洋風堂 (Closed)

如果唔識路可能有啲難搵，但其實識路嘅會發現間野好近火車站。琴晚8：00到達餐廳，門外已經有人等緊位。諗住登記等位，點知侍應話冇得登記:0，最快8：30先有位。8：30入座，侍應話要一次過叫野食，因為last order。睇睇個menu，都幾多野食 。叫左個牛油果蟹肉沙律、肉醬茄子、雞肉丸蛋包飯同柚子鴨胸（唔係好記得啲名，大致係咁啦）。牛油果蟹肉沙律好食！牛油果好香，真係啖啖蟹肉，相信係人手拆蟹肉，因為食到小小蟹殼碎 不過其實好少碎，唔影響進食，所以我覺得冇問題。我覺得碟邊嘅汁好酸，但朋友覺得好食。最搞笑係真係用返牛油果皮裝沙律～肉醬茄子，普普通通。其實肉醬同茄子都好難唔好食。柚子鴨胸，啲鴨胸好厚 每塊鴨胸中間都有舊柚子，原來柚子暖食都幾好味。雞肉丸蛋包飯，都係好味！啲肉丸好有雞肉味，同埋唔會好似其他餐廳咁溝左好多粉。塊蛋都好滑好正！間餐廳雖然細左啲，所以有啲嘈。但裝飾幾靚幾清新，而且價錢好平（夜晚食個意粉都係五十幾蚊），又多選擇，真係幾好。比較麻煩係當晚只收現金。下次都會再黎食

大型連鎖出晒名排幾個鐘既餐廳唔一定最好食，有時細舖都有驚喜。呢間係最近有驚喜既其中一間。第一味係牛油果蟹肉沙律。蟹肉係拆出黎，彈牙有蟹味而且份量唔少。不過牛油果太生，有待改善。整體不錯值得一試。第二味係黑松露野箘意粉。勁多勁鮮味既新鮮野箘，絕對唔係罐頭野。意粉係屬於偏硬身，個人係偏好呢個口感，所以加分。飲品係藍莓乳酪奶昔。上面放左新鮮藍莓，好飽滿好鮮甜。奶昔係現打，因為地方唔大打奶昔時都幾嘈 。呢間係我少數有衝動寫食評既餐廳。一定會再去

呢個月太忙,要寫番成一個月前既食評 不過我記得當日3點幾好肚餓,又咁岩係旺角,就去左呢間一直SAVE左係電話想試既餐廳度坐底ORDER左個午餐 (我驚下午茶唔夠食), 先睇到OPENRICE既食評話D野食要好耐先到心諗死得啦...因為真係好肚餓野飲等左都幾耐,因為得一個店員(負責埋水吧)我叫左杯朱古力,我覺得好好味,朱古力味濃,而且仲有綿花糖 野食比我想像中快 (我見D人話起碼等半個鐘),我就等左20分鐘雞扒配芝士配蕃茄醬係幾好味,不過我嫌D醬唔夠多餐廳環境係幾舒服,野食亦唔錯,不過我覺得可以請多幾個員工因為我淨係ORDER野飲都叫左3-4次佢先得閒黎

之前收藏左呢間餐廳,見好少食評,但食評全部都不錯,今日終於有機會一試,個半中限時交枱,位置有點間涉,係一堆車房的中間,不過月夜月多人,我覺得唔上OPEN RICE好難會發現到呢間餐廳。墨西哥雞卷,辣得非常惹味,亦淡淡雞肉,餅皮亦好好食,推介呢個。牛肉卷,牛肉有少許HAI,不過易咬,亦有牛味,唔會比蔥花搶哂,原本我怕蔥味太勁,叫佢少蔥,佢話個汁已經一早撈好左,不過OK,份量剛好,好夾。蟹肉意粉,略嫌不夠CREAMY,蟹肉亦未算鮮甜,只是OK的。忘了拍照。呢到D清水好得意,平時出面只係擺一粒LEMON落去,呢到係有擺埋士多啤氣,沖出黎的水好好飲,侍應亦會不時主動加水。呢餐餐廳抵食好食,有機會會再黎

Location: not difficult to find. 5-10 minutes walk from Mongkok MTR.Interior environment: nice design, comfortable chair, quite cosy.Food: I ordered an Italian Tomato Pork Chop Rice (~$55). I was very impressed. The tomato sauce was very rich, neither too sour nor too sweet. The pork chop was nice as well, wonderfully succulent. The rice, which was Japanese rice, was brilliantly moisty. This pork chop rice is much better than Cafe de Coral's, highly recommended.My friend ordered a fried fish fil

這個晚上友人帶了我來這間小的日式西餐廳cafe。約8時許入座，cafe並沒有爆滿，環境寧靜，與旺角大街形成強烈的對比。Cafe選用了黃色作主題，讓人有一種清新的感覺。另外cafe的牆上有不少精緻的擺設，增添了一份優閒感。餐牌上有不少的飲品和小食的選擇，閒時亦是一個嘆下午茶的好地方。牛油果蟹肉沙律牛油果新鮮軟滑，加上蟹肉和沙律醬，再配上新鮮沙律菜一同進食減低膩度，很fresh很開胃。蟹肉沙律用了原隻牛油果盛載，十分可愛。蜆肉周打湯周打湯比一般的較水身，但味道很濃，雖蜆味不是很濃，但勝在奶油味重，令湯入口香滑。和風牛肉卷牛肉有點un，包著青瓜挺配合，可惜牛肉較乾，沒有肉汁，點了醬料卻又過咸。吉列豬扒蛋包飯這個蛋包飯的份量挺多，若叫了沙律和小食可作二人份。咖喱汁是普通的日本甜咖喱，蛋不滑卻很多，飯用茄醬和茹類炒過。吉列豬扒炸香口，但並非厚身，肉不多但內軟。挺欣賞這裹的水有淡淡的檸檬味，待應亦會不時加水。食物質素雖然不算太出眾，但整個用餐的過程也不錯，是個在鬧市中晚餐聚會的好地方。

3人飯局有時比2人飯局更開心(*´ω｀*) 因為可以試多點不同的菜式。我們首先點了這個炸魷魚鬚~ !! 是即點即炸的~~good！！朋友試了這個周打蜆湯~味道不錯，而且蜆也頗大隻的。主食方面，意粉的貌相也很好。汁也可以~ 就是蝦吃到冰鮮的味道吧。我跟另一位朋友則點了蛋包飯xd貌相同樣地很不錯~但是那個汁實在太水汪汪了Orz而且那個肉煮得有點老~ 飲品方面，看到抹茶的當然不能放過(笑w)這裡的抹茶很濃~抹茶粉落得很足~~!!!朋友這杯朱古力的貌相仔很好啊xd！！本來看到這家的甜品像不錯，但吃完後已經覺得好飽，所以最終還是放棄了。

位置都幾唔起眼, 如果唔係有人喺openrice見到提議去試下, 平時應該唔會留意到。lunch set既選擇都唔少, 有8款main, 可以揀沙律或者湯，餐飲要加＄５，甜品都係要加錢。個沙律唔錯，好新鮮，有點驚喜竟然有３塊parma ham。可惜個sauce太咸。黑松露忌廉意粉，賣相唔錯同好香truffle味, al dente意粉, 好多蘑菇, 汁既份量剛好, 唔會太濕又好夠味。　份量可以多Ｄ。食完都唔算飽。海膽意粉都幾好喎。清清地，感覺好fresh。真係有唔少海膽喺入面，差唔多啖啖都食到其實環境唔差，但隔離裝修，成餐飯都鑽緊牆，嘈到好辛苦，食完都唔想再坐啦。想再黎都係等裝完修先啦。

同朋友2個人去食,因為事前已BOOK位,加上係平日,去到唔需要等就入得喇。間餐廳可能唔係大街上,所以感覺幾舒服~係幾適合傾計的地方。點既菜不多,只有4樣,但慢慢食 , 2個女仔岩岩好。 鐵板薄燒牛肉 幾好食, 不過份量少,只有4件。 實際名稱忘記了, 好似係蜆肉湯 , 只記得好飲,足料 。  卡邦尼意粉 , 因為有忌廉關係 , 食到尾好"漏",但整體唔差。  

餐廳由好朋友選擇，相約食聖誕+新年飯，book咗7:30PM，我早到望入餐廳唔大, 已經有兩枱客，但好光猛。入座時，侍應態度已經一般，睇完meun無set 0既？問問侍應，佢話今晚無set dinner，唯有散叫啦！但選擇唔算太多，飲品又貴，我哋決定叫兩個小食+意粉share一齊食。向侍應落order，一埋嚟完全零出聲，唔理照order，侍應抄都唔駛抄低又唔重覆我哋order內容就咁就走咗去......墨西哥香辣烤雞餅$42真係即整架，熱辣辣，食物亦放得好別緻，個皮脆卜卜饀真係幾辣，加上酸汁重正香辣鮮蝦蒜片意粉$55比起烤雞餅意粉無咁辣，汁唔會太多，醬住個口，碟就超大，份量少啲囉威尼斯芝士焗帶子$38一份兩隻，都算大隻，就算係芝士焗，但都唔覺得滯食完諗住叫甜品，但款式真係好少，得四款，所以我哋決定去第度食甜品要加一，埋單時同朋友商討好唔會比tips，所以找錢我全數攞晒，可能侍應見到我同朋友喺度執緊銀包以為我哋摷tips比佢，sorry呀，你諗多咗，服務態度咁差，無禮貌、無笑容重想我比tips...本來想比哈哈大笑，但服務態度扣咗好多分，改善吓啦！

晚上9點去食, 剛剛有一枱位, 店鋪細細, 繁忙時間要等好耐架~白色, 黃色, 綠色裝修, 幾整潔舒服.叫左黑松露蘑菇湯, 好香好濃~GOOD 薄荷朱古力, 朱古力夠濃, GOOD 明太子意粉, 脆卜卜好香芝士味, 一上桌已經香氣四逸....等得最耐的食物, 值得等 清酒大蜆意粉, D蜆原來係意粉底, 好大隻, 食落似分開煮, 意粉較淡, 喜歡清淡就OK, D蜆就另外用清酒煮,D蜆香~我比較喜歡明太子, 濃味D~叫左個冷盤:他他吞拿魚沙律~好似食燒牛肉, 好有質感, 唔講以為食牛柳!配大大件牛油果+ 黑醋汁. 唔食牛油果的男朋友, 都愛上了~整體真係好好, 會再食

小友契媽年度的大生日，我們一家三口當然要和她食餐飯賀賀佢....今天晚上對我們來講，押尾的甜食才是真正的主菜。之前選擇吃飯的地方，目的亦是為了遷就要就近吃甜品的店子。故此選了這間走西日菜路線的小店來吃，事前也沒甚麼大期望的，只求不要太難食便可以了...怎知食過後卻發現，以此相廉的價位來說，味道已是相當的不俗。最重要是壽星女感到極滿意，這已甚足夠....一行四人就座胡縐了一會，轉眼間兩道頭盤小食已端來 :黑松露忌廉牛油炒雜菌是新鮮滾熱辣的即席弄起，上桌時仍冒着煙以外擺入嘴時還是燙口的。在熱氣迫人底下菇香自然就四溢；松露的香氣撲鼻十分濃郁自不然搶盡風頭；醬汁方面亦很夠creamy也嚐得出牛油的香滑；雜菌大致上由冬菇、雞脾菇及日本本菇所組成，咬入口時甜香十足又帶少許爽。是一道簡單易弄又可口的小吃....日式博多鮮蝦釀南瓜頗有創意的一道小食，用來送酒是一流之選。南瓜外皮炸得夠脆而味香甜，不過缺點是質地較為硬身以及是相當的油膩 (光是看墊底的吸油紙那一撻撻油漬便可知一二了)；蝦肉饀內蝦的含量不算是太多而且在經油炸過後是變得既乾且嚡。不過吃得出饀內加入了少許甚覺鹹鮮的明太子碎，這樣子又挽回了些少的

猶記起上次經過店舖，因為身體抱恙，沒有機會嚐到它的美食，今天終於走進洋風堂，可以好好彌補一下上趟的錯失，星期六晚上九時多，由旺角港鐡站出口向黑布街方向步行約十多分鐘已經可以輕鬆抵達，意外地發現當時店內只有兩枱食客，上次路過也是差不多的時間，不過店內則擠滿人群，是否因為假日沒有提供晚市套餐所致？不過人少一點，令環境相對更覺清靜和休閒，店內的面積並不寬敞，約有十張桌子，若然是滿座的話，可能有點嘈雜擠迫，室內光線充足，牆上放著小巧精緻的擺設，簡約帶點特色，感覺舒適自然，翻開餐牌，食物以和洋式為主，前菜的湯，沙律，小食，主菜的意粉，飯，肉類和海鮮，以及甜品等都一應俱全，選擇尚算多元化。 吞拿魚他他野菜沙律--份量適中，不過內裡吞拿魚的數量甚多，大約有六至八件，吞拿魚的四周表面稍為煎烤，中間部份仍然保持鮮嫩，肉質鬆軟有彈性，味道鮮甜，若果吞拿魚的油香味可以更為濃郁，肯定更加美味，至於野菜沙律方面，是配以沙律醋進食，生菜全都鮮甜爽口，是一客不錯的前菜。 日式吉列豬扒蛋包飯--豬扒和蛋包飯的份量十足，賣相也相當不錯，豬扒外層呈金黃色，炸槳層尚為薄身，香口又不油膩，內部帶有肉汁，蛋包飯的外層雞蛋軟熟滑

自己一個午餐時間，搵到一個優雅的地方，$62加一服務費，服務就一般啦，入去後要到水吧位，服務員才發覺有客人，即磨咖啡 : 樣子唔太似，聞落有咖非豆味道，飲落仍帶咖啡味，應該水份控制未適令賣相失真!餐湯 :賣相一般 味道不鮮明、茶餐廳感覺主菜 :飯很彈牙、汁味道濃郁、豬扒入味，不止是$62的菜色

有些餐廳經過其門口無數次，但就不知為何一直沒有去吃，並不是因為餐廳的菜式不吸引，只是想要吃飯的時候又不會想起，而這裡就是一個很好的例子。由家坐車到旺角，每次都會經過這裡，門面其實都挺漂亮，像童話裡的小白屋。這次其實也是鬆弛的提議，他也有留意到這裏，不過也沒有吃過。午餐時間客人不算多，裝潢以白色為主，感覺都挺舒適。午市套餐有六款選擇，價錢由五十多元起，有飯有意粉，附餐湯或沙律，加$5可以配飲品，加$8就可以配甜品。本來是想吃意粉，可是兩款都比較濃味，最後我放棄了黑松露意粉，要了忌廉海膽意大利粉，因為鬆弛也想吃這個，而他選了紅酒燴牛尾飯。餐湯是雜菜湯，裡面加了兩小顆蒜蓉麵包粒，味道不錯，蕃茄味挺濃，也有不少蔬菜。沙律是煙三文魚雜菜沙律，沙律醬略嫌下得太多，把菜葉叉起時一直在滴著沙律汁，味道變得過濃帶點鹹。忌廉海膽意粉。雖然加入海膽去煮，菜式會變得矜貴一點，但始終覺得海膽生吃才吃得出其軟滑甘香的味道，現在煮熟了，口感變得有彈性，但沒什麼味道。忌廉沒有下得佷重手，而且加入了翠肉瓜伴吃，感覺沒那麼漏。紅酒燴牛尾飯。這個飯很香，牛尾炆得挺腍身，但又未至於完全失去嚼勁，紅酒汁底夠濃郁，而且完全滲進了