盈記四季養生麵館

Open Now

Now Closed

養生好多人現在都好重視，朋友介紹去灣仔食一間專門店以養生為主的食物！剛好行完銅鑼灣去灣仔試試朋友介紹的餐廳！鋪仔細細，主要做麵食為主，今期見佢做緊期間限定有花膠雞以及芫茜🌿雞！但我地叫左餐牌頂瓜瓜手勢的藥膳農場雞蟲草花養生湯米線🍜份量適合我，不會太多，藥膳湯係紅棗桂圓杞子之類的料，雞肉清啖適合健康餐食人士進食👍🏿朋友叫左藥膳農場雞淮山養生湯米線🍜再加上一個涼拌手撕雞，味道不咸不濃，健康餐！適合喜歡養生的餐食！

天寒地凍晚上要在灣仔參加一個講座，講座前自己一人搵食，想吃碗熱騰騰又豐富的麵，就選了這麵館。藥膳上湯浸時令菜(生菜) 🥬湯底味濃，看到湯料有紅棗及杞子等補益食材，令普通不過的生菜也變得不平凡的味道，我連整碗湯也忍不住全部喝光😋藥膳農場雞山藥養生湯米線 🍜材料非常豐富又健康有益，雞肉份量多而且口感極之嫩滑，還有很多鮮淮山及木耳，配料有芫茜，湯底有紅棗、杞子等。平時晚上通常不會吃太飽的我，最後竟然可以吃清光，吃完之後全身即使在寒風中仍能保持暖笠笠😋💪🥰熱柚子蜜 🍯甜度適中😋老闆娘很友善，還特地推介了一款純手工制辣椒油，可惜我吃不到辣呢，喜歡的朋友可以試試~

這間位於灣仔的養生麵店，店子小小，但估唔到晚上都有咁多人黎食！餐牌上有兩款湯底的麵食可以選擇，藥膳雞湯和蕃茄湯，另外亦有小食同飲品可以選擇！藥膳農場雞蟲草花養生湯，湯底味道鮮甜，用上紅棗桂圓煲成，所以飲落味道更甜！雞件都好大份而且嫩滑，仲附有雲耳，爽口吸味！藥膳農場雞花膠米線，這款是期間限定款式，湯底都係藥膳雞湯，配有大大塊的花膠，十分養顏！而雞件是雞脾部分，食落雞肉更嫩滑更正！這裡的湯絕對可以飲，飲完都不會口渴，沒有味精！凍檸茶，檸茶味道似茶餐廳沖的，茶有澀味，又不會有太多糖水，不錯！豆漿，豆漿是支裝豆漿，而且是低糖的，十分健康！

來到灣仔，即刻係OpenRice 看下有咩美食，見倒幾間小店。所在位置同這間店舖相距不遠，所以就來試試看。下午茶有麵，小食加飲品。叫了一個農場雞桃膠湯加麵，湯味濃，桃膠少咁樣食，感覺好配合，湯又係飲晒冇剩，雞件不少又滑，小食雲耳入味，飲品叫柚子蜜，真係潤上加潤。老闆娘有推介蘿蔔，但想試雲耳，所以冇叫。其後見食客食蘿蔔大大碗好吸引。下次再試。

天氣凍凍地就好想食個暖笠笠的米線今日揀左呢度食個養生米線但求取暖一人餐 $75 一碗米線 ＋ 小食 ＋飲品 要左藥膳農場雞竹笙銀耳米線 我最愛的銀耳夠多但係竹笙只有幾條細嘅雞又唔多件只係味道都OK小食揀左上次食唔到嘅 「古法炆蘿蔔」夠淋夠甜但係應該係加左糖去炆因為比一般蘿蔔甜好多LUNCH HOUR呢度都好多人GA雖然又未至於要排隊但都好快坐滿人流又快佢個餐都叫多野揀小食份量都夠多所以OVERALL都係OK 可以再食 😋😋😋

藥膳農場雞桃膠養生湯天氣突然驟降，運動又少咗，就靠食啲補嘢養好個身體。桃膠通常用喺糖水，但係用嚟煲湯淥米線，作為配菜，亦都非常特別，質感滑溜，補身又美味。農場雞亦肉質嫩滑，雞味香濃，但同時吸收養生湯嘅藥膳材料，例如杞子，紅棗，雲耳。當你知道自己食緊嘅每一樣嘢都係對身體有益，就會食得特別放心。益力多爆爆珠飲品方面，就稍為放縱一下，叫咗一個美味嘅凍飲，中和一下藥膳湯米線嘅熱辣辣。益力多嘅益生菌幫助消化。爆爆珠質感特別，膠囊做得非常薄，一咬落口，就會咬破爆爆珠，質感有趣又清涼。

▫️隨住年紀增長，都係時候要補補身子養下生🤫 今次去食養生麵🍜 主打藥膳雞湯🐔 用上肥美三黃雞，再配多種藥材熬製4個鐘而成，淨係聽個名都夠晒滋補🤤🐔 藥膳農場雞花膠米線 $88▫️呢款係期間限定🔒 湯底藥材味濃，加左好多紅棗甜甜地，飲完都唔會覺得口渴無味精👏🏻▫️雞肉超嫰滑🥳 有2隻半邊雞髀好開心🍗😆 米線煮得滑身，仲有3舊花膠，非常彈牙爽口😬🍜 藥膳農場雞山藥農生湯米粉 $64▫️湯底一樣，不過今次配料轉左做山藥😝 咬落索索聲好爽口，又幾好食🤓🧄 藥膳農場雞黑蒜養生湯米粉 $68▫️湯底加左黑蒜，味道酸酸甜甜咁又幾特別🖤🥕 古法炆蘿蔔 $28▫️炆得超淋超甜，一啲渣都無👏🏻🪵 秘製汁木耳 $28▫️木耳爽口，酸酸地幾開胃，仲加左花生🥜

今日同朋友食lunch 咁啱朋友嘅公司喺附近就揀咗呢間食健康又好味嘅養生湯米線🥰佢哋嘅lunch set可以揀一款養生湯 再揀配米線或者米粉或者通粉 仲有一杯嘢飲送添💯我自己就覺得兩個人去食最抵 我哋當日仲嗌左一個藥膳雞腳 煮到好淋 基本上一放入口已經甩晒啲骨出嚟🤣 另外米線都非常之足料 我叫咗藥膳農場雞桃膠養生湯米線 朋友就揀咗冬蟲草 老實講塗膠放喺鹹嘅湯入面我自己覺得幾怪嘅 不過因為好鍾意桃膠所以都叫咗嚟試吓 冇想像中咁奇怪不過下次我會揀試冬蟲草🤣

店舖提供好多藥膳養生選擇，有麻油、蟲草花、花膠、山藥、醉雞，如果怕藥材味可以鮮茄/ 喇沙湯底😎🤌🏻藥膳農場雞花膠米線藥材味道濃味足夠，帶有少少酒味，飲湯都已經覺得幾好味好味🤣湯底唔算好油幾清新，呷一口湯已經藥膳味非常特出，飲落完全唔覺口渴無味精🫡今次比咗兩隻雞脾仔好開心😎啖啖肉，最緊要係煮得好滑，農場雞係三黃雞，食得出同急凍雞好大分別😋雞咬落好滑好腍雞味濃郁同時湯底亦加咗好多紅棗，增加咗鮮甜香味，飲落去好舒服，米線亦彈牙有咬口花膠亦算大塊而且厚身，$88呢個價錢有花膠有雞算性價比不錯😎鋪面明亮，乾淨衛生，餐桌同餐具亦唔會痴笠笠👍🏻🚩 盈記四季養生麵館 (灣仔)灣仔軒尼詩道69號華美樓地舖#addifoodie #addifoodie灣仔#foodie #hongkongfood #drawing #香港美食 #吃喝好去處 #週末好去處 #goodfood #周圍食 #香港插畫 #情侶美食 #HKcouple #hongkongdraw #foodiecouple #愛情插畫 #花膠雞 #養生

久違了的米線特輯(* >ω<)今次發掘到呢間養生滋補米線平凡嘅店面隱藏功架十足嘅藥膳湯底🍲招牌藥膳雞湯採用肥美嘅三黃雞+藥材熬製4小時 滋補又養生.♡ 藥膳農場雞蟲草花米線 $65♡ 藥膳農場雞花膠米線 $88湯底果然足料～清甜唔泛油 淡淡藥材味🪵唔會太苦 有屋企靚湯嘅感覺雞肉肉質亦嫩嫩的 花膠嗰碗仲跟埋隻雞髀🍗配餸非常多選擇( ˘ ³˘)而且比較健康 今次就分別揀左蟲草花&花膠 兩款同湯底都好夾～花膠係比較彈牙嗰種 份量都算多食到尾忍唔住連湯都飲埋 而且唔會口渴 食得出真材實料啊 仲大大碗 一定夠飽🤭價錢亦合理～除左藥膳雞湯 仲有蕃茄湯系列～米線控可以一試喔.

🐔藥膳農場雞麻油米線湯底好濃，入面有好幾粒紅棗所以湯底甜甜地…一飲就好養生ge感覺🫣 雞肉質嫩滑，食得出係燉左好耐…湯ge味都滲左去雞肉度👍🏻 米線同譚仔差唔多…但因為湯頭甜ge關係食到最後有少少濟🐔藥膳農場雞蟲草花米線其實只不過係上一款ge升級版😂 聽講蟲草花好有功效，又可以改善心血管疾病，又可以提升記憶力，又有增強體力ge作用…不過本身蟲草花冇咩味道🥟 紅油抄手麻麻地，皮好厚，入面料少左d，辣椒油唔太辣，譚仔食10少辣都食到😂 唔係好正宗餐廳員工服務唔錯而且冇加一…近年打工仔注重左健康，想養生又唔想食得太heavy ge朋友仔可以一試😎

灣仔餐廳眾多，要突圍而出，必須有與別不同的食品。我在軒尼詩道發現有這間標榜養生的麵館便入去試一試。餐牌的選擇頗多有藥膳湯底，標榜用雞加上藥材特別炮製，也有鮮茄湯底和叻沙湯底，而且每款湯底也可以選麵線或通粉。加上有各種材料例如墨魚春卷、水餃、花菇、連竹笙、牛肋條、花膠都有🥰見到有花膠我立刻心心眼❤️叫了叻沙湯底，那麼特別的組合真的未試過！米線來到大大碗，花膠超大塊🎉，食落很是爽口，浸在濃濃的叻沙湯底中完全入晒味。花膠以外還有豆腐卜和雞蛋做配料，倍添味道叻沙湯底不錯 ，不會死辣，有花生醬的清香和甜甜酸酸。米線在湯底中很入味，午餐也可以吃花膠簡直是大滿足👏👏再加$3有凍飲，Very good!今日比較肚餓，加了個青瓜手撕雞小食。侍應按要求汁另上，也算貼心。雞肉一絲一絲放在特製的醬汁中甚為美味😇

無雞不歡的我，日日都可以食雞，但對食雞都好講究。坊間有好多間食藥膳雞湯米線嘅鋪頭，不過質素都好參差。食過呢間之後，其他真係比唔上。灣仔盈記呢度有好多藥膳養生農場雞米線選擇，有醉雞、麻油、蟲草花、花膠、山藥等等，唔鐘意藥膳湯底可以要鮮茄湯底。今日我叫咗個藥膳農場醉雞養生湯米線。先飲一啖湯，藥材味道同酒香濃味足夠，好味到我不停飲。食雞麵重點當然係雞，唔好睇好似剩係得幾件雞咁，件件都好大件而且啖啖肉，唔似其他餐廳有啲勁多骨又少肉。餐牌寫話農場雞係三黃雞，食得出同普通急凍雞好唔同，雞件咬落好滑好腍雞味濃郁，無得輸！米線加埋碟藥膳湯底時菜再加埋野飲先係$76，啲雞又咁好味，性格比咁高，值得支持灣仔小店！💪😊

今日與友人談起養生之道，因此午餐也想吃得養生一點，上網搜尋發現這間主打藥膳的麵店，於是來試一試，午市時間都全店滿坐，等了約十分鐘才有位，每人點了一個一人套餐。 《藥膳農場雞竹笙銀耳養生湯（米線）》一上碟成碗滿滿，份量十足藥膳湯底夠鮮甜感覺是沒有味精味啲雞新鮮嫩滑 米線口感不錯 軟硬適中銀耳竹笙浸入湯底很滋味還有少量芫荽雲耳紅棗作配料養生又豐富 《藥膳農場雞麻油養生湯（米線）》未上碟已經聞到陣陣麻油味迫近食落麻油味同藥膳湯都夾不過這碗材料只有雞為主沒有竹笙銀耳養生湯咁抵食 《上湯時菜》時菜是小食之一可選炆蘿蔔 藥膳雞腳 木耳我和友人選了生菜湯底鮮甜菜嘅份量都不少                                最後兩個都覺得好飽 決定下次叫二人餐 一齊分享小食 以上一人套餐 （湯米線＋時菜＋熱飲）$76

係呢間野食過3次平時夜晚去唔多人 唔洗排隊由於呢間冇分店 我地每次都係新界出黎食第一次食果時已經比小食蘿蔔（推薦）吸引住果然冇令到我地失望 蘿蔔超入味冇渣湯底甜甜地都好飲 同埋佢舊冬菇超入味勁大粒（推薦）平時好少打食評都忍唔住要讚下