柳氏家 (Closed)

知道開咗好耐，一直想試！今晚終於兩家人齊齊試，早兩星期book位，但因為星期日只有六點鐘，無所謂啦！反正平時屋企都係咁上下時間食！因為半自助，而且只係唔同味嘅炒雞，所以好快落咗order...之後我地就出去攞嘢飲同小食！小食已經唔係食好多，但成盤雞送到嚟，一路食，食極都仲有，最後大家放棄了，真係食唔哂！我地懷疑有無邊枱可以又食小食又食得哂呢。。。最埋單，有兩位長者，平咗少少，仲要一行七個抱住個肚走。。。大滿足呀！

希望愈大失望愈大?!好彩有預先卜位，要我排好耐隊食呢間野既話，真係會頹爆。午市90分鐘$138@1加1(可以無限追加炒雞)主菜我嗌左味噌蜜糖炒雞，有主角雞肉，仲有年糕，洋蔥，同薯仔片，由於係蜜糖味，所以同平時見開既炒雞唔同樣，唔係紅噹噹既，總係覺得佢未熟🙊，咁當然其實係熟既。啲雞肉都ok既，夠嫩，唔會好鞋，年糕又夠淋，可惜唔夠味(年糕有兩隻味，原味同紫薯味，紫薯味岩做甜品多啲🙊)。另外可以加$30芝士，放喺爐邊，呢款芝士係牽絲好勁，但真係無咩味…凍左仲會瓊埋一舊，認真麻麻。主菜食完後可以加芝士炒飯或者韓式拉麵，我地揀左麵，呢個真係好差😵啲麵勁乾，無配料齋食真係好dry,我仲食到有一啖好似未散既湯粉，咸到呢…好差!!到任食配菜喇!我最欣賞啲炸雞，有兩款味，甜辣同芥末味，兩款都好食，因為受歡迎，所以成日refill，保持到熱辣辣，不過就算放凍左都唔難食，甜辣味上仲有啲花生粒，好香口👍至於同樣都係炸物既八瓜魚呢，佢係足料既，唔多粉，但偏咸。配菜有個年糕，好硬，無必要試，因為主菜都有年糕。至於其他配菜就唔細講喇，無咩特別。啲野食都唔會辣，包括泡菜。有個好差好差既點一定要提，就係甜品❕四款蛋糕都

一直有follow 柳氏家，由新開業至今，好想去食，但每次 lunch 同 dinner 都非常多人，難得今個星期放平日，有見到韓國社長剛剛到店探訪，食物水準一定唔錯，所以決心要去一嘗！不過，既然放假，就當然冇為爭食飯鐘數，我揀了一點幾到，等大約幾張二人台，比我想像的快，又不太辛苦。今次試小辣 - 烤肉味炒雞，60mins，炒飯，走年糕 (因為最近食滯咗，下次一定食無限 +年糕😋) 比我預期的好食，亦好飽，因為有好多餐前小食任取，最喜歡炆牛肋骨，好入味，另外，有至愛的泡菜，黃蘿白，生蒜任取，食品至愛韓國錫蘭檸茶，蕃石榴汁，其實，有提供很多飲品選擇，有熱飲( 推介柚子綠茶，不太甜)，仲有蛋糕甜品。P.S. 特别注意: 有雪糕的，因為在蛋糕櫃右面雪櫃(雪櫃不透明，仲有人守住，所以好容易錯過)食物好，環境衛生好，下次帶埋老豆食。

係沙田剛開張半個月既柳氐家，已經見到好多網媒報導。今日約友人去食佢地晚餐，只見門口大排長龍，真係好HK style! 不過我都係會照等🤣▫️韓國既韓式炒雞🐔已經輕左一段好長時間, 其實依間舖有咩咁特別？答案:就係HKD 198任飲任食，再有30款菜式係自助區，例如：炆牛肋骨🐃，炒粉絲，炸雞，等，而且成個炒煮過程都有專人負責，你只需等睇表演，擘大個口等食😋😋▫️Order左個柳氐家辣炒雞，想食好啲加＄40有海鮮，再加$30加爐邊芝士，加加下成個鍋既直徑長過把間尺😂😂😂😂

係香港成日都見到韓式炸雞烤雞韓燒等等，韓式炒雞真係好少見。約埋幾個fds夾晒時間去試下掂唔掂先。聽講炭烤辣雞好食，就試佢先，再加碼一客芝士。係等食之際，食下我最鍾意嘅前菜泡菜魚干青瓜，好食！仲有熟食唔同口味嘅炸雞。上菜喇，有staff幫埋炒雞，入面仲有三隻味嘅韓式年糕條，另外加埋一大堆芝士，溶左嘅芝士加埋辣炒雞一齊食，正丫！仲有個韓式炒麵，重點係真係有Oppa幫你炒埋！哈哈各位韓迷可以去朝聖下。食左兩三round已經飽到嘔咁濟。野飲方面都算多款選擇，可以試下有果汁類飲品！最後最後一定要食埋個雪糕！本來想食哈蜜瓜味但冇晒，轉食綠茶都好味！

最近廣告賣得好行 又近屋企附近😎決定星期日午餐去呢度食！建議大家walkin趕唔切12點開店食就要download 新城市個app 拎到籌先✨拎左籌既關係 去到等左15分鐘 1點左右就入得去🤓Lunch有60同90分鐘揀雖然90分鐘有得無限追加雞 飯 麵但係我覺得都唔會食得太多 同埋都好唔抵食 所以就揀左60分鐘既lunch😋 ✨60分鐘LUNCH係明智既選擇✨入去前 就會叫你揀食咩味雞 炭烤味辣炒雞🌶🌶🌶柳氏家辣炒雞🌶🌶烤肉味炒雞🌶味噌蜜糖炒雞雖然唔係好食得辣 但最吸引我既都係柳氏家辣炒雞🤘🏻 冇追加任何既小食 芝士如果加埋芝士 我諗應該食左頭幾啖已經食唔落了🙁等炒雞熟左期間 可以去拎下野飲同小食😋大部分既小食 我本身都已經好中意食😍甜酸炸雞 蜜糖芥末炸雞 炒五花肉 炒粉絲 牛肋骨 炒年糕 炸魷魚😋😋 仲有大醬湯同海帶湯 不過冇飲到🙁推介 牛肋骨 蜜糖芥末炸雞 都係好好食✨✨仲有泡菜 生菜 大蒜 豆瓣醬 包雞肉食真係好正！😍炒雞熟左 店員就會問你想炒埋啲飯定係食咁啲先 當然食左小小試下係點先☺️其實唔係好辣 不過就真係好熱！😂啲雞既分量都算適中 之後就加埋啲飯落去炒 好好食✨甜品方面

韓式餐廳在香港愈開愈多，但論到辣炒雞，這間柳氏家還是香港的第一間，難怪又引起一股排隊潮！ 餐廳於十二點正開業，假日時間十一點四十正分到達，已見門外有不少人排隊中，而拿號碼票時，店員已告知我不能於第一輪入座。 預料要等候頗長時間，所以我先周圍閒逛，並買些小食墊墊胃。到了兩點多，終於可以入座，午市套餐可選60分鐘享用一份辣炒雞加任食熟食，飲品甜品， 或是90分鐘任食，而90分鐘則可無限添加辣炒雞。 由於已吃了些小食，所以今冷只選了60分鐘的。 柳氏家辣炒雞 $88 雞肉一開始是生的，但店員會幫你炒熟食物。在這期間，你可以先到熟食區拿你想要的食物。 食物種類都頗豐富，有兩款韓式炸雞，炒年糕，炒粉絲，炆牛肋骨，辣炒豬腩肉，和式韓式前菜，飲品，還有甜品。 前菜種類有不少，有泡菜，醃蘿蔔，芝麻魷魚等，更有生菜，可以包著辣炒雞吃，減低油膩感。而熟食方面，炸雞熱辣辣，表皮還是脆的，雖然肉質不夠嫩滑，但以任食來說，質素是可以的。 年糕質感頗煙韌，不錯。而辣炒豬腩肉，炒粉絲和牛肋骨等的味道需不算好吃，但是對得起這個價錢！ 炒熟了的樣子就是這樣。 我加了$30 爐邊芝士，芝士分量很多而且芝士味是討喜的，不是

晏晝上去直接book 夜晚， 6點食！再晏d 上去真係唔知等到幾時！味道可以，但偏咸，旁邊熱食款式唔夠多，但味道都ok 好味！最正有韓國oppa幫我炒雞...哈哈

＄88任食韓式鐵板雞午餐🐔🇰🇷有三款鐵板雞選擇味增蜜糖炒雞🍯柳氏家辣炒雞🌶炭烤味辣炒雞🌶仲可以選擇炒飯/韓國拉麵🍲加＄30仲可以升級野味芝士🧀除此之外各款韓式菜式和炸雞都可以無限任食👍🏻👍🏻👍🏻仲有甜品添🙆🏻🙆🏻🙆🏻今次朋友因為食得辣🌶所以試咗味增蜜糖炒雞🍯🐔本身以為冇咩味 但食落甜甜地 好好食😋 雞柳好嫩滑食落仲有驚喜 有啲好似用年糕包住嘅番薯🍠煙煙韌韌 好得意🤓鐵板雞分量好多 抵食👍🏻不過任食嘅韓式食品就唔算太吸引😰味道唔算話太好食 只有個抄粉絲好食少少個人認為甜品方面真係唔好食👎🏻蛋糕真係好假 特別係士多啤梨蛋糕🍓🍰睇落好似加左好多色素咁 😫不過我覺得＄88有咁多選擇 而且份量十足飲品又無限添飲 🍹🍸已經好抵👍🏻👍🏻包你食到捧住個肚走😉

報紙雜誌吹到行，難得去左沙田，梗係要試下炒辣雞啦！一早都估到多人架啦，所以都特登早d去攞位！六點鬆dd過到去，可以直入！但好似六點食又早得濟食...所以決定行多陣先再返黎！六點半到再返返去已經有好多人等緊位了..等左半個鍾終於入得去！未入去就要揀定要咩，我地就揀左剩炒辣雞！野食未到可以出去夾左d小食食下，款都幾多，大推炸雞！！味道幾似韓國食個d架！仲好貼心有燈哂住添！主角出場！味道香香甜甜，又帶辣辣地咁，食唔停口！話就話叫任點任食，我二個人食其實食一盤都好飽...埋單四百幾...感覺出去其他食店食仲抵！

曾經打過電話去booking，已經話冇位，想問多句walk in得唔得就cut佐我線，講真我知近期肯定好多人打黎，但做得接線生咁冇禮貌都算少見，呢度真係希望佢改善下。咁既然冇得book，咪walk in去啦，友人話要7點半先黎到，但我6點左右已經到達，問佐服務生佢話6點半後黎睇睇再決定，咁只好行一陣商場啦。大約6點半再來到，都開始多人，咁去佐拎飛，要求坐唔係炒完送上菜既位，服務員話最快都要7:30，冇所謂啦，友人都未到，到7點個陣已經話有位，打電話俾友人話就到，咁就入定去啦，上網望過話要炒雞都要成20分鐘。未入去前，服務員叫我揀定要邊款雞，加唔加其他野，最後我揀佐招牌辣炒雞同加佐芝士，海鮮就冇加到啦，選擇好似好少，係要飯定麵度，揀佐食麵。坐佐係位度就出去拎小食同飲品啦，講番小食先，泡茶真係麻麻地，酸味過重；炸雞有兩款，味道唔錯；炸魷魚圈麵幾好食；至於炒豬似同牛肉都味道唔錯，係個牛仔骨好似冇咩味道；至於兩個湯我覺得一般，至於飲品呢，有好多種選擇，有幾種出面唔多常見既。講番今日既重點-炒雞，上到黎一個圓形既鑊，擺滿勁多配菜，中間有炒雞，同埋上佐個麵底，原來係服務員幫你炒既，佢炒炒下就拎起一

韓國柳氏家辣炒雞終於開到黎香港喇😆最平$88就食到😆 除左炒雞 仲有任飲任食自助美食區 不過都幾多人排隊😂----------鐵板炒雞有4款 柳氏家辣炒雞 炭烤味辣炒雞 烤肉味炒雞 味噌蜜糖炒雞 港🐷就揀左柳氏家辣炒雞 辣度可接受 但唔食得辣嘅就建議唔好試😂 雞都幾滑 份量多之餘最重要係可以無限refill 又有店員炒😬 仲有原味、芝士同蕃薯味嘅年糕😆-自助bar小食種類雖然唔算多 但樣樣都好食 仲有炸雞炸魷魚😍 韓國飲品雪糕種類都好多 食到2個胃都飽哂😋-價錢方面 根據時間同食物內容 有唔同價錢嫁😋1️⃣ 60 分鐘午市套餐 招牌鐵板炒雞: $88/位 ( 加$30可享用海鮮 )- 可享用鐵板炒雞或/及海鮮一次
- 無限次享用自助美食區 2️⃣ 90 分鐘午市套餐 招牌鐵板炒雞: $138/位 ( 加$40可享用海鮮 )- 無限追加鐵板炒雞或/及海鮮
- 無限次享用自助美食區 3️⃣ 90 分鐘晚市套餐 招牌鐵板炒雞: $198/位 ( 加$40可享用海鮮 )- 無限追加鐵板炒雞或/及海鮮
- 無限次享用自助美食區(另收加一)

惡劣服務，完全唔似係Mou Mouclub 同牛角集團出品！ 牛角，mou mou club 同壽司大好好，食物和服務都一流！但新開呢間柳氏家實在令人好失望！食物還可以，但雪糕不合格，店員送上的雪糕全溶，跟本唔敢食，自助食品如炸雞，比主菜鐵板雞好味好多倍，主菜不夠味，也不夠熱；無煙區跟本唔係係客人面前炒，之前店員亦冇話比客人知道，公司有所謂指引話叫員工入座前告訴客人，但員工冇做，管理層欠缺監督，等如欺騙消費者。隔離擡兩個女仔話想加年糕，唔要雞，因為食唔哂唔想浪費食物，侍應話唔可以，廚房話唔得，一定要成盤連雞連年糕炒出黎，食唔哂就算！嘩！鼓勵人地浪費食物！離哂大譜！好啦人地為左年糕，接受侍應提議要埋雞，廚房又炒錯雞，唔係人地食緊個種，仲話冇得換，因為廚房22:15已經收左爐！！！！侍應員工完全生手，冇足夠訓練就出樓面，唔該管理層檢討一下，唔好敗壞集團一向建立的良好名聲！

平日午市都等左個幾兩個鐘，由午市等到下午茶。如果真係好得閒 可以試下等 。雖然味道與韓國的相似，但雞不嫩，魷魚好老，兩個人仲需要選擇同一款。所有野都係廚房一早預先炒完拎黎 不像韓國由生煮到熟 個兩個炒捧 基本上都係裝飾。選擇了一個半小時任食，實質食完一次 只能夠加到一次， 因為他們上菜時間很慢，重加的第2次 基本都已1.5小時出面熟食任食 基本上都是搶 ，很快沒有 而且重加得很慢甜品款不多，最差是雪糕，唔夠凍，基本是半融的

近日太多廣告熱賣呢間小店，今日小妹同朋友一齊試，結果係好難食**同韓國果間柳氏家差太遠。排隊耐，1點半等候，5點幾先有位，晚餐收費$198一位。午餐$138一位沒有了食貴了。我地好期待食，貴d都入坐。失望等得耐又難食1）芝士太少只有墊底咁多，未食已經燶晒，完全唔係果回事，冇下次！！！2）送溶岩雪糕（任添），雪糕好似乳酪咁，千祈唔好去食！！！3）雞冇雞味，食洛去好油4）小食的炸魷魚， 炸得好燶，黑色的5）接代安排不足，冇說明等候時間。要4小時既上等候，請你地耐心等候，仲有下午食飯要晚餐收費，宜家晚餐收費$198／$238係香港食冇下次難食。如果各位想食去韓國食啦，真心正好味