吉田日式烏冬專門店 (Closed)

本人從來唔寫食評,但今次真是忍不住,一定要稱讚這間店舖的燒牛肉定食,這定食份量適中,不油膩,把牛肉連同蔥的香味一齊放進口裡,真的好味非常,如果不連蔥吃,牛肉本身也很新鮮.而白飯亦香滑軟熟,午餐都能有同如此水準,証明廚師絕係用心事的人..一份只賣$38元的午餐也用足心機,值得讚揚

中午一時進店，入面很少人，我們兩口子打算食一個快餐，諗住入面咁少人，應該快。坐下了，有人遞茶，侍應很有禮貌，這還真不錯。只是時間一秒一秒過，鋪頭很快坐滿人，由一兩枱人變坐滿晒。我們開始心急，因為怕要等很久才等到食物，我到的時候時吉吉地嘛，唔應該耐的。最後，離點菜到餸菜上枱大概等了十至十五分鐘，比預期慢很多，我唔可以想像如果我係最後一枱人坐下，要等多久才等到簡單的午餐。講番食物，我點了壽司餐，包三文魚兩件，立魚, 魷魚, 熟蝦, 蟹肉棒，鱆紅魚及吉列蝦。心想，雖然唔係好多壽司，但都幾抵食喎，兩件壽司出面食都十幾廿蚊啦，咁呢度8件壽司加野飲，都係38蚊，一於食呢個啦！一見到我個餐，即刻禁不住扁咀，不是說不抵食，只是壽司都好似發育不良咁。我諗係我諗多左，其實邊有可能抵食夾大件！咁樣計起上黎，我覺得呢個餐係叫做正常價啦！因為我真係好耐冇食過咁細份量既壽司喇！佢每件壽都細過隻細豉油碟，同包糖差唔多size，食完真係好似冇食咁架！但，因為我之前已食了野，仲ok，如果肚餓，真係唔知點好！再點又唔知幾時黎！新鮮程度，絶對係普通，冇一樣係我覺得好食，當然又唔至於難食。杯餐茶反而大大杯，好襟飲！不過凍飲要

我們諗住行到邊就食到邊，於是就來到這裏，因為時間已晚，裏面人客不多。坐下後，有一邊座位是靠牆，比較不舒服。除了原有的餐牌外，還有頁手寫的餐牌，這都比較特別。其中三元一件壽司就是在此，當然款式不多了。我們要了兩碗湯麵和一個炒烏冬，湯麵的湯嫌太少，有點不夠喉。炒烏冬都可以，是鴨胸雜菌炒烏冬。驚喜的是鐵板炒蜆，是小辣，十分惹味，沒有選錯。比較失望是吉列炸蚝，我吃的那個的脆皮實在太原，可能有一厘米厚，是我吃過的最厚的了。整體都可以，印象不太差，都會有下次。不過要付現金，沒有VISA。

今日下午返工前...見有d餓...諗住去食個烏冬啦~入座個時2:2x分左右啦咁坐底店員...就俾左個set lunch menu我...但係d野唔o岩我食...所以我就係menu揀左個吉豬烏冬...叫完野...有個staff行埋黎~同我講有汽水送...咁我照要左罐裝可樂...當我開左黎飲之後...個staff就行埋黎同我講...我叫個唔係餐喎...要加10蚊...仲要我睇返張單...佢同我2:27分入單...2:30有下午茶...一樣野既食包埋可樂都係...29蚊...我而家前後要俾45+10蚊...=55蚊...我唔係介意個幾十蚊...我無睇menu...無叫下午茶...係我問題....但係一定唔可能係你個staff走過黎同我講送野飲...之後又要收返我$$$我都無氣同佢地去講..亦都唔會為左幾十蚊同佢地大吵大鬧只係同個收銀既女仕講左...希望佢地d staff留意返自己個menu...同埋我一定唔會再去...老實講...呢間所謂既烏冬專門店...無咩特別...如果老闆你機會睇到既話...我希望你可以加強員工既培訓~~

其實我就住係附近, 見哩間野都開左一排但因為價錢又唔係特別平又要加一所以一直都冇去食最近見佢出左個下午茶餐, $28就有一碗湯烏冬+2隻煎餃子+1罐汽水 or 一個炒烏冬+1罐汽水唔洗加一 咁抵食就入去試下我要左一個金菇肥牛湯烏冬, 地獄湯唔算好大碗, 岩岩好夠食配料有: 糖心蛋半隻, 蘿蔔兩片, 粟米, 紫菜, 芽菜 etcd金菇同肥牛都唔算少烏冬都ok 煎餃子就有d 炸到太硬(我覺得佢係炸唔係煎XD)overall好滿意, 唔洗等好耐就有得食同埋$28真係抵 下午茶就一定會再去, 但係晚餐ge就要再諗諗

師傅都有好耐冇同師妹去玩, 於是即興地攪左個室內活動, 但由於師傅都好遲先可以離開監房, 所以晚飯就唯有各自各精彩! 是夜師傅個肚已經嘈到連深圳都聽到, 可惜又諗唔到食咩好, 最後師傅忽然醒起呢度新開左間食店, 就決定黎試一試!兩個人去到食店前望左一陣, 點解會無啦啦一個變兩個? 係因為師妹一早食飽, 冇咩野做就陪師傅一齊去坐一坐; 企於門前望左一陣,最後還是鼓起勇氣就行左入食店, 一坐底就第一時間睇下有咩好食啦, 話晒呢間食店打正旗號食烏冬, 所以冇理由唔食, 諗左一陣師傅就決定柯打一碗芝士吉列豬扒湯烏冬, 再加多客菜肉煎餃子, 而師妹就揀左鹽燒牛舌!落完單, 都要等左好耐先有得食, 好明顯真係即叫即整喎; 望穿秋水終於有得食喇, 率先登場嘅係芝士吉列豬扒湯烏冬, 芝士吉列豬扒係同烏冬係分開上, 但芝士吉列豬扒就比較有趣, 因為只係將一片薄薄的芝士放於一塊剛炸好嘅吉列豬扒上, 感覺有點奇怪; 師傅第一時間當然係試下個烏冬啦, 先試湯底, 多款湯底任君選擇, 是次師傅就揀左地獄湯底, 湯底入口係微微的辣, 談不上甚麼地獄, 唔惹味, 加上有味精仲偏咸, 一般!而烏冬內配料都唔少, 有蘿

難食 晒錢 晒時間 笑爆咀上個星期，個同事 suggest 不如試下間新0既烏冬店，是但啦，咪試下羅，點知就出事喇。睇完個 menu 已心知不妙喇 - 0的英文翻譯好似0係 engrish.com 都搵出0黎咁，真係笑爆咀。都冇聽過食烏冬會用「拉麵」湯，instead of 烏冬湯。算。同事要豬骨湯，就好的似即食麵湯包勁加水溝淡 - 淡而冇味。清湯就係清水加味精同油。我個雜菌烏冬0的雜菌唔知點解係林 jee jee 同係苦0既，連平時應該係甜0既蘿白都係苦0既。唔知係唔系係0的人新，勁錯 order 不止，又慢，搞到我0地成1:20pm先食完返 office。**「震」店之寶**Qing clams 清朝煮蜆Japanese-style fried bacteria 日式炒病菌Udon soup burn salt mackerel 烏冬湯一碗附送燒焦了的鯖魚Minced Chicken Juice Burning String 原隻雞用搞伴機血肉骨模糊打成糊，在用0黎燒繩子Garlic 1 beef 大蒜。1。牛。Salt burning tongue 被鹽燒傷的舌頭 Pu burn

由於明天是母親節,相信很多地方都會很多人...所以只打算在家附近找些普通食店...本來我想到合一咖啡屋試試,可惜全晚full house,沒有訂位最快都要9時半才有位...那當然不等啦~最後來了這間新開的烏冬店....雖然裝修似茶餐廳,幸好味道也不錯,烏冬也算有咬口,起碼我和吳爸爸覺得它比我們上次吃的自家烏冬好!這晚我們要了一碗浦燒鰻魚烏冬,一碗芝士吉列豬扒烏冬和一客土佐豆腐,共$123....只是也等了一段時間食物才上來,那時也只是幾檯客,快吃不宜!

有日同朋友路經佐敦,俾我發現咗有間新開烏冬專門店........嘩.......太好喇,我烏冬獵人梗係要試吓啦.........當我同朋友入到去...D裝修好似怪怪哋....人客唔算多,不過就好似迫咗D,我就點咗個鱈塲蚧帶子烏冬+牛舌+炒菜,而我朋友就點咗個招牌烏冬+鯖魚+一口牛肉,等咗大約10分鐘就有野食我個鱈塲蚧帶子份量唔算多,蚧有4條帶子有2粒,但配菜方面就有成8種之多而我朋友個招牌烏冬亦好夠份量...(有青口,鱈塲蚧,獅子狗,肥牛片,豚肉片,鴨胸,叉燒)+埋8種配菜........我梗本就睇唔到個烏冬,怪唔知得叫珍寶啦....讚,當我第一淡食烏冬時,以我多年黎烏冬獵人一食落去就知,呢D就係讚岐烏冬.........good!!!!!!到食小食+串燒時,牛舌好味(不過大塊D就好喇),菜就冇乜突別,而個一口牛都好野味,鯖魚香口(可以再乾身D就好).......呢餐我同朋友都好滿意...........不過要彈一彈就係待應唔夠主動,希望可以改善吓啦!!!!!!!!!!!!!(呢間鋪一定有下次)

第一次係OPENRICE寫食評, 就係為左依間"專門店"其實係上星期左右食, 晚市, 當時入座率都有8成, 但只係得一, 兩檯有野食...成場人都等左好耐, 隔離檯個妹妹已經不停話:"依間野咁慢架!"慢唔緊要, 野食好味就得啦...我份秋刀魚烏冬條魚燒得唔錯, 但個烏冬比噹噹更差...當時仲有好多人冇得食, 店員為左平息大家既怒氣, 佢開始逐一斟茶..點知另外一邊位姨姨大叫問:"點解咁凍, 咁咸架???"原來...佢拎錯D豉油比客人飲!!!!!! 最不滿既係...男友要份什錦海鮮, 位女侍應落錯左...黎錯4次第1次: 什錦天婦羅第2次:鯖魚第3次:牛肉第4次:唔記得咩烏冬忍左4次都錯!!太過份! 有冇用心去聽住客人要咩架?!!??!最後取消唔要....仲要收我加一.............................無下次!!!!!!!!!!!!!!!!!!!!!!!!!!!!

我本身係烏冬迷，有次去完銀行返公司途中看到原本的越南餐廳變了烏冬店~嘩~太好，終於有烏冬店了，等我第二天來試試。我一星期內光顧了3次：星期二、星期三&星期五。第一次(27/4，星期二)大概7成滿，當日老闆係度。看睇meun，價錢可接受，但如果以 Lunch計可能會貴少少。一坐低就有杯燒既麥茶送上，太好了，因為鼻塞既我可以暫時無事~~~本來打算叫蒲燒鰻魚湯烏冬，但店員同我講要等好耐~結果叫左比較快既照燒雞扒醬油湯烏冬($42，未加一)。等既期間店員不時加水~等左20分鐘左右，來了，有糖心蛋、白蘿蔔片、粟米等~雞扒幾嫩，烏冬都彈牙，醬油湯都好鮮~本身大食系，我覺得份量都ok飽~有下次~~第二次(28/4，星期三)今日再接再厲~今日大概8成滿，老闆今次唔係度。是次叫芝士吉列豬扒豬骨湯烏冬($38，未加一)等既期間有客問等左成15~20分鐘點解仲未有，如果未有就打包好。結果3分鐘後上左枱今次等左25~30分鐘左右，勉強接受到。但由於我唔記得分開上，所以豬扒已無咁脆，本來以為係豬扒入面有芝士，但原來只係上面淋小小芝士。相比起尋日，d烏冬已經太"林"&"梅"，豬骨湯較鹹，今日水準低左。第三次(30

1-5-2010放假又瞓到日上三竿, 又搞到近 3:00pm 先食 lunch 是日胃口不大, 天氣又熱, 但身邊人唔食得辣, 唔食酸辣粉住了, 不如試試呢間新店的冷烏冬吧. 2 人各自叫了一客冷烏冬, 再叫 3 款小食 share, 整體印象又不錯喎:-先嚟胡麻醬冷豆腐: 豆腐有點實, 不過食落都夠滑的; 胡麻醬夠晒香濃, 帶點酸, 幾開胃, 配上木魚絲的少少鹹香, 唔算超好食, 但作為餐前小吃都不錯的.主食係柚子冷烏冬: 烏冬呈淡黃色, 食落又的確有好香的柚子味, 質地就滑溜又幾煙韌, slurp 得過癮 麵汁夠凍亦夠味, 完全唔使落 wasabi 已幾好食, 最後輕易清碟, 幾滿意. 朋友胡麻醬冷烏冬, 試了少少覺得烏冬質感一樣煙韌滑口, 配上酸酸香香的胡麻醬, 比「板字頭」迴轉壽司集團的流水作業式同類出品 (http://www.openrice.com/restaurant/commentdetail.htm?commentid=2074886) 好食好好好好好好多, 滿意的.芝士雞翼已去骨, 跟住釀入芝士及碎濕濕疑似燈籠椒, 食落芝士味輕輕的, 有點 "Kra