吉野家

Open Now

Now Closed

買個洋蔥牛肉飯 外賣可以係完全冇比飯 屋企人買返黎先知🙏🏻🙏🏻🙏🏻想知道吉野家啲員工係咪兩蚊搭車哭左 連個飯都冇係想人地點食😅😅😅單食牛肉我自己買唔好？

今日叫左個新推出會員專享嘅鹽燒牛肉井，有三塊薄和牛肉，味道不錯，三塊小黃瓜，少少蔥，個汁做得唔錯，唔會太咸，$65，價錢合理，仲有一小塊青檸檬，但係就冇乜汁，太乾，我覺得如果加多一片牛肉價錢會合理啲

突然好想吃牛肉飯， 就即興去吉野家食晚餐。 原來而家多咗一個玉子鰻魚牛肉丼$58， 鰻魚和牛肉都是我的最愛，所以一定要試下， 然後朋友就決定吃東坡牛肉雙拼飯$55.5、 檸檬茶$3、跟餐麵豉湯。玉子鰻魚牛肉丼～ 牛肉飯依然好味， 再配上滑滑的玉子和肥美的鰻魚， 珍珠米上鋪滿了紫菜， 香噴噴的，美味可口。東坡牛肉雙拼飯～ 東坡肉好似冇以前咁好食， 但整體都可以接受的。檸檬茶～ 味道正常，沒有特別。麵豉湯～ 麵豉湯味道一般般啦！記得以前讀書的時候很喜歡吃吉野家的早餐， 現在都少了很多機會吃， 但間唔中都會掛住這裏的牛肉飯啊！

由於阿媽沒有在九龍灣午飯的時候點「雞類」碟頭飯食品，甚至點原隻或半隻燒味油雞或者白切雞也省掉了，所以我需要在跟隨阿媽阿姨逛「Megabox」的時候，才能在食藥時間來到之前，正式食到午飯。可惜我來到「Megabox」之時，很多餐廳都是變成推出下午茶餐牌，趕不及食午飯的時間。就連「吉野家」最後也變成這樣子的結果，想點同時有雞有牛肉的丼飯也不容易。結果我需要勉強從「吉野家」下午茶餐牌，堆砌出一個有雞、有牛，又有白飯的「下午茶」，補充當一個午餐，趕及在食藥之前有飯可食。「吉野家」下午茶裡面的版本「和風牛肉溫泉玉子蛋飯」，牛肉飯裡面的招牌甜味醬汁不算多，甚至可以說醬汁少得不足夠食完整碗小份量的「和風牛肉飯」。雖然「吉野家」下午茶「和風牛肉飯」裡面仍然有不少肥牛肉和洋蔥，肥牛肉裡面沒有筋，口感不算韌，但是就是欠缺了甜味的醬汁陪襯，令「吉野家」下午茶「和風牛肉飯」感覺打了折扣，只能靠溫泉蛋的甜味去補救。至於「吉野家」下午茶裡面的另一部分「雞肉」，「吉野家」下午茶套餐只能夠選擇去，大約兩串份量的「照燒雞肉串」去代替，兩串「照燒雞肉串」盛惠港幣十元。在「吉野家」下午茶版本「和風牛肉飯」甜味底層醬汁份量不

今日行過megabox， 見好耐都好似未嚟過依頭食飯， 咁就試下吉野家， 其實行開九龍灣呢一頭，多數都會走去食下茶餐廳呀， 又或者去返觀塘食， 因為真係好耐未去個吉野家咁就試下， 其實係咁啱見冇乜人等。咁我自己就叫咗個咖哩牛肉飯 ，其實呢度啲咖哩牛肉飯都唔係話唔好食。但味道就一般，咖哩冇辣味， 始終快餐店都可能唔能夠期望啲乜嘢。 牛肉同飯嘅比例都算可以接受，食完之後都飽到放工，同埋以44蚊嘅價錢有埋杯汽水都OK。 食物尚可接受不過環境我就覺得麻麻地囉。

今日行個吉野家，見有D肚餓， 記得之前申請個app， 佢送咗一啲coupon畀我， 見就嚟expire， 即刻redeem咗個和風牛肉嚟食。 29蚊有埋杯汽水其實都幾抵， 講真一個人食其實都夠嘅， 同埋佢哋啲牛都保持到水準。 有興趣嘅朋友可以一試!

好少去吉野家，今日見到吉野家有芝士雞飯，咁就去試一試，三十幾蚊嘅價錢的確抵食，其實芝士同雞味道還可以，如果再熱少少，令到芝士再溶D，口感会提高好D，同雞fry熟啲，会更加好，Overall, can try again.

岩岩行完樓上嘅IKEA, 又肚餓又腳仔攰，落一層食吉野家無疑係最經濟，最就腳嘅選擇！😂【平日下午茶必定有位坐】平日黎下午茶，位置選擇多，2個人坐4人位，超闊落！至於衛生方面，枱面大致乾淨，冇固體食物殘渣，但有油漬！ 地下有垃圾。不過快餐店衛生質素係差不多咁上下！【質素保證•牛肉飯】下午茶$25細牛一碗，連熱茶一杯，抵食！ 食物質素同平時出品差唔多，無挑剔。 但同一碗牛肉飯嘅洋蔥，有煮到淋曬嘅，亦都有新鮮較爽脆嘅，食得出來自兩兜嘅洋蔥牛肉🤣

黎到食吉野家一定要揀佢個牛肉 因為吉野家d牛肉都幾好食 呢度都算多人要排下隊等位 叫餐到你令餐都算幾快所以lunch食都講得切時間叫咗個牛肉飯加杯可樂正正常常冇話有特別

由中學時代已經幫襯吉野家，這是佢期間出過好多唔同口味嘅飯，我發現食來食去永遠都只係會食一種，就係雞牛雙併飯，因為當時一開始嘅時候已經覺得要選雞或者選牛好難揀，所以覺得雙併最好，我只不過呢個餐就一路食咗10幾年，我覺得佢哋最近嘅雞水準有少少下降，以前係好好味嘅脆皮雞然後啲雞係非常之juicy，然後又覺得好滑，但係最近呢幾次食嘅時候唔知點解個皮都係煎燶左，啲肉亦都冇以前咁多汁同埋有啲鞋，反而牛就一直都水準keep得好好，唯一唔好嘅地方就係佢哋堅持凍檸茶冇得走冰即使同佢哋講過好多次凍飲錢照比，但係叫佢唔好落冰佢哋都堅持唔肯，所以我已經轉左冇再飲凍飲。

今日去吉野家買嘢食，點知比我見到一個好正嘅新優惠啊！🤩就係而家做緊野菜牛肉飯餐只係$32，原價要$42 㗎平左$10🥰呢一個價錢仲已經包埋嘢飲，夠晒抵玩即刻就試吓🤤其實平時帶一個餐係細飯 係啱啱好而家呢一個係大盛就可以食得飽飽啦😋牛肉係一貫吉野家肥牛嘅味道啦加埋牛肉汁其實真係幾惹味嘅呢個價錢其實唔可以有太高嘅要求😣不過我始終覺得佢啲野菜種類唔多只係得青豆白色西蘭花同埋紅蘿蔔而且啲紅蘿蔔雪藏味都幾重🙃即使冧咗汁上去都好仍然係乾爭爭唔好食嘅紅蘿蔔😕😕不過呢一個價錢仍然係窮人恩物，所以就算唔係最好食我都會繼續幫襯😂😂😂😂

放假出左去行街，行完一輪覺得好肚餓，睇睇時間，吉野家既下午茶時間到啦，咁就梗係去醫一醫肚先啦。下午茶好想食烏冬，所以就點左個和風牛肉烏冬，味道一如以往，平平地又抵食👍🏻，下午茶既好選擇。

係Megabox 行左一輪都諗唔到食咩好，突然見到吉野家出左個限定優惠，野菜牛肉飯大盛只係$32，咁又見好耐都無食過，就入左去食。午飯時間其實都好多人食吉野家，再加上有個限定優惠，所以都幾多人排隊食。 最後差唔多排咗十分鐘先買到嘢食，但係買完飛好快就攞到嘢食。$32 一個牛肉飯真係冇得要求太多。牛肉同埋野菜嘅份量尚可接受 ，但係總係覺得吉野家嘅飯比以前細碗咗。 不變嘅係吉野家牛肉嘅味道，配以鬆軟嘅珍珠飯，非常可口。

下午茶好去處就周圍都係但高CP值(又經濟又實惠)就會諗到連鎖店: 今日趁未返工前就去試咗吉野家既下午茶之值 睇落其實都幾多款配搭唐揚手羽配鰹魚昆布米粉配百事/7喜個類汽水都得我就簡咗百事，夾埋都唔過$30。米粉中等份量，無特別配料之中算幾好味~ 雞翼就比其他快餐店出色，總結成個餐算幾高質素，對得住佢價錢又唔失禮。

我去Megabox行街，行完仲要買外賣比家中老幼晚餐，媽咪想食牛肉飯，去到商場，一貫橙色主色裝修，先去落單，攞票去另一邊取食物櫃臺取食物，相距都幾遠，本來媽咪想飲凍檸茶，可惜賣晒（咁簡單嘅飲品都賣晒）簡單叫一個飯就好了和風牛肉飯（$41.5）包裝企理，可以入微波爐，最欣賞餸及飯有間隔分開，就算遲啲食都唔會比啲汁浸淋晒！牛肉今次比較瘦，所以硬咗啲，牛肉汁幾香，撈珍珠米飯好味！店員只接觸了落單收銀員，正正經經無乜特別！爽手快速攞到外賣！速食牛肉飯