盈記四季養生麵館

Open Now

Now Closed

今日午餐想食得健康啲，就諗起灣仔呢間主打藥膳湯底嘅麵館。首先叫咗古法炆蘿蔔當前菜，炆得好腍，入曬湯嘅蘿蔔好甜。我叫咗個藥膳雜丸養生湯米粉，因為藥膳湯底有杞子同紅棗，食落味道都有少少甜甜地，雜丸有貢丸同墨魚丸，墨魚丸仲食到墨魚肉，咬落分外彈牙。朋友叫咗藥膳農場雞+日本花菇養生湯米線，花菇好好肉地，咬落去湯汁出哂嚟。農場雞肉質嫩口，有雞翼、雞髀、同雞胸肉。湯底仲可以加麻辣，非常惹味。飲品我哋一人叫咗一杯檸水同檸蜜，滋潤一下。

週末喺灣仔呢間養生麵店食lunch～ 幾個人share食咗個套餐，包一人一碗麵、小食同埋野飲，每人都只係$70有找！喺軒尼詩道呢個黃金地段黎講實在係太抵食喇～😋我揀咗「藥膳農場雞竹笙銀耳養生湯麵」～🍜 雞肉用咗嫩滑嘅雞腿肉，雞肉得兩件、份量唔多，但係少肉多菜更健康！😆 雪耳份量好多，同竹笙一樣索晒d湯，好入味～😋 另外跟餐嘅小食蘿蔔好清甜，雲耳花生幾香口，生菜夠爽口～🥬 食完呢餐纖維豐富嘅午餐，腸胃變得更暢通～☺️

近排開始明白健康的重要，所以決定著手養生，希望現在才開始不會太遲。除了做運動，飲食也是非常重要，食一些健康的食物，事半功倍。這天約了朋友到灣仔吃下午茶，我們決定吃「盈記四季養生麵館」。一聽名字就知道是為了想養生的人而設。店面：就在大街旁，鄰近地鐵站，交通十分方便。裏面大小適中，裝修精美：餐單印刷精美，上面有各種食物的圖片：很多道菜都很養生，看得我眼花撩亂。像是雞、花菇、竹笙、銀耳、山藥和蟲草，絕對是滋補養顏。我們決定選2碗麵、1道小食和2杯飲品。藥饍農場雞+竹笙銀耳養生湯 $68雞肉肉質鮮嫩，嚐得出來是燉了很久，部份雞肉已經融入到湯裏面。雞肉很補，根據網上資料，雞肉對營養不良、畏寒怕冷、乏力疲勞、貧血、虛弱等有很好的食療作用。而據說竹笙具有補腎壯陽、益胃清腸、潤肺化痰、養陰補虛等功效，因此常被用於各種藥膳及湯品。藥饍農場雞+蟲草花養生湯 $65網上說雞肉有溫中益氣、補虛填精、健脾胃、活血脈、強筋骨的功效。 蟲草花很彈牙，聽說是改善心腦血管疾病的「良藥」，具有壯陽補腎、增強體力和精力的效用，對於恢復頭腦清醒和提高大腦記憶力有良好作用。麻辣手撕雞 $68點了小辣，相信絕大部份人都能接受。酸

工作嘅關係，最近都係喺灣仔區一帶出沒兼搵食。六月嘅天氣熱到冇咩胃口食飯，好想飲湯，所以就去咗盈記食。今次都係叫雞竹笙銀耳個款，貪佢又肉又豐富植物纖維，均衡飲食吖嘛😉。記得之前食過佢哋嘅麻辣撈米線都好食，鍾意佢哋個辣醬，煮得勁香，有蝦米、魚乾嘅香架。🔸藥膳農場雞竹笙銀耳養生湯（$68）師傅比咗雞髀，雞味濃而且肉滑，好食。另外有好多銀耳，軟中帶爽，好有膠質，個湯底屬於清甜個種，飲得出好甜嘅雞湯、桂圓紅棗味。我揀咗米粉，口感清爽。🔸凍檸茶（+$3）

平時出去食太多濃味嘢，但係又想食米線。朋友介紹咗灣仔有一間專食養生農場雞藥膳米線嘅舖頭，就即刻走咗去試藥膳農場雞芫荽米線芫荽控必點！大大份芫荽配搭自家調配藥膳湯，藥膳湯又香又甜，藥材味都算重呢個配搭簡直係養生之選！藥膳農場雞山藥養生湯米線山藥又稱淮山，食落去清脆爽口同時對皮膚都好好，本身係藥膳湯底之後另外加咗麻辣汁，愛辣嘅人士一定要試！農場雞大大件嫩又滑！藥膳湯水餃水餃皮薄餡靚同埋要連埋藥膳湯嘅紅棗杞子一齊食😆益力多爆珠當食得好辣嘅時候飲番杯益力多爆珠解渴解辣

周末約朋友去灣仔海濱行下順便搭船去尖沙咀睇恐龍展，去之前入咗間養生藥膳餐廳🍜醫飽個肚先！呢度有藥膳雞湯同蕃茄湯，餐牌寫住藥膳雞湯用三黃雞加多種藥材熬製四個鐘😋識擇緊係擇藥膳雞湯！🔸藥膳農場雞竹笙銀耳養生湯米線雪耳多得有點誇，大方到呢😳 湯底飲到紅棗味，味道清甜，尤其竹笙索晒湯特別正👍🏻一碗米線有齊黑木耳、紅棗肉、杞子等滋補又補血嘅湯料，勁岩我！雞髀位肉嫰皮滑！🔸藥膳農場雞厚身花菇養生湯米線朋友呢碗一樣咁足料，有雞髀同大大舊日本花菇，炆到腍身，令到湯底飲落去除左有紅棗甜味之外，仲多左菇嘅鮮味！🔸藥膳雞腳雞腳質地肥厚，唔會一咬就甩皮甩骨，幾有嚼口！

今天去灣仔工作，天氣太熱，晚上睡覺不太好，見這兒賣點是養生，便忍不住入內試試。這兒的選擇很多，有藥膳系列、蕃茄湯系列、叻沙系列，每個系列都很吸引，唯個人對藥膳系列情有獨鍾。🥢藥膳農場雞桃膠養生湯🍜湯麵一上枱就隔着口罩也嗅到一陣陣甜味，應該是紅棗和桃膠的甜味。果然，桃膠吸收了紅棗的味道後十分清甜，口感像啫喱般柔軟有彈性😋。大大件的雞髀🍗和雞肉十分吸睛。雞皮爽彈，不油膩💯。雞肉剛剛夠熟，肉質嫩滑。客大可以選擇米線米粉或通粉，我選擇了很久沒有吃的米粉，口感彈牙，份量夠多。飲品方面也有不少養生之選，我叫了檸蜜🍋🥤，真的又清甜，又健康💪🏻！

我嚟過呢間餐廳已經多過五次以上，由佢一開張就已經嚟過，咁耐以來我一想食嫩滑嘅雞，我就會揀呢度。我好鍾意佢嘅米線口感適中，唔會太幼但係唔會太林。比起初初開業，佢嘅藥膳湯係冇咁濃，雞件都少咗一件，而家只有三舊雞，同埋雞皮都比較肥。不過雞嘅嫩滑質感就冇變到。而家有推出一人餐，今次就試咗佢個秘製汁木耳，但係老實講有少少失望，可能佢為咗遷就其他人嘅口味，所謂嘅秘製汁係一啲都唔係好似口水汁或者麻辣，只係一個比較淡口味嘅汁。即使我用咗枱上邊嘅辣椒油去補一下個味道但係都唔係我預期中嘅味道。下次可能會叫蘿蔔嘅小食。

藥膳上湯有好多款唔同嘅小食，首先自家製水餃，皮薄餡靚的手工餃子，雖然水餃偏大顆，但皮依夠Q彈，唔容易穿破。加入藥膳上湯水煮更令餃子相當入味，藥膳上湯湯跟鮮味完整的被牢牢鎖住喺水餃裡面，令人垂涎三尺。其次，佢個藥膳湯墨魚春卷，浸入墨魚春卷，完美地吸收藥膳湯底精華，每一口都將湯底的味道喺口腔入去慢慢散發出嚟，滋味滿分！藥膳農場雞加桃膠養生湯麵線，用匙羹舀少許藥膳湯再撈桃膠或者雞肉，食法都別有風味，新其有趣，將米線昇華至另一個層次！紅油抄手，個辣味銷魂滋味，食完你念念不忘。秘製汁木耳，酸酸哋，前菜嚟講相當吊胃口。

疫情反反覆覆，又開始日日返工OT，個人即刻變虛咗😂收工都係要養生一下，增強抵抗力對抗疫情，因為我好鐘意飲湯，所以藥膳湯麵真係好岩我口味🥳🥳藥膳農場雞花膠米粉個湯好清，但有好濃濃藥膳味🥰農場雞好滑 好大隻 好多肉😋 花膠好大塊 仲有好多紅棗、杞子、木耳，好岩女士保養🥰仲好大碗🤣好抵食鮮茄牛肋條米粉蕃茄好濃，好多蕃茄粒，好足料🤩個蕃茄湯最後飲曬🤣🤣牛筋條好入味好淋藥膳上湯自家製水餃依個藥膳湯配水餃食都幾夾 連個小食都大大碗👍🏻

今晚演藝學院睇show 搵吓附近有咩好食唔算近地鐵站 但其實行過嚟都係5分鐘左右小店座位唔多 裝修簡約 坐得幾舒服=藥膳農場雞花膠米線=湯底有紅棗杞子桂圓木耳等食材湯底很香藥材味 清澈沒有很多油入口不會有濃烈藥材的苦澀味 反而很清甜特大花膠真的超級大塊 較爽口嘅口感雞非常肥美有雞味 而且用雞髀肉所以非常滑飲咗大半碗湯 感覺好補身=麻辣手撕雞青瓜雲耳撈紅薯粉=養生湯麵之外 仲有另外比較邪惡嘅麻辣紅薯粉除咗手撕雞仲有很多材料 青瓜洋蔥雲耳花生所以口感好豐富 比較偏酸嘅麻辣所以很開胃 好適合夏天食=益力多爆爆珠=超大杯 爆爆珠係芒果口味=奶茶紅豆冰=也是超大杯 同埋勁多紅豆好香奶味紅豆味 而且紅豆煮得很軟綿

最近喜歡養生藥膳湯，希望出街食嘢之餘都可以食得健康啲❤️🫶🏻！今次就嚟咗呢間盈記四季養生麵館，他們主打健康養生麵，睇餐牌覺得藥膳湯底幾吸引🍲📌藥膳上湯自家製水餃五隻$36他們的藥膳湯底主調為紅棗口味，香香甜甜，相當滋潤，配搭上方芫荽，相當香口。自家製水餃，外皮煙靭有口感，內裏餡料彈牙香濃❤️👍🏻。📌醬香牛肋條$45醬香牛肋條一睇就知道相當入味，入口夠軟腍！👍🏻一客3條，相當不錯👍🏻📌檸蜜🍹$25最後點多一杯檸蜜，經典清爽滋潤菜蜜口味👍🏻👍🏻好推薦注重養生飲食的朋友過來👍🏻

今日來了灣仔工作，想起盈記四季養生麵館的藥膳湯底，一於就在這裡吃午餐。我們大約一時半到達，已見店內人頭湧湧，幸好仍有兩人位，便立刻入座。我們叫了藥膳農場雞蟲草花養生米線，及藥膳農場雞花膠米線，跟餐可叫一杯熱餐飲，至於小吃，原本想叫藥膳浸雞腳，怎知已經售罄，於是轉了叫秘製汁木耳。藥膳湯底：湯底是用肥美的三黃雞，配以多種藥材，熬製四小時而成，怪不得入口已傳來濃濃的藥材味，很有補身的感覺。除了藥膳湯底好正外，農場雞亦令人很有驚喜肉質有彈性，鮮美細嫩，有雞味，份量亦大大件。我地一碗配蟲草花，另一碗配花膠，食材矜貴滋補。秘製汁木耳：帶一點微辣，木耳爽口，天氣開始熱時，最適宜食用。今次再度造訪，仍然可保持到一貫的高水準，可見廚師對食物的執著

諗住近近地買個外賣返公司食，加上每日返工前都經過，見無帶飯所以買外食，點知試完以後都唔會再試。無諗過一碗$88 藥膳農場雞花膠米線，得兩件雞，一嚿仔花膠，三粒木耳

🫣疫情少咗好多出去堂食，真係好耐冇嚟啦🥲好掛住佢哋嘅醉雞米線，佢哋嘅湯底真係令人非常之回味，非常之值得讚揚😁👍🏻藥膳農場醉雞養生湯米線湯底濃郁嘅醉雞味道，真係好正，而且酒唔會過多而產生苦澀味，味道恰到好處，而且雞非常之滑，一啲都唔鞋🫣😄而且真係好多紅棗，增加鮮甜香味，湯底飲落去好舒服，米線亦都有咬口！正👍🏻藥膳農場雞＋蟲草花養生湯米線佢哋嘅蟲草花真係一啲都唔孤寒啦，份量非常之多，加埋雲耳紅棗配料，整體都好足料‼️而且佢哋嘅雞件唔會斬到細細件，賣相靚之餘，食落去口感都好好🥰👍🏻醬香牛肋條牛肋條好入味，香料味都幾香，又唔會太肥，啱晒我食😍😍😍