盈記四季養生麵館

Open Now

Now Closed

普通粉麵吃得多，今日經過灣仔見有一間頗有特色的粉麵舖餐牌的粉麵很特別，有藥膳農場雞、醉雞、桃膠養生湯做底，而且可以配不同食材例如水餃、墨魚春卷、花枝丸、貢丸，又有鮮茄和喇沙湯底今日想增強體力，加多點維他命C，叫了鮮茄湯底。蕃茄滿滿的，茄味濃郁，最欣賞的是湯底不會太鹹，做得剛剛好。我選了米粉，浸在湯中入晒味，實在不錯😇墨魚春卷很美味😋，咬落很彈牙，十分爽口。碗米粉大到我也吃不完，春卷又好味，值得推介！叫了木耳做小食，好爽好香，加了花生夠惹味。有少少汁但不辣，這個小食我會比👍🏻清清地幾好食熱檸蜜很潤喉，今餐覺得又健康又滋潤！

藥膳雞湯，睇落好健康就去試下。餐廳免加一，又收八達通👍🏼👍🏼👍🏼溫馨提示，記住帶紙巾，抹咀🤣🤣🤣食物：（1） 藥膳農場雞+麻油養生湯（推介，正👍🏼👍🏼👍🏼）（午餐可加錢加小食，我冇加，夠飽）（2）益力多爆爆珠（正正正，想放肆，真係好正🤣🤣🤣）（3）墨魚春卷叻沙湯米缐（ok ,但養生湯正D；墨魚春卷ok , 但農場雞更正😆）（4）自製水餃叻沙通粉（ok, 餃子無乜特別）午餐時間，目測後生女OL光顧多👍🏼👍🏼

同同事去灣仔出Job，我地今日都不若而同咁想食清淡D，決定入黎呢間養生麵館😆！呢到主打藥膳雞湯既湯麵，湯底用上三黃雞配藥材熬製而成，行氣活血，健脾益肺。另外好多唔同營養配料選擇，有竹笙、生藥、桃膠等等，想點補都得😆！我地分別叫左藥膳農場雞竹笙銀耳養生湯配通粉同藥膳農場雞醉雞養生湯配米粉。湯底飲完有少少暖身🥰，雞肉粉量唔算好多，但勝在夠嫩滑，營養價值豐富既木耳反而唔少，更加可以增加飽足感！最後嘆杯益力多爆爆珠，咁就一餐😆。唔算貴，有時清清地食返餐都係一個唔錯嘅選擇。

要達到養生保健效果，一定要由食源開始。今晚去了灣仔一間小店🥦🍲🥟🍜，主打養生湯麵。湯底，材料，全都係用上藥膳食材，紅棗，木耳，花膠，蟲草…….，非常健康。🌟🌟🌟🌟🌟藥膳農場雞厚身花菇養生湯 $68飄來藥材香味。湯頭非常鮮甜，清徹見底，多喝都不會口乾。農埸雞好滑，雞皮薄薄帶有脆口感。肉味香濃。花菇夠入味，有嚼口。🌟🌟🌟🌟🌟古法炆蘿蔔 $26蘿蔔軟腍， 吸盡精華，入口融化，清甜。

在灣仔隨便找個地方午餐，見這間麵館乾淨企理，入來一試。麵的湯底有用藥膳煲雞的養生湯底、蕃茄湯底、和叻沙湯底。一向喜歡藥材味，馬上鎖定養生湯麵。選了期間限定的藥膳農場雞花膠米線（改米粉）（$88），和古法炆蘿蔔（ $28 ）。食物端上枱時都香噴噴，原來蘿蔔也是用了藥膳湯底烹調，蘿蔔很甜，沒有筋，又夠腍。麵的三黃雞幾嫩滑，花膠很大片，其他湯料都很足，例如有紅棗、杞子、木耳等。但我對腥味很敏感，覺得花膠有微微腥味，有點可惜。試過朋友的桃膠藥膳雞麵，覺得更好。個餐跟飲品，加$18轉要益力多爆爆珠。爆爆珠口感有點像三文魚子，咬開便嚐到裏面的蜜桃味糖果汁，都幾得意。麵館地方不大，但坐得幾舒服，很想下次也試試其他湯底麵款。

今日同同事放咗工之後想傾吓計,經過這間灣仔專門養生湯底。就被它這一間店的藥膳湯底吸引住。決定入餐廳試吓這個養身的理念。我哋兩個叫兩碗可以交換試吓，另外再叫咗一個小食就是藥膳雞腳。這個雞腳好淋身，亦都非常入味藥膳農場醉雞養生湯$64藥膳農場雞冬菇湯$64大大碗！冬菇非常厚身啖啖肉，而且非常入味。湯底方面都非常清甜，真係飲落非常之養生。有不同藥材味道，有紅棗等。同平時真係食開那些藥膳味相對這個比較清甜。雞方面就非常之滑，可惜份量比較少得三件。未夠喉：）

經過灣仔，見到「養生」兩個字，覺得值得一試。😚鮮茄花枝丸湯佢有兩種唔同嘅蕃茄，有一種係新鮮，另一種係濃縮，配合起嚟好夠蕃茄味，花枝丸食到粒粒嘅魷魚，惹味。🤩藥膳農場雞蟲草花養生湯米粉藥膳嘅藥味不是太濃，但係配合雞同埋蟲草花，整個湯底好入味，配合米粉來吃，感覺很好。雞肥大肉厚，而且分量充足。👍🏻入味蘿蔔蘿蔔真係好入味，而且好林，好好味。滋味木耳有點辣，惹味，令人回味。整體算物有所值，想食得健康啲，天然啲，係唔錯嘅選擇。🥰🥰

好耐無食藥膳米線啦！今晚去到灣仔區食，約左個friend 邊食邊吹水！去左 #盈記四季養生麵館1️⃣藥膳農場雞花膠米線 $88湯底係正！重重藥味，雞好嫩滑，都有5-6件，再加上一塊面size 花膠，質素唔差！米線又大份，抵食👍🏻2️⃣藥膳農場雞＋桃膠米線 $64原來除了花膠亦有桃膠，都幾多，好養生，唔知食完塊面有冇靚左呢！得閒食下養生食物😂3️⃣麻辣手撕雞 $68好味，手撕雞配雲耳青瓜，味道調得剛剛好，有少少麻辣同黑醋，我最愛😍4️⃣奶茶紅豆冰 $12誠意推介大家試，跟餐加$12，奶茶加紅豆，好味過紅豆冰！好少餐廳有依杯飲品飲，必試5️⃣豆漿 $7.50餐廳竟然有凍豆漿，樽裝！餐廳好方便，好近灣仔地鐵站，岩晒喺灣仔做嘢收工想食飯嘅人！性價比高！餐牌好似仲有好多好野食，下次點，紅油抄手，牛肋條！

世間很多美好物往往能打動人的,但有時簡單到只是電影中的一個場口/一句對白,到食物中的一口湯/一個微小滋味......但足以深心內心,該是何其美妙的!西營盤參加試酒盛會前,約了住在港島的好友先來個下午茶打底,並由其推薦兼帶路,選了在灣仔的盈記四季養生麵;從灣仔地鐵站出來,只是數分鐘的路程便到達餐廳,加上附近有很多巴士站也鄰近電車站,地理位置十分方便;餐廳從門面到內裡都是現代簡約設計,雖沒鮮艷奪目的裝潢,但當身處其中坐著時,尤其是偌高的樓底,配合著柔亮燈光,整潔的枱面,乾淨的地板,讓人感覺很舒服;餐牌採用常見茶餐廳款式設計,勝在劃分清晰,簡單易明;下午茶來說,主要是以其店名的養生湯入饌,輔以米線或麵或飯,更有套餐可選;好友先點了個藥膳農場雞配蟲草花養生湯及米線,我也隨其後點了藥膳農場雞配竹笙銀耳養生湯及米線,順道跟餐飲品選了咖啡;再翻看餐牌時見到紅油抄手,且價錢不高,也點上了;與好友風花雪月一陣後,店員姐姐一先一後地遞上兩碗甚有份量的大碗米線,再遞上飄逸著濃濃香味的凍咖啡(居然有著即磨咖啡的香味!)以及我點的黑咖啡;米線幼滑、湯底醇和從外說起,用巨碗來盛載藥膳湯米線已很有賣點,而且內裡鋪墊

...呢日喺灣仔做嘢，唔熟路，下晝午飯都唔知食咩好，誤打誤撞入咗呢間 - 盈記四季養生麵館..咪睇佢店面平平凡凡，原來主打藥膳雞湯 🤨🤨一睇啲料就覺得好補身 🫣🫣望左一輪，叫咗個藥膳農場雞芫荽養生湯，配米線一齊食🥴🥴..本來一啲期望都冇，食落口，喜出望外😏😏😏😌🫰🏻湯底清甜，食得出用心之作，唔油唔口渴，非常足料❤️..農場雞係三黃雞，冇急凍雞嗰隻雪味，正到呢…呢次唔識野，淨係加咗芫荽😌下次我要加花膠🥸😎值得我再黎！...

平時經過已經聞到陣陣藥膳味好香，今日lunch又去食一次😬中午時分去都有8成入座率餐牌見到有期間限定的就試試藥膳農場雞花膠米線，包熱飲$88上檯賣相唔錯呢到既農場雞確實係滑加嫩，有雞味，多肉，花膠絕對夠淋，大約有2-3塊，喝一喝湯頭，湯底唔係味精湯，加上有紅棗杞子，木耳及龍眼，入口清中帶甜，油份不多，未食米線已經飲左三份一湯米線份量都好多的，平時吃開麻辣米線，清清地又養生，呢間唔錯最後差一點連湯都喝光

今次係我第二次嚟食盈記四季養生麵館，感覺比上一次進步良多！首先，服務態度良好，即使係繁忙時段，侍應們都會盡佢地所能去滿足每一位食客嘅要求，又會盡心講解唔同麵款嘅分別，十分有耐性。食物方面，我嗌咗一份一人套餐，包一碗米線(可轉通粉或者米粉)、一份小食同一杯餐飲(凍飲加$3)，盛惠$78。我揀咗A09：藥膳農場雞竹笙銀耳養生湯米線，貪佢有齊藥膳、雞、竹笙同銀耳呢4款我喜愛嘅食材。碗米線一嚟到，個份量大到嚇咗我一跳，銀耳直頭多到唔使錢咁湯底有淡淡嘅藥膳味、雞件好入味，竹笙同銀耳都好爽口！小食方面，我嗌咗一碟藥膳雞腳，雞腳整得非常之淋，好易入口，而且小食份量一啲都唔少，雞腳數量都有成6隻，相當大方。整體嚟講，一人套餐味道絕對高質。唯一美中不足之處係環境太過狹窄，午飯時間搭埋枱就更加侷促，食完只會想拿拿聲走，想同朋友慢慢撐枱腳嘅話就要諗清楚了。

一向喜歡吃藥膳湯底，養生湯底嘅麵食。今日到灣仔見客，lunch 時間搵食中，醒起軒尼詩道嗰這間「盈記四季養生麵館」，即刻入內坐低睇吓有咩新口味😋除了藥膳養生湯底，店家仲提供鮮茄湯底和叻沙湯底，口味多樣化。店舖裝修實而不華，正是傳統麵館風貌。今次揀咗「麻辣手撕雞青瓜雲耳撈紅薯粉」會一會這裏嘅涼菜🌟點了小辣，個人覺得麻辣度啱啱好。紅薯粉唔係要用力咀嚼那一種～幼身好滑帶少少煙韌，微微凍並不是室溫。麻辣汁好惹味，撈匀雞絲、青瓜絲、木耳和脆炸花生好滋味。喜歡這裏的手𢇃雞唔柴又有雞味👍🏻😋益力多爆爆珠（跟餐加$18）期間限定跟餐的特飲，爆爆珠好過癮，逐粒食爆出甜味非常治愈😍👍🏻

原來唔係我哋呢啲年紀講求健康！年青一代而家都好注重健康！講求健康，當然係飲食開始啦⋯⋯今日行行吓街經過一間餐廳，主打養生湯底的麵館⋯⋯而且大部份都係後生仔添⋯⋯吸引住，就試吓啦⋯⋯盈記四季養生麵館📍灣仔軒尼詩道69號華美樓地舖☎️ 9366 7566藥膳水餃湯麵湯頭非常鮮甜，有紅棗、杞子、木耳餚成的湯底⋯⋯未食麵已經飲咗大半碗了⋯⋯自家製的餃子🥟，都幾大隻，共有五隻⋯⋯米線都幾多⋯⋯藥膳花枝丸養生湯麵今日唔想食有骨落地，所以就嗌咗花枝丸⋯⋯湯頭非常清甜，對佢嘅藥膳湯底真係好鍾意❤️⋯⋯花枝丸彈牙爽口！秘製汁木耳木耳都幾爽口！奶茶紅豆冰益力多爆爆珠估唔到呢度都有特色嘅飲品！

平日出街成日多肉少菜又油膩間中要中和一下食健康一啲同事介紹灣仔呢間養生麵館，果然好正難怪Lunch hour過咗依然全場爆滿門口等外賣嘅客人接續而來✨藥膳農場雞芫茜米線加入藥膳嘅湯底好清甜多年來吃過無數米線，呢碗係食過覺得最正嘅湯底邊食邊飲湯，大大碗又足料連隔離枱食客都讚雞肉超鮮嫩，加上大量嫩綠嘅芫茜 <期間限定>配埋超滑米線～芫茜控必試✨古法炆蘿蔔蘿蔔炆得入味，又腍又甜湯底好清甜，仲有紅棗同杞子，好滋潤✨熱朱古力其實飲完湯底都非常滿足不過套餐跟埋飲品咁抵，又點杯朱古力甜一下