吉野家 (MegaBox)

Open Now

Now Closed

下午茶好去處就周圍都係但高CP值(又經濟又實惠)就會諗到連鎖店: 今日趁未返工前就去試咗吉野家既下午茶之值 睇落其實都幾多款配搭唐揚手羽配鰹魚昆布米粉配百事/7喜個類汽水都得我就簡咗百事，夾埋都唔過$30。米粉中等份量，無特別配料之中算幾好味~ 雞翼就比其他快餐店出色，總結成個餐算幾高質素，對得住佢價錢又唔失禮。

我去Megabox行街，行完仲要買外賣比家中老幼晚餐，媽咪想食牛肉飯，去到商場，一貫橙色主色裝修，先去落單，攞票去另一邊取食物櫃臺取食物，相距都幾遠，本來媽咪想飲凍檸茶，可惜賣晒（咁簡單嘅飲品都賣晒）簡單叫一個飯就好了和風牛肉飯（$41.5）包裝企理，可以入微波爐，最欣賞餸及飯有間隔分開，就算遲啲食都唔會比啲汁浸淋晒！牛肉今次比較瘦，所以硬咗啲，牛肉汁幾香，撈珍珠米飯好味！店員只接觸了落單收銀員，正正經經無乜特別！爽手快速攞到外賣！速食牛肉飯

吉野家一人火鍋好抵食，有餸又有粉麵或米飯，包保食得飽👍🏻今次有新款火鍋 推出，又係時候試一試😝珍寶蟹棒一大條，差吾多長過個煲，因為鍾意食蟹柳，所以我地另外再加錢叫多碟蟹柳🤭火鍋配料仲有2粒丸(芝士丸&蟹子丸)、1隻蝦、蔬菜同豆腐等等。而龍蝦湯好濃味，好似龍蝦酥皮湯嘅感覺，不過加完湯後就開始變淡，令到最後落嘅公仔麵變得無咩味道，有點可惜而今次食飯美中不足嘅系，職員態度差。平時想食吉野家打邊爐就會去megabox，因為呢到比較少人容易等位，所以今次都吾例外。但食到最後差吾多晚上9:40時，就有個職員用較惡劣嘅語氣走過黎邊行邊講：「唔該食快少少」，講完後亦都繼續向前行離開了。當時全店只有6-7枱客人，還有很多空位置，所以我們估計應該系就快關門而過黎吹我地快啲走😵我地都明白職員系想提醒客人就快收舖，但叫人「食快少少」就好似吹人快啲走吾好阻住收工嘅感覺，所以我地食多少少就離開了

平常從沒有想過要寫吉野家食評，連鎖店來說它的水準挺平均，十年如一日不會太差，除了服務也許就不同店會有參差; 這次吃過雪見鍋，實在感到很驚喜，想推介一下。一直以來除了芝士竹輪鍋，其他新出的鍋感覺都怪怪的，有些更令人卻步...由於本人喜歡吃大根蓉，心想只是加了豬肉和大根味道不會太差，於是便試試，點的是濃湯。開始吃時感覺跟芝士竹輪分別不大，只是份量大了，豬肉片已加在裡面，味道挺香的; 牛肉或雞肉一樣是2選1，所以吃完很飽。當大根蓉融入湯後，湯底變得超甜很好喝，連煮的飯和麵都變好吃了!! 沒想到會有這麼奇妙的效果，也令我回味無窮，下次也一定要點!! 有試吉野家分店有醬料自助，當中有提供大根蓉，即使雪見鍋下架了，日後在這類分店自製雪見也可以**網上圖片

又係時候去買聖誕禮物喇！今日決定去MEGA BOX搵，為咗節省時間，先去吉野家醫咗個肚先。LEE間都幾多人幫襯個喎，幸好就係佢地方算大，坐位都好多，唔係一個人話容易搵位啫，拎住碟飯去搵，都麻煩架㗎嘛（真心話）！話明快餐，當然要食個快靚正嘅招牌嘢啦！事先聲明，雖然成日會食吉野家，並唔代表間間好食，今次食咗個＂野菜牛肉飯＂，味道都唔太差。野菜好新鮮：有西蘭花，椰菜花，四季豆同紅蘿蔔，樣樣有D真係好，味道淡淡地，好啱我，只少感覺唔係味精嘅朋友啦；肥牛唔係好多，一分錢一分貨啦，肥牛少少肥剛剛好，D汁加埋少少嘅肥牛味流咗落個白飯入面，我就最鐘意，LEE間都尚算可以。

午飯時間,想平食又不會中伏時,吉野家總是小妹馬上想到的頭幾號選擇!因為味道和質素都是長期維持水準的。這天人不算多,我們二人下完單,取過餐,也可以輕易找到位置。目標明確,馬上點了最原汁原味的和風牛肉飯為數不少的肥牛塊, 脂肪比例適中,重牛肉味吃吉野家牛肉飯，加牛肉汁是常識吧。一碗肉汁精華拌著牛和飯吃,特別好下飯米飯粒粒分明，珍珠米特別有咬口，也因為吸收了牛肉的肉汁，很入味好吃所以說，吉野家就是總不會錯的午餐選擇嘛

Megabox 呢間吉野家早餐去到11:30，自己11點過左少少到，完全唔洗排隊就買到飯，行到過去個飯已經出左黎，完全係「零等待」！同埋而家終於整左部八達通機比錢，十分好！叫左個海苔粟米雞飯，正常發揮，不過啲配料都係比以前少左，三舊雞肉正正常常，去皮食都唔錯；粟米粒望落飽滿，食落都夠甜；海苔啲色澤就差左少少，望落去好乾，我一開始以為啲海苔霉左... 好在食落都無事。食飯配埋日本綠茶好舒服。唔洗等，唔洗搵位，唔洗同人迫住咁食早餐，一次過滿足哂我食早餐既三個願望，個種感覺好正！唯一要點評就係佢好似無人執下啲枱，有啲空餐盤由我食完到走都仲放左喺枱度。

今日做義工，sir 帶我地去食吉野家，每人會有70食飯錢，我地大約30個人，我明白一次過有幾十人去，佢一個收銀正常係應付唔黎，但唔明點解佢見有幾十人排隊唔call help 呢，唔通佢地冇諗過會有機會人多？係我地學員既中間夾左二個街客，佢地唔知點解同一個餐買左二次，可能佢聽到我地一人叫兩個，佢又以為要咁買重點係當佢地發現叫錯左既時候，收銀員話冇辦法，你自己叫既，唔肯幫佢取消，結果我地好好人既sir 硬食左佢個飯，幫佢買左，去到拎野亂到爆，比錯晒d野，其實多人買野亂係正常但係佢地員工比面色我地睇🤔🤔有冇攪錯！！

上次試過外賣牛肉飯不太好味，今晚試下咖哩雞，單點$40.5，外賣加一蚊。賣相還可以，雞扒切成四件，薯仔一小粒，咖哩汁足夠蓋過大半白飯，還有一點蔬菜點綴。味道ok，咖哩汁甜中帶微辣，雞扒有點乾，蔬菜滾熟的無乜味，飯軟綿微溫，份量都幾大夠飽了。

吉野家最新出芝士雞煲十萬個中伏!食左兩啖已經唔想食了!D雞同芝士又無咩味為何我會去試.覺得簡直是浪費左一餐食野既quota的感覺仲有吉野家而家d普通濃湯火鍋都變得唔好食了同埋再一次縮水了再見了吉野家,沒有再光顧的理由

又要OT，去買吉野家外賣返公司食，和風牛肉飯 (單點$38)，外賣加一蚊 $39。外賣的牛肉比堂食少，洋蔥又少，倒是牛肉汁勁多，多到漏哂出盒外。洋蔥煮肥牛都無乜特別，唔難食，牛係打邊爐貨式，牛味欠奉，洋蔥幾甜。同事加了關東煮 (跟餐$11)，有蘿蔔，魚蛋，油豆腐，芋絲等，用甜醬油煮過，甜甜地咁，但唔知點解咁黑，賣相麻麻。外賣的白飯少得可憐，用的是珍珠米，飯軟綿微溫，還好啦。

早上就是吃了牛肉粟米紫菜飯，$20左右，不貴。餐配有日本茶，味道比較淡不過也可以接受。粟米沒有什麼甜味，普通到不普通，真的用料沒有認真選？？？牛肉比較咸，比想像咸一點，不過份量都充足的，飯是珍珠米，乾濕度適中，早餐來講份量也OK。

星期六下晝同朋友一行二人, 去Megabox行街,行行下有啲肚餓,咁我地就好自然地去搵野食,我哋搵咗呢一間喺megabox裏面嘅吉野家,呢間吉野家環境好闊落,坐得好舒服, 22蚊就可以食一個有牛肉嘅下午茶餐,真係幾唔錯!和風牛肉飯(細)下午茶依個和風牛肉飯, 牛肉嘅分量唔算多亦都唔算少,肉質爽口,但白講牛肉味唔係好明顯 ! 要配合牛肉汁撈埋啲飯咁先至好味, 佢既白飯嘅質地都幾軟, 而牛肉汁都幾鹹下, 就咁試牛肉汁個味鹹得有點too much! 但如果撈埋啲牛肉汁同埋啲飯咁就差唔多! 衣間吉野家嘅配料好齊全, 甜酸薑片,辣椒粉全部都係自己任攞!茶餐個餐飲就係跟日本茶, 個日本茶其實味道好淡冇乜味.依間吉野家有一個好明顯嘅缺點, 就係佢唔接受電子貨幣付款,例如八達通,Visa, Mastercard, 其實真係有啲唔方便,買22蚊嘢畀佢30蚊,又要等佢找錢,跟住我又要收8蚊嘅散紙,鬼今死重, 依一方面真係有待改善!

係AEON買完野就搵個地方食個飯,見到呢間吉野家有得食鰻魚飯,同埋張POSTER條鰻魚又有兩大條,差唔多遮哂成個餐盒,甘就叫一個食,個餐八十幾蚊有一杯汽水同湯跟,呢個價錢都OK,不過到拎餐時,見到個實物同相,真係差好遠,同埋食落D鰻魚有骨,又腥腥地, 平時有鰻魚汁既飯,我都會食到一粒都唔會剩,但佢既鰻魚汁,我覺得麻麻地,以後黎吉野家都係食返D舊野算

相信大家對$20的下午茶沒有什麼期望，吉野家相反給你意想不到的驚喜！ 「豚肉下午茶套餐」$20，這是吉野家的皇牌產品，上層放了數片豚肉，豚肉味道鮮美，相信経秘製上湯烹製而成，豚肉片片數量不多，一個二十多塊下午茶餐是意料之內的事情。但是，我讚賞是她們質量一點也不馬虎，米飯雖然是大陸產，但是這是珍珠米飯，出品是熱騰騰的，味道令人回味無窮，難怪深受顧客歡迎。 份量比一般午餐份量少，但是胃囗不大可當一頓午餐。每一到下午茶時間（ 下午二時正），點餐收銀一定車水馬龍，大排長龍，不消十分鐘可享用此餐。此套餐配有飲料，可選綠茶或汽水。派餐部奉上七味粉和辣椒片，大家只要在豚肉飯上加一包七味粉，真是神來之筆，去豚肉騷味，增潻味道層次。辣椒片是因人而異，香口惹味，紅紅橙橙，充滿視覺效果。吉野家注重衛生，見職員載口罩，訓練有素，清潔收拾快捷有序，值得一讃