源記喳咋 (Closed)

今晚同大少食飽飯, 又去埋圓方換咗件衫, 咁就行番去廟街食糖水啦.......入到去都係得2枱客, 可能時間尚早啦. 睇咗一輪之後, 大少order咗個合桃芝麻糊, 我就order咗個黑芝麻豆腐花...我個黑芝麻豆腐花, 芝麻糊好似用粉開, 得個甜字, 又杰, 又無咩芝麻味, 豆腐花就好實...整體嚟講呢個真係"糖"水....大少碗嘢都無咩味道, 都係好似用粉開咁無以前咁香, 味道係比之前差咗

二零零九的第一個凌晨，於圓方附近空地觀看了 IFC 煙花倒數後，隨人流走到了佐敦渡船角一帶，不論是堂記、重慶串燒皆大收旺場，唯有無奈地向油麻地方向進發。走過了油麻地警署，便到了廟街的源記喳咋，每次到電影中心看電影總會經過這間喳咋專賣店，但因本身不好豆類中式糖水而從未試過，新年新嘗試，就決定來一碗吧!其實我點的是花生糊，妹妹卻拿來一碗花生糊喳咋，既來之則食之，花生糊味道還算香濃，內裡材料亦甚足，眉豆、紅豆、花生比比皆是，始終自己不好此道，當身邊人轉眼已輕輕易將原味喳咋解決時，我的卻仍舊原封不動似的，令我略感頭痛．．．心想總不能浪費美食 (雖然我不懂欣賞)，於是便合上眼，只花了十秒時間將所有東西吞下肚，總算是任務完成。豆類中式糖水，看來還是與我無緣 (註: 是次因自身不好此道，故不作評分)

對於渣o窄的認識，都是由母親口中得知，也是因為她才對這糖水認識多一點點。剛才的晚餐本來已足夠令自己肚飽的了，可是從佐敦步行過來便開始感到有一點點意猶未盡的感覺。經食友瓜提意之下，一行幾人就過來吃碗糖水了。小小的店舖只能容納二十數人而已，我們等了一會才有座位坐下來。來到這裡當然要來一碗渣o窄，女友則要了碗腐竹糖水。<<渣o窄>>的材料非常豐富，有紅腰豆、芋頭、花生、紅豆等等。在加入了椰奶後的它，口感變得幼滑香甜，這個"magic touch"實在思考得很好。各類材料的口感也不盡相同，有的煙韌有的軟糯，這一小碗糖水就如一隊管弦樂團正在大合奏之中，令人回味又感受著材料之間的"和諧"，誰說中式糖水沒有"內涵"啊﹖這個渣o窄，值得一試再試~

在佐敦一帶吃飯後甜品,選擇甚多,但忽然想起一碗喳咋.就行到去源記.上一次去源記,已經是很久以前.那時大約是剛出來做事,久違十多年的喳咋,一坐低即叫即上.喳咋內的紅豆腰豆加芋頭,吃落軟稔又鬆化,喳咋味道濃厚.撈上花奶之後,令到口感更為香滑.本來吃罷軍記都未盡飽,吃了這碗喳咋之後,肚皮即刻滿足起來.你問我,十多年前吃過喳咋的味道,同今天有沒有分別?我已記不起,但記得當年陪著我吃喳咋的朋友,並非身邊的舊同學,而是Discman內,當年Oasis的大熱之作"What,s story morning glory"寫著這個食評,聽住Oasis的最新大碟"Dig out your soul".喳咋味道或許十幾年不變,我也是一樣,仍然憤世,仍然反建制.

** 此 食 肆 的 第 八 個 OK **尋晚(21-9-2008Sun)同男友人JC食完晚飯後,又食甜品,佢話想食雪糕紅豆沙,於是一直北行,到松記門口,卻冇開門做生意.唯有再北行,我就問佢係咪去美都餐室對面o個間源記?佢答係.好,到o黎喇,只剩’面壁思過’位,咁冇辦法啦,唯有照坐.我要個$18.00 o既凍白果腐竹湯丸,佢要紅豆冰.好快都到o黎,白果腐竹湯丸糖水滿滿的,有兩粒應該係芝麻餡湯丸,先試糖水,唔太甜,但冇腐竹,係煲到熔晒,JC就話咁咪好似飲豆漿?係喎,又真食幾似喎.食粒湯丸,啊,真係芝麻湯丸,食o左湯丸再食糖水同白果,就覺得冇咁好食.不過都OK o既.埋單$26.00

吃罷興煲仔飯, 行行下發現左源記. 牆上大大隻字的"喳咋" 已吸引我的注意. 明知多豆多渣會好飽仍要試! 一碗份量幾大, 熱辣辣上枱已聞到一陣椰香, 打撈之下更見驚喜, 足料之餘更有點點椰絲, 怪不得那麼香口. 特別係佢芋頭下得夠多又夠粉, 對我黎講好重要, 因為我愛死芋頭了~ 最驟忌芋頭又實又爽, 整碗喳咋變得沒有靈魂... 而 bf 要既芝麻糊亦相當不錯. 入口非常幼滑~~ 雖未必係石磨, 但食得出唔係溝左好多粉, 是仍有濃香的芝麻味.比起西環同名的老字號, 這裡顯然更勝一籌. 石x 坊, 滿x 更會比下去. 好飽好飽, 一定會再黎...

喳咋：出名野，不用多說雜果涼粉：還可以吧芝麻糊：當然不及大良八記啦

九時過後，於百老滙電影中心出來，下起大雨。只是咫尺之距，就好像走了數十分鐘的路似的...路過源記，例牌一定要吃碗喳咋。這是太座的摯愛，不吃怎行 ?今次吃冷的。拿出來時仍然係呈糊狀的，吃完之後更是飽了十成。感覺上，始終都是熱吃較好...今次下花奶下得更重手，香而不過甜；紅豆、眉豆、紅腰豆等依然夠多又夠腍，實在出色....始終跟上次吃嘅觀感一樣，可以下更多嘅椰絲的話，就攞足一百分了....

女友聽同事講呢間糖水店 D 糖水好得0架，所以行經就入去試試喇！我要咗香草果皮海帶綠豆，女友就要咗喳咋花生糊。兩款糖水都係落足料，綠豆糖水好杰，每種料 D 味都好濃，覺得比玉葉 D 綠豆糖水仲好味。飲咗即刻有一種清涼嘅感覺。喳咋加咗花生糊，令喳咋嘅味道更加香濃，簡直係好味到飛起。

成日經過但都係未試過入去食，前日終於去try咗，今日叫咗碗凍喳咋，唔記得咗叫佢走奶，點知....不過真係好多料，唔係多水，都算抵食，食完之後完全係覺得好飽，唔使食晏都得，哈....

逛街累了, 走來了這兒食糖水. 呢度喳咋出名, 見到好多人食, 真係好多豆ga! 可惜就唔係好啱自己口味, 無試過.例牌叫了個合桃露, 因為覺得有d餓, 索性食多d, 要求加湯圓. 合桃露好大碗wo, 而且煑得不錯! 頗香又唔會太甜. 但湯圓就有點兒失望了, 雖然好大粒, 但皮太厚, 亦唔夠煙靱.另外再要了個腐竹白果糖水, 都係大大碗嘅, 腐竹煑到溶晒, 食唔到一片片腐竹, 不過真材實料, 一飲d糖水時就知啦, 腐竹味好濃好香. 可惜就係d白果啦, 一碗有好多粒, 但就無粒靚, 好苦澀又唔淋...

正如西式甜品中越來越迷心太軟，中式甜品中我也越來越迷湯圓了。腸胃麻麻的我明明最消化就是湯圓的糯米，但愛吃也沒法子，上星期在佐敦咖哩屋吃得不滿足，之後想要的慰藉也就是湯圓!　我很衰，明知自己只食到少少，就禁止龍揀糖水，逼他同我分享一碗芝麻糊加湯圓。別看湯圓只得兩粒，如圖，每粒湯圓竟有一隻雞蛋大小，以份算都十分飽肚；味道方面，不是第一次吃，早知湯圓餡一點不流心，也不會失望的。其實我更重視餡心是否夠甜有芝麻香，而源記勉強都可以過關。至於芝麻糊，其實十分香滑卻更飽肚，試了兩啖就推給龍了~　最後，想講源記中文大寫的收費表很有特色，不過如果換了老外來到，肯定看到一頭霧水!

單是上桌時的賣相已是吸引，圖中的是經我混了的，哈！最重要的是它很夠熱，由頭到尾都冒著煙，讓人冬天有暖笠笠的感覺，頓覺幸福！入口又香有滑，它的香是出眾的，就是與別不同之處！材料很足，食到最後發現豆多過水，好滿足！唯一我個人不喜歡的是一絲絲的，是椰絲嗎？不過也許是因為它才這麼香的呢。１４元能夠買到幸福的感覺，抵啦！

本來猶疑咗好耐食咩糖水好? 但招牌大大隻字寫住'喳咋',唔試吓都唔對得住自己啦~叫咗喳咋,估唔到名不虛傳,啲豆配合得好,份量又唔會太多,上面加上花奶,好香滑.我男朋友就叫咗熱芝麻糊,亦很香滑好味我未試過其他出名糖水鋪,但對於呢間都好滿意特別係寒冷天氣下同男朋友一齊食碗熱糖水,特別感到甜蜜溫暖但呢間格局主要係面壁坐,唔好諗住可以坐得耐~

K suggest to have one more dessert. For me, Of course, Yes. As usual, we have 喳咋. As usual, Dessert make me happy.