越興園越南菜館 (Moved) New Location

海鮮金邊粉：好正丫，金邊粉炒得又香夠晒獲氣，配料都ok，最欣賞佢既味道，與海鮮相配，十分相配。又夠晒份量，飽晒！香茅豬扒飯：香茅味道還可，豬扒不肥不瘦，味道夠喉，不錯！凍檸茶：就覺得甜左少少凍咖啡：濃爆！

好夜同X想坐低食d野就入左黎.講真.如果你想坐得舒服既話.依度1定唔啱你.因為佢地d枱好細又好迫.叫左香茅雞翼同燒豬頸肉.個雞翼好好味wo!!!個皮煎得脆不特至.d肉又好滑.1碟6隻真係差d唔夠食!!!值得1試!豬頸肉就1般啦.但佢起碼真係豬頸肉.有d舖頭搵d肉片就當豬頸肉嫁啦!個醬有d似泰式辣醬.

今日返學前仲可以食到一個下午茶當晚飯，叫左個下午茶係豬扒撈檬加凍檸茶。豬扒撈檬都幾好味，個汁唔錯，夠味道，豬扒不過不失；凍檸茶係用青檸仔，都係港式好飲啲！服務員得兩到三個，唔夠人用，個個論論盡盡咁，餐牌又唔夠，其實每張檯一個餐牌係必要架啦，何必咁慳呢？雖然係下午茶，但都要$31蚊，幾貴！

旺角有幾間越興園,今次經過豉油街店,入內試試生牛肉河味道一般,湯底比較淡,沒有太重的香料味道,不過溫度都夠,起碼可以浸熟d牛肉!可是味道太單調,水準似乎不夠啊!如果作為填肚的食物,又不算太難食,但只是兩個字"一般"!春卷皮不夠脆,魚露汁都不是好味,用生菜包嚟食但係好像沒有了越南的風味,他們的魚露咸了一點,甜同酸都不夠!開在旺區,方便大家吃一餐,但期望不要太高!

睇完赤壁已十時多，本想吃半價壽司，但非常多人，於是放棄，去女人街那邊隨意找一間吃夜宵。見這裡沒太多人，於是入去，因為太夜，兩個人只叫了一碗豬扒湯檬和三串雞肉串燒。一字既之曰：「咸！」雞肉串燒的雞肉本身是不太熱，但不咸，不過沙嗲汁就補充了咸味，可惜過了火，吃完狂飲水；而豬扒湯檬的豬扒亦好咸，香茅豬扒不是鹽燒豬扒啊！檬粉與湯底就正常，因為沒有技巧可言。除了食物，我要提一提它的衛生，四周地面十分骯髒，而且獨立的木筷子是發霉的，打開時嚇一跳，跟住胃口無晒，換了兩次才沒霉。又不好味，又不衛生，一定沒下次。

$29 SET LUNCH 叫左 金邊粉同埋橙定唔知檬汁炸雞飯仲要包野飲WO!幾好入到去係就係迫左D,但係,冇辦法喇唔會要求咁多- 金邊粉 - 冇咩味唔建議大家去呢間食金邊粉因為真係唔係最好味既囉- 炸雞- 好滑呀入面!!!!!出面又脆 好食好食!加汁之後仲正大大份好抵食 我完全食唔哂囉仲有2杯野杯都唔差好過想像中 *V*

同友人去旺角買野,其實我們都甚少去旺角,太多人了,隨便搵間開飯,見到此店好似幾出名,又想食撈檬,(本人是撈檬怪), 便排隊取飛,都好多人,位置又逼,每人各自叫了扎肉及3絲撈檬,春卷,2特飲,首先來的是撈檬($32),看見有煙出,心想是雪到出煙,定係熱到出煙呢,未落汁前試一口,熱的,我未試過食熱的撈檬,加了汁後好一點,暖暖的!唔掂呀!春卷普通,附上的生菜新鮮,特飲的名稱忘記了,五顏六色,味道一般!回家後,勁口渴!

上次學校放早，同同學入去試下試完，無下次！！見到侍應黑晒面仲點食？！咁我地每人點一個粉餐！原本都無野嫁，但可能我地食得慢掛總之侍應隔一陣就埋黎問你食完未，想收碗/杯唔該，我食緊你過黎問我，係咪想唔做生意丫？仲要唔止一次到後尾飲野個陣又係不斷埋黎問飲完未，仲要唔要等等我後尾係咪都話未飲完但其實門口無人等位嫁喎我真係唔明咩做法就算食物叫做唔錯，都唔洗趕客咁嫁！！！以後唔會再去！！

睇完食評後, 今天決定去開旺角去呢間越南菜館試下:我同老公二人叫一個菠蘿炒飯,一個咖喱豬扒煲跟蒜蓉包, 一個豬頸肉, 一個炸尤魚圈.首先間店好細,二人枱好細,祇可以放兩碟野,住與位之間好狹窄,次次待應端菜經過我都會側身,驚佢地的餸汁倒在我身上.最先來的咖喱豬扒煲,食了一塊豬扒,我的第一個反應是:好咸.咖喱一點辣味都沒有,蒜蓉包要扯住要食的,因為完全唔脆, 呢樣餸完全失望.跟住來的豬頸肉反而不錯,我食了不少;再來的菠蘿炒飯,炒得好幹身,但一d都唔香,好失敗;催完之後上的尤魚圈都不錯,,炸粉簿簿的,點些少附上的汁,好快就食完一件.總體而言, 我不會再去這間菜館了註:我坐下倒了杯茶俾我,但一直都沒有人添水!

前幾天下班時，決定跟女友到旺角吃晚飯，她說想吃一點開胃的食物，我便想到了越南的檬粉，而搜尋之下就選了這間常常經過但從沒進去的店- 越興園本來我訂了七時入座的，但到達時才不過六時45分，看到店內只有數檯的客人，也就沒有提及訂了位便進去了。店內塵位尚可，但檯與檯之間的空間頗少，有點過窄。看過菜牌後，點了:香茅豬扒檬粉、越式拼盤、香酥雞球蟹肉炒飯和蒜容包先上的是豬扒檬粉，檬粉味道一般，豬扒算入味和頗淋。再來就是拼盤，內有春卷(連生菜)、扎肉、蝦餅(蝦片上有一點點肉的那種)和兩串豬肉串燒拼盤內較有特色的是春卷了，因為它炸外脆而不乾，餡料正常，口感脆脆的比一般炸得過乾而變成太煙韌。蒜容包吃下去時好像有點放了太久而讓包子吸收了過多的水份變得淋了，味道尚可，蒜容牛油頗香。最後上菜的(怎麼又是我的最後才上= =)是香酥雞蟹肉炒飯。炒飯乾身但吃不到蟹肉的鮮味，而值得留意的是在旁的香酥雞，他們真的做到了香和酥的口感，配上那個酸甜醬，增加了不少食慾。至於有食家提到的服務問題，我想是那位常黑著臉的男侍應吧。不過其他的侍應在於反應及態度上，算是不過不失的。總捨來說，此店可列入可嘗試食店之內，最好的入座時間是在6

經常尋找越南菜價錢比想像中貴但質素也比想像中高環境我們幸運地坐了卡位否則坐其他位會好迫好迫服務非常一般食物spring roll:不錯, 推介!!!生牛河k, 但湯底不太突出推介旺角的NuocMum好味好多而且湯底一流牛油雞翼:差差差差差差太乾身推介CWB的清亭燕萍那裡的牛油雞翼一試難忘

今日星期六都有午餐供應,價錢合理,味道也不錯!我同朋友每人叫了一個餐,一個豬排撈朦餐,一個咖哩牛腩飯餐,加2杯青檸梳打,埋單$74。豬排撈朦餐一般貨式,沒有特別。反而咖哩牛腩d汁真係幾好味,牛腩又夠諗,d汁又夠香,用來撈朦粉我覺得好好味!

與女友到了這裡食晚飯,食了兩樣野, 因為點錯了,所以兩樣都是咖哩,味道, 真的一般, 但個包就真的不錯.結帳時覺得真的有點貴.

幾好丫，有得俾你揀搭唔搭檯，我地食左通菜，沙o爹牛仔骨，炒蜆，都可接受，係o的蜆有沙同咸左少少，我地要叫白飯送，食濃味既都應該鐘意。環境就梗係會逼o的同冇咁乾淨架喇，呢度要扣少少分~

大肚女侍應態度極奇差，將可樂倒到我成身都係！重要口黑面黑，講對唔住勁晦氣！我下半身濕哂，佢地咩都冇做過，叫佢地賠番錢俾我，因為我所有衫，褲，鞋、袋、銀包，under，都濕哂。但佢地話我過分，話我冇道理，出言誣辱！所以，大家如果要光顧，帶多套衫以防萬一！