橫浜街場 (Closed)

今次呢間打邊爐好有特色，係用上大大個杉木造嘅木桶嚟打邊爐。店內有篇介紹文，杉木可以消除疲勞，紓解壓力，不上火之餘仲可以養身。根據店員說法，木桶屬雙層設計，內有9個噴泉孔，湯滾既時候噴泉孔會不斷噴清湯出黎，有趣之餘仲有過濾既作用。我地兩個人食，揀咗晚市海鮮火鍋套餐HKD$388/位。屬半放題形式，會先提供一份主菜，配菜可免費追加，不過我地食哂主菜都差唔多飽喇。🥘鍋底有成7款可以選擇😍酸菜卜卜蜆💥冬瓜白肉卜卜蜆(我地揀咗呢個)花膠螺頭雞胡椒豬肚印度椰子雞四川麻辣野菌四川麻辣雞鍋底好多料，湯比較清甜，仲有一環冬瓜可以消消打邊爐既熱氣。💥醬料費HKD10💥拍青瓜同涼拌雲耳，酸酸辣辣好開胃。可以一邊食住前菜，一邊等湯滾。💥安格斯牛頸脊(每兩位送一碟)肉質嫩滑，紋理分佈均勻。💥海鮮拼盤拼盤有龍蝦，象拔蚌，大蝦，蜆，蠔。全部都好新鮮美味。一人半隻龍蝦，新鮮有膏仲啖啖肉。💥主菜拼盤手打丸/手工餃都好味，有特色。💥主菜拼盤炸物脆卜卜，最鐘意佢個墨魚膠釀油炸鬼，外邊既油炸鬼炸得香脆，入面既墨魚膠打得好彈牙。魚皮同響鈴都好脆，應該都係炸完之後新鮮上枱。💥全場紅/白/啤酒/汽水任飲，一個價錢得飲有得食，仲有海

“嘩，見到門口個牌，19：45前結賬離座或21：15後入座有78折，好抵食，平勁多！！！“前菜，涼拌拍青瓜跟雲耳！！！“杉木桶好處多多，起初估會唔會好難滾起d湯，後黎發現好傳熱成餐飯都大滾狀態！！！“依d石有過濾淨化既作用，更有吸油功效，好攪笑真係第一次見！！！“主角海鮮拼盤，有龍蝦，象拔蚌，大蝦，刀貝，大蜆，生蠔...全部都好新鮮好鮮甜，不過只係一次性，份量是位上...“自選追加配料，蟹柳棒，豆卜，蓮藕，花膠！！！“皇帝菜.蕃薯苗，依到有既蔬菜都較特別，唔會話黎黎去去得生菜菜心個d...“響鈴，魚皮，重有油炸鬼釀墨魚膠，前兩者好夠脆，沾沾幾秒湯食保留番個脆口感黎食最正，後者好有創意用油炸鬼釀墨魚膠！！！“厚厚既花膠愈煲愈淋，吸盡湯既精華令原本淡而無味既花膠都變得好入味！！！必食之選！！！“果汁汽水都係任飲，都有好多選擇！！！*而且紅酒白酒都係任飲，鐘意飲酒既朋友真係值回票價！！！

朋友話搵到間新奇火鍋店帶我去見識吓，心諗我成日都食火鍋架啦，有幾新奇呀！ 餐應喺旺角區，以「街場」命名，有啲鐵絲網做裝飾，又真係幾有FEEL。睇睇餐牌，嘩嘩嘩！ 原來用木桶打邊爐，第一次試，真係好神奇呀！ 點解咁嘅? 啲火鍋料咪好似泡緊溫泉😌♨咁！ 食兩個半鐘，有兩個【半任食套餐】揀，$388同$298，除左有唔同湯底外，最大分別就係海鮮拼盤，海鮮迷當然選$388無誤。揀咗花膠螺頭雞鍋，入面有好多花膠，螺頭就唔多，飲落都幾濃。原來木桶用馬來西亞杉木製造，桶底加入熱石春，保溫之餘又可以過濾雜質，再抽上去由泉口噴出，由呢度攞湯，又真係隔晒油，好勁抽！海鮮拼盤有龍蝦、象拔蚌、大蝦、廣島蠔、番薯蜆等，全部都好新鮮。龍蝦仲有膏架！紅、白酒、其他飲品都係任飲。 叫左杯白酒嘆吓，feel so good~餃類普通，但手打丸極最出色，手打安格斯芝心牛丸、手打西班牙豚肉黑松露丸、炸蝦乾墨魚丸，全部極彈牙，牛丸入面釀左芝士，淥完啲芝士係流心狀態架。 墨魚丸入面加左炸過嘅蝦乾，香味特出，令人回味無窮。自家製巨型響鈴同炸魚皮，甘香鬆脆。肉類三揀一：豬、牛、羊，揀左手切安格斯Prime Grade牛頸脊肥牛片

這晚不知食什麼好所以就去了726號望下有什麼餐廳，之後去到樓下接了好幾張宣傳單張再篩選之下，見到$168雞煲就去試試上到去環境不錯，服務很好火煱配菜選擇多，大多有我喜愛的！雞煲來了一隻份量，兩人食一隻剛剛好，唔食得辣既我就叫小辣，小辣都好香麻味！火煱配菜新鮮，而且上碟有心思，即炸響鈴好好食相比起其他任食店好得多。價錢合理會再帶朋友來！

呢間餐廳坐落喺旺角嘅大廈入邊，非常就腳。而且晩市嘅人流唔算多，適合同朋友靜靜地享受高質嘅邊爐。叫咗個晚市海鮮火鍋套餐，湯底係冬瓜白肉卜卜蜆鍋。湯底入邊嘅配料少少偷工減料都冇，蜆同豬肉嘅份量好多，質素亦都高。😋跟餐仲可以全場任飲紅白酒，啤酒同埋汽水。聽店員講呢兩款酒都係攞過獎嘅酒，都幾易入口。呢個拼盤有手工韭菜餃、手工西洋菜餃、手工芫荽餃、手工獅城魚尾雲吞、豬肉釀瓜環同埋手工安格斯芝心牛丸。呢幾款餃都係高水準嘅表現，但安格斯芝心牛丸實在令人大為驚喜。安格斯牛嘅質素相信係毋庸置疑，再加埋濃郁嘅芝士，呢粒牛丸真係非常邪惡啊！🤩而呢個海鮮拼盤就有半隻龍蝦、象拔蚌、大蝦、刀背同埋廣島蠔。每款都大過隻手咁濟😱，真係齋望都已經垂涎三尺。每款都鮮味十足，超高質！打邊爐點可以少得牛肉，呢個手切安格斯Prime Grade牛頸脊肥牛片塊塊都唔薄，睇佢啲紋理都知肥膏好少，入口牛味十足，好正！😍呢個拼盤就有即炸響鈴，即炸魚皮同埋墨魚膠釀油炸鬼。呢個墨魚膠釀油炸鬼非常之有創意，估唔到打邊爐食油炸鬼有咁好嘅效果。魚皮同響鈴都又長又厚，冇得頂！最後仲有呢個手打魚麵。麵質又粗又彈牙，好飽肚！

近排天氣又涼返啲，呢啲時候就會好想打邊爐，所以就約朋友去試木桶邊爐。木桶側邊有幾個洞口，店員話飲湯可以喺洞口位畢，因為佢可以過濾雜質同埋油份。畢出黎嘅湯真係會特別清，而我地揀既花膠螺頭藥膳雞鍋既湯底非常鮮甜，我同朋友都飲咗成幾碗。湯底有成大半隻雞，可以叫店員幫手拎出黎再斬件，食得方便啲。雞既肉質竟然一啲都唔會鞋，非常嫩滑，可以見到即使係湯底既配料都絕對唔會馬虎。套餐會包一份肉類，牛魔王既我地梗係揀手切安格斯Prime Grdae牛頸脊肥牛片，牛味好重好好味！套餐仲包埋手打丸、餃子、即炸響鈴同魚皮，最中意墨魚丸同芝心牛丸，唔知係咪因爲係手打既關係，真係特別彈牙！仲有好多火鍋配料同蔬菜可以任嗌，啲菜好新鮮，而且仲有我最中意既蕃薯苗。任嗌既肥牛唔會比套餐入面既牛頸脊肥牛片差，所以我地都係咁encore！值得一提既係，白酒同紅酒有得任飲！本身準備埋單走，點知原來仲有甜品包埋，真係好抵食

星期五晚約左個臨時係旺角既飯局，周圍打電話都無位🤷🏽‍♀️撳撳下見到呢間就膽粗粗試下，上到去又未齊人諗住周圍行下先再返轉頭，點知佢地好好咁主動招呼我地，俾我地坐住等又問我地想飲嘜👍🏼佢既紅酒、白酒同啤酒都係任飲我地揀左個海鮮套餐就再無加過野，超級大份絕對係會食唔哂！湯底我地揀左胡椒豬肚湯，夠哂暖笠笠！加上個好特別既木桶感覺上無咁熱氣。而佢既海鮮拼盤好新鮮，最抵讚係碟牛肉好靚！就算嗌免費個款牛肉都一樣咁得！不過今次太倉卒無用到係openrice 既優惠，如果唔係仲抵食！

冬天最岩就係打邊爐，橫浜街場絕對係一個好選擇。佢既環境好舒服，我坐既位係窗口位，可以同朋友好好聚餐。一坐低，店員就拎左前菜比我地，超級貼心，可以一邊食一邊諗食咩好。我同朋友揀左人參藥膳烏雞鍋套餐，呢個餐仲跟埋紅酒同白酒，呢個白酒係來自法國既得獎白酒！藥膳火鍋黎啦！！！一打開蓋就可以聞香濃既藥材味，冬天食呢個煲真係好岩，可以補身。我地揀左蒙古羊肉做肉既主食，好少見到打邊爐有羊肉揀，抵贊！啲配菜好豐富啊，有高質既手打丸，同出面普通既打邊爐完全係唔同層次，呢度絕對係高級既享受！除左配菜之外，仲有好多火鍋配料都係任點既！值得一提既係，佢既煲係用杉木黎做，雙層設計，入面仲放左石頭可以過濾湯既油份，成煲湯飲落好清甜。店員既態度超級好，時不時會主動幫我地加湯同埋換碟，真係好貼心！當火鍋煲到咁上下時，店員會將裡面既雞拎出黎再切件比我地食，好細心，同埋咁樣就唔怕啲肉會太老，可以保持佢嫩滑既口感食完火鍋，估唔到仲有甜品啊，好surprise,呢個奶凍奶香味濃，好好味！呢餐火鍋真係我食過最好味既火鍋，下次要同朋友試埋海鮮鍋先得！

第一次跟朋友一起上来。之前从来都是喜欢在家里面自己做，又辛苦，吃得又不是特别好。今天，特意挑了药膳汤底。吃饱喝足，感觉元气满满。下次来，想要尝试一下晚市的海鲜火锅套餐，冬天养生首选。

近排天氣轉涼最好梗係打邊爐啦😎打邊爐又驚熱氣，朋友就介紹左呢間藥膳火鍋。呢間火鍋賣點係木桶火鍋，杉木既木桶話係可以‘吾上火’，講到咁好梗係要試下啦！😆😆環境都ok 喎😍有幾款晚市藥膳火鍋套餐,我地就點左聽落最吸引既花膠螺頭藥膳雞鍋（$298）個套餐本身包左幾樣野，除左半隻雞，仲有手工餃同丸各4款、即炸魚皮同響鈴同埋一碟牛，另外仲可免費追加野食同飲品。先講個湯底，係擺任何野食之前，個侍應會幫你係木桶既隆bug湯，因為木桶底部擺左石樁，係d隆出黎既湯係飛左油，所以d湯係勁清，飲落係超鮮甜，比起一般藥膳火鍋既湯底更加出色，值得一讚！😋😋野食都幾高質，個人最鐘意個4款手工丸，真材實料，各有特色，我最鍾意既一款係蝦乾墨魚丸😍食落好惹味。另外仲有一個芝心牛丸都幾好食😋仲有魚皮、響鈴同油炸鬼😍😍其實細食既話食套餐既野都好夠，但見佢免費追加都幾多選擇（雖然免費加既係普通邊爐既配菜），但我地都追加左d菜同少少丸。最後要讚既係服務，店員好nice同有禮貌呀！又會主動幫你切雞、加湯、加野飲、調較火鍋既火候，咁貼心既服務加晒分👍🏻👍🏻👍🏻

尋晚去左食試木桶藥煲鍋《Openrice Book 7半前離座有8折》其實我係去到先知係「任飲任食」既，揀左最普通既$298木桶藥膳雞鍋（$388 係海鮮套餐）。食法：打邊爐之前飲左湯先，個湯幾好飲會有人黎幫你斬雞，唔使自己處理套餐既牛、響鈴、鵝腸都好好食其他都係一般打邊爐既水準 好食但唔會係好出色

原來$168任食，限左3款湯底，咁只好選擇佢其中兩款，冬瓜卜卜蜆，同埋雞煲( 因為有朋友唔食辣，所以雞煲叫左唔辣，本身冇唔辣，但廚房都就我地整)我地落單時講左選擇$168任食，但老闆唔知係撞聾定係有心，幫我地落左$388套餐。如果我地選$388，就唔洗特登三個湯底選兩個啦…但由於之後食物黎左，算數，照食。雞煲只係正常貨色，冇特別，而另一個卜卜蜆煲都係普通味道，冇特別。海鮮係值得一讚既，新鮮，鮮甜，可惜係人頭上。呢款牛肉都係人頭上，呢款牛肉幾好味，但之後再加果D只係平價貨，完全唔好食。呢個都要讚，新鮮炸起，好香口，唔錯佢既餃類都唔錯，唔hea既，讚手打丸正常。蟹棒唔係Cheap貨，唔會散開，其他丸都係正常。合格。菜類都新鮮，洗得干淨。呢個就……菜類選擇多，欣賞。烏冬，都係選用稻庭烏冬 讚仲有其他收費類。我地冇叫。期間，問老闆有冇唔凍既飲品，佢話得烏龍茶係唔凍(張飲品紙冇烏龍茶)，老闆話係lunch先有，但照拎比我地，我地9個人，要9罐烏龍茶，佢一路比一路表現極不情願，仲串我地話：咁夜飲咁多茶，小心訓唔著呀！講真，飲品紙冇既，你唔比我都吹你唔脹，但比到咁唔情願，點解又要拎出黎比我地？？我

旺角不嬲都多好野食，今日又發現多一間一入到去，環境好舒服，好闊落，成日都怕坐低邊爐成枱好full,無位咁，尼到完全唔會主要有兩款，今次揀左養生湯底，嘩！超級足料，有花膠有龍眼肉有蔘等等一滾，staff勁細心過尼舀湯俾我地飲啲湯勁清勁入味（打打下我地都舀左幾碗飲，好正！）跟住上啲野食，全部都好靚，精緻（特別見到碟牛真係心心眼😍！）個牛食落去有口感同埋真係食得出係好野 完全唔係平時啲肥牛尼到啲丸同餃都好特別尼個有瑤柱料係入面架！尼個係芝心！初頭無為意，變左食果下真係好surprise 打到中間，staff都好細心過尼提我地差唔多可以叫佢地幫手攞隻雞上尼食兩個人有半隻雞，佢地好好咁切埋，變左好方便，完全估唔到咁滑咁香呀啲雞！其實就咁個set都已經好夠食喇，後口痕叫左啲野最後仲送左甜品超級滿意！計劃緊團年飯去尼間食添呀

今次同我先生去咗位於旺角 一 間樓上舖叫做(橫浜街場 ) 係一間火鍋 專門店 ，佢嘅特色就係用一個木桶嚟打火鍋，因特別所以試下啦 ，一入門口 服務員已經好熱誠咁招待; 地方雖然唔係太大 但係坐落去都好舒適！我哋點咗一個 {韓式宮廷藥膳雞鍋湯底 }套餐,這個套餐包括 一啲靚嘅牛肉、仲有手打猪肉丸;牛肉丸等！特色響鈴;炸鱼皮。另外仲有數十款火鍋配料 飲料亦有十多款， 另外有一隻韓國Fitz啤酒 ,紅酒白葡萄酒都係任飲 ，好快服務員捧上一個木桶 鍋 裏面有我選嘅 藥膳湯底 另外仲有半隻雞，原 來呢個木桶嘅特別之處呢 係入面 加咗石春，桶内中間旁邊開咗幾個小孔，當滾嘅時候啲湯經過石春過濾再又小孔流出， 這樣會令到啲湯更加清甜 和減少油膩，牛肉入口即溶，手打肉丸亦都非常之彈牙，其他配料亦都好新鮮， 我哋加脆鯇腩、 吊片、墨魚丸、 雞仔、 樣樣都唔錯 值得再嚟一次。

天氣開始轉涼，想打邊爐，但又驚又肥又熱氣，上網睇評價話呢間提倡用杉木木桶火煱，對人體有益就試下，兩個人叫咗晚市海鮮火鍋套餐，任食2粒半鐘，湯底叫咗花膠螺頭雞鍋，估唔到又幾足料，大大舊花膠加半隻雞，湯味濃郁雞滾咗大約45mins岀曬味後，店員細心幫你拎入廚房剪，仲幾嫩同入曬湯味👍🏼係等待湯滾中，可以從木桶個兩個小孔盛湯飲，咁樣可以有助隔除油分同雜質，對脾胃好d☺️套餐有固定主菜，各人海鮮有龍蝦半隻，象拔蚌，大蝦，刀貝，3L廣島蠔，等等，店員話所有海鮮都係新鮮，有幾多個booking 先會即日預留幾多🤩龍蝦🦞大大隻以上都係套餐包括的，有唔同嘅手打丸😋彈牙好食兩個人就有一份肉類，我地揀咗手切安格斯牛頸脊肥牛片🤩靚牛最估唔到係，任飲方面除咗可樂汽水外，竟然紅白酒都任飲，夠曬氣氛以上食物都係可以無限追加，款式多又新鮮，追加牛有美國肥牛，都絕對係靚嘅肥牛💯 大大件厚花膠都任食，夠曬補多人約嘅可以包佢一間房自己玩😇順便讚一讚，店員每一樣野都會細心講解，真係💯服務雖然係貴岀面打邊爐少少，但為咗食得開心又健康真係抵曬，食物質素同服務真係超岀期待🥰