月 • 善 (Closed)

同事榮休之喜，我地一行9人就揀左呢間私房菜同佢餞行店員安排了一間獨立房卑我地，間房非常寬敞，仲對住個無敵大海景，環境真係一流輕煎北海道刺身帶子伴黑松露醬輕煎帶子外面微微金黃色，入面仲係半生熟狀態，所以好嫩，黑松露醬既黑松露味唔算好搶，不錯四喜酵麩平時食酵麩多數都以凍食為主，呢度做法係熱食，但熱食我覺得個酵麩好酸，我不太喜歡醉鹵鮮鮑魚係食到酒味的，但沒有酒香只有酒既苦味，如果冰鎮上我覺得鮑魚會更加爽口彈牙(我不太明白這3款前菜點解會放埋一碟上，特別係個熱食酵麩，味道上同帶子鮑魚完全唔夾)蟲草花淮山杞子燉螺頭鳳足燉湯好夠熱，飲左幾啖feel到成身血氣都運行得好好，湯清甜又帶點濃郁既味道，飲得出無加味精鮮胡椒蒜片老虎蝦伴菜新鮮爽甜，個醋汁亦都好好食，鮮胡椒蒜片非常惹味，我忍唔住將佢地通通放晒入口，但可惜我隻蝦煎老左，有點美中不足XO醬河塘爆海參用上XO醬，味道帶點辣，鮮淮山好爽口好清甜，不過海參我就有點失望，有的就不夠淋，我碟有舊仲食到有沙，我覺得真係不能接受，賣相亦都唔討好，似屋企亂炒上碟既樣韓式培根焗牛扒菇牛扒菇上放了泡菜，煙肉，3款食材走埋一齊原來味道係好夾，焗脆了既煙肉好香口，泡菜經

好耐無出post，太懶😆 好！今次介紹上環私房中菜，已經係第3次encore. 因為真心好味👏🏻👍🏻 你唔會估到，間餐廳係無用明火煮食😱 但竟然有咁ge quality, 實在甘拜下風😍 ✅ 有得包房✅ 樓下有停車場✅ 有靚境，環境舒服✅ 可以BYO,開瓶費100蚊一枝 (但有陣會有特價，老闆最平收過我5折）➡️餐廳有得叫汽水同啤酒➡️切餅費$100(如雪糕蛋糕收$150) 🤷🏻‍♀️雖然好多地方都會收切餅費，但老老實實講，由細到大都唔明洗幾隻碗要幾錢，所以實在唔明點解要收切餅費。 🌚我覺得發明切餅費的人好孤寒😂我地一行八人，當時係有限聚令，所以比左間房我地。之前我去都係一家人去，大約14人。所以3次都有房。👏🏻 有私人空間，舒適環境傾計真係好重要 💬食材黎講係真心有水準👍🏻😋 餐廳有好多餐單可以擇，唔食牛ge關係擇左lee個餐，介紹下最好食個幾款。頭盤 ～ 帶子刺身，醉滷鮮鮑魚，同埋一啲素食。主菜～新鮮胡椒老虎大蝦！胡椒香噴噴，不得了簡直😌飲湯好足料,淮山杞子燉螺頭雞腳湯。好好飲！醉雞好入味， 重花雕味Gogogo give it a try la!

這是我其中一間喜愛中餐私房菜，今次已經第二次到訪，因為我喜歡地方寬闊，好似屋企客廳一樣，有張大 Sofa, 又有好多 cushion, 又可以盡情傾計, 又可以對住海景進餐😋我通常食佐兩次之後先至會寫食評📝要試清楚間餐廳水準是否穩定🤔真的無另我失望，第一次嚟，第一啖湯及第一啖品嘗小食，感覺已經非一般食肆或酒樓😋做中菜館，真係食材好重要，一定要新鮮🍅今晚有中蝦🦐有雞🐔仲有兩斤半沙巴躉🐟 蒸魚真的好考師傅，我爸爸是一位出名 百彈齋主 及嘴刁人仕😑最後我爸爸話今晚 餸菜很新鮮😋師傅一流👍所以我都覺得鄧師傅可以媲美🌠⭐🌟

地方需然係商廈，但地方相當易搵，樓層夠高，有海景相伴，裝修寧靜幽美舒坦，我地點了一圍餐，全美食相當不錯，四小碟需不是特別美味，但也有水準，湯清甜不膩用料足夠，松草花蒸魚入口小甜帶些甘，魚肉嫩滑可口，蝦多士金黃爽脆有咬好而不油膩，芝麻雞皮脆肉軟，櫻花蝦仔淮山麵非常美味，以最後甜品也十分精緻。

這裏地方不大，但食物質素非常好，很美味，而且食得出厨師用心制作每一菜式。而且布置簡單整潔。朋友飯聚非常舒適。更加適合公司飯局。但一定要提前訂位，非常好食啲私房菜。

朋友請食生日飯，想食私房菜，其他朋友介紹下去咗呢間，本來睇google map搵嚇死我，因爲顯示好似離個地鐵站好遠咁，但店員send個指示黎，跟住指示非常清晰，幾乎由地鐵站3分鐘就行到去首次一入去格局非常企理靚仔，間咗兩個獨立房間，我地仨係其中一間。我地沿枱坐，仲有一大片空間係擺咗張好舒服嘅梳化同幾張櫈，朋友們可坐果度傾吓計。每道食物睇得出係精心炮整！冰鎮荔枝蕃茄係甜的！黑松露帶子好香！壇香骨夠林又香！安格斯牛枊好新鮮！紫薯糯米滋個皮超滑！又同老闆娘傾咗陣計，勁friendly!極級推薦！下次朋友聚會一定要再去！老闆娘表示6pm去睇到海景最perfect!有得包場！

由此一直很忙沒時間寫這裡的食評，但不得不讚讚食物的水準所以今天晚上一有空就補發了當初選這個地方是因為有很漂亮的海景~~天黑前來到還有翠綠的公園景呢~~附近還有停車場很方便，如用whats app聯繫店家還會發很仔細的停車場資訊非常細心體貼當天訂了氣球佈置場地，但只送到地下，因未到達不能收件，拜訪餐廳找人下去代收，幸好他們願意還立即趕下樓真的超級感謝！！最重要是食物水準質素很高，食物有鑊氣又入味，素菜口味清淡，整體感覺健康不會過油膩。甜品要求很高的我覺得這焦糖燉蛋真的超好吃，比較起很多地方這個超高水準。食物菜單多元化多選擇，是聚餐好地方

以前食過覺得味道ok，今次母親節諗住帶屋企人去試下，都因為母親節係大節日，一早打左電話做3位booking，但之後竟然無左我個booking，咁我諗住book翻就算啦，點知佢先話4位起先俾book......我表明之前預訂果時無講過架喎，佢就問邊位同事幫我落訂，聽電話得佢一個，佢一定會講4位起，仲話我打錯電話，期間禮貌超差。作為一間私房菜嘅食肆，咁嘅態度真係好應該加倍改善下!!!!!一間食肆嘅員工態度咁差，d食物幾好味都無用囉，完全唔出得大場面。

冬至同好朋友做節發現新天地環境舒適服務很好菜式清爽味道上佳價錢合理地點方便我還要再忍受 / 食個半鐘頭圍 / 早三日落訂 / 背脊貼住隔離枱個男人 / 味精多過鹽 / 個獻汁杰過牙膏 / 亞姐喝住你食快啲因為一晚做兩輪 / 的過節套餐嗎?#謝謝好朋友 #一齊做節是種緣分#身心腸胃沒有負擔的一餐#厭倦了外面酒樓膚淺的辣、沒層次的鹹、毫無性格的甜和不思進取的酸!!!#玫瑰洛神花手工甜點好吃得會叫#受不了味精的我如獲至寶， 佢連雞粉都唔落!!!

地方在商業大廈內，擁有無敵海景。房間清雅舒適，可以同朋友一邊享受食物一邊暢談。食物質素高。最喜歡包括蒜泥白肉卷，燉湯，炸軟殻蟹。我地改了炆米做生炒糯米飯，這個決定明智，非常好味。而甜品係烙神花糕，全晚食物非常好味。由於人數多出原先預定，飯店主廚亦相當幫忙，臨時加餸。我們一行16人，食飽後還可以在房中的梳化區傾談。所以是私人聚餐既好地方！至於飯店位置亦方便，在西營盤地鐵站A出口，過馬路就到，唔使左轉右轉了。

一直想嚟試下菜，今次終於夠人數,十一個人嚟食翻餐精緻中菜。頭盤十分吸引，五小碟，有送酒一流嘅炸鱔同鴨舌，不消一會已經吃完。杏汁豬肺湯，蒸魚頭，花甲，各款菜式都很讚。地點雖然遠了一點，但餐廳裝潢很好，空間感夠，座位舒適。適合一班好友聚餐。

前排老闆請食飯一向識飲識食既佢，揀左間未試過既私房菜形式小店試新野，menu 老闆一早叫秘書係10幾樣菜單中選定，我地只需要準時去到飲飲食食，正！嘩，好靚wo, 一面係海景，地方唔大，當晚有兩檯客，中間間左隔板，如果成場包晒就最happy!頭盤最好味就係個半熟既刺身帶子，大大隻夠晒入味。之後上個杏汁豬肺湯，好香杏汁味，好正！椰青蛋白魚卷呢，都ok, 但就飽左d, 而我本身就唔算非常好燉蛋，但佢味道都係好好既。成餐飯最驚喜就係個壇香骨，其實就似東坡肉，有個厚厚既肥豬肉，但入口即溶，再怕肥都要食呀！焗馬介休都係好味道，上面有香濃芝士，不過食晒就幾飽下。炒飯其實都好好食架，上面有蝦子，飯入面又有蝦仁炒，仲非常香口tim, 不過真係太飽食唔落啦！甜品就淺嘗啦唔講唔覺佢睇落似細細碟，上菜食下食下真係好飽肚喎，絕對唔怕份量唔夠食。 服務同環境都很不錯，只收現金，價錢我就唔太清楚（有人請客嘛), 只知道係矜貴路線，宴客真係一流

年近歲晚，團年飯局正式開鑼，首場飯局設宴於上環月 • 善。選擇月 • 善的原因很簡單，地點方便，用餐環境整潔舒適，食品質素亦相當不俗。今趟一行近 40 人，人數超越餐廳建議的上限 ( 30 人最佳)，擺位可能會擠迫一點。對於細周生及魚仔而言，座處擠迫與否一點也不重要，最要緊還是保留梳化位置供他們玩樂。一如以往，是晚餐單早已訂定。這份 $4,480 的餐單，內含十道菜，供 10 至 12 人享用，免茶芥加一，並只收現金。餐廳基本上按人頭收費，大小同價，如有小朋友同行，建議先和餐廳溝通確認人數。墨魚蟹籽牛油果沙律以青瓜絲、紅蘿蔔絲、牛油果絲等製成，面上放上墨魚及蟹籽作點綴，食感清爽，醬汁味道調較理想。碧綠炒帆立貝最美味的不在帆立貝本身，而是混雜其中的雙蔥，成功引出一份惹味的甜香。非洲海底椰雙雪燉展肉是整晚最美味的菜餚，湯料足，湯汁敦厚清潤，味甜可口。翡翠炒斑球選材肉厚，份量豐足，連皮近邊位置尤其肥美。調味方面，可考慮調輕一點，以更突出魚肉的鮮味。九層塔是常見的香草用料，又稱羅勒，小小份量已相當足味。這碟九層塔蝦，炒煮得可口富風味，蝦隻用料新鮮。平日的斑頭腩菜式，普遍有骨多肉少的情況，對於嗜

上回到訪月·善得到不俗的回響，適逢最近要選址為家人慶生，決定再次到訪享用一頓特色私房菜。 和上次一樣，餐單早已訂定，人齊便可開飯喇！今回的頭盤是富滬菜特色的四小碟，分別是陳醋雲耳、無錫素鱔、鎮江肴肉及糖醋小排骨。陳醋雲耳食味酸爽醒胃，是合適的開胃前菜。無錫素鱔以冬菇絲作主要食材炸香上碟，雖賣相有點似鱔條，但食味則不相像。其實這也不要緊，最緊要美味可口，素鱔的甜脆食味筆者挺滿意。鎮江肴肉製作密度高，味道合預期。糖醋小排骨調味 OK ，但肉質稍稍實了一點。湯品無花果蘋果南北杏燉展肉，選材十分滋潤，不論無花果或蘋果皆很甜美。因湯料足及夠火候，湯汁當然敦厚甜潤，是秋日合意之選。麻香燒汁焗大蝦選材足有八至九寸，味甜肉實，蝦頭蝦羔豐碩。菜色用上的醬汁富和式風味，口味帶甜。相比上回吃的鮮胡椒蒜片大蝦，筆者還是喜愛胡椒蒜片汁多一點。椰青蛋白魚卷是甚富水準的作品，魚卷雖以沙巴躉入饌，口感仍然十分嫩滑，魚香清甜。卷中引入一小段翠綠露筍，亦為白滑魚卷多添一份顏色及口感。魚卷下方的蒸蛋白甚有彈性，滑度亦足，更驚喜的是添上的椰青汁，椰香清幽泛甜，和蒸蛋味道十分匹配，值得推介。冬蔭功煮花甲是富泰菜風味的美食，花甲

追月夜和家人吃晚飯，家人選定了一間中式私房菜，地點在一西營盤商廈。店內裝潢雅緻舒適，整潔光猛。一個四正的大廳用上磨砂玻璃間牆作分隔，間出兩個獨立房供兩枱食客使用。若推開玻璃間牆，整個用餐區最多可容納三張大圓桌，包場聚餐絶對可以考慮。在濶落的圓餐桌旁設有梳化小茶几，可供入席前閒座暢聚，對出望向維港美景，一樂也！對於家中細細，兩張小梳化頓時變成玩樂小天地，玩得不亦樂乎。對於店方而言則實在有點不好意思，地方或多或少弄得有點混亂！因家人早已和店方擬定餐單，人齊入座便可乖乖等待一眾佳餚美餚。第一道來的是一碟前菜拼盤，以三款美食拼奏而成，分別是冰鎭荔枝蕃茄、輕煎北海道刺身帶子伴黑松露醬及砵酒焗生蠔。冰鎭荔枝蕃茄是一道十分清新醒胃的菜式，以荔枝汁冰鎭浸泡小蕃茄，食感清涼，小蕃茄本身已是清甜多汁，沾滿荔枝精華後更發放出一般獨特清香。因小蕃茄保留原始外型，吃前腦袋已預設應有的味道，當實際味覺與預期有所落差時，感覺更有驚喜及新鮮感！輕煎北海道刺身帶子伴黑松露醬所用上的帶子很肉厚大隻，鮮甜味道十足。因選材是刺身級別，熟度方面可以更為進取，以「輕煎」取其肉嫩。帶子面上留有少許黑松露醬，菌香芬芳到位的同時又不會