜式超水準，相較之下顯得普通。油菜是灼菜芯，貌似很普通，不過就因為新鮮，所以特別清甜，中和其他

去到塔門自然會食海膽炒飯 去到吉澳怎能不試墨魚丸墨魚丸用上 墨魚 豬腩肉 果皮 馬鮫魚 全人手打成墨魚丸大大粒 彈牙多汁 有墨魚粒 口感味道層次皆豐富味道甚具特色 好唔好味見仁見智 感覺只用墨魚做既墨魚丸 始終較好客家鹹雞 雞用上新鮮雞 雞味濃 肉質紥實緊緻 隨鷄附上小量鷄雜 （雞腎）客家炆豬肉 用上豉汁作調味 豬腩肉夠肥美 豆卜索汁 送飯一流油菜味道正常 呢度最正係白飯任裝 坊間相當小見呢餐飯雖然極具地方特色 味道只算普普通通如有空到吉澳一遊 不妨一試

昨天跟朋友們往吉澳鴨洲一天遊，朋友已訂益民酒家，聽聞哪裏炆豬肉是一流還有馳名的墨魚丸！我們因為一早訂了所以有一間冷氣房，點了個八人餐，有六餸加油菜每位只是$80非常之抵食！馳名嘅手打墨魚丸非常彈牙大家一定要趁熱食近海得食，白灼蝦當然新鮮甜！只係覺得可以份量比較少可以再多啲傳說中的客家炆豬肉，不單止醬汁惹味，估不到豬肉入口溶化，不到一兩分鐘我們已經全清這碟！蒸筒仔仔小魚很久沒有吃了！這是的家庭菜式，還記得小時候上一代的媽媽通常會做給自家小孩吃！送飯一流！至於灼菜心有什麼特別？就是甜！可惜最尾一度餸蒸倉魚忘記了拍照！初乳足夠我們客人食用夠新鮮！還有值得一題是他們自家製的各樣涼茶，特別欣賞推介洛神花茶！下次大家到吉澳旅遊記住試試！

我們一大班人訂左遊艇離島遊，先去鴨洲，之後book左呢間茶樓醫肚。一入到去坐位已經準備好，隔左兩分鐘，就端上第一樣食物，係粥，仲要係柴魚花生粥，好興奮喔。呢種粥，以前在屋邨的冬菇亭有賣，㷛到咁綿的真的比較少有。之後每樣餸都大大碟，個個團友都捧住個肚走。仲有特製的涼茶，清熱解毒下火一流。手打墨丸又夠新鮮。白切雞又嫩滑無比白灼蝦有蝦汁，隻隻新鮮唔黏殻排骨夠淋，不過再肥美啲就好啦津白夠新鮮，不過不失青椒鮮魷，食得出是即劏的

平時冇船可到達，參加香港一天團先可以嚟到，開頭以為團餐已經打定輸數，點知超大驚喜，團餐嚟講真係好好好好食呀薑蓉白切雞好好食，唔似平時d白切雞，似係居民自給自足的走地雞郊外油菜，普普通通，冇乜特別蒸吊桶魚干仔送飯一流，有呢碟餸真係可以食2碗飯白灼生蝦，呢個又係好好食，唔知係咪係附近海域撈上嚟，好鮮味清蒸海上鮮，又係好西蘭花炒肉片，豉汁蒸排骨，雖然看似普通，但真係好食過出面市面多多聲西芹炒雞柳，又係送飯一流仲有柴魚花生粥同白飯任裝，正體嚟講，除咗碟油菜外，碟碟餸都好好好食其實當日熱到核爆已經冇乜胃口，但竟然有咁豐富嘅菜式真係冇得輸

一年之始，趁著假期為自已安排了一個元旦賞風景、嚐海鮮之遊。吉澳有香港桂林之稱，一直是心儀的遊覽地方，可惜到吉澳的街渡只限於在禁區之內的沙頭角碼頭乘搭，沒有禁區紙者不能擅進，第二個前往方法是自行租船，當然包船費用不平宜，要組織十多名志同道合的人更難，於是採取第三個方法 — 參加承辦本地遊的旅行社。許多年沒嚐過團餐了，遊畢荔枝窩後，我們的船駛進了吉澳，實行先吃飽再遊覽。「益民」不是吉澳唯一的餐廳，不過可見大、小到訪的旅行團都在此處用餐。右左兩層高的小村屋都屬「益民」的範團，在寧靜的吉澳算是挺有規模的了。樓下一層暫未有團光顧，桌子排列整齊，而我們一團被編排在樓上一層用餐，小屋內還設有露台，風景不錯！先來任吃的柴魚花生粥，跟米飯都是任吃的。柴魚花生粥稠密，味道則較清，柴魚與花生用量不多，只能收輕輕提味之效！白切嫩肥雞果然沒欺人，雞肉做得非常嫩滑，亦不會過份油膩，僅以小量蔥油吊味，已能領略雞中滋味！黃芽白經輕灼後保持爽勁，雖放上點點蠔油，卻難以調和寡意，不過城市人難得吃得清淡，從健康出發，少鹽少油未嘗不是好事。蝦隻雖不大，但味道也鮮美，團友們吃得非常投入，最後一蝦不留！吉澳海域經常可捕獲的大尾魷

遊畢吉澳, 便到吉澳唯一的餐廳--益民茶樓--享用【吉澳海鮮風味餐】!!! 白灼生蝦--因為我係超超超級懶人, 亦唔想成手蝦汁, 影響餘下行程, 所以... 冇食...蒸吊桶魚干仔--蒸得好軟綿綿, 一D都唔硬, Very Good!!!清蒸海上鮮--好新鮮喎... 向魚說不的我都主動反條魚繼續食, 你話有幾好食呢...秘製墨魚丸--全餐嘅主角, 一口一粒, 大粒到差D放唔晒入口, 一咬落去, 真係想彈番起我排牙, 絕非浪得虛名...薑蓉白切雞--好好味呀D雞, 薑蓉都好好味, 全餐我狂食呢一味...豉汁排骨--又係好好味呀, 夾到唔停得手...西蘭花炒肉片--D西蘭花好硬, 肉片冇味, 象徵式夾兩下...郊外油菜--我最怕的蔬菜之一... 黃牙白, 又係夾兩下就收手...柴魚花生粥&絲苗白飯--任食嘅... 食到好飽呀~ 不過我地果枱好懶, 竟然冇人願意去自助區倒茶飲同裝白飯食... 剛才買嘅飯後甜品都食唔落啦, 要留番上船遲D食...

星期六, 11-15c, 早上寒冷, 天晴乾燥, 新界地區氣温再低一兩度.早上0930在大學集合, 然後坐船去欣賞新界東北沉積岩園區地質公園內 ( www.geopark.gov.hk) 各種不同的岩石和地貌, 包括鬼手,鴨洲, 荔枝窩, 吉澳 … 等.午餐安排於益民茶樓 :白粥: 飢寒交迫下, 熱呼呼的白粥分外好吃.雞 : 油亮亮, 肉滑滑, 大家吃得津津有味!白灼椰菜: 加點蠔油, 一點也不油膩, 很健康!白灼蝦 : 白裏透紅, 味道鮮甜 , 食完一隻又一隻.清蒸墨魚和白飯魚: 好軟腍, 充滿海的味道, 伴飯很好吃.西蘭花肉片 : 西蘭花炒得很爽.墨魚丸 : 鳴謝同枱團友讓我好好拍照, 隔離枱一上已被搶吃一空! 墨魚丸大如乒乓球, 味道新鮮彈牙. 排骨 : 細細粒, 肥瘦適中, 加上紅辣椒絲, 很惹味.䱽魚 :估唔到幾百蚊一圍(10人份量) 有雞, 有海鮮, 又有魚, 很豐富啊! 䱽魚肉質鮮嫩, 一點魚腥味也沒有.傳統客家人勞動多, 食物多油多鹹, 但這午餐實惠便宜, 煮法也較簡單, 味道我很喜歡. 由於部份團友身體抱恙未能出席, 我們不想浪費食物 , 努力地吃, 超