宇治初時@自家創作料理

Open Now

Now Closed

今次真係中伏😂睇網上啲人介紹以為好正，今次黎開葵廣，就算店員話要等半個鐘我都決定買，點知大大大失望🥴🥴首先最不滿係等候時間太長重點係本身落單話要半個鐘都算，結果係等左足足51分鐘先有得拎😐整唔切就唔好亂咁講個時間比客人！黎到再喺咁逼咁多人嘅地方等15分鐘，仲要叫號大過我嘅人都拎得，真係好燥底！食物係另一個勁不滿嘅地方我叫左一個天使辣鯛魚濃湯粉絲（$50）配料雖然都算足，比我預期中多魚片，粉絲都好掛湯，但本身最期待嘅濃湯竟然只係味精濃湯🫠酸酸甜甜的確係好開胃，但食完好口渴就知咩料。。食完嬲到即刻決定要送個負皮比佢根本唔值咁多人幫襯！🙄🙄覺得好食啲人平時係咪食開垃圾？

每次嚟到葵廣行街….都一定會嚟依間宇治初時食粉絲😋😋😋…但係星期六日等嘅時間一般比較耐😗😗…要預大概15至30分鐘先至有得食….大家嚟之前可以諗定幾間要食嘅舖頭😌😌….買完咁多間舖頭之後💃🏻💃🏻…返轉頭拎就差唔多啦☺️☺️🐾鯛魚濃湯粉絲(天使辣)湯底非常濃郁…連埋粉絲…娃娃菜…充分吸收湯底嘅味道…鯛魚片爽口…但食到有少少骨…要小心啲….次次嚟都食唔到佢個櫻花蝦濃湯粉絲🥹🥹🥹…下次我會再早啲去到㗎😋😋

葵廣名物宇治初時@自家創作料理 (葵芳)📍葵芳葵富路7-11號葵涌廣場2樓2020號舖⭐️鯛魚濃湯粉絲+ 酸辣涼拌魚皮 $90一入去葵廣已經見到好多人一路行一路食。當日去到得返呢一款少辣，等咗三個字行返轉頭已經全部賣晒，啱啱好買到勁好彩🤣✨無論係湯底定魚片都加左店主慢煮6小時嘅特製宇治酸辣醬，味道超特別同濃郁。鯛魚濃湯粉絲湯底味道好豐富，唔係單單得咸味，中間有少少番茄酸味吊味，幾惹味。不過都偏重口，食完會想飲水🙌🏻粉絲軟硬適中，好掛汁Btw葵廣好熱，食熱+辣一定岀晒汗😂酸辣涼拌魚皮 魚片塊塊都勁大片，好爽口，加埋青瓜食清爽啲冇咁漏👍🏻推薦鐘意重口味嘅人任去試下🫡 下次想試其他湯底實測: 星期日6點賣晒，5點半得返一隻味，想食其他款就要早少少去🫡

話等半個鐘其實唔止，唔止唔緊要，態度唔需要咁串既，你哋做唔切米唔好接咁多囉，我問佢有得拎未，收銀個女仔恥笑樣一輪咀話，頭先收錢果時同你講左要等半個鐘，重覆左兩三次，但其實我51分買，我19分問，爭三分鐘問都唔係好過分？好啦到拎啦，253拎緊，我問251有未，另一個執餐女仔話仲爭一樣，我話係咩，佢答你買兩樣野你自己唔知架咩，我就話，你一早左我你哋無mark低，佢黑面。碗粉同魚皮一樣味，味道係土耳其kebabs 既調料，完全食唔出有濃魚湯味，好重味精，食左兩啖已經好頸渴，粉絲係幼薯粉，得兩三啖，魚係好食爽口，魚片都算多。其實真係無網上講到咁好食。態度真係好差。

今期葵廣最紅嘅食店仲唔係佢 .ᐟ.ᐟ.ᐟ二樓越嚟越旺場，先係新開芝士拉絲包再嚟開業一排，靠濃湯粉絲爆紅的✨宇治初時✨大排長龍嘅佢即使落單後仍要等𝟺𝟶分鐘先有得食佢都算準時☺️ 較好鬧鐘掃下街翻嚟就有得食佢絕對值得你嘅等待𓂅 宇治鯛魚濃湯粉絲 ᴴᴷᴰ 𝟻𝟶𓂅 櫻花蝦．蝦濃湯粉絲 ᴴᴷᴰ 𝟻𝟻呢到嘅湯底都用上小店自家炒足六小時的酸辣醬望落湯底帶少許奶白，飲落口感、層次好豐富🥰用上咗粉絲更是好好的吸引了濃湯鯛魚湯跟蝦湯有異曲同工之妙，但各自多份鮮味我自己就更喜歡蝦🦐的濃郁，而且用上大蝦蝦本身已剝殼，仲要加上櫻花蝦、木魚碎等等更是為整碗粉絲錦上添花✨

不得了!!! 果然是高手在民間😍!!!前幾天去葵廣，發現有間超高人氣的小店😳! 有超多客人在排隊，便走去看看啦～原來是聽朋友說過好多次的 🍜宇治初時𝐘𝐮 𝐅𝐢𝐫𝐬𝐭𝐭𝐢𝐦𝐞 自家創作料理(⁎⁍̴̛ᴗ⁍̴̛⁎)!! 老闆宇治👨🏻‍🍳研發𝟕年的宇治酸辣醬😏，深得客人愛戴🩷。到訪當日，人客不斷，忙到不行，非常誇張～慢煮𝟔小時製作的宇治酸辣醬，名不虛傳，酸度辣度都剛剛好😍，不論拌麵、湯麵，做火鍋醬和燒烤醬都一流耶～一口氣試了兩個酸辣濃湯粉絲及兩款小食，全部都好好吃呀!!!☆ 櫻花蝦•濃湯粉絲🦐$𝟓𝟓☆ 鯛魚濃湯粉絲🐟$𝟓𝟎兩款濃湯都是用秘製的酸辣醬製造，酸辣蝦湯，蝦非常濃郁😋，微微的酸辣感，相當開胃! 而酸辣鯛魚濃湯，則帶有點鮮甜味，同樣好喝，不過蝦湯會較合我胃口😏～☆ 宇治櫻花蝦涼拌海蜇💕$𝟑𝟓☆ 宇治涼拌魚皮🐟$𝟑𝟎除了粉絲，海蜇和魚皮都好值得一試!! 酸辣醬把小食提升至另一層次，又香又辣又酸又惹味，必試呀😍～你都快點去葵廣試試啦🥳!! 每晚𝟕點多已售罄，記得盡早去囉～

聽電話條友一啲禮貌都冇，同佢講，直接一句話咁我撳退餐，你重新撳。依家係間店自己冇野食，叫我揀啲平啲嘅，又唔肯退返差額。野食嚟到全部都食唔落，又貴又唔好食。唔值得推介

葵涌廣場向來是各路隱世小店的集結地。今次終有機會一試主打粉絲都可以吸引到人山人海的食客排隊等候的小店點了「宇治櫻花蝦。蝦濃湯粉絲」。由於假日前往，人流更多，大概等了20分鐘左右。湯底口感好Rich，配以櫻花蝦令口感昇華到另一層次，粉絲掛湯，吸滿奶香味！附上幾隻剝殼鮮蝦，值得一讚說時遲，那時快，轉頭已經食鬼晒點餐：#宇治櫻花蝦。蝦濃湯粉絲（$60）——————————————宇治初時@自家創作料理地址：葵芳葵富路7號葵涌廣場2樓2020號舖

今日嚟到葵廣食呢排人氣爆燈嘅宇治鯛魚濃湯粉絲落完單之後店員話要等大概40分鐘 可想言之係有幾多人買 入面嘅配料有鯛魚片 椰菜 同木魚碎等等個湯底食落幾濃郁 好似有浸椰奶mix喇沙嘅味道咁鯛魚片食落都好爽脆 大部份嘅魚都無骨加埋粉絲勁吸湯 難怪有咁多人幫襯

【食第一次已經想encore‼️最新葵廣美食小店😁】/////認真嘅 去左咁多次葵廣 除咗小丸子 呢間係數一數二性價比高嘅小店😏上星期六晏晝去到已經大排長龍 要等大約25minsss 可以揀立食或者外賣 小編就揀咗外賣拎去新都會廣場出面個草地空位慢慢嘆(˶‾᷄ ⁻̫ ‾᷅˵).👉🏻鯛魚濃湯粉絲 ($50)想食到湯頭精髓加辣 就叫左小天使辣度🤓用魚湯新鮮熬成 魚塊同粉絲都好掛湯～魚片無骨 粉絲滑嘟嘟 湯底有奶香味道👅娃娃菜口感可以軟身少少 會更易入口.👉🏻涼拌魚皮 ($30)細size份量都好多 魚皮冇腥味 口感爽脆加左青瓜絲同芝麻 配搭酥辣醬清爽可口🔥———📍宇治初時@自家創作料理 (葵芳)葵芳葵富路7-11號葵涌廣場2樓2020號舖

葵芳超多人排隊宇治初時 主打秘製濃湯粉絲 宇治辣醬 世一涼拌魚皮 每日勁多人圍住佢地店 我又去試試.好多人鐘意佢地湯底 味道幾似喇沙湯😋質地濃郁幾cream 所以粉絲好吸汁如果你選擇⭐️櫻花蝦 鮮蝦濃湯粉絲$60😋表面大量櫻花蝦 浸落個湯到蝦香味更重😋仲要有幾隻鮮蝦 蝦肉爽彈 每日人手剝殼（‼️平時懶剝殼嘅我表示 超鐘意佢地）⭐️鯛魚濃湯粉絲$55呢款表面有木魚碎 幾多鯛魚肉滑.⭐️涼拌魚皮 絕對要講一講比平時其他店大塊好多 厚身 口感比較爽彈最重要係加埋佢地醬汁 惹味必點今次放工6-7點去到 已經賣晒.#hkfunfoodrecord窮遊香港#hkfunfoodrecord_葵芳.#宇治初時 自家創作料理 (葵芳)地址：葵芳葵富路7-11號葵涌廣場2樓2020號舖.⭐️評分：味道：4.5/5環境：-/5服務：-/5抵食：4.5/5..#飲食 #美食 #優惠 #抵食 #hk #food #hkfood #hkfoodie #hkfoodblogger #hkblogger #hkfoodies #香港美食 #旺角美食 #尖沙咀必食 #荃灣美食 #銅鑼灣美食 #深水埗美食 #掃街 #拉麵 #

<宇治鯛魚濃湯粉絲> $50openrice好多好評>< 但講真都幾失望🤦‍♀️，可能因為期望落差，我唔係好知自己食緊咩😂😂😂我期望係鯛魚或酸菜湯味，但結果係奶香好重creamy嘅湯底，有少少似蕃茄湯同喇沙湯再加椰奶嘅混合體，奇奇怪怪🤦‍♀️🤦‍♀️🤦‍♀️，又無咩魚或酸菜味…..濃湯入面有粉絲、鯛魚片、菜甫、酸菜、娃娃菜等等。粉絲都掛湯，鯛魚片都算爽口，但有少少骨，食嘅時候要小心間店自稱主打自家創作料理，可能真係太有創意到我唔識得欣賞😂😂😂，encore不了……

之前問朋友葵廣有咩野食推介，朋友推薦呢個鯛魚濃湯粉絲，話見到好多人介紹~Ok，一於去試下🤡，平日晏就都好多人食，要等成半個鐘.鯛魚濃湯配粉絲 湯底用魚湯熬成，加埋自家酸辣醬，朋友叫左大辣，我試左啖湯，又真係好辣同埋好酸😂我唔鐘意太酸…個底有好多菜，面頭鋪住大大塊鯛魚片，魚片幾滑唔會好鞋.宇治櫻花蝦•蝦濃湯粉絲面頭有三隻蝦，蝦肉新鮮唔會霉，湯底用櫻花蝦熬成，加埋自家制酸辣醬，食落有d似喇沙奶香味幾重，個湯幾好飲。我叫左少辣都夠辣唔會太酸，粉絲幾滑入面仲有菜同豆腐等等.宇治酸辣醬涼拌魚皮 (細)由於叫左細份所以魚皮同海哲擺埋一齊，面頭有青瓜絲、櫻花蝦、菜甫粒、炸蒜粒等等，配料加埋酸辣醬都好惹味 ，魚皮好滑口感爽口又大舊.宇治櫻花蝦涼拌海蜇（細)條海蜇大大條，好爽口，食食下好快食唒

#20240203 💛📍 宇治初時 @yu_firsttime 葵芳葵富路7-11號葵涌廣場2樓2020號舖➖➖➖➖➖➖➖➖➖➖➖➖➖➖➖➖➖#宇治櫻花蝦蝦濃湯粉絲 #天使辣 $55💭 一段時間無尼葵廣啲舖頭又變左啲，呢間新野見咁多人排隊，一於試下😏首先個蝦濃湯配小辣有啲似冬蔭功咁酸酸辣辣，奶香味好足令個湯又香又滑🥛天使辣真係得少少所以絕對輕鬆應付🤏🏼粉絲用左韓國粉絲，粗身煙韌同時都飽肚啲🇰🇷有3隻剝左殼既蝦勁貼心，爽口彈牙🦐湯底入面有唔少配菜，啲豆腐好似食極都食唔晒咁🤪仲有啲菜脯、菇粒同娃娃菜，唔同口感得尼又開胃，呢頭食完果頭已經想覆桌喇🤤.#葵芳美食 #葵芳黃店 #🐷在葵芳 #🐷_食

得閒都會去葵廣掃街，去左間早排碌social media有間多人推既小食店主打創意料理，味道有驚喜.ᐟ‪.ᐟ‪.ᐟ‪小食真係好高質 ˙꒳​˙ )ﾉ"· - - · - - · - - · - - ·🔸 宇治鯛魚濃湯粉絲🔹 宇治酸辣醬涼拌魚皮（天使辣）·- - · - - · - - · - - ·叫左兩食價$90鯛魚片無骨爽滑，個湯個味道就似蕃茄湯同喇沙湯嘅混合體仲加埋creamy🤤食天使辣真係更加香，配料仲有啲菜甫、酸菜、娃娃菜、柴魚粉絲非常掛汁，彈牙👍🏻👍🏻好好食，我覺得我會嚟encore➰至於小食，涼拌魚皮超爽口個自家創作既酸辣醬味道真係正配埋青瓜絲🥒 櫻花蝦、菜甫粒、炸蒜粒🧄，配料加埋酸辣醬都好惹味🥹🫶🏻而且佢唔係四川麻辣個種辣，唔會好油➰係好清爽既好味料理食到我lam lam 脷👅雖然要立食，但絕對超值得食( ˶'ᵕ'˶)