元朗冰室

Open Now

Now Closed

昨日食完入去見食評講到如此差，剛好又在附近午，又試下招牌厚切豬扒飯唔講太多，總之都是好食同爽，不過豬扒可以厚些少👌而且午飯時間都差不多滿，質素應該唔差，當然其他分店質素又真是好些👆

一路以來也是厚豬扒的捧場客，不過佢地午餐的蒸雞及排骨也很好，但當椒鹽+豬扒飯就二話不說點了幸好，今次亦沒有令我失望椒鹽夠惹味，份量剛剛好，豬扒炸得剛剛好，只不過冇招牌厚豬扒爽，飯亦可以再軟些少熱些少，但也足以令食指大動，所以差不多食完才記得影相記錄下🙏如果每次個客離席也快快執枱，衛生可以俾多些分👌其實侍應也唔少，不過當然可以勤快些招呼，現場的午餐客都不少，應該質素都唔差，當然其他分店又真係好些

近排一早要去太子返學，於是早D出門走去食早餐，元朗冰室比較近上課地點，於是成為短期飯堂，課堂完咗就唔會相見.唔會相見嘅原因，當然係不滿意啦!每次嚟到，都係幫襯早餐B，金牌沙嗲牛肉即食麵，配嫩滑炒蛋,，香烤蒜茸厚多士.沙嗲牛肉入口仍算鬆軟，入味，只係每次要求少湯多汁都被無視，算! 明白每個人對少湯多汁定量唔同.最不滿係蛋踲份量，少得可憐! 次次幫襯都係偷工減料!重有件香烤蒜茸厚多士，完全唔係香烤，入哂氣冧哂好似過期麵包!滿分肯定攞唔到，勉強俾個 okay.

水準如一的厚豬扒，表面金黄無燒燶，又帶少少焦香，內心有豬肉味和肉汁，帶骨位置有不多的脂肪保留着，大口大口嚼下，更能提高食慾。當配搭飯、餐包或湯面都是十分好味道的《 元朗冰室 》有多間分店，以厚切豬扒作為號召，也是我光顧的主要原因。而本人總是喜歡位於太子區的分店。店內座位相距近，職員不多，顧客們要加少少耐性吧。但它出品的厚豬扒就令我懷念呀！尤其是配搭韓式辣麵喔 只是食一塊豬扒，都可以令我有七成飽的感覺了溫馨提示 ： 下午茶時間由兩點到六點，價錢合理份量充足。

元朗冰室有多間分店，我試過都不錯。太子呢一間兩年前第一次食都不錯，今天經過再試。這店很出名的當然是豬扒，既大塊又美味。今次同行人叫了豬扒拼蓮藕餅。一來，扒豬扒很吸睛，很大塊哩！但是伴著的兩件蓮藕餅細得可憐，可以一口就食掉。味道沒什麼特別。惟有寄望豬扒，第一口唔得，接著幾口都差。肉質軟得沒有口感，不知是鬆肉粉重手了，還是手挆得過頭，似食豬肉餅。專登加錢要肉醬，看來不錯，有少許辣的，但食落很鹹啊！我也叫了口水雞飯。這款在第二間分店食過很正的，但呢間失望至極。雞上有花生，有啲已走氣。雞件肉質很鞋，沒有雞味。汁也不吸引，有些店口水雞的汁撈飯很正的。結論是，它會影響了食客對「元朗冰室」的印象，不會再去這分店了。

當計劃講唔上預期，本身諗住剝牙之前食一餐好嘅，點知多多阻滯，唯有是但搵一間茶餐廳食完就乖乖地去牙醫度早餐都冇食，一嚟就下午茶極品厚豬扒真係好厚，但係豬扒其實冇咩味，亦都非常之油，肉質鬆軟唔係唔會乾身。唯一可取之處就係茄汁係獨立包裝特大炸雞髀🍗雞髀嘅size都算偏大，都選擇得香脆，係咪k醃得入味嘅，比起豬扒好。呢一種沙律真係香港茶餐廳嘅雜果沙律整體來講，嘢食只係屬於大大份抵食，但係唔算好好食。附近其實有更多好嘅選擇

疫情我都知難做，成條街都冇幾間有開，見凍室有開，又想食炸肶，好啦，仲有賣炸肶，食返個啦。坐低都係例牌冇伙計，等多兩分鐘終於有伙計上餐，叫返聲唔該落單，伙計係無反應，不過轉頭都過黎寫單。唔知係呢度文化定點，寫單係放張寫單紙係餐枱再慢慢寫，叫個炸肶姐，又要搵餐牌再慢慢寫個午A。心諗不如我寫埋畀佢啦。一兩分鐘後，果個伙計埋黎話冇炸肶，唉，有冇咁黑仔。算，求其食個炸魚柳，唔好煩了。過多幾分鐘，罐可樂上枱，連一杯冰。可樂唔凍都接受既，39+3凍飲，仲想點。歎兩啖可樂，上左碟吉列魚柳，放低隻碟果刻，我以為上錯餐。有圖有真相，呢塊係魚柳?! 魷魚咁卷起哂，39蚊你畀咁細塊我? I can't believe it! 上Openrice睇返張相，雖然原本影落都唔大塊，但呢度兩啖都咬完了吧，收我39? 食個老麥都冇咁火起。當我回過神來，問返伙計，佢就話，係咁架佢。好一句係咁架佢，睇黎唔係我黑仔，黑果個唔係我。食落其實唔難食，係份量細到唔敢想像可以以下午茶自居。個擺碟更加係笑話。結言: 永遠不會再來。

放縱生活自身錯棄信棄善人生錯減怨減恨唔會錯肥上瘦下應知錯高鈉、高脂肪、高熱量，放縱的一個下午茶，令到自己非常的十分快樂，生活不外乎如此吧 !《元朗冰室》的太子分店是我喜愛的，相信是人客流量多且眾的關係，產品熱騰騰感是高的，尤其厚厚豬扒呀 !對辛辣麵係無咩嘢想講，只係要食。有約半年無食即食麵的我，而身在太子地鐵站的我，已被《元朗冰室》 呼喚我的靈魂了。( 辛辣麵配厚豬扒餐 ) 俘虜了我。牠帶骨的位置肉質嫩滑，相對的邊緣就包含了少許脂肪，用嚟襯托蒜茸包一齊食，簡直頂呱呱。溫馨提示 : 辛辣麵餐要下午兩時後才供應，但是其他厚豬扒餐，隨時可以嘗試。

貪方便入左去食，又中伏了order 左一個下午茶肥牛拉麵，隔左一陣同我地講全部拉麵/烏冬都冇哂唯有轉特餐？定常餐？要左個麵配炒蛋豬扒同多士，點知黎到係烏冬。。。又話冇烏冬？🙄豬扒質素算正常，不過就好油炒蛋份量極少另外order 一份全日早餐雞扒size 比較細，味道同肉質都可接受，不過都係好油炒蛋份量同樣係少薯蓉正常加左錢叫杯紅豆冰，除左甜左少少都算唔錯講下呢度既"優質"服務店員黎送餐時問佢拎杯水，個男店員係冇任何表示然後轉身走左🙃🙃🙃雖然佢之後係有俾到我，不過完全唔show 個客係咩玩法另一個女店員收緊餐牌，然後將成疊餐牌放係我地張檯，連問或者知會一聲都冇👏🏻👏🏻 隔左一陣先拎返走之後又講下衛生一入到黎係店員安排座位俾我地，咁即係suppose 已經執好檯先安排座位但一坐低就見到一舊用過既紙巾冇清理之後提供既餐具係有污蹟既🤢總共食左116蚊食物質素還可接受，不過服務同衛生確係好差

員工服務尚可整體都算污糟，但我當係港式風味當睇唔到啦明明無叫茄汁，但碟邊附送茄汁，睇到都胃口大開D瓜同蕃茄，好似被迫放落去咁，違和感好強個碟都搞成咁，呢啲冷盤食完應該會幫你清腸胃個包就酸嘅，佢以為蒜蓉冚到陣味咖啡都預佢難飲，預左係平日茶記果種好酸嘅咖啡但佢仲要再酸D，好難得佢識玩，識得整d連小朋友都整得好食嘅薯蓉塞飽你個肚入黎果刻都預會伏，唔想投資太多叫佢個所謂招牌豬扒，叫左個$48好老實，呢份野，呢個質素同份量，叫埋杯凍飲$51真係自己諗喇

有時候在太子等啲西餐廳等得太耐，都會轉長來這裏食豬扒飯豬扒包。這裏的豬扒有一定的厚度，配上甜甜的醬汁，送飯一流。另外，疫情關係去不到澳門，唯有在這裏叫豬扒包定定飲，這裏的豬扒包不錯，麵包是烘過的，裏面的豬扒配合沙律醬，還有青瓜， 10分開胃。

一直都係元朗冰室既鐵粉（尖沙咀店）。今早在太子做完健身後，看到元朗冰室在太子的分店，咁唔駛諗食咩喇，當然食豬扒啦🤪估唔到，分店同分店之間都咁大差距…我點了份早餐，厚豬扒…平時豬扒是非常Juicy 而且仲帶點肥膏…而太子呢間完全只係一塊豬扒…😢 再來杯凍鴛鴦都唔係沖得好飲…再者，餐牌豬扒都係無汁既，唔知點解當我份豬扒餐到時，竟然落左燒汁…我R哂頭。問店員，店員只答，是的，改哂架喇，依家會落汁架…唉…算啦算啦…可能真係知塊豬扒無咩味同口感，所以落汁掛….

其實我已經食過幾次，幾次都冇改善，我相信問題係一直存在。佢地晚餐好多豬扒餐，但啲豬扒完全係下欄野，啲部位都係好多肥膏或筋既部位。最大問題係佢地生粉發到啲豬肉好似好厚咁，但你咪當個個人都唔識食，唔識食。啲肉霉既都有。已經唔係第一次，一兜豬扒，6塊得一兩塊食得落，晚餐完全負評，一定冇下次。同埋我想講埋你地常餐，沙爹牛肉麵，牛肉少，牛既肉質差，但個麵啲湯又極滿，根住無啦啦你又放啲根本唔會有食，平時用黎伴碟既菜，其實個廚房對自己的有冇要求架？

#breakfastforlunch, #cheapeat, #prince Edward, #mongkokoh wow.. this is my second time visiting here and I always indulgence myself for an upgrade breakfast... never regret it..I came here early in the morning so the place is spacious and the service is good and attentive.

今日難得放假，起到身，就同屋企人去咗元朗冰室度食早餐。位置頗多，但座位偏窄🙈嗌咗金牌沙嗲牛肉公仔麵配炒滑蛋同埋金牌沙嗲牛肉粉絲去炒滑蛋，比較鍾意粉絲因為比較吸收沙嗲味，另外滑蛋都幾滑、有蛋味😋香烤蒜蓉厚多士，蒜蓉包都幾脆。🎉