源發咖啡廳 (Closed)

義工過後，同阿媽去食個tea~看過下午茶餐，唔太o岩食，於是叫個茶餐。茶餐有牛油面包，火腿奄列, 沙嗲牛肉米粉加凍檸水。牛油面包我無食俾阿媽。個火腿奄列好好食，當然無牛奶公司咁滑，但都唔錯，蛋不會煎過火，有蛋漿流出。火腿又唔會太咸。沙嗲牛肉米粉帶微辣，但就無咩沙嗲味，米粉爽口。牛肉有o拿過，但仍然有牛味同嚼頭。間唔中食一餐兩餐都唔錯。但佢d款式就比較少啦。