Yippee Yogurt (Closed)

So just as I'm trying to write my reviews, these yogurt shops are already starting to close down! Wow, it's happening much faster than in the U.S. By around 2 - 3 years time, actually good shops, such as Red Mango, were started to close locations. In Hong Kong, the cycle has gone from 3 years to only 3 - 6 months. Well, I want to write something short since I did actually visit Yippee in Wanchai and bought a yogurt so I try it, and it is pretty obvious what happened here. The shop's staff w

沒什麼生果揀，選了石粒狀的糖果和西柚嗯…那是朱古力還是杏仁什麼的，反正…好硬…XD，吃了牙仔痛；；，可是我不會浪費食物的XD牙不好的人要注意…雪糕還不錯的，雖然大家都差不多味這家好像變了一至五做午餐（星期六沒有…orz），其他時間還都是在賣雪糕的樣子

終於都試埋克街上的另一家乳酪店: Yippee。店內的慘白光管光令門面不很吸引, 引起我注意的是 - 店外棟了個牌出來說有午餐吃! 整條街都是食店, 賣 Froyo 連熟食都要賣埋, 生意果然難做。午市來到, 全店都是學生, 都是來吃午餐的, (原來店裡那麼多座位是有原因的), 而我, 目標明確, 吃 Froyo。這天有原味和荔枝味的 Froyo, toppings 看來不算多。杯裝 Froyo 分 4 種大小, 由最小的迷你杯 ($9) 到大杯 ($32) 等都有, 大食一點的可以吃 Yippee 杯, 可以吃店員隨意吱, 也是 100 克賣 $15。迷你杯其實都有 80 克重的, 不過就沒有 topping, 反正我只為試味, 要迷你杯就得了, 要了原味。店員也不嫌我幫襯得少, 吱好了 Froyo 就問我要不要加點朱古力彩針, 為了拍照好看, 又加了一點。店員再提示我可以加點糖醬, 有幾款給朱古力、藍莓、奇異果等味道, 而我就加了一點我覺得最穩陣的沖繩黑糖醬。別看它細細杯, 味道還算不俗的, 起碼比旁邊那店的濃稠一些, 而且還帶點酸味 (就是嘛, 乳酪酸的話會健康一點 - 因為應該

同同學放學經過見到就試下果d員工都几nice, 几好禮貌味道唔錯,而且選擇多環境都好舒服我買咗中杯, 份量都好多, 几抵荔枝味正不過果d汁建議唔好落咁多, 真系好甜

寫完Grappa's，也接手寫寫緊隨而來的Froyo食記。當日天氣突然轉壞，三人可是特地冒雨找尋Yippee Yogurt（簡稱YY），十分神心，可惜其質素令人幾失望的。YY與Myogurt位於同一條小街，也一樣以橙色為主題，並同樣擺滿雜誌任客人翻閱，而且是大咧咧展現在店門，目的是吸引累了的路人進門幫襯吧?進到店內，首先最關心一定是Frozen Yogurt的口味選擇。店內供應原味、草莓及芒果三款口味，照舊又先要求試吃；女店員見我們有三人，本打算拿迷你杯盛起乳酪讓我們試食，卻被男店員制止，改以小匙盛起試食... 還好我與甜魔友人從來不介意一起分享甜品，但店方的小氣就令人暗暗扣了印象分。而且幾款乳酪的味道也實在不濟：最先試的芒果味酸味甜味都較高，不夠柔和自然；草莓味則較稀較水，但最糟糕還是原味，甜度竟是最高，完全的蓋過了乳酪應有的乳酸味.. 一般的Froyo店大多是原味最好，這裡恰恰是個相反，也令人夠意外的。雖然乳酪水準一般，但既來之也買杯分享啦，外面仍在下面的。YY提供自選份量的Yippee杯，按重量$15/100g收費，同時又指定迷你杯($9)、中杯($26)及大杯($32)的siz

今日要返工..冇陰工喔一有時間就蛇出去買個晏仔食下..點知行極都唔知食乜好...見到有間YOGURT鋪竟然十二點未夠就開左..咁梗係走入去試下呢(呢排食YOGURT食到上心隱)鋪面好簡單...唔太多值得講~見到有個靚仔哥哥企係到...走埋去..有大中細幾款"簡"...覺得都幾多選擇(好采冇選擇困難症)有三隻味...原味..MANGO 同埋巨峰提子我選擇左32蚊個杯巨峰提子...有三個轉第一次食咁多轉...甜左小小..但仲好...之後選4款....士多啤梨..哈蜜瓜...熊仔糖...粟米片士多啤梨...有小小酸...OK..接受到哈蜜瓜..普普通通,.栗米片...加乳酪..OK嫁...好味..XD熊仔糖..我至愛XD..佢硬身既有咬口..好味...但有一樣唔係幾LIKE...就係唔可以自己親身放材料...哥哥仔仲話可以加彩針...梗係加啦..XD....夠靚再加埋佢任加既黑糖醬...YUMMY..搞掂曬..我叫哥哥仔幫我秤下幾錢.....嘩...本身要52蚊..呢家32蚊就買到..感覺上好抵下次一定會再黎..

行過灣仔道買LUNCH , 見到有間乳酪店, 又有小食賣, 便行入去試下, 環境清潔,有堂坐, 嗰位店員肥仔成日笑騎騎...味道有原味, 芒果 & 巨峰提子, 我要咗原味加巨峰味,加咗藍莓, 青提, OREO碎碎 ,士多啤梨,, 佢再加送朱古力彩針, 巨峰味一入口, 嘩, 好味道, 清新, 同生果 好MATCH, 我古怪D, 喜歡加OREO碎碎, 但都冇影響, 我呢個買咗個32蚊有4個TOPPING , 好大杯, 我多手叫個店員幫我磅一磅, 嘩...59蚊, 回本有凸, 唔知係唔係開學關係, 有好多學生入去買, 見佢地買嘅係26蚊+2個TOPPING 或 9蚊一杯, 不過冇野加, 要加就5蚊一款, 不過都送朱古力彩針,整體來講, 我好滿意, 多種價錢選擇, 見佢地個BROAD貼咗D活動簡介, 會有不定期活動在場內舉行, 好有趣, 最低死係我以前玩開個塔羅牌師傅係呢度搵番 , 死未~

其實froyo店都係大同小異, 包括yogurt味同toppings本人不嬲都鍾意試新野, 咁arm果日又經過, 所以即管試試其實佢隔離幾個舖又有一間, 我兩間都未試過, 隔離果間開得耐小小size方面幾flexible, 由細細杯到大杯都有!佢d yogurt偏甜, 我唔係太中意, topping方面都算多款式, 其中一款係爆珠, 幾特別, 味道都ok最好一樣係佢d醬放哂喺道任你加!

今日同男朋友都唔係好肚餓，知道灣仔附近開左兩間froyo鋪，我就提議走黎試下。一去到見到鋪頭面積都幾大又有位坐，啱晒我地呢d當froyo係light lunch的朋友，一入鋪頭，少女店員主動介紹今日有兩隻Today Flavor，就係原味同芒果味。購買的方式有兩種，根據重量磅秤或分大、中、小杯，此舉我覺得較其他froyo鋪來得有彈性，唔錯。我同男朋友各自要左個中杯連兩款topping，我要原味乳酪，toppings要左奇異果及店內新增的bran，男朋友要左芒果味乳酪加藍莓、火龍果同椰果。Cashier前有3款sauce可以任加，有較傳統的朱古力醬、沖繩黑糖糖漿及梅粉。(係呀，係「粉」呀)，我見有我鐘意的黑糖漿又唔洗再另外加錢，當然要試下啦。俾完錢坐低要開餐啦，我個原味乳酪，少女店員店員都幾闊路，份量不少，不過俾toppings個男仔就姑寒d，只係俾左一個spoon我，我問點解得咁少既，佢答我「啊，你想要多d呀？」我話當然啦，心諗……玩野咩，不過佢都有加多一個spoon俾我，算係咁啦。另外一個小插曲係當我男朋友正興高采烈諗緊再追加多一款topping的時候，少女店員以為佢攪掂想俾番杯乳佢

經常係呢到篤野食，一連開左兩個乳酪店，真熱鬧。二選一，我黎既時間這裡人多一點，就選了這裡。一入門口，那位男生一口氣介紹佢地既產品，跟住櫃枱果個又一口氣介紹多次，嘩，促銷丫，食杯乳酪姐。還是要的係原味，不作他選，topping無咩新發現，樣樣都有d，夠大路，有定價或者上榜$15/100g，這樣做很不錯，要了中杯，有兩款topping。乳酪酸酸的，不錯，不過完全唔挺身，一pat pat，做得挺身點會更好。topping個人喜好，不多說了。喜歡挺身點的乳酪，可以做得更好的乳酪。

要到灣仔拎証書，行行下發現，咦，原來食家們講既一條街兩間乳酪鋪就係呢度，前面條街有得試食(我覺得我應該遲D會寫埋o個間)，但入少少呢間，佢有淨乳酪叫九蚊雞，但鍾意落多配料的我，當然量重計算最彈性。其實落左少少芒果、Oreo同埋粟米片，可能乳酪味道我要芒果/綠茶兩溝既關係，已經要廿五蚊。落左一D黑糖汁同埋朱古力汁。芒果乳酪食落去有芒果味既，芒果都OK新鮮既，而且黑糖汁搭落去有種似咖啡既味道=)之但係綠茶味唔爭氣，兼且真係容易變水><"我其實係咪中左人地既銷售圈套呢？其實出面街o個間會唔會好D呢?

12-8-2010喺隔嚟食完紅酒汁焗鴨胸, 想整杯 froyo 做甜品, 短短呢條街開了兩間店, 先試試呢間 Yippee. 9:xx pm 嚟到, as expected 一個客都無 就叫杯原味 froyo 配 cornflakes 及朱古力 crunch 吧, 點知嚟到, 又變了配 cornflakes 及 sunflower seeds 原味 froyo 賣相有點「一 pat 嘢」, 食落密度幾高, 幾有奶味, 但完全唔酸 , 我哋幾時叫了牛奶味 gelato? Toppings 預咗無乜特別, 叫做多一點咬口而已, 不過「突如其來」的 sunflower seeds 幾薄脆香口, 叫比較「驚喜」吧...每人放低 $14, 唔滿意, 應該唔會再來了.下次試埋同一條街的另一間.

行開188果頭...見到有間yogurt...入左去試下,見到有三隻味...我就試左芒果味+oreo同棉花糖,中杯$26 加兩樣材料,都幾低食...店員都好nice,環境都唔錯..好有cafe feel~食落去同其他yogurt 比較唔同...好滑同好香芒果味...加埋oreo真係一流~下次有機會試下其他味...個人覺得值得一試!

個次經過見倒有2間yogurt店就入去啦佢有mango gt同原味選擇小弟喜歡食芒果當然食芒果味啦|ok既但係超快溶..toppings夠多但d生果好酸有d餅又好林...但都ok la....其實真心講一句 過2個鋪位個間做得比煞好..加油!

經過灣仔,見到新開的乳酪店,入左去試佢提供三隻味,今次嗌左芒果味乳酪雪糕,加左topping,合共26蚊,價格合理topping的水果有點酸, 但加了朱古力漿便沒有問題,味道很配,乳酪夠滑,但芒果味不夠重, 整體來說都不錯服務員態度很好, 值得一讚店內衛生環境良好下次經過會試其他味