Video
Read full review
2010-05-26
26 views
師傅都有好耐冇同師妹去玩, 於是即興地攪左個室內活動, 但由於師傅都好遲先可以離開監房, 所以晚飯就唯有各自各精彩! 是夜師傅個肚已經嘈到連深圳都聽到, 可惜又諗唔到食咩好, 最後師傅忽然醒起呢度新開左間食店, 就決定黎試一試!兩個人去到食店前望左一陣, 點解會無啦啦一個變兩個? 係因為師妹一早食飽, 冇咩野做就陪師傅一齊去坐一坐; 企於門前望左一陣,最後還是鼓起勇氣就行左入食店, 一坐底就第一時間睇下有咩好食啦, 話晒呢間食店打正旗號食烏冬, 所以冇理由唔食, 諗左一陣師傅就決定柯打一碗芝士吉列豬扒湯烏冬, 再加多客菜肉煎餃子, 而師妹就揀左鹽燒牛舌!落完單, 都要等左好耐先有得食, 好明顯真係即叫即整喎; 望穿秋水終於有得食喇, 率先登場嘅係芝士吉列豬扒湯烏冬, 芝士吉列豬扒係同烏冬係分開上, 但芝士吉列豬扒就比較有趣, 因為只係將一片薄薄的芝士放於一塊剛炸好嘅吉列豬扒上, 感覺有點奇怪; 師傅第一時間當然係試下個烏冬啦, 先試湯底, 多款湯底任君選擇, 是次師傅就揀左地獄湯底, 湯底入口係微微的辣, 談不上甚麼地獄, 唔惹味, 加上有味精仲偏咸, 一般!而烏冬內配料都唔少, 有蘿
兩個人去到食店前望左一陣, 點解會無啦啦一個變兩個? 係因為師妹一早食飽, 冇咩野做就陪師傅一齊去坐一坐; 企於門前望左一陣,最後還是鼓起勇氣就行左入食店, 一坐底就第一時間睇下有咩好食啦, 話晒呢間食店打正旗號食烏冬, 所以冇理由唔食, 諗左一陣師傅就決定柯打一碗芝士吉列豬扒湯烏冬, 再加多客菜肉煎餃子, 而師妹就揀左鹽燒牛舌!
落完單, 都要等左好耐先有得食, 好明顯真係即叫即整喎; 望穿秋水終於有得食喇, 率先登場嘅係芝士吉列豬扒湯烏冬, 芝士吉列豬扒係同烏冬係分開上, 但芝士吉列豬扒就比較有趣, 因為只係將一片薄薄的芝士放於一塊剛炸好嘅吉列豬扒上, 感覺有點奇怪; 師傅第一時間當然係試下個烏冬啦, 先試湯底, 多款湯底任君選擇, 是次師傅就揀左地獄湯底, 湯底入口係微微的辣, 談不上甚麼地獄, 唔惹味, 加上有味精仲偏咸, 一般!
而烏冬內配料都唔少, 有蘿蔔, 粟米, 海帶同蛋, 先講蘿蔔, 蘿蔔入口一d都唔腍, 但又一d都硬, 雖然冇渣不過就一d都唔甜, 感覺有如食左一樣冇味道嘅食物, 失敗; 粟米份量都幾多, 都幾甜同帶少少爽口, 可以; 而海帶就幾硬, 浸極都唔腍, 麻麻地; 蛋亦普普通通冇咩驚喜; 至於主打烏冬入口爽滑, 而且烏冬質感都幾彈牙, 但由於師傅一向對烏冬冇咩研究, 所以就覺得唔錯; 不過烏冬份量略少, 配料反而仲多, 妹仔大過主人婆!
至於芝士吉列豬扒炸得都幾脆唔油, 而豬扒肉身夠鬆, 但略嫌乾少少, 所以口感驟降; 而豬扒上嘅芝士可以話係畫蛇添足, 皆因芝士發揮唔到芝士應有嘅香味, 反而凍左仲會變硬, 賣相又唔得, 師傅覺得冇好過有; 而鹽燒牛舌一客有兩串, 牛舌燒得唔乾身,入口唔韌而且甚為爽口, 不過就幾油, 雖未至於一試難忘, 但師傅亦覺得可以一試; 菜肉煎餃子一客有四隻, 餃子都煎得甚為香脆, 皮唔會過硬, 而餡料就頗可口, 至少師傅唔覺會反感, 唯一問題又係太多油, 肥膩!
總括黎講食物質素合格, 但並冇驚喜, 環境舒服, 皆因人夠少, 服務態度友善, 價錢一般, 本區黎講未算好平, 三款食物連加一, 埋單一百零三, 師傅覺得抵食度係一般; 同區黎講係冇食店以烏冬為主打, 師傅本來覺得應該會大有作為, 但試過後還是覺得一般, 相信再來機會唔大, 皆因師傅一向對烏冬都係麻麻地, 如果唔係見新開張師傅都未必會黎試食, 笑臉真的好難比呀!
Post
