魚米 (Moved) New Location

天氣開始凍好想食啲暖笠笠既野即刻諗起米線我就叫左碗《原條黃花魚米線》酸辣湯底條魚唔腥(本身好怕魚腥) D配料芽菜 腐皮 咸菜都好多但咸菜唔係好岩我口味 一係好咸一係好酸 無中間但D芽菜處理得幾好 唔會好生米線份量好多 同事就叫左《果醋豬軟骨菜飯》我試左一舊豬軟骨 好軟好易咬而且整得好入味撈飯好正 如果份量多D會更好環境方面：個卡位有啲Dirty...癡笠笠坐得唔係好舒服另外放餐具個抽屜壞左要好大力先抽到出黎，真係好驚會整爛仲有D阿姐叫左幾次先應 明明我已經叫得好大聲下次都係叫外賣算啦

🍖豬軟骨韭菜餃米線🍖豬軟骨夠淋 夠入味 都幾大舊韭菜餃韭菜好香 蝦肉好爽口米線彈牙 唔太淋 湯唔會太咸 岩岩好整體黎講唔錯喎😘下次可以試下呢到岀名啲既魚米線成條魚上睇落都吸引😍

成日行過魚米都未入過去食，今晚突然間想食蒸魚，就第一次入去幫襯。於晚餐時間，黎到專食魚既店，我就同朋友叫左一條蒸魚+雲耳蒸雞。第一次幫襯懷著滿心期待既心情，點知蒸魚同雞的味道非常淡而無味而且好油，似食油多d...另外隻雞件部位得頸同骨，冇啖肉食，非常差。由於好肚餓，條魚都可以全清，但碟雞真係食唔落/得骨食唔到，又冇味又油又冇肉，最後餓著離開，去掃街好過！仲有d員工，態度非常差，落單又錯漏百出。真係冇下次！！

間唔中都會嚟食，因為啲湯真係幾好味，今日就唔想坐低食所以外賣算，評價如下：味道：本身佢哋啲原條魚米線幾好食既，啲湯都幾好飲，幾鍾意。份量：平時堂食好似無咁少，唔知係咪佢買走個啲碗大，望落樣樣裝得3分1， 怪怪地價錢：唔算貴亦唔係特別平舒適：卡位都幾多，可惜周圍都滴水，搞到間餐廳污糟邋遢咁都無人理衛生：都幾差，有個卡位上面條喉長期滴水都無人理無人整，近廚房個幾個位成日有蚊滋仔飛嚟飛去。今次仲神奇，個米線放埋張紙落去，擺明係廚房單嚟，寫住乜乜米線x1 咁，其實廚房啲人做野拿西就周圍都係，但執野個呀姐可唔可以望多兩眼？服務：無咩特別，唔會差亦唔係特別好

我同屋企人見到係新開於是就入去食,兩個人點左兩個餐分別是豉汁煎黃立倉魚同娃娃葉蜆肉帶子仔,兩碟都好食,都食得出條魚係新鮮魚而唔係死魚,LEE點都幾欣賞,價錢合理。不過唯一唔開心的就是落單的比較新手,而且上左娃娃葉蜆肉帶子仔差不多10幾分鐘都唔比白飯我,最無奈是可能新店開,人手少,服務生唔多識做,我們點的是黃立倉魚,但卻落錯了做黃花魚,結果要再等多十幾分鐘才上菜,但整體服務尚可的,應該會再去,因為餐牌的選擇多,有比目魚、大眼雞,我都會想試埋。

魚米家既湯底真係無得輸😭😭酸辣都好香甜😍😍叫左個豬頸肉配埋野飲都係41蚊叫左之後5分鐘已經有效率好快👍🏻👍🏻入面d料都好多 好飽肚 腩肉吾係太快食落吾會感覺太油膩

約左朋友兩點係北角見趁有時間就去食碗米線先今次揀左「魚米」星期六1pm 入面都八成full如果星期一至五應該更難搵位話哂附近咁多office一坐底個店員已經企定定諗住幫我落單吓？入黎都未睇過menu 未免太高效率呱 我無入錯澳牛呱你當個個都係一星期食幾次既熟客咩唔係每張枱都有menu book除左menu book亦無其他地方可以參考（之後有位先生坐我對面 佢就真係熟到唔睇menu就落到單）過左陣佢感覺到我無意落單先行開而我要自己去隔壁枱攞本menu睇佢都無諗過幫我攞過黎算 最緊要d野好食！叫左熱檸水 & 果醋豬軟骨米線 加兩蚊要酸辣湯底上菜好快 大約三分鐘就有米線配料非常豐富除左一般既芽菜韮菜酸菜 竟然仲加左炸菜 ！湯底味道ok 唔油膩可惜只辣不酸 又係一間加酸菜就當酸辣既餐廳...比三哥既普通酸辣更辣少少米線煮得比較淋身一碗有4舊大既豬軟骨 再有兩三舊零碎既果醋豬軟骨好出色！係咪用果醋我就食唔出喇 XD食落係鎮江醋汁既味 非常入味煮到好軟淋 甚至軟骨部分煮到有少少膠質 一般餐廳好少食到咁軟既軟骨鍾意食豬軟骨既朋友真係要一試唔洗加一 $43 唔錯唔錯下次揀番正常湯底先

Like爆嗌佐個麻辣八寶米線同黃花魚米線，我自己就食黃花魚，大大碗，個湯底勁鮮，第一啖已經有驚喜，條黃花魚係炸嘅，啲骨都可以食埋，起初以為哩啲魚應有唔新鮮，但我錯啦，肉質好新鮮，終於可以搵到間好食過_仔嘅米線

溫溫下書肚餓，就會尼魚米食番碗豬潤牛肉酸辣米線。湯底只有微微酸辣，魚味幾濃，成個湯係幾好飲。我出街食面好少會飲湯，但魚米除外，佢食完唔會口乾，味精唔多，反而我好中意食既南記，雖然好好食但食完個口會超級乾。米線偏林幾滑。豬潤幾大舊，有啲爽口而且有啲甜甜地，無苦澀味，一啲都唔老。牛肉同樣大大舊，而且兩樣既份量都唔小。牛肉好林幾嫩，牛味就一般，但口感好。尼番杯檸檬茶少甜，但佢少到完全唔甜無糖咁濟。

今日一個人LUNCH, 所以就買左碗酸辣米線..再加個豬軟骨米線味道都OK, 但就冇乜辣味至於個豬軟骨就好入味, 但唔知點解有D稔有D唔稔, 但整體黎講都OK埋單$37

又係食外賣日子，今日去咗魚米買外賣。係咪真魚湯我唔係好肯定，但係呢間米線食完起碼唔係要飲勁多水我真係好怕啲嘢食完勁想飲返幾杯可樂 外賣要加一蚊，分開2個盒裝，呢個設計幾好，食果時唔會淋哂另外個盒可以入微波爐，凍咗都好以叮返呢個墨魚餅米線($32)，唔知點解，我成日都覺得外賣係細碗啲啲湯食果時仲好熱，米線軟硬岩岩好墨魚餅仲脆脆地，有鮮味

是夜踩完十二小時後拖著疲累的腳步正盤算在那裡開飯時, 就給我遇見魚米, 於是唸都唔唸就行入去, 我最喜歡在晚飯時間前開飯。因為可以避過太多人流, 另外食得唔會太趕。本來已經點了云吞麵, 後來發現 了豬軟骨撈麵 時即時轉軑。但重呻我並唔係一個花心既人, 天蠍既人一向專一係千真萬確既。從前不太喜歡吃豬肉, 由其是豬扒, 因為我唔鍾意食硬的的既野, 而且絕小餐廳可以煮做Bling 一聲。但自從吃過 翠華的 豬軟骨撈丁後就愛上宅。每到任何一間餐廳見到有呢樣野我唔會豫疑, 一定選它。講返碟麵先, 份量真係多到呢 …… 感覺大約有個半麵餅,但賣相就非常求其, 而且麵餅有一大墟黏埋, 唉 ~ 真係剪不斷, 理還亂。質感較稔, 但豬軟骨就非常不俗, 陣陣磨鼓香, 軟稔入味, 酸甜適中。件著上湯只得兩三啖, 但味道還可以。加上價位適中, 幾岩一個人快吃閃。Music Loop - 獨角戲 By 許茹云

Came here with a friend who lived in this area. We stopped for a noodle break and chose this. I had never been here before but my friend seemed to like it.Yu Mai is restaurant with various branches around Hong Kong. They serve vermicelli noodles in a fish broth. Their most popular item is having a whole fried fish served with your bowl of noodles. Menu is in Chinese and English with photos. There is no 10% service charge.We shared a big bowl of noodles that included fish balls, fish meat slices,

雖然係幾十蚊一碗但湯底真係有淡淡魚味可惜衛生認真麻麻泰式魚餅麻辣扣底米粉泰式魚餅有淡淡香茅味very 足料very 彈牙米粉唔好食似膠線又似煮唔熟大辣亦唔辣ok la...

同男朋友去街街晚上想食清D所以選左米線食呢間店唔算多人不過個餐牌好吸引決心一試入到去環境唔錯，但可能少客人人手都安排得唔係好夠男朋友叫左4寶麵之類我就叫左酸辣魚腩麵上菜都算好快10分鐘就有得食個湯底唔係話好濃我覺得可以濃味多少少魚味就夠既，而且魚腩肉都好大份我自己一個人都係勉強食得哂D肉淨左好多米線(已經叫左扣底)應該好岩大食人士下次可以再黎試試果D原條魚麵餐 =P