源發咖啡廳 (Closed)

今日食被稱為男人的浪漫 嘅豆腐火腩飯 點樣講好呢 呢盒豆腐火腩飯 睇起上嚟好大兜 其實餸料唔係好多 但係好多飯墊底 所以睇上嚟就好似好豐富咁樣 一切都係掩眼法豆腐好淋 燒肉好鬼咸同時又係煮到好淋 個芡汁煮到有啲一pat pat咁嘅樣 而且食起上嚟都係好咸 可能係因為乜嘢都好咸 仲有可能因為個燒肉煮到好淋嘅關係 所以特別好餸飯 食起上嚟又覺得幾滋味 亦有可能係因為自己好肚餓所以覺得食乜嘢都好好味九秒九食完 我唔浪漫 所以唔好話豆腐火腩飯係男人的浪漫！

源發茶餐廳係一間充滿着人情味的餐廳。我今年18歲，我在這間茶餐廳食足18年，這家茶記陪着我成長，早上食早餐時，總有一班老客來傾計食早餐。這18年人情味沒變，回到現在大家也依然在。

周末去行山要係太子轉車，諗住喺附近嘅茶餐廳食完先去搭車，極速openrice下搵到間喺附近又幾懷舊嘅茶餐廳就去試吓佢啦！男朋友叫咗常餐，個奄列好大又煎得啱啱好！入邊有好多火腿！我唔係太肚餓 所以就叫左一碗芫茜豬膶米粉本身諗住唔會太大碗啦！點知黎到原來好足料又大碗！好似芫茜湯咁，豬膶仲要係厚切嘅正！食完之後仲見到有對公公婆婆叫咗芫茜豬膶湯飯，好似好正，下次要試吓！

再次計劃做運動，之前來到這一間舊式茶餐廳，但是內進後就發現內裏的裝潢不太古舊，難道翻新過？沙嗲牛肉麵，真是非常之強差人意，牛肉竟然是冷凍的，本人所說的冷凍不是普普通通的不夠熱，而的確是冷的，不知是因為放入雪櫃，還是擺得太久，本人當然要將牛肉，在湯內翻滾一下才能進食。公仔麵居然不是軟林非常，反倒是有點彈力，功架十足！多士不用加錢，也算是烤得非常之香脆，而且牛油不太少，旁邊的奄列也不是煎得非常熟，還有少許蛋呈流質狀。本人的茶走，奶茶味道普普通通，茶味尚算剛剛好。更為特別的是阿華田脆脆，上面的脆脆我本來以為是可可脆脆，但吃下覺得非常特別，好像有點兒像煉奶混入阿華田粉的味道。

遠看已覺這間茶餐廳歷史悠久，進內以為會十分懷舊，豈料又不是，估計應有翻新過，而且還設有fb果然舊懷也要跟得上潮流！茶餐指定食物火腿奄列、多士，奄列蛋略嫌太熟，沒有半點蛋汁，牛油多士則正常。沙嗲牛肉麵牛肉竟然可以是凍的，不是不夠熱咁簡單，是完全凍的唯有自行將牛肉浸在湯中弄暖，明白茶餐廳多數一早煮好牛肉，到客人點餐才放在麵上，但只少也有點誠意，上檯前略為弄熱吧！就算食物原本幾好也不會想吃！！五香肉丁麵屬正常，因罐頭食物也很難會出事。題外話，大家會否察覺，現在的五香肉丁跟往時不同，總覺得沒那麼辣，味道反而有點像回鍋肉，人大了，很多小時候的味道也失掉另麵條微硬有咬口，浸在湯內一段時間也不會變腍，不錯飲品反而有驚喜被檯面的宣傳紙吸引之下點了，名字好像是柯華田加爆脆，面層鋪上了一堆柯華田味的脆脆，柯華田沖得極度香濃，如果說有200%特濃朱古力，這個就是300%特濃柯華田！茶記指定飲品茶走，味道不錯，但被柯華田搶盡風頭

遠離太子的旺區，有間唔錯的舊式茶記“源發咖啡廳”，裝修雖老餅，但食物水準卻不賴試左葱油豬扒煎蛋飯($38), 葱油夠香，撈太陽蛋的汁食一流，而且份量又足夠另點左下午茶餐的沙嗲牛肉包($26)，沙嗲牛熱辣辣而且又多汁食到成到係汁，跟餐的熱奶茶夠熱又有茶香，服務唔錯，價錢亦合理，啱哂最愛茶記的朋友仔！ 

今時今日想係茶餐廳搵件食已經係一件好難既事，何況仲要咁足料🍴難得！😝😝支持小店💪💪💪店名：源發茶餐廳地址 : 太子基隆街67號地下好味指數：8.5／10價錢：32（凍飲+$2）茶餐（多士 、火腿奄列 、沙嗲牛肉米）Menu上既茶餐原來早餐時間都嗌得架，大家千奇唔好比menu呃左，一定要試流心火腿奄列呀🍴，以早餐質素泥講，可以話係超唔錯。招牌沙嗲牛肉夠曬大份之餘，味道似足舊式做法，沙嗲汁要泥撈米粉食一流👍👍👍火腿奄列切開蛋汁緩緩流出，火腿塞到滿，超足料🐦多士薄切烘底，加左牛油，食落脆卜卜，留到最後先食都唔會腍左，正到喊😂呢個餐加埋凍飲埋單都係$34，係連鎖快餐點用呢個價錢一定無可能食到咁高水準食物啦！

 午餐叫左䓤油豬扒煎蛋飯&叉燒煎蛋飯&茄汁肉片飯。有碟影到相，因為那位仁姐唔出聲係咁食係咁食，清晒佢先啋我地話好食喎，哈哈哈。睇相就知唔係開個豆粉慳成本難食到爆個隻啦係咪，豬扒幼嫩有兩大塊，叉燒厚肉又多！有造型有味道有誠意，裝修壞舊地方乾淨，唯一開始不滿係越來越多人知佢好食，而家成日要搭抬，睇怕遲d要排隊囉。

小時候常常去茶餐廳吃早餐或下午茶，總是喜愛吃朱扒米，對朱扒好像有些情義結。今天早上約了亞E去吃早餐，去了間張近十多年沒去的 "源發咖啡廳"。我就叫了朱扒米熱O茶，亞E叫番茄牛肉湯米熱O菜。叫完之後，亞E便走左出去，吾知佢做乜野，原來走到街市上買了我最愛的指天椒，我們最愛張些指天椒剪粒後，加豉油，左壓爛佢，等指天椒辣汁滿布豉油。久違了的朱扒米及番茄牛肉湯米，雖然味道不大好，湯很淡，朱扒也有些雪氣味。熱O茶也很普通，但小時候常常來吃，加上有辣汁豉油，那種情懷感覺多良好。這個早上簡簡單單和亞E吃個早餐，說說笑笑感覺多開心多溫暖。其實老人家只要你簡簡單單和她吃下早餐午飯行下街，她們便感覺到窩心，不雖要什麼的。簡單的付出換來開心的一天，很值得呵！

那天, 因為要帶兩個小貓去獸醫那裡, 放低佢地做手術, 要等幾個鐘之後先可以拎番佢地, 就去0左食午餐了.行來行去, 想要試一些新的東西, 經過這裡, 看到了很懷舊的陳設, 又看到了很多人在用餐, 就馬上決定是這家了.吃的, 當然是我最愛的茶餐, 我也不知道是從什麼時候開始, 我愛上了吃茶餐的, 每個周末, 必定要吃個茶餐, 放年假的時候, 差不多每天都一定會吃個茶餐, 哈哈~今次這間茶餐廳, 不畏言, 是很喜歡它的陳設, 讓我想起很多小時候的事, 這些老牌的地方, 都在城市中流走了...很不容易看到了這家店, 試了它的茶餐, 很感恩.這個牛肉麵, 爽口, 牛肉夠稔. 個多士烘得剛好, 不太燶, 個火腿旦奄列, 又係用心機煎出來的, 沒有過火, 切開來, 還有旦汁, 好! 咖啡也是香濃的.如果我家附近也有這樣的店, 多好!

VIsited this cafe located at the PriceEdward based on the recommendation. The boss' wife were serving during this Sunday - she was so friendly in giving recommendations. Being the 1st time visitor - we asked for her recommendations. It came with the special dish called 'Curry Fried Rice' - it consisted diced vegetables, eggs, barbecue pork, ham, etc. - very yummy while it was kind of wet. We were told the Chef was on leave this Sunday and it was done by another chef and hence the quality might b

看到有食評介紹這裡，見很接近我家，便決定來一試。我叫了一個茶餐，包括多士、火腿奄列、叉燒通粉及奶茶。多士 - 麵包唔算新鮮、而且像烘起一樣，又韌又，都算難食。火腿奄列 - 很有蛋香味，還有點點脆口的感覺，幾好食。叉燒通粉 - 叉燒很普通，通粉唔會太淋、幾爽口，可惜那裡的胡椒粉唔香，唔係一定更加出色。奶茶 - 第一杯、奶味偏重、飲唔出什麼茶味。第二杯叫少奶濃茶，可惜奶少了，茶就飲出沒有什麼香味，相信因為用了不是太出色的茶葉，下次可以不用再飲。食完見未夠飽，便叫多個下午茶，西多士。西多士 - 看出是由二片薄麵包、二合為一而成的、中間沒有果醬或花生醬、因麵包也是唔多鬆軟、明顯又味道偏淡、食了半件便不想再食。下次再去，可能要自備胡椒粉了！

阿媽買個下午茶餐我嘆。雞翼加沙律，加多杯熱華田。雞翼得兩隻咁大把！雞翼好貴咩！係多隻都唔過份啦！兩隻雞翼又唔係大，正常size，個皮仲要有毛！好在味道唔錯，個皮又炸得香；不過炸過火，好乾，肉好鞋。沙律就relatively 多d。有雜果、西芹同青瓜粒。個沙律醬好香。華田味道正常啦，都無難度。勉強俾個ok啦。

義工過後，同阿媽去食個tea~看過下午茶餐，唔太o岩食，於是叫個茶餐。茶餐有牛油面包，火腿奄列, 沙嗲牛肉米粉加凍檸水。牛油面包我無食俾阿媽。個火腿奄列好好食，當然無牛奶公司咁滑，但都唔錯，蛋不會煎過火，有蛋漿流出。火腿又唔會太咸。沙嗲牛肉米粉帶微辣，但就無咩沙嗲味，米粉爽口。牛肉有o拿過，但仍然有牛味同嚼頭。間唔中食一餐兩餐都唔錯。但佢d款式就比較少啦。

我住太子呢一區都 10 幾 20 年啦.....細細個就一個禮拜嚟食幾次源發,但係唔知幾時開始違忘咗呢度,今個禮拜無意經過,就順道入去懷念一下, 食番餐,間餐廳冇咗以前果種港式茶餐廳嘅裝潢,因為裝咗修, 少了一點熟悉的感覺, 但多咗一份舒適,我照舊叫咗一份特餐,其實我去任何一間茶餐廳都會食特餐,因為我好鍾意奄烈同沙爹牛肉味道依然係咁正,奄烈外皮香, 用刀切開裏面有超多蛋汁流出嚟!真係冇得頂!至於沙爹牛肉就同以前一樣, 個醬汁夠濃,牛肉入曬沙爹味, 特別好食, (唔同其他茶餐廳咁, 牛肉還牛肉, 沙爹還沙爹)配埋公仔麵又好食又夠飽,同我食過嘅其他茶餐廳比明顯好食d,得閒我都要搵個機會嚟呢度食過早餐先,印象中佢呢度 d 早餐都唔錯