英記食店

Open Now

Now Closed

住過上水既人冇可能唔識英記，英記最出名就是班腩😋餐廳十台九台都是食斑腩，你講得出嘅菜式都有，例如：椒鹽斑腩飯，魚香茄子斑腩飯，味菜斑腩飯，咖喱斑腩飯，你講得出嚟，都會煮到給你👏🏻而我今日就叫咗，時菜斑腩湯米粉同熱奶茶☕️班腩即叫即炸，冇魚腥味，脆卜卜，食過會上癮🥺不得不提英記自家製嘅辣菜脯，食麵或食飯加一羹落去即刻將味道昇華，不會太辣👍🏻熱奶茶很香、有茶味、奶的份量掌握得好好，不會有澀味😃

住咗上水咁多年都無行過黎食，見網上大讚英記嘅椒鹽斑腩出色所以想試試。大概11點鬆啲到英記 已經見門前有好幾個人等位，好彩店內位置多 好快就可以入。店內裝潢簡單 係舊式茶記嘅感覺。椒鹽斑腩炒米大推！一上碟聞到好香好夠鑊氣，其實坐係度等野食嘅時候都已經聽到廚房嘅拋鑊聲。斑腩食得出真係新鮮石斑魚而唔係雪藏魚柳 ，粉槳好薄 唔會食到成口粉，仲要無骨 啖啖肉。炒米底都好值得一提，出面較少地方可以轉炒米底。食得出鑊氣十足 有部分會微焦一餅咁，再配埋椒鹽斑腩個汁同辣菜莆 好食！落單個陣英姐仲好細心問要唔要多汁 會無咁乾，同埋佢仲推介食個陣加埋辣菜莆會更惹味椒鹽豬扒飯（轉炒底）同樣出色！豬扒夠鬆化好入味（好怕食豬扒會有臭豬味）因為加咗少少汁 令到豬扒唔夠乾身 如果可以再乾身少少會更好，其實豬扒都好好食，只係相比斑腩就略為遜色，另外炒飯底有鑊氣，夠乾身飯粒分明。食嘅時候留意到大部份食客都係街坊，會互相關心對方近況，呢種人情味已經好少見，呢間小店值得推介！

屹立不倒，無論食物，環境都保持水準，斑腩飯配搭任何組合都係一流，新鮮即叫即炸 口感鬆脆，食得出魚味嘅鮮貼，絕對唔係麵粉包肉，真係咁多年都冇失望過，每次諗唔到食咩，就係去英記，可惜唔做晚市😆

今日黎上水踩單車 喺op 搵到呢間好似都唔錯✨乾炒牛河 $51一上菜都幾香 感覺到係有鑊氣嘅👍 啲河粉少得鬆散 唔會痴埋晒 都好夠味👍 牛肉就比較少👎有筋同冇乜味 ✨椒鹽豬扒抄米粉 $51炒米粉同我地預期嘅有啲唔同🤔 佢係炒到有啲乾左成一餅嘅炒米粉 都幾香嘅 👍 椒鹽豬扒就有啲咖哩味咁 都以淋總括黎講味道ok 啦 不過份量唔算好多 坐張圓枱同個呀婆搭枱都幾闊落👍~12:30去到要等5~10分鐘位最後走嘅時候冇$2 散紙 就收少我地嗰$2 😂味道❤️❤️❤️💔抵食❤️❤️❤️服務❤️❤️❤️環境❤️❤️❤️💰午餐人均$50(唔收+1)

這家開業數十年的茶餐廳提供地道的港式美食。像班腩飯是英記的名物，價錢合理，這次到訪僅需54元。這次和朋友叫了椒鹽斑腩飯和鮮茄斑腩飯，都十分美味。如果您想本地人、上水人，就應該來試一試。如果是我，我一定會會推薦這家餐館得到米芝蓮本地美食獎。他們的美食質素值得表揚！

📍英記食店 (上水)上水新勤街12號地下呢間平民小店，平時都幾多人食，由其早餐同lunch時間，多數都要等位，但今日唔使等好耐就有位了✌🏻✌🏻今次叫左個椒鹽豬扒飯，豬扒好多肉汁，唔太乾咁，好食👏👏最好食就係加埋佢自家制既’菜鋪‘食飯食面撈小小都好味👍🏻👍🏻配埋杯熱奶茶就好滿足😊

細個父母係我放學嘅時候😊最鍾意帶我嚟呢間英記食嘢🙌大大話話都食咗好多年😂今日同朋友一早行完山就帶佢地過嚟試吓‼️嚟到英記除左茶餐廳既野食外🙌就一定要試佢嘅斑腩同埋佢地自製既辣菜甫😍送麵一流‼️炸菜肉絲班腩🐟意粉 呢度斑腩係用石斑魚🐟整成斑腩再加薄粉即叫即炸😍每次上枱都係熱辣辣🥰魚味濃郁🥰如果配湯麵必定會另上以免湯底浸淋香脆既班塊😎食湯麵記得要落埋自製既辣菜甫更添惹味🤤茄子🍆 班腩飯 同樣出色既茄子斑腩飯🤤斑腩肉肥美嫩滑加上茄子吸收哂醬汁份外好食🤤最後不得不提呢度既奶茶咖啡☕️同樣出色‼️我就鍾意飲呢度既鴛鴦☕️茶香奶滑☺️令人回味‼️

由細到大都幫襯嘅英記 上水街坊先知嘅平靚正碟頭飯無骨班腩好出色 通常下午2/3點就會賣曬㗎啦⏰.🐈.𝙎𝙪𝙢𝙢𝙖𝙧𝙮班腩真係必食 得英記嘅班腩飯最得我心🐟椒鹽夠鑊氣 送例湯 經濟美味可以好似我咁叫多汁 咁就唔驚食到最後太乾～.🐈.🌟椒鹽班腩飯 - $51配菜: 紅椒 燈籠椒 洋蔥 椰菜 6塊班腩椒鹽班腩夠鑊氣 舊舊都係新鮮結實魚肉 又無骨 非常正.🌟椒鹽豬排飯 - $46配菜: 紅椒 燈籠椒 洋蔥 椰菜 6塊豬扒同樣夠曬鑊氣 豬排非常鬆化入味 唔會好難咬 值得讚.配上檯面上嘅辣菜莆粒簡直一流 平價美食揀唔落手嘅話 仲可以叫埋雙拼㗎～

差唔多每一次過嚟都係食午餐A-雪菜肉絲腸仔通粉加瑞士雞翼！呢間舖嘅通粉係有坑紋嗰隻通粉，煮嘅時間啱啱好夠哂彈牙，唔會煮到太稔！雪菜肉絲炒得夠香，令到成碗嘢惹味咗！加埋舖頭自家製嘅菜脯冇得頂！瑞士雞翼係全翼，會幫你剪開等你方便食，細心～雞翼醃得非常入味，好食！加埋杯熱奶茶就滿足哂喇！另外！舖頭嘅班腩都係必食！佢係真係斑腩唔係雪藏魚柳扮斑腩，而且粉漿好薄，唔會食到成口粉！不過早餐係冇斑腩嘅，想食斑腩要11點後喇～不過太晏過嚟有機會賣哂嫁～

本身喺討論區見到有人推介都半信半疑，因為open rice食評唔多。幸好最後有黎試😆😆斑腩好出色，啲魚肉唔係平時出面食開果啲一咬就散既肉，果然係必食既推介。10分滿分我俾10分另外，炒米粉都值得一讚，夠鑊氣之餘好特別，炒完有部份會好似一餅咁 幾好食除此之外，枱面有辣椒菜莆俾食客「加料」，加埋落炒米粉 真係好好味啊😜😜😜不過有個疑問係餐牌寫話送例湯或杯裝汽水，但問落單果位姐姐，佢話無跟野飲，熱飲要加$2， 凍就要加$3點都好啦，呢間餐廳絕對值得推介！👍🏻👍🏻👍🏻

餐廳無美觀裝修，但勝在非常地道，亦充滿人情味。共有三個舖位，有不太強勁的冷氣，午市時間有不少附近街坊及藍領光顧。落單後，阿姨會問問要唔要例湯，是一小碗中湯連少許湯渣。朋友因近期經常胃痛，著阿姨要杯淡凍檸茶，阿姨隨後便給了杯茶色較淺的凍檸茶；有需要亦可多飯少飯，這是街坊餐廳的彈性。可轉炒米炒麵底比較少見，朋友推介斑腩，因這裡的斑腩真的是塊塊魚肉，於是嘗嘗椒鹽斑腩轉炒米底，米底炸得香脆，椒鹽斑腩夠鑊氣。

📍上水 英記食店英記係上水其中一間我好鍾意嘅餐廳。雖然賣嘅唔係打卡食物，又無華麗裝修，但充滿人情味❤️餐廳喺小巷入面，但好易搵，有好多上水街坊支持。佢有兩間舖位，但座位唔多，我地11:45到都滿座。𓇠 椒鹽豬扒飯 $44 𓇠 兩個飯都配例湯一碗（可選大/小）我地要咗細碗。蓮藕湯係屋企嘅感覺，無味精🏠豬扒有4-5塊，大小適中，而且鬆化入味。𓇠 椒鹽班腩飯 $49 𓇠味道同椒鹽豬扒飯大同小異，都係有紅椒、燈籠椒、洋蔥、椰菜。有4-5塊班腩，無骨💯另外，辣菜圃係必加，同燈籠椒/紅椒嘅辣唔同層次，落埋更惹味🌶〰️總結：去上水/住附近推介幫襯，兩碗飯都好有鑊氣，正🔥

喜歡碟頭飯的朋友有嗎？🤟上水有一家開店很久的茶餐廳位置比較隱蔽😣🐟茄子斑腩飯 HKD$49聽説斑腩是店內名物 一般下午一時前就賣光光了😐幸好 小編有幸試到🤪但第一感覺是全部小菜都是新鮮炒起 熱辣辣 😘斑腩比較薄 有大約5.6塊 新鮮魚肉的質感🤓米飯軟熟 不像一般茶餐廳硬🐷椒鹽豬扒飯 HKD$44鑊氣真是絕頂的了！🤩炒得乾身來又有點點汁 可以拌飯吃😈豬扒外層有微焦 但內層熟度剛剛好 又能鎖住肉汁🤭調味又不會過咸過辣小編更加了菜脯粒 令味道再上一層樓😍Follow Me : eatwegohk

嚟到上水 唔知定嗰啲人都會去食好出名嘅廣成冰室而廣成冰室最出名嘅鮮牛通牛肉韌 通粉腍 湯底淡如水根本係完全浪費胃容量成間嘢得蛋治烘底值得一試而今次食呢間英記喺九曲十三彎嘅舊墟入面冇見報 冇上飲食雜誌但係每次任何時段嚟親都係爆場係真正嘅陀地食堂有人話要睇一間餐廳掂唔掂要睇佢嘅乾炒牛河但係對我嚟講係要睇沙嗲牛肉麵同埋椒鹽豬扒飯因為我唔食乾炒牛河早餐沙爹牛肉麵睇落好似好簡單 但係麵同埋個沙爹牛肉嘅平衡係好緊要調味重咗啲就成碗嘢都係單調一隻味調味唔夠重 味道唔啱 撈左落個麵度就冇晒味一間茶餐廳如果連早餐都做唔好就根本冇食嘅價值而全上水最好食嘅沙爹牛肉麵就係潮明園嘅早餐B不過今日冇食到 所以下次再講今日食嘅係英紀嘅椒鹽豬扒飯其實前日返工之前先食過 但係佢纏繞喺我嘅腦海中揮之不去今日返工前冒住遲到嘅風險都要食多次首先要讚一讚出菜嘅速度爆場嘅情況下由坐低嗌嘢到開始食都係五分鐘望到廚房入面師傅真係密密炒員工相處融洽工作效率非常高講返個飯椒鹽豬扒飯比起其他有汁嘅飯更難煮得好因為啲豬扒炒得唔好或者啲飯太腍太濕太硬太乾就成碟飯都收皮唔似其他有汁嘅飯煮得唔好食 啲人都係飯撈汁吞落肚而英記嘅椒鹽豬扒飯啲飯煮得好

很少踏足上水見網上人話呢間斑腩好味 就帶朋友來試試 是否名不虛傳一入去店鋪人都挺多 滿坐 店員話自己搵位 馬上見到有位睇完餐牌 我叫左椒鹽斑腩飯 友人就叫左豆腐斑腩飯 但湯已送曬 每日限定 送完即止 同台我見有人飲緊湯 已經送光了 卻來遲一步兩杯凍檸茶少甜黎先友人豆腐斑腩黎先 試食左豆腐同斑腩都冇落味精加鹽 甚至連汁也是 豆腐夠滑 斑腩炸得剛好 又有新鮮魚味 又不會太多炸粉 足料 但只是欠點咸味 送飯就淡予予 到期待至久 椒鹽斑腩飯 試食一口 椒鹽味不錯 再加洋蔥 有少少辣椒 係熱辣辣情況下都幾開胃 斑腩真是炸得剛好 但不會太多炸粉 啖啖肉 整體幾好味 好快食完haha 斑腩下面有有兩條白菜仔 整體衛生欠佳 早上我同友人沒食任何東西 只有我同友人在這食過野 過左半日就有搞搞下肚痾 整體服務員態度很好斑腩係炸得不錯 不過肚痾就爭少少喇