鏞華餐廳

Open Now

Now Closed

【灣仔區】【鏞華餐廳】之前同大家提過吓我會過銅鑼灣嗰邊做嘢順便探吓啲朋友，我已經寫咗佢哋覺得好食嘅嗰間茶記。作為一個八卦精，我梗係去埋另一間睇吓咩料啦。唔係唔信朋友，而係口味嘅嘢確實因人而異，係冇對錯之分，同愛情一樣。咁第一次入一間茶記，真係好容易就走咗去叫常餐，今次都唔例外，叫咗 $50 嘅「粉麵常餐」，可以揀餸，我就揀咗「鮮牛肉煎蛋公仔麵」。佢就普普通通啦，起碼唔使食啲好普通嘅沙嗲牛先，鮮牛肉唔算特別，但都少啲食到。個餐仲有「火腿奄列」同「厚多」，件厚多士整得有啲過火，不過勝在大大件，好夠食。而個奄烈就一般，唔算整得好但都唔係難食。餐飲我飲「熱奶茶」，茶味濃啲，唔算難飲。我講到我嚟呢邊做嘢同探朋友，當然有機會再食。呢次食嘅時候已經忘記咗上次食乜，所以都係求其叫個下午茶算。叫咗 $33 嘅「奄列餐跟油包」，奄烈有得揀味，我揀咗白汁蘑菇，都幾好喎有得揀，味道就一般啦都係。嘢飲都係揀「熱奶茶」，唔記得上次飲過乜吖嘛我。。。（地址：銅鑼灣信德街 11 號地舖）#1amfoodie #foodie #hkfoodie #thatfoodiething #hkfood #food #insta

#breakforlunch, #cheapeat, #wamchaiI used to come here a lot for quick and expected breakfast. nothing fancy and nothing unexpected neither. there are quite a few breakfast place within 2 streets, but I came here often for something that this stands out from the others..

去完全港運動會曬左一日，走嘅時候超想飲返罐冰凍可樂！於是就去附近嘅茶餐廳順便食埋飯~鏞華小炒皇 ($72)每間餐廳嘅小炒皇都有自己嘅特色，而呢間我最鍾意佢有冬菜~原來味道都幾夾，加埋韭菜、魚乾、草菇.....口感好豐富，值得一提個蝦仁同鮮尤，新鮮彈牙，唔似雪藏貨~京都豬扒 ($65)出街食豬扒總係怕韌，怕嚡，呢個有驚喜，啖啖肉，鬆軟得黎又唔會淋到好似用肉鬆粉個d質感，菠蘿要high light！竟然係新鮮菠蘿，估你唔到wor~海鹽柚子樂 (餐+$4)坐低見到有新menu，海鹽柚子樂~!? 鹹嘅可樂會係咩味呢? 就試試~ 佢個底係柚子蜜，然後再加爆冰底，本身仲驚緊會唔會好甜，不過飲落反而覺得幾fresh~可樂嘅味道，有柚子嘅果肉，仲有少少海鹽嘅鹹，感覺幾新鮮

假期去中央圖書館打卡，睇書睇到肚仔餓，天氣又凍，行過隔離細巷，入左間茶記醫肚。嗌左嗰炸脾餐，即叫即炸。佢用上懷舊的茶記膠碟盛上好有兒時回憶。炸脾內脆外軟，火候掌握得非常純熟。醃製都非常入味。值得推介。

30蚊個下午茶餐，除咗杯熱飲ok之外，野食完全唔合格吞拿魚厚多士啲魚少得可憐之餘仲要無烘，乾巴巴的超難食漢堡扒又油又咸又細件，連Mc記個兒童餐都好食過佢絕對絕對唔會有第二次

今天帶豆丁到中央圖書館，由於没有食午餐，來到下午４點，真的飢腸轆轆。於是到附近的小巷中覓食。看到這餐廳門前貼上黃色標記＜立頓＞，個人覺得這品牌的茶葉還不錯，加上門前的下午茶餐牌，所以就在此來個下午茶了。豬扒包　比手掌還要窄的麵包，夾著蕃茄，菜，沙律醬及主角～豬扒。豬扒細小薄身，但有麵包，蕃茄，菜，就會有一定的厚度，要張大嘴吧／擘大口去享用。平日返工見客要化粧，為保粧容，會特意避開厚身多醬汁的包包系列。今天是周末，無化粧，可以自由奔放地＜食包包食飽＞。　這塊豬扒没有太多脂肪，有點乾硬，門牙需要多用力，才可咬出一口。不過豬扒肉質纖維頗為強硬，牙縫間攝了几條幼細的肉絲，咀嚼時也要多用力。帶鹹的豬扒，跟味道較清的蕃茄及菜，與包包，剛好中和了那鹹味。一口一口消滅這個豬扒包，由於要張大咀，原本嘴角已結痂的傷口，也滲血了！ 熱奶茶　　茶香不濃，茶味不足，至少不鞋口。也許是下午４點，過了３點３拉茶黃金時間。難得在周未，這個不用化粧的日子，無拘無束享用悠閒的下午茶～久違的豬扒包，即使流血也值得。而豆丁，很滿足地享用腸仔煎蛋和白麵包，配熱朱古力。埋單前，還懂得計算總金額:廿六加廿六，咪等於五十二囉！

去完St.Paul探病，時候已晚，親戚介紹對面馬路後街有茶記醫肚，急急腳就行。鋪子雖小，五臟具存。這是傳統茶記，早上有ABCD餐，午市快餐，晚市不少得小炒。可能營運日子久了，衛生情況有待改善。枱， 枱櫈餐牌感覺油膩，都要小心檢查後才用。。。鋪仔細細食物款式供應算多變化，大路野齊全。愛人點了蒸豬肉餅飯，我仲意為係盅上，不過佢話味道不錯！我愛甜甜酸酸，點了即炒既菠蘿生炒骨。分量十足，甜酸味調教得一流，外皮香脆，若果炸粉少一些會更好。用上新菠蘿，很有誠意。

鏞華餐廳是典型的港式茶室，用膳環境如預期，卡座安排 (尤其是 leg-room) 較迫。早市一系列港式早餐，定價由 $27 至 $31 不等。 這客雙拼營養餐，說實話談不上富營養，(半條) 司華力腸及茄汁豆是現製成品，無乜特別。薯餅脆感合理，但油膩了少許。炒蛋份量滑感均算滿意。熱咖啡味道偏向酸澀，不欣賞。

新開茶餐廳，一於試下。要試緊係要試炒野，叫左個屬於快餐既乾炒沙嗲牛肉河，連埋餐都係$34，係百物騰貴既香港，重要係黃金地段既銅鑼灣，價錢尚算公道。講返食物，夠味有鑊氣。河粉分明，每條都有沙嗲味，不錯不錯。