源記喳咋 (Closed)

没能在重温超好吃的糖水。最爱核桃露。三年前吃过后就想再吃到它。哎。。。为什么？那么好的老板和那么棒的甜品没了？希望老板一家人健康，平安。谢谢老板当年帮忙指路教我坐巴士过香港岛。

一直看tvb电视剧提到油麻地有一家很出名的喳咋，上次跑错地方，这次查了下，看评论说这家是老字号，不会错了。八点多的时候，店里已经坐满人，叫了碗热喳咋，里边红豆沙加各种豆子，很软绵，但有点甜，一碗28蚊港币，都不算贵，好好味，比起之前我跑错地方吃的那碗喳咋，终于明白这家老字号为什么这么出名。以后去油麻地必食的甜品店

當日因事宜, 身在廟街.  突來興致想吃老店鵝記渣咋, 不過卻找不到.  後來看到源記門口有很多人等候, 便決定柴娃娃一起排隊試一試老店源記的糖水.因為是老店, 所以我們都有所期望.  我們一人點了一樣, 紅黑, 涼粉豆腐花, 凍渣咋.  結果是全部都沒有想像中那麼滋味, 就只不過是糖水一碗, 不算差, 卻也不是那種一吃便忘不了的好味道.如果下次再經過, 我都會再入內吃, 反正中式糖水店不多, 過過口癮無防,  但專程造訪就不會了.

今日見食得唔係好飽又近近地就同老公行左食好出名的源記渣o窄.渣o窄係老公既至愛我地就一於去食下雖然係中式糖水不過選擇都好多呀!! 我地花多眼亂又研究下d 價錢呀最後都終於叫左兩碗.我叫左合桃露加湯丸,老公就渣o窄加湯丸. 叫完真心肉赤呀!! 呢兩碗野$80 r... 係$80 呀!!!! $40 一碗呀😑 由心赤出黎呀!! 渣o窄都算多料既, 椰汗同花奶味都算香. 我既合桃露就好一般! 唯一既優點係唔會太甜, 湯丸有2粒芝麻餡,不過個心煮得唔係好透仲有d凍.總括係好平凡普通不過價錢係好貴好貴呀!!

元宵節同老公食完晚餐，我見面書咁多人食湯圓，我又想應下節老公話今晚一定排長龍，咁我地行去心儀湯圓鋪，真係排長龍我哋目測應該要排九個字，所以就轉陣周圍行，由佐敦行落廟街，咁啱就見到呢一間，仲見到有位即刻坐落去，然後梗係要嗌我哋嘅湯圓，雖然要等20分鐘，不過志在應下節然後喺我哋等緊嘅期間，聽到哥仔話：賣晒啦，賣晒啦，湯圓賣晒啦真係只係兩分半鐘內的事，啲人都係應下節知道冇湯圓就走人😆😆😆雖然啲湯圓就唔係咁靚，顏色啡啡黃黃，同我食開嗰間白雪雪一啲都唔同，不過味道OK, 不過不失吧，普普通通冇乜特別，都係果句志在同老公應節

佐敦佳佳無人不識啦，不論係假日定平日都滿滿人龍，搞到我地都冇乜意欲去等。結果黎左呢間源記喳咋，聽講話喺廟街都有好耐歷史，唔知同鵝記有冇關係，哈哈。店面唔大，但光猛企理，有啲靠牆位置，有啲長枱，店員都幾有禮。糖水方面有傳統中式野，例如腐竹、芝麻糊花生糊合桃糊、綠豆、渣咋等，可以雙拼或加料，例如雞蛋、湯丸等。凍食嘅有涼粉、大菜、紫米露西米露、豆腐花等，價錢廿零三十蚊。渣咋 $28渣咋都幾大碗，面頭加左花奶，所以賣相就唔係十分好睇。裡面有多款豆類，份量大方，有紅綠豆、花生、眉豆、腰豆、蓮子、西米等，食落以紅豆味道最出。甜度適中，濃稠剛好，啖啖有豆，香軟順滑，另外仲見到啲類似椰絲咁，口感豐富兼食完勁飽。香滑合桃糊 $28 +湯丸 $12/2粒合共40蚊，呢碗野high apru，尤其是湯丸12蚊得兩粒！合桃糊色澤對辦，望落就幾濃，面頭形成一層薄膜，味道冇想像中咁香合桃味，但糖水整體略甜。原本覺得不過不失，但湯丸係一大敗筆，size幾大粒，裡面係芝麻餡。但湯丸皮超厚超厚，餡極少，仲要冇芝麻味，成功將呢個糖水變成唔合格，性價比低。

歷史悠久一間老店，記得細過家人帶我黎食，出名渣窄多豆多料，又煲得淋，糖水吾糸好甜，香順丶我叫左個兩溝，渣窄合桃胡，$30，合桃胡吾會開粉，總括依然係幾好味，保持水準

練完波熱辣辣，想食糖水！但凈係想食凍野。由佐敦行到油蔴地。甜品店真係買小見小。話晒都十點鐘。d 人食完晚飯食甜品既時間。所以之前見到一間排長龍無等。一見到源記有位就走入去。有中式糖水，但本人覺得中式係要食熱既，所以無㨂到。叫左雜果西米露。叫完先諗會唔會係罐頭雜果！結果不出所料。甜品黎到仲有椰漿響面。攪勻之後除左椰汁，西米同雜果加埋約有半碗，椰漿味重。如果凈係當飲野的話都ok 既！朋友叫既鮮芒涼粉冰。平平無奇。或者叫個芒果涼粉可能會開心d .

位於廟街，喺佐敦同油麻地中間的，源記喳咋，當然最出名嘅就係喳咋，次次我哋都會叫多奶，因為多奶會甜味同creamy好多嫁！跟住男朋友叫左芒果布甸，因為食完煲仔飽其實已經好鬼飽，佢細細個都仲食得哂，碗喳咋就好大碗，下次空肚先去食喇...

之前已經食過一次，今次再食！中式糖水真係賣少見少，呢間其實都算唔差。價錢係ok㗎，同朋友share，佢叫左合桃糊，我叫左凍豆腐花黑糯米。合桃糊好好飲，係夏天我真係需要凍嘢。我嗰個就正正常常啦，都ok嘅。如果真係呢間食，我都推介食熱食，始終比較強啲。

同媽媽行過入去食，叫左一個喳咋，一個芝麻糊。喳咋多豆，有一，二粒好細的芋頭，豆豆好冧，但不是好起沙，甜度也適中，食落個人只可以說ok,不可以話好味。芝麻糊是自己做那種，不是開粉，但糊重過芝麻，不夠香。出品VS 💰=真的好普通。

同朋友食完午餐之後，其實我就唔太飽，所以拉埋朋友食糖水。來到油麻地附近，知道源記喳咋都幾出名，同朋友再戰下午茶。合桃糊(凍) - 朋友叫左合桃糊(凍)，凍的合桃糊上面凝固左一層薄膜，個層薄膜比較濃味，要撈好再食會好D 。合桃糊味道幾香，唔會太甜。喳咋(凍) - 當然要試馳名的喳咋，凍食都唔錯，加埋花奶夠香滑，而且都足料，有多款唔同的豆類，食完夠飽又好味。值得一讚係凍的糖水都唔會話勁冰，反而係微凍，食得比較舒服。整體而言，雖然坐位唔多，價錢都唔算特別平，但中式甜品算做得唔錯，推薦試下招牌喳咋。

My Order:凍喳咋 ($28)芝麻糊豆腐花 ($30)凍豆腐花 ($21)芒果西米露 ($33)可能是位於廟街的關係，相較外面的中式糖水價錢較高，個人認為味道也不見得比普通糖水店好吃。凍喳咋足料~超多豆~但可能是凍又多豆的原因，有點太稠。芝麻糊豆腐花很普通..芝麻不夠香! $30真的有點貴!凍豆腐花普普通通芒果西米露西米露很稀，芒果算甜但量不多。

之前都食過一兩次不過因為而家開始養生唔想食咁多凍嘢所以想搵一啲比較養身嘅甜品食今日就特登嚟咗廟街呢一度因為知道呢間鋪頭開咗好多好多年係一啲比較養生嘅甜品舖開頭一入去嘅時候得三個員工一個客人都冇心裏面喺度諗係咪其實唔好食架！點解會無人嘅？點知坐唔夠5分鐘，突然間全場滿座自己見到都嚇咗一跳睇嚟呢間鋪頭係出名嘅～我哋叫咗兩本養生糖水第一款就係黑芝麻糊另外一款就係補腦合桃糊一放喺枱上，熱到一啖都食唔到啊不過真係好新鮮，試吓味嘅時候發覺真係唔係用水溝粉個喎係磨嘅芝麻糊同埋合桃糊感覺好似食咗啲好健康嘅食品心情即刻大好了

一家人吃完晚飯，有小朋友話想吃喳咋， 於是便來了源記。店舖頗簡陋，地方狹窄，但勝在出名。 由於晚餐吃得太飽，不能再吃喳咋這麼飽肚的甜品，於是點了凍豆花，聽聞豆花也是皇牌之一。豆花味道好清，又滑，但糖水甜度極高，要扣分了。這裹是先點糖水， 然後便有員工通知我們要付錢，跟住才可慢慢吃。