吉野家 (富華中心商場)

Open Now

Now Closed

好耐無食過吉野家的和風牛肉丼飯，lunch路經便買了個外賣回家，打開飯盒後其實已大失所望，牛肉份量太少太少了，$46.5的午餐為何跟廿多元的下午茶餐份量差不多呢？就連牛肉的水準也大不如前，相信我暫時也不會再光顧了。

性格比高既牛肉洋蔥飯，送飯一流，下午茶只需$26，仲送埋熱飲（綠茶）！就算加凍飲，例如可樂或橙汁都係加3蚊，好抵食！牛肉配洋蔥好夾，洋蔥汁軟化左個肉類，洋蔥又吸咗啲牛肉鮮味 ！牛肉薄片肥而不膩，要牛汁可以另外叫一小碗，因直接倒落碗會太咸！唯一不足是飯多過餸，好多時食完牛肉仲有飯剩。咁我就叫多個茶碗蒸送埋d牛汁飯， 茶碗蒸入面有一舊蟹柳 同帶子定係元貝之類嘅嘢，食落都算係有海鮮味嘅蒸蛋，蛋的口感細滑！比得上出面連鎖壽司店嘅日式燉蛋。

29-2-2019 (Sat)朝,趕住送消毒用品俾喺炮台山返工嘅二嫂,就喺地鐵站求祈搵間嘢食,老公話呢間,無奈.睇完menu,決定要豐之朝食系列,$33.00嘅D2餐,有豬骨湯烏冬,配嫩滑炒蛋,雞肉腸同牛油多士,飲熱檸水.而老公我就冇考究佢食邊個牛肉飯早餐.等咗好耐,我嘅餐終於齊晒,因為收銀開頭落錯同樣價錢嘅D3餐,只係豬骨湯烏冬變咗出前一丁.牛油多士幾厚,可惜唔脆,係腍嘅; 雞肉腸唔熱,味道唔係太鹹; 嫩滑炒蛋ok正常; 豬骨湯烏冬,烏冬彈牙, 豬骨湯味道夠,好味.熱檸水就好夠熱.衛生:俾完錢,收銀主動俾紙袋入住口罩,不過呢唔知係咪少咗清潔姐姐返工,幾枱客食完坎人一段時間,都冇人執嘢.上次幫趁已經係2013年嘅事:https://www.openrice.com/zh/hongkong/review/%E5%86%8D%E4%B8%80%E6%AC%A1%E7%8D%BB%E5%A5%89-e2303767

吉野家的牛肉飯雖然都知牛肉雖不是頂級貨，但煮到勁鞋，下午茶價錢都唔係抵得去邊，真係勁失望囉。那日打算吃牛肉飯下午茶，看見餐牌有牛肉出前一丁，因很久沒吃丁麵了，轉軚叫了牛肉一丁，同事則叫了雞肉烏冬，我們提意大家分享㖿。我的出前一丁，麵仲係硬硬地，勁銀胃，跟住又唔夠味，超級難食。同事的湯烏冬湯底淡到好似白開水，D料真心好一般，雞扒竟然可以係勁老，我和同事都十分唔滿意這個茶餐，求其搵野攝下個肚就算，永無下次。

同同事係吉野家嘅超級fans ，每次OT 返唔到屋企食飯，一定會黎吉野家打邊爐！因為真係好抵食，又好好食。位於荃灣港鐵站嘅對面，由綠楊C 出口直行過對面嘅華富中心商場，落一層樓梯就會到吉野家喇。每晚6點半/7點呢段時間吉野家都會現長龍，每次排隊大約需要5-10分鐘左右。其實落單過程都順暢，因為大部份人都係為火鍋而黎，我排第十個，前而有7個都係叫火鍋。除左火鍋，吉野家仲有唔同嘅丼可以選擇，價錢由$42-58不等每次必叫芝士竹輪鍋，配濃湯、烏冬、飲鮮檸檬茶，加1碗牛肉汁。而家就唔洗揀配牛肉定雞肉，因為2款肉都有嘅加埋辣椒粉落湯度煲，提升左成個煲嘅味道😋

同朋友放工後小聚，由於我地都住得近，為咗方便就腳，就揀咗個近大家嘅地方食飯。本來係諗住去某火鍋店打邊爐，但由於訂唔到位，朋友又比較窮，想食平啲，所以最終方案都係幫襯窮人恩物。呢間位於荃灣嘅吉野家我地已經唔係第一次幫襯，當時已經覺得地方都算闊落，只係衛生情況感覺可以再改善下。當晚我叫咗日本廣島名物土手鍋，以前成日都係食芝士竹輪鍋，偶然都想轉下口味。睇介紹話會有8隻蠔、長蟹柳、冬菇、野菜等，湯底都有啲特別，係赤味噌湯。蠔就無認真數過係咪有8隻，但數量都唔少嘅。雖然唔算好大隻，但以呢個價錢而言，呢隻蠔都算過得去，細細粒，都滑嫩，無咩雪藏味。長蟹柳就無咩特別，同平時芝士竹輪鍋食到嘅相若。其他蔬菜都係無咩特別。至於湯底，其實都唔太食到味噌味道，稍嫌有點清淡。

跟她風花雪月, 唔知點解, 竟然講起吉野家.  諗諗下, 沒幫襯這品牌的日子, 可以以年去計. 其實覺得吉野家的牛肉飯和火鍋, 都唔差的.  收工一於去回味下. 記得食家阿蘇曾大讚過這裡的煎雞, 咁就牛肉煎雞雙拼飯套餐, 可跟麵豉湯或者汽水.   軟滑的牛肉配合腍甜的洋蔥, 仍然悏意. 反而煎雞, 說不上難食, 但唔係十分出色.  苦榮跟她說, 去了吉野家晚餐. 她的反應是: 你真係去左?! 之後佈以可愛的笑聲.

吉野家味道，唔會苛求，我間唔中都會幫襯，作為一家連鎖快餐店，我多數都係幫襯佢個大牛飯，勝在穩穩陣陣，唔會太難食！雖然牛肉唔係好牛肉，但有洋蔥配埋個汁，又唔會差得去邊，加上快餐快食，所以多數揀堂食，食完速速走人！今日再次惠顧大牛飯，可惜呢間吉野家唔自愛，眼見一張張枱只剩下打完邊爐嘅痕跡，但冇人執枱，我要夾硬涉自己個盤去頂開上一手嘅垃圾，先至有位坐低，直至我半個鐘後食完，都仲係未有人執枱，咁樣趕客，哈哈，究竟想點？

我今天去了荃湾吃吉野家的牛肉饭。我之前没有吃过吉野家。 我觉得那里的牛肉太肥了，不好吃。不过，他们的饭很好吃。他们的饭好像日本珍珠米一样，软软的，很好吃。I went to Yoshinoya in Tsuen Wan today to eat beef rice. I never went to Yoshinoya to eat before. I think that the beef is too fat, but otherwise, It's       yummy. I think that their rice is good, It was like Japanese Pearl Rice, soft and delicious.

呢日黎到荃灣辦年貨 買到過哂時間 一坐底已經係下午茶時間 個肚已經餓到無哂知覺咁 所以揀左飽肚之選— 吉野家相信呢間店鋪香港人唔會覺得陌生 係全港有多間分店 價錢黎講亦中規中矩 而我就係鐘意佢夠大 可以比你慢慢坐底休息 唔會趕人走！今次我就揀左牛肉昆布烏冬+綠茶佢嘅湯底用左好好味嘅牛肉去煮 令到個烏冬食落好有味 而個昆布又吸收哂湯底嘅精華 但有份量唔少嘅牛肉+其他配料 係香港$30嘅價錢有一個套餐而飽肚得黎價錢又平又可以慢慢休息

捉緊夏天的尾巴，來一個吉野家下午茶，想清爽一點，嘗一下拌麵，青瓜與粟米的清甜加上濃郁的芝麻醬，撈一撈，麵條有咬勁，加上一杯汽水，悶熱全消。飽肚之餘又醒胃，想不到吉野家除了牛肉飯，拌麵也有一手。下午茶又多了一個選擇！

Was shopping in the area so stopped by for some TEA.Strangely they had HK style milk tea so ordered it along with Japanese tea.The Japanese tea was ok, it had the usual grassy taste.The tea on ice tastes like the usual HK milk tea so hkers should love it.However it was a bit sweet for my liking.As well as tea, they are serving toasts, crispy pork chop buns to attract the locals.

吉野家絕對係童年時代學生恩物, 想當年由 $1x下午茶升到依家... 都真係幫櫬左好耐, 闊別多年今餐竟然破壞了對它美好的回憶 😞百物騰貴 , 久別重逢原來價格加幅都算大.. 一直覺得煎雞飯好難食... 都係叫返牛肉飯最穩陣! 但個汁已經唔係以往那回事了, 水準大不如前, 珍珠米好淋唔夠咬口, 牛肉一般.. 三品豪勢牛丼有串燒雞肉兩串, 雞肉丸子一粒同牛肉, 除左牛肉過關之外其它都幾難食.. 串燒雞醃得唔好味, 丸子口感像一堆粉, 好彩有d酸薑先完成到碗飯 😓 看來短期都唔會再食了

今日一試吉野家嘅磨菇牛肉飯~ 牛肉同蘑菇比例一半一半，我覺得牛肉可以比例多番少少， 始終蘑菇喺汁比教多，實際蘑菇份量幾少，又細片。或者蘑菇份量多番少少，少啲汁嘅比例都ok. 今日個飯太淋，可能平時我叫雞飯，牛飯會叫啲汁另上，唔會浸濕個飯咁耐，要食先隨意加落去撈飯。今次呢個蘑菇連汁一齊就應該冇得走啦…😂不過呢個餐有度好就係$44包埋野飲，再跟一個布甸。叫做有個甜品，都算抵食嘅。個甜品都ok, 唔會太硬，不過不失咁啦 ~

💁🏼‍♀️炎炎夏日·但繼續火鍋😝🦐龍蝦湯火鍋之對決配美國穀飼肥牛or嫩滑雞肉💰HKD68我記得之前都有出過龍蝦湯火鍋，但果陣反應平平，今次好似好多人都話個湯夠濃又夠龍蝦味，我即刻仆到去試🤣（其實已經算遲吧～）今次食火鍋時，幫手點火既姐姐有細心提醒我，龍蝦湯收水好快，一路食要keep住加湯，怕會燶🙈服務👍🏻👍🏻 湯底果然好濃郁，男友試左一啖都讚唔錯💁🏼‍♀️除左例牌既肥牛，材料仲有一條長蟹棒、兩粒丸、一隻蝦同埋一向都不缺既菇類、豆腐、粟米同菜～大家都唔陌生啦！雖然我由佢當年推出蟹棒鍋有兩條果時開始支持，到而家得返一條，但我依然覺得幾抵食，對得住價錢。但係，男友揀既芝士竹輪鍋，由以前好孤寒比得一粒，到而家有三粒咁多🤭好羨慕呀！成件事抵食左好多既感覺👀🙈 下次我食芝士竹輪鍋但偷偷換做龍蝦湯先🤭題外話吉野家夏天食火鍋既最大缺點係嚴重冷氣不足😢食完餐飯好似焗完桑拿咁，成頭大汗😭求改善！🙏🏻